Isaias 15
15
Ang Dios Magalaglag sang Moab
1Amo#Isa. 25:10-12; Jer. 48:1-47; Ezeq. 25:8-11; Amos 2:1-3; Sof. 2:8-11. ini ang mensahe nahanungod sa Moab.
Ang mga siudad sang Ar kag Kir ginlaglag sa isa lang ka gab-i, kag wala sing tinimoktimok sa bug-os nga duta sang Moab. 2Ang mga tawo sang Dibon nagtaklad sa bakulod sa paghaya sa altar. Ang mga tawo sang Moab magapanalambiton sa kasubo sa mga siudad sang Nebo kag Medeba, ginkiskisan nila ang ila mga ulo kag ginbarbasan nila ang ila bungot sa kasubo. 3Ang mga tawo sa mga dalan nagabayo sang sako, sa mga plasa sang siudad kag sa mga atop sang balay ang mga tawo nagalalaw kag nagahinibi. 4Ang mga tawo sang Hesbon kag Eleale nagasinggit, kag mabatian ini tubtob sa Jahaz. Bisan ang mga soldado nagakurog, kay nadulaan sila sing kaisog. 5Ang akon tagipusoon nagapangasubo tungod sa Moab! Ang mga tawo nagpalagyo pakadto sa banwa sang Zoar kag sa Eglat-selisiya. Ang iban nagtaklad sa alagyan pakadto sa Luhit, nga nagahibi samtang nagataklad, ang iban nagpalagyo sa Horonaim nga nagagurahab. 6Ang Sapa sang Nimrim nahubsan kag ang hilamon sa kilid sini nalaya, kag wala gid sing tanom nga buhi nga nabilin. 7Ang mga tawo nagtabok sa sapa nga madamo sang mga kahoy nga sawse, kag nagatinguha sila sa pagpalagyo nga dala ang ila mga pagkabutang. 8Bisan diin sa mga dulonan sang Moab mabatian ang mga sininggit. Mabatian ini sa mga banwa sang Eglaim kag Beerelim. 9Sa banwa sang Dibon ang suba nagapula tungod sang dugo, kag ang Dios may ginatigana nga sobra pa kalain para sa mga tawo didto. Pat-od gid nga may magaagay nga dugo tungod sa pagpamatay sang tagsatagsa nga mabilin sa Moab.
Currently Selected:
Isaias 15: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
