Exodo 2

Ang Pagkatawo ni Moises

1Karon may isa ka tawo sa tribo ni Levi nga nagpangasawa sa isa ka babayi sa amo man nga tribo. 2Nagbusong#Bin. 7:20; Heb. 11:23. ang iya asawa kag nagbata sing isa ka lalaki. Sang makita sang iya iloy nga ang bata gwapo kag maayo sing lawas, gintago niya sia sa sulod sang tatlo ka bulan. 3Pero sang indi na niya matago ang bata, nagkuha sia sang isa ka basket nga nahimo sa tabun-ak, kag iya ini ginbutangan sing balaw agod indi makasulod ang tubig. Ginpahigda niya ang bata sa sini nga basket kag ginbutang niya ini sa bibi sang suba nga may matag-as nga mga tabun-ak. 4Ang iya utod nga babayi nagtindog sa ulounhan sa pagbantay kon ano ang mahanabo sa iya.

5Karon ang anak nga babayi sang hari nagkadto sa suba sa pagpaligo, samtang ang iya manug-atipan nga mga babayi nagdayandayan sa pangpang sang suba. Sa hinali nakita niya ang basket sa mga tabun-ak, kag ginsugo niya ang iya ulipon nga babayi sa pagkuha sini. 6Ginbuksan ini sang anak sang hari kag iya nakita ang lapsag nga lalaki nga nagahibi. Naluoy sia sa bata kag nagsiling, “Isa ini sang mga bata sang mga Hebreo.”

7Dayon ang utod nga babayi sang lapsag nagpamangkot sa iya, “Luyag mo bala nga malakat ako sa pagpangita sang isa ka babayi nga Hebreo nga magaatipan sini nga bata para sa imo?”

8Nagsabat sia, “Lakat ka.” Gani naglakat ang bata nga babayi kag gintawag ang iloy mismo sang bata. 9Ang anak sang hari nagsiling sa iya, “Dalha ini nga bata kag saguron mo sia para sa akon, kay suholan ko ikaw.” Gani ginkuha sang babayi ang bata kag ginsagod. 10Sang#Bin. 7:21. magdakudaku na ang bata, gindala niya ini sa anak sang hari kag gin-ayop niya ini subong nga iya anak. Nagsiling ang anak sang hari, “Ginkuha ko sia sa tubig, gani hingalanan ko sia kay Moises.”#2:10 MOISES: Ini nga ngalan pareho sang Hebreo nga pulong nga kon sayuron “ginkuha sa”.

Nagpalagyo si Moises Padulong sa Midian

11Isa#Heb. 11:24. sadto ka adlaw, sang daku na si Moises, nagduaw sia sa iya mga kasimanwa nga Hebreo, kag iya nakita kon daw ano ang pagpilit sa ila sa paghimo sang mabug-at nga mga obra. Nakita niya ang isa ka Ehiptohanon nga nagpatay sang isa ka Hebreo, isa sang iya mga kasimanwa. 12Nagpanghulonghulong sia, kag sang wala sia sing may nakita, ginpatay niya ang Ehiptohanon kag iya ginlubong ang bangkay sa balas. 13Sang madason nga adlaw nagbalik sia, kag iya na man nakita ang duha ka mga Hebreo nga nagaaway. Nagsiling sia sa isa nga nakahimo sing sayop, “Ngaa bala ginasakit mo ang kapareho mo nga Hebreo?”

14Nagsabat#Bin. 7:23-28. sia, “Sin-o bala ang naghimo sa imo nga pangulo kag manughukom sa amon? Patyon mo man bala ako subong sang pagpatay mo sa isa ka Ehiptohanon?” Dayon kinulbaan si Moises kag nagpanghunahuna, “Nahibal-an gali sang mga tawo ang akon ginhimo.” 15-16Sang#Bin. 7:2; Heb. 11:27. nabatian ini sang hari, gintinguhaan niya nga patyon si Moises, pero nagpalagyo si Moises kag nagkadto sa duta sang Midian, sa diin sia nag-estar.

Isa ka adlaw, sang pag-abot niya didto, nagpungko sia sa tupad sang bubon. Karon nag-abot sa bubon ang pito ka mga anak nga babayi ni Jetro nga pari sang Midian. Nagtimba sila sing tubig kag nagpuno sang palaimnan sang mga karnero kag mga kanding sang ila amay. 17Nag-abot man ang iban nga mga manugbantay sang mga karnero kag gintabog nila palayo ang mga anak ni Jetro. Pero gintabangan sila ni Moises, kag ginpainom niya ang ila mga kahayupan. 18Sang pagpauli nila sa ila amay nga si Jetro, nagpamangkot sia, “Ngaa temprano pa kamo nakapauli karon nga adlaw?”

19Nagsabat sila, “Ang isa ka Ehiptohanon nagluwas sa amon sa mga manugbantay sang karnero kag gintimbaan pa niya kag ginpainom ang amon mga kahayupan.”

20Ginpamangkot niya ang iya mga anak nga babayi, “Diin na sia? Ngaa ginbayaan ninyo sia didto? Lakat kag tawga ninyo sia agod makakaon upod sa aton.”

21Nagpamat-od si Moises sa pag-estar didto, kag ginpaasawa ni Jetro sa iya ang iya anak nga si Sipora. 22Nagbata sia sing lalaki kag ginhingalanan ni Moises ang bata kay Gersom,#2:22 GERSOM: Ini nga ngalan pareho sang Hebreo nga pulong nga kon sayuron “dumoluong”. kay nagsiling sia sa iya kaugalingon, “Dumoluong ako diri sa sini nga duta.”

23Sang makaligad ang madamo nga mga tinuig, ang hari sang Ehipto napatay. Ang mga Israelinhon nag-antos sa gihapon tungod sang pag-ulipon sa ila kag nagpangayo sila sing bulig. Ang ila pagpangayo sing bulig nakalambot sa Dios, 24kag#Gen. 15:13-14. nabatian niya ang ila pagpanghakroy. Dayon nadumdoman sang Dios ang iya kasugtanan kay Abraham, kay Isaac kag kay Jacob. 25Nakita sang Dios ang pag-ulipon sa mga Israelinhon, kag nabalaka sia sa ila.#2:25 Nabalaka sia sa ila: sa isa ka dumaan nga pagbadbadnagpakilala sang iya kaugalingon sa ila.

Currently Selected:

Exodo 2: MBBHIL12

Highlight

Copy