Habakuk 2
2
Ang Ginoo Nagsabat Liwat kay Habakuk
1Magasaka ako sa akon tore nga balantayan, kag hulaton ko kag tan-awon kon ano ang isiling sang Ginoo sa akon, kag kon ano ang iya#2:1 Ang isa ka dumaan nga pagbadbadiya; sa Hebreoakon. isabat sa akon reklamo.
2Amo ini ang ginhatag nga sabat sang Ginoo sa akon: “Isulat sing maathag sa mga lapida nga bato ang akon ipahayag sa imo, agod nga sa isa lang ka pagtan-aw mabasahan ini. 3Isulat#Heb. 10:37. ini, tungod kay indi pa tion nga matuman ini. Pero ang tion magaabot sa indi madugay, kag ang ginapahayag ko sa imo matuman. Ayhan daw madugay ini mag-abot, pero hulata ini kay matuman gid ini, kag indi na ini magdugay. 4Kag#Rom. 1:17; Gal. 3:11; Heb. 10:38. amo ini ang mensahe: ‘Ang malaut indi mabuhi, pero ang matarong magakabuhi kay matutom sila sa Dios.’”
Ang Di-matarong Pagahukman
5Ang manggad indi masaligan. Ang dalok nga mga tawo bugalon kag wala nagapahimuyong, kaangay sila sang kamatayon nga wala nagakabusog. Amo ini ang kabangdanan nga nagapang-agaw sila sing mga pungsod para sa ila kaugalingon. 6Ang naagaw nga mga tawo magayaguta kag nagakadlaw sang mga nag-agaw sa ila. Magasiling sila, “Ginakuha ninyo ang indi inyo, pero tapos gid kamo! Tubtob san-o ang inyo pagmanggad paagi sa pagdaya sa ila nga nakautang sa inyo sing kwarta?”
7Pero sa wala pa ninyo mahibaloi ini, kamo nga nag-agaw sang iban mautangan man kag mapilitan kamo sa pagbayad sing saka. Ang mga kaaway magaabot kag magapakurog sa inyo. Agawon nila ang inyo mga pagkabutang! 8Tungod kay gin-agaw ninyo ang pagkabutang sang katawhan sang madamo nga mga pungsod, karon ang mga nabilin nga buhi magaagaw man sang inyo mga pagkabutang, tungod sang mga pagpamatay nga inyo nahimo kag sang inyo pagpamintas sa mga tawo sang kalibutan kag sang mga siudad sini.#2:8 sa mga tawo…siudad sini: ukonsa duta, sa siudad kag mga nagaestar sini.
9Tapos gid kamo! Nagmanggaranon ang inyo panimalay paagi sa palugos, kag nagtinguha kamo nga ang inyo panimalay mahilayo sa kahalitan kag sa katalagman! 10Pero ang inyo mga padugi nagdala sing kahuloy-an sa inyo panimalay, sa inyo paglaglag sang mga pungsod nagdala kamo sing kalaglagan sa inyo kaugalingon. 11Bisan ang mga bato sang mga pader nagasinggit batok sa inyo, kag ang mga pagbo nagalanog sang ila singgit.
12Tapos gid kamo! Nagpatindog kamo sang siudad paagi sa mga kalautan kag pagpamatay. 13Ang#Sir. 14:19. mga pungsod nga inyo gin-agaw nagpangabudlay sing pataypatay sa wala sing pulos, kay ang tanan nga ginpatindog nila nasunog man lang. Ang Ginoo sang mga hangaway amo ang naghimo sini. 14Pero#Isa. 11:9. ang duta mapuno sing mga tawo nga nagakilala kag nagapasidungog sa Ginoo subong nga ang mga kadagatan puno sing tubig.
15Tapos gid kamo! Sa inyo kaakig ginpakanubo kag ginpakahuy-an ninyo ang inyo mga kaingod. Ginpadulingduling ninyo sila subong nga daw hubog sila. 16Kamo man mapun-an sing kahuloy-an sa baylo sang kadungganan. Kamo mismo magainom kag magadulingduling. Ang Ginoo magasilot sa inyo sang tama gid, kag ang inyo kadungganan pagabayluhan sang kahuloy-an. 17Ginpanapas ninyo ang mga kahoy sa Libano, karon kamo ang pagatapson. Ginpamatay ninyo ang iya mga kasapatan, karon ang mga kasapatan pagakahadlukan ninyo. Matabo ini tungod sang mga pagpamatay nga inyo ginhimo kag tungod sang inyo pagpamintas sa mga tawo sang kalibutan kag sa mga siudad sini.#2:17 sa mga tawo…siudad sini; ukonsa duta, sa siudad kag mga nagaestar sini.
18Ano ang pulos sang diosdios? Ginhimo lamang ini sang mga tawo, kag wala ini sing ginasiling sa imo kundi kabutigan. Ano ang pulos nga ang nagbuhat sa iya magsalig sa iya? Isa ka diosdios nga indi gani makahambal! 19Tapos gid kamo! Nagasiling kamo sa isa ka kahoy, “Mata na!” ukon sa isa ka bato, “Bangon na!” May mapahayag bala ang isa ka diosdios? Ayhan nahaklapan ini sang pilak kag bulawan, pero wala ini sing kabuhi.
20Ang Ginoo yara sa iya balaan nga Templo, maghipos ang tanan sa bug-os nga duta sa iya presensya.
Currently Selected:
Habakuk 2: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
