Isaias 4
4
1Kon mag-abot ina nga tion, ang pito ka mga babayi magaagaway sang isa ka lalaki kag magasiling, “Makasagod kami sang amon kaugalingon kag makabakal sang amon kaugalingon nga bayu, pero kon mahimo manginbana namon ikaw, agod indi na kami magkahuya nga wala kami sang bana.”
Ang Jerusalem Pauswagon Liwat
2Ang tion magaabot nga ang tagsa ka tanom kag kahoy sa duta padakuon kag patahumon sang Ginoo. Ang tanan nga mga tawo sang Israel nga mabilin magapabugal kag magakalipay sa mga patubas sang duta. 3Ang tagsatagsa nga mabilin sa Jerusalem nga ginpili sang Dios nga mabuhi pagatawgon nga balaan. 4Paagi sa iya gahom ang Ginoo magahukom kag magapaputli sang pungsod kag magahugas sang sala sang Jerusalem kag sang dugo nga ginpaagay didto. 5Dayon#Exo. 13:21; 24:16. sa ibabaw sang Bukid sang Sion, kag sa ibabaw sang tanan nga nagtipon didto, ang Ginoo magapadala sing panganod kon adlaw, kag kon gab-i aso kag nagadabdab nga kalayo. Ang himaya sang Dios magalikop kag magaapin sang bug-os nga siudad. 6Ang iya himaya magahandong sang siudad gikan sa init sang adlaw, kag himuon ini nga isa ka lugar nga hilway sa katalagman, kag palanaguan sa ulan kag bagyo.
Currently Selected:
Isaias 4: MBBHIL12
Highlight
Share
Compare
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
