Popular Bible Verses from Exodo 2

Share

kag nabatian niya ang ila pagpanghakroy. Dayon nadumdoman sang Dios ang iya kasugtanan kay Abraham, kay Isaac kag kay Jacob. Nakita sang Dios ang pag-ulipon sa mga Israelinhon, kag nabalaka sia sa ila.

Sang makaligad ang madamo nga mga tinuig, ang hari sang Ehipto napatay. Ang mga Israelinhon nag-antos sa gihapon tungod sang pag-ulipon sa ila kag nagpangayo sila sing bulig. Ang ila pagpangayo sing bulig nakalambot sa Dios

Sang magdakudaku na ang bata, gindala niya ini sa anak sang hari kag gin-ayop niya ini subong nga iya anak. Nagsiling ang anak sang hari, “Ginkuha ko sia sa tubig, gani hingalanan ko sia kay Moises.”

Ang anak sang hari nagsiling sa iya, “Dalha ini nga bata kag saguron mo sia para sa akon, kay suholan ko ikaw.” Gani ginkuha sang babayi ang bata kag ginsagod.

Karon ang anak nga babayi sang hari nagkadto sa suba sa pagpaligo, samtang ang iya manug-atipan nga mga babayi nagdayandayan sa pangpang sang suba. Sa hinali nakita niya ang basket sa mga tabun-ak, kag ginsugo niya ang iya ulipon nga babayi sa pagkuha sini.

Isa sadto ka adlaw, sang daku na si Moises, nagduaw sia sa iya mga kasimanwa nga Hebreo, kag iya nakita kon daw ano ang pagpilit sa ila sa paghimo sang mabug-at nga mga obra. Nakita niya ang isa ka Ehiptohanon nga nagpatay sang isa ka Hebreo, isa sang iya mga kasimanwa. Nagpanghulonghulong sia, kag sang wala sia sing may nakita, ginpatay niya ang Ehiptohanon kag iya ginlubong ang bangkay sa balas.