2 Macabeo 11
11
Ginlutos ni Judas Macabeo si Lysias
(1 Mac. 4:26-35)
1Sa gilayon pagkatapos sining mga hitabo, si Lysias nga pariente kag manunodlo sang hari, kag iya man tulogyanan sang pagdumalahan, natublag gid sang mga balita. 2Gani iya gintipon ang 80,000 ka mga soldado nga nagalakat kag ang bug-os niya nga hangaway nga nagasakay sa kabayo kag sila nagsalakay batok sa mga Judio, nga may tuyo sa paghimo sang Balaan nga Siudad nga ilistaran sang mga Griego. 3May plano man sia nga pabayaron sang buhis ang Templo subong sang iban nga balaan nga mga lugar sang pungsod, kag luyag niya nga ibaligya sa tagsa ka tuig ang palangakuan sang Pinakamataas nga Pari. 4Wala na niya ginsapak ang gahom sang Dios, tungod kay daku gid ang iya pagsalig sa linibulibo niya ka mga soldado nga nagalakat, sa iya linibo ka mga hangaway nga nagasakay sa kabayo, kag sa iya otsenta ka mga elepante. 5Sa iya pagsalakay sa Judea, ginkadtuan niya ang Betzur, isa ka napamakuran nga lugar mga traynta ka kilometro halin sa Jerusalem, kag iya ini gintinguhaan nga agawon gid.
6Sang pagkahibalo ni Judas Macabeo kag sang iya mga tinawo nga ginasalakay ni Lysias ang mga pamakod, sila kag ang mga pumoluyo naghilibion kag nagpanalambiton nga nagapangayo sa Ginoo nga padal-an sila sang isa ka maayo nga anghel sa pagluwas sang Israel. 7Si Judas Macabeo gid amo ang una nga nagkuha sang iya mga hinganiban kag iya ginpaisog ang mga tawo sa paghalad sang ila kabuhi agod mabuligan ang ila mga utod. Gani nagtingob sila sa paglakat nga may mapag-on nga handom. 8Malapit pa lang sila sa Jerusalem sang nagpakita ang isa ka nagasakay sa kabayo kag nagabayo sing puti sa pagpangulo sa ila samtang nagahayaw sia sang bulawan nga mga hinganiban. 9Dayon tingob sila nga nagdayaw sa Dios nga maluloy-on, kag napuno sila sing kaisog nga nagtulod sa ila sa pagpakig-away indi lamang sa mga tawo kundi bisan sa mga labing mabaris nga mga kasapatan kag sa pagsalakay bisan sa salsalon nga mga pader. 10Naglakat sila sa pagpakig-away nga ginabuligan sang langitnon nga kaupod, matapos kaluoyan sila sang Ginoo. 11Daw mga leon sila nga nagasalakay sa mga kaaway, kag ila ginpamatay ang 11,000 ka mga soldado nga nagalakat kag 1,600 ka mga soldado nga nagasakay sa kabayo, kag ila ginpanglagas ang nabilin. 12Sa mga nakapalagyo, ang kalabanan napilasan kag wala sing hinganiban. Si Lysias nakaluwas paagi sa isa ka makahuloya nga pagpalagyo.
Si Lysias Nagpakighidait sa mga Judio
(1 Mac. 6:56-61)
13Maalam si Lysias, gani matapos sia makapanumdom sang kalutosan nga iya inagihan, nagkilala sia nga ang mga Hebreo indi madaog tungod kay ang Gamhanan nga Dios nagpakig-away para sa ila. Tungod sini nagpadala sia sang mensahe sa ila 14nga nagapanugyan sang pagpasag-uli sa matarong nga paagi sa tanan nga bagay kag nagsaad nga iya hayluhon ang hari agod mangin-ila abyan. 15Si Judas Macabeo nagpasugot kay naghunahuna lamang sia nga ang ginplano ni Lysias para sa kaayuhan sang tanan. Ang bisan ano nga ginpadala nga sulat ni Judas Macabeo sa kay Lysias nahanungod sa mga Judio gintugotan sang hari.
