Mga Hebreo 1

Ang Pulong sang Dios paagi sa Iya Anak

1Sang una nga panahon ang Dios naghambal sa aton mga katigulangan paagi sa mga propeta sa madamo nga mga beses kag sa nanarisari nga mga paagi. 2Pero#Klm. Sol. 7:22. sa sining ulihi nga mga inadlaw naghambal sia sa aton paagi sa iya Anak. Paagi sa iya gintuga sang Dios ang bug-os nga kalibutan, kag sia man ang ginpili sang Dios nga manginmanunubli sang tanan nga mga butang sa katapusan. 3Sia#Klm. Sol. 7:25-26; 8:1. ang nagapakita kon daw ano ka makatilingala ang Dios, kag sia ang matuod nga laragway sang kinaugali sang Dios. Ginapadayon niya ang tanan nga butang sa sining kalibutan paagi sa iya gamhanan nga pulong. Sang mapatawad niya ang mga tawo sang ila mga sala, nagpungko sia sa tuo sang Dios nga Labing Gamhanan didto sa langit.

Ang Anak Labaw pa sang sa mga Anghel

4Ang Anak nanginlabaw pa sang sa mga anghel, subong nga ang ngalan nga ginhatag sang Dios sa iya labaw pa sang sa ila mga ngalan. 5Kay#Sal. 2:7; 2 Sam. 7:14; 1 Cron. 17:13. ang Dios wala gid magsiling sa bisan isa sang iya mga anghel:

“Ikaw ang akon Anak,

karon nga adlaw ako nangin-imo Amay.”

Kag wala man sing anghel nga ginsingganan sang Dios:

“Ako mangin-iya Amay,

kag sia mangin-akon Anak.”

6Pero#Deut. 32:43 (LXX). sang buot na ipadala sang Dios ang iya panganay nga Anak sa kalibutan, nagsiling sia:

“Ang tanan nga mga anghel sang Dios dapat magsimba sa iya.”

7Amo#Sal. 104:4 (LXX). ini ang ginsiling sang Dios nahanungod sa mga anghel:

“Ginahimo sang Dios ang iya mga anghel subong sang mga hangin

kag ginahimo niya ang iya mga alagad subong sang mga dabdab sang kalayo.”

8Pero#Sal. 45:6-7. ang Dios nagsiling nahanungod sa Anak:

“Ang imo ginharian, O Dios, wala sing katapusan!#1:8 Ang imo ginharian, O Dios, wala sing katapusan: ukonAng Dios ang imo ginharian.

Nagagahom ka sing matarong sa imo#1:8 imo: Ang iban nga mga manuskrito mayiya. ginharian.

9Ginahigugma mo ang katarungan kag ginadumtan ang kalautan

gani nga ang Dios, ang imo Dios, nagpili sa imo

kag naghatag sa imo sing kalipay sang kadungganan nga labaw pa

sang sa ginhatag niya sa imo mga kaupdanan.”

10Nagsiling#Sal. 102:25-27 (LXX). man sia:

“Ikaw, O Ginoo, ang nagtuga sang duta sa ginsugoran

kag ang imo mga kamot amo gid ang naghimo sang mga kalangitan.

11Sila tanan mawala, pero ikaw magapadayon,

magadaan sila subong sang mga bayu.

12Pagapiuron mo sila subong sang kunop,

kag pagailisan sila subong sang mga bayu.

Pero ikaw amo man sa gihapon,

kag wala sing katapusan ang imo kabuhi.”

13Ang#Sal. 110:1. Dios wala gid magsiling sa bisan isa sang iya mga anghel:

“Pungko ka sa akon tuo,

tubtob mahimo ko ang imo mga kaaway

nga tulongtungan sang imo mga tiil.”

14Gani,#Tob. 12:14-15. ano gid bala ang mga anghel? Sila mga espiritu nga nagaalagad sa Dios, kag ginapadala niya sa pagbulig sa mga magabaton sang kaluwasan.

Currently Selected:

Mga Hebreo 1: MBBHIL12

Highlight

Copy

Compare