Ezequiel 35
35
Ang Silot sang Dios sa Edom
1Ang#Isa. 34:5-17; 63:1-6; Jer. 49:7-22; Ezeq. 25:12-14; Amos 1:11-12; Abd. 1-14; Mal. 1:2-5. Ginoo naghambal sa akon, 2“Tawo nga mamalatyon, pakamalauta ang pungsod sang Edom. 3Singgana ang mga tawo nga ako, ang Ginoo nga Gamhanan, nagasiling:
“O Bukid sang Edom, ako ang imo kaaway!
Himuon ko ikaw nga mamingaw nga desierto.
4Panggub-on ko ang imo mga siudad
kag ang imo duta manginmamingaw,
dayon makilala mo nga ako amo ang Ginoo.
5“Ikaw pirme ang kaaway sang Israel, kag ginapapatay mo ang iya mga tawo sa tion sang kalalat-an, sa tion sang katapusan nga silot sang ila mga sala. 6Gani, karon, samtang ako, ang Ginoo nga Gamhanan, ang Dios nga buhi, ang kamatayon amo ang imo maabutan kag indi ikaw makapalagyo. Nakasala ikaw sa#35:6 Ang isa ka dumaan nga pagbadbadNakasala ikaw sa; sa HebreoGinakaakigan mo ang. pagpatay kag ikaw pagapatyon man. 7Himuon ko ang kabakuloran sang Edom nga desierto kag pamatyon ang tagsatagsa nga nagaagi sa sini. 8Pun-on ko ang mga kabukiran sang mga bangkay, kag ang mga bangkay sang mga nagkalamatay sa inaway magalalapta sa mga kabakuloran kag mga kapatagan. 9Himuon ko ikaw nga mamingaw sa walay katapusan, kag wala sing magaestar liwat sa imo mga siudad. Dayon makilala mo nga ako amo ang Ginoo.
10“Nagsiling ka nga ang duha ka pungsod, ang Juda kag Israel, kag ang ila mga duta imo kag imo ini panag-iyahan, bisan ako, ang Ginoo, amo ang ila Dios. 11Gani, subong ako, ang Ginoo nga Gamhanan, amo ang Dios nga buhi, balusan ko ang imo kaakig, kahisa, kag dumot batok sa akon mga tawo. Mahibal-an nila nga ako nagasilot sa imo tungod sang imo ginhimo sa ila. 12Dayon mahibal-an mo nga ako, ang Ginoo, nakabati sang imo paghikay nga ang mga kabukiran sang Israel mamingaw, kag imo ini halunhonon. 13Nabatian ko ang imo binuang kag hinambog nga paghambal batok sa akon.”
14Ang Ginoo nga Gamhanan nagasiling, “Himuon ko ikaw nga tama kamingaw sa bagay nga ang bug-os nga kalibutan magakalipay sa imo pagkapukan, 15subong sang imo pagkalipay sang pagkalaglag sang Israel, ang akon ginapanag-iyahan. Ang mga kabukiran sang Seir kag ang tanan nga kadutaan sang Edom manginmamingaw. Dayon makilala sang tanan nga ako amo ang Ginoo.”
Currently Selected:
Ezequiel 35: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
