Ezequiel 25
25
Ang Tagna batok sa Amon
1Ang#Jer. 49:1-6; Ezeq. 21:28-32; Amos 1:13-15; Sof. 2:8-11. Ginoo naghambal sa akon, 2“Tawo nga mamalatyon, pakamalauta ang pungsod sang Amon. 3Singgana sila nga pamatian nila ang akon ginasiling, ako, ang Ginoo nga Gamhanan: Nalipay kamo nga nakita ninyo ang akon Templo nga ginpasipalahan, nga ang duta sang Israel nalaglag, kag ang mga tawo sang Juda ginbihag. 4Tungod kay nalipay kamo, ipalutos ko kamo sa mga tribo halin sa sidlangan nga desierto. Magahimo sila sang ila mga kampo sa inyo pungsod kag magaestar didto. Magakaon sila sang inyo mga patubas kag magainom sang inyo mga gatas. 5Himuon ko ang siudad sang Raba nga toril sang mga kamelyo, kag ang bug-os nga pungsod sang Amon nga toril sang mga karnero, agod makilala ninyo nga ako amo ang Ginoo.
6“Amo ini ang ginasiling sang Ginoo nga Gamhanan: Nagpamalakpak kamo kag nagtumbo sa kalipay. Gintamay ninyo ang duta sang Israel. 7Tungod sini, itugyan ko kamo sa iban nga mga kapungsoran nga amo ang magakuha sang inyo mga pagkabutang. Laglagon ko kamo sing bug-os agod indi na kamo mangin-isa ka pungsod kag wala na kamo sing inyo kaugalingon nga duta. Dayon makilala ninyo nga ako amo ang Ginoo.”
Ang Tagna batok sa Moab
8Ang#Isa. 15:1–16:14; 25:1-12; Jer. 48:1-47; Amos 2:1-3; Sof. 2:8-11. Ginoo nga Gamhanan nagsiling, “Tungod kay ang Moab#25:8 Ang iban nga dumaan nga mga pagbadbadMoab; sa HebreoMoab kag Seir. nagsiling nga ang Juda kaangay sang iban nga mga kapungsoran, 9ipasalakay ko ang mga siudad nga nagaapin sang dulonan sang Moab lakip ang pinakaali nga mga siudad—ang Bet-hesimot, ang Baal-meon, kag ang Kiryataim. 10Ipalutos ko ang Moab lakip ang Amon sa mga tribo halin sa sidlangan nga desierto agod ang Moab#25:10 Moab: Sa HebreoAmon. indi na mangin-isa ka pungsod. 11Silutan ko ang Moab, kag makilala nila nga ako amo ang Ginoo.”
Ang Tagna batok sa Edom
12Ang#Isa. 34:5-17; 63:1-6; Jer. 49:7-22; Ezeq. 35:1-15; Amos 1:11-12; Abd. 1-14; Mal. 1:2-5. Ginoo nga Gamhanan nagsiling, “Ang mga tawo sang Edom nagtimalos sa Juda, kag tungod sini nakasala ang Edom sing daku gid. 13Karon ginapahibalo ko nga silutan ko ang Edom kag pamatyon ko ang tagsa ka tawo kag sapat didto. Himuon ko ini nga desierto halin sa siudad sang Teman tubtob sa siudad sang Dedan, kag ang mga tawo magakalamatay sa inaway. 14Ang akon mga tawo nga Israelinhon magatimalos sa Edom para sa akon, kag patilawon nila ang Edom sang akon nagabalingaso nga kaakig. Ang Edom magakilala kon daw ano ang matup-an sang akon pagtimalos.” Ang Ginoo nga Gamhanan amo ang naghambal sini.
Ang Tagna batok sa mga Filistinhon
15Ang#Isa. 14:29-31; Jer. 47:1-7; Joel 3:4-8; Amos 1:6-8; Sof. 2:4-7; Zac. 9:5-7. Ginoo nga Gamhanan nagsiling, “Ang mga Filistinhon nagtimalos sa ila madugay na nga mga kaaway kag ginpamatay nila sila sa ila daku nga kaakig. 16Gani ginapahibalo ko nga salakayon ko ang mga Filistinhon kag papason ko sila. Pamatyon ko ang tagsatagsa nga mabilin nga nagaestar didto sa Kapatagan sang mga Filistinhon. 17Silutan ko sila sing tudo gid kag timalusan sing bug-os. Matilawan nila ang akon kaakig. Dayon makilala nila nga ako amo ang Ginoo.”
Currently Selected:
Ezequiel 25: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