Ang Sulat ni Lysias sa mga Judio
16Yari ang ginsulat ni Lysias sa mga Judio:
“Gikan kay Lysias pakadto sa mga Judio, mga pag-abiabi. 17Si Juan kag si Absalom nga inyo ginpadala naghatag sa akon sang inyo sulat, kag nagapangabay sila sa akon nga magapasugot ako sa inyo ginatugon diri. 18Ang bisan ano nga nagakinahanglan sang pagtatap sang hari ginpahibalo ko sa iya, kag nagpasugot sia sa paghimo sang iya masarangan. 19Samtang nga inyo ginapadayon ang inyo maayo nga panimuot sa pangulohan, himuon ko ang akon masarangan sa palaabuton sa pagtinguha para sa inyo kaayuhan. 20Nahanungod sa iban nga mga bulohaton ginmanduan ko ang inyo pinadala kag ang akon mga pangulo nga ila hambalan ini tanan upod sa inyo. 21Kabay pa nga kamo magmainuswagon. Napetsahan ini sang tuig 148,#11:21 TUIG 148: Ini nagasanto sa tuig 164 sa wala pa matawo ang Cristo. sang ika-24 nga adlaw sa bulan sang Dioscoro.”
Ang Sulat sang Hari kay Lysias
22Ang sulat sang hari amo ang masunod:
“Gikan kay Haring Antioco pakadto sa iya utod nga si Lysias, mga pag-abiabi. 23Karon nga ang aton amay nagtaliwan na sa pagpakighiupod sa mga dios ang aton pagbulot-an amo nga ang tanan nga mga sinakpan sang ginharian indi na pagtublagon sa ila paghimo sang ila naluyagan. 24Nahangpan naton nga ang mga Judio wala naluyag sang mga pagsulondan sang aton amay, nga amo ang pagpangabuhi nga nagasunod sa kinabatasan sang mga Griego kundi nagapasulabi sang ila paagi sa pagkabuhi kag naghingyo nga pabay-an sila sa pagsunod sang ila mga kasugoan. 25Tungod kay nagahandom kita nga maluwas ini nga mga tawo sa pagtublag subong sang iban nga mga pungsod, ang aton mando amo ang pag-uli sang Templo sa ila kag sila magkabuhi suno sa mga kinabatasan sang ila mga katigulangan. 26Gani mangin-imo katungdanan sa pagpadala sa ila sang mga tawo sa pagpakig-abyan, agod nga kon ila mahibaluan ang aton pagsulondan sila magasalig sa aton kag magpadayon nga malipayon sa paghimo sang ila naluyagan.”
27Amo ini ang ginsulat sang hari sa pungsod sang mga Judio:
“Gikan kay Haring Antioco pakadto sa pangulo sang mga Judio kag sa iban nga mga Judio, mga pag-abiabi. 28Kon maayo man lang kamo, amo ina ang amon handom. Kami yara man sa maayong lawas. 29Ginsugiran kami ni Menelao nga luyag kamo magpauli sa pagpadayon sang inyo bulohaton. 30Gani, nga ang tanan nga luyag magbalik sa wala pa ang ika-30 nga adlaw sang Xantiko sarang makasalig nga wala sila sing dapat kahadlukan. 31Ang mga Judio sarang makakaon sang ila pagkaon kag makasunod sang ila mga kasugoan subong sa kinaandan, kag wala sing matublag sa ila bisan sa diutay nga mga sayop nga ila nahimo nga wala sila makahibalo. 32Sa pagpamatuod akon ginapadala si Menelao agod indi na kamo magpalibog. 33Paalam. Napetsahan ini sa tuig 148#11:33 TUIG 148: Ini nagasanto sa tuig 164 sa wala pa matawo Cristo. sa ika-15 nga adlaw sang bulan sang Xantiko.”
Ang Sulat sang mga Taga-Roma sa mga Judio
34Ang mga taga-Roma nagsulat man sa mga Judio nga nagasiling:
“Halin kay Quinto Memio, kag kay Tito Manio, mga embahador nga Romanhon, sa mga pumoluyo nga Judio, mga pag-abiabi. 35Ang bisan ano nga gintugotan ni Lysias nga pariente sang hari nagapasugot man kami. 36Nahanungod sa mga bagay nga iya ginpakamaayo nga itugyan sa hari, binagbinaga ninyo ini sing maayo. Dayon magpadala kamo sing isa ka tawo, kon luyag ninyo nga amon isaysay ini para sa inyo kaayuhan, kay manuglakat kami sa Antioquia. 37Gani indi kamo mag-usik sang panahon sa pagpadala sa amon sang mga tawo nga makapaathag sa amon sang inyo mga tinutuyo. 38Paalam. Ini napetsahan sa ika-15 nga adlaw sang Xantiko, sa tuig 148.
Currently Selected:
2 Macabeo 11: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
2 Macabeo 11
11
Ginlutos ni Judas Macabeo si Lysias
(1 Mac. 4:26-35)
1Sa gilayon pagkatapos sining mga hitabo, si Lysias nga pariente kag manunodlo sang hari, kag iya man tulogyanan sang pagdumalahan, natublag gid sang mga balita. 2Gani iya gintipon ang 80,000 ka mga soldado nga nagalakat kag ang bug-os niya nga hangaway nga nagasakay sa kabayo kag sila nagsalakay batok sa mga Judio, nga may tuyo sa paghimo sang Balaan nga Siudad nga ilistaran sang mga Griego. 3May plano man sia nga pabayaron sang buhis ang Templo subong sang iban nga balaan nga mga lugar sang pungsod, kag luyag niya nga ibaligya sa tagsa ka tuig ang palangakuan sang Pinakamataas nga Pari. 4Wala na niya ginsapak ang gahom sang Dios, tungod kay daku gid ang iya pagsalig sa linibulibo niya ka mga soldado nga nagalakat, sa iya linibo ka mga hangaway nga nagasakay sa kabayo, kag sa iya otsenta ka mga elepante. 5Sa iya pagsalakay sa Judea, ginkadtuan niya ang Betzur, isa ka napamakuran nga lugar mga traynta ka kilometro halin sa Jerusalem, kag iya ini gintinguhaan nga agawon gid.
6Sang pagkahibalo ni Judas Macabeo kag sang iya mga tinawo nga ginasalakay ni Lysias ang mga pamakod, sila kag ang mga pumoluyo naghilibion kag nagpanalambiton nga nagapangayo sa Ginoo nga padal-an sila sang isa ka maayo nga anghel sa pagluwas sang Israel. 7Si Judas Macabeo gid amo ang una nga nagkuha sang iya mga hinganiban kag iya ginpaisog ang mga tawo sa paghalad sang ila kabuhi agod mabuligan ang ila mga utod. Gani nagtingob sila sa paglakat nga may mapag-on nga handom. 8Malapit pa lang sila sa Jerusalem sang nagpakita ang isa ka nagasakay sa kabayo kag nagabayo sing puti sa pagpangulo sa ila samtang nagahayaw sia sang bulawan nga mga hinganiban. 9Dayon tingob sila nga nagdayaw sa Dios nga maluloy-on, kag napuno sila sing kaisog nga nagtulod sa ila sa pagpakig-away indi lamang sa mga tawo kundi bisan sa mga labing mabaris nga mga kasapatan kag sa pagsalakay bisan sa salsalon nga mga pader. 10Naglakat sila sa pagpakig-away nga ginabuligan sang langitnon nga kaupod, matapos kaluoyan sila sang Ginoo. 11Daw mga leon sila nga nagasalakay sa mga kaaway, kag ila ginpamatay ang 11,000 ka mga soldado nga nagalakat kag 1,600 ka mga soldado nga nagasakay sa kabayo, kag ila ginpanglagas ang nabilin. 12Sa mga nakapalagyo, ang kalabanan napilasan kag wala sing hinganiban. Si Lysias nakaluwas paagi sa isa ka makahuloya nga pagpalagyo.
Si Lysias Nagpakighidait sa mga Judio
(1 Mac. 6:56-61)
13Maalam si Lysias, gani matapos sia makapanumdom sang kalutosan nga iya inagihan, nagkilala sia nga ang mga Hebreo indi madaog tungod kay ang Gamhanan nga Dios nagpakig-away para sa ila. Tungod sini nagpadala sia sang mensahe sa ila 14nga nagapanugyan sang pagpasag-uli sa matarong nga paagi sa tanan nga bagay kag nagsaad nga iya hayluhon ang hari agod mangin-ila abyan. 15Si Judas Macabeo nagpasugot kay naghunahuna lamang sia nga ang ginplano ni Lysias para sa kaayuhan sang tanan. Ang bisan ano nga ginpadala nga sulat ni Judas Macabeo sa kay Lysias nahanungod sa mga Judio gintugotan sang hari.
Ang Sulat ni Lysias sa mga Judio
16Yari ang ginsulat ni Lysias sa mga Judio:
“Gikan kay Lysias pakadto sa mga Judio, mga pag-abiabi. 17Si Juan kag si Absalom nga inyo ginpadala naghatag sa akon sang inyo sulat, kag nagapangabay sila sa akon nga magapasugot ako sa inyo ginatugon diri. 18Ang bisan ano nga nagakinahanglan sang pagtatap sang hari ginpahibalo ko sa iya, kag nagpasugot sia sa paghimo sang iya masarangan. 19Samtang nga inyo ginapadayon ang inyo maayo nga panimuot sa pangulohan, himuon ko ang akon masarangan sa palaabuton sa pagtinguha para sa inyo kaayuhan. 20Nahanungod sa iban nga mga bulohaton ginmanduan ko ang inyo pinadala kag ang akon mga pangulo nga ila hambalan ini tanan upod sa inyo. 21Kabay pa nga kamo magmainuswagon. Napetsahan ini sang tuig 148,#11:21 TUIG 148: Ini nagasanto sa tuig 164 sa wala pa matawo ang Cristo. sang ika-24 nga adlaw sa bulan sang Dioscoro.”
Ang Sulat sang Hari kay Lysias
22Ang sulat sang hari amo ang masunod:
“Gikan kay Haring Antioco pakadto sa iya utod nga si Lysias, mga pag-abiabi. 23Karon nga ang aton amay nagtaliwan na sa pagpakighiupod sa mga dios ang aton pagbulot-an amo nga ang tanan nga mga sinakpan sang ginharian indi na pagtublagon sa ila paghimo sang ila naluyagan. 24Nahangpan naton nga ang mga Judio wala naluyag sang mga pagsulondan sang aton amay, nga amo ang pagpangabuhi nga nagasunod sa kinabatasan sang mga Griego kundi nagapasulabi sang ila paagi sa pagkabuhi kag naghingyo nga pabay-an sila sa pagsunod sang ila mga kasugoan. 25Tungod kay nagahandom kita nga maluwas ini nga mga tawo sa pagtublag subong sang iban nga mga pungsod, ang aton mando amo ang pag-uli sang Templo sa ila kag sila magkabuhi suno sa mga kinabatasan sang ila mga katigulangan. 26Gani mangin-imo katungdanan sa pagpadala sa ila sang mga tawo sa pagpakig-abyan, agod nga kon ila mahibaluan ang aton pagsulondan sila magasalig sa aton kag magpadayon nga malipayon sa paghimo sang ila naluyagan.”
27Amo ini ang ginsulat sang hari sa pungsod sang mga Judio:
“Gikan kay Haring Antioco pakadto sa pangulo sang mga Judio kag sa iban nga mga Judio, mga pag-abiabi. 28Kon maayo man lang kamo, amo ina ang amon handom. Kami yara man sa maayong lawas. 29Ginsugiran kami ni Menelao nga luyag kamo magpauli sa pagpadayon sang inyo bulohaton. 30Gani, nga ang tanan nga luyag magbalik sa wala pa ang ika-30 nga adlaw sang Xantiko sarang makasalig nga wala sila sing dapat kahadlukan. 31Ang mga Judio sarang makakaon sang ila pagkaon kag makasunod sang ila mga kasugoan subong sa kinaandan, kag wala sing matublag sa ila bisan sa diutay nga mga sayop nga ila nahimo nga wala sila makahibalo. 32Sa pagpamatuod akon ginapadala si Menelao agod indi na kamo magpalibog. 33Paalam. Napetsahan ini sa tuig 148#11:33 TUIG 148: Ini nagasanto sa tuig 164 sa wala pa matawo Cristo. sa ika-15 nga adlaw sang bulan sang Xantiko.”
Ang Sulat sang mga Taga-Roma sa mga Judio
34Ang mga taga-Roma nagsulat man sa mga Judio nga nagasiling:
“Halin kay Quinto Memio, kag kay Tito Manio, mga embahador nga Romanhon, sa mga pumoluyo nga Judio, mga pag-abiabi. 35Ang bisan ano nga gintugotan ni Lysias nga pariente sang hari nagapasugot man kami. 36Nahanungod sa mga bagay nga iya ginpakamaayo nga itugyan sa hari, binagbinaga ninyo ini sing maayo. Dayon magpadala kamo sing isa ka tawo, kon luyag ninyo nga amon isaysay ini para sa inyo kaayuhan, kay manuglakat kami sa Antioquia. 37Gani indi kamo mag-usik sang panahon sa pagpadala sa amon sang mga tawo nga makapaathag sa amon sang inyo mga tinutuyo. 38Paalam. Ini napetsahan sa ika-15 nga adlaw sang Xantiko, sa tuig 148.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012