2 Macabeo 10
10
Liwat nga Ginhalad ang Templo
(1 Mac. 4:36-61)
1Paagi sa pagtuytoy sang Ginoo, si Judas Macabeo kag ang iya mga kaupdanan, nag-agaw sang Templo kag sang siudad. 2Ginpangguba nila ang mga altar nga ginpatindog sang mga dumoluong sa mga balaligyaan, subong man ang ila balaan nga mga kudal. 3Gintinluan nila ang santuaryo kag nagpatindog sang isa ka altar, dayon paagi sa mga bato nagbag-id sila sang kalayo nga ila gingamit sa pagdulot sang nahauna nga halad sa sulod sang duha ka tuig. Nagsunog sila sang insyenso, ginsindihan nila ang mga suga kag ginpahamtang ang balaan nga mga tinapay. 4Sang matapos nila mahimo ini naghalapa sila sa duta kag nagpangamuyo sa Ginoo nga indi na gid sila pagpaagumon sining sari sang kalalat-an. Pero kon makasala gid man sila, nag-ampo sila nga magmamag-an lang kuntani ang pagtudlo sa ila, kag indi sila pag-itugyan sa sining mga tawo nga mapintas kag wala nagatuo sa Dios. 5Ining adlaw sang pagtinlo sang Templo nagtuon sa amo man nga adlaw nga ang Templo gindagtaan sang mga dumoluong, sa ika-25 sang amo man nga bulan sang Kisleb. 6Nagsinadya kag nagkinalipay sila sa sulod sang walo ka adlaw, subong sang ila ginahimo sa Piesta sang mga Palasilungan. Ginadumdom nila nga sang nagligad nga malip-ot nga panahon sa Piesta sang mga Palasilungan nagaestar sila sa mga kabukiran kag sa mga kweba kaangay sang talunon nga mga sapat. 7Dayon, samtang nagadala sila sang mga sanga, mga palungpong kag mga palma, naghalad sila sang mga ambahanon sang pagpasalamat sa iya nga amo ang nagpatinlo sang Templo kag amo ang nagdala sining kasadya. 8Nagmando man sila nga ginpakamaayo sang tanan paagi sa isa ka piniliay, nga ang bug-os nga pungsod sang mga Judio magsaulog sang amo man nga mga adlaw sa tagsa ka tuig.
Si Tolemeo Macron Naghikog
9Amo ini ang mga nagkalatabo sang pagkapatay ni Antioco nga ginatawag Epifanes. 10Ang#1 Mac. 6:17. aton tinutuyo karon amo ang pagpahibalo sang maragtas natungod kay Antioco Eupator, anak sadtong tawo nga di-diosnon kag isugid sing malip-ot ang mga kalautan nga bunga sang mga inaway. 11Sang iya paghari, ginhimo niya nga pangulo nga tulogyanan sang gubyerno si Lysias kag pinakamataas nga manugdumala sang Coeli-siria kag sang Fenicia. 12Karon si Tolemeo nga ginatawag Macron, ang nahauna nga gobernador nga nagpakita sang katarungan sa mga Judio, naghimo sang iya masarangan sa paggahom sa ila sing mahidaiton agod mabayran ang mga kalainan nga iya ginhimo sang una. 13Matapos sia ginpakalain kay Eupator sang Mga Abyan sang Hari, ginkabig sia nga traidor bangod sang iya pagpatumbaya sang Cipre nga gintugyan sa iya ni Filometor, kag tungod sang iya pagsaylo kay Antioco Epifanes. Sang makita niya nga wala na sia sing kadungganan sa iya palangakuan, naghikog sia paagi sa pag-inom sang hilo.
Ginlutos ni Judas Macabeo ang mga Taga-Idumea
(1 Mac. 5:1-8)
14Karon si Gorgias amo ang nanginmanugdumala sang mga hangaway sa sina nga mga lugar. May mga sinuholan sia nga mga soldado kag nagpadayon sa pagpakig-away sa mga Judio. 15Sa amo man nga tion ang mga taga-Idumea nga amo ang nagagahom sang importante nga mga pamakod nagpabudlay sa mga Judio, ginbaton nila ang mga kriminal gikan sa Jerusalem kag nagatinguha sila sa pagpakig-away. 16Matapos sila magpangamuyo sa Dios kag mag-ampo nga buligan sila, si Macabeo kag ang iya mga tinawo nagsalakay sang mga pamakod sa Idumea. 17Mabaskog ang ila pagsalakay gani naagaw nila ang labing maayo nga mga lugar, kag nalutos nila ang tanan nga nagpakig-away sa pader. Ginpamatay nila ang tanan nga nahulog sa ila mga kamot, nga indi magkubos sa 20,000.
18May mga 9,000 nga nagpalanago sa duha ka pinakamabaskog nga mga pamakod dala ang tanan nila nga kinahanglanon sa pagbato sa isa ka pagsalakay. 19Gani ginbilin ni Macabeo si Simon kag si Jose, upod si Zaqueo kag ang iya mga hangaway, nga tuman kadamo sa pagsalakay. Sia iya nagkadto sa iban nga mga lugar nga nagakinahanglan sa iya. 20Pero maibugon sa kwarta ang iban nga mga tinawo ni Simon, gani ginhamhaman sila sang mga tawo nga yara sa mga pamakod. Matapos sila makabaton sing 140 ka libra nga pilak, ginpapalagyo nila ang iban. 21Sang makahibalo si Macabeo sang natabo ginpatawag niya ang mga pangulo sang hangaway kag ginsumbong niya ang mga nakasala tungod sang ila pagbaligya sang ila mga utod paagi sa ila pagpapalagyo sa mga tawo nga nagapakig-away batok sa ila. 22Matapos mapatay sila bilang mga traidor, sa gilayon nagpadayon sia sa pag-agaw sang duha ka mga pamakod. 23Nagmadinalag-on sia sa iya pagsalakay, kag sa sining duha ka mga pamakod iya ginpatay ang sobra sa 20,000 ka mga tawo.
Ginlutos ni Judas si Timoteo
24Si Timoteo nga sadtong una ginlutos sang mga Judio, karon nagtipon sang madamo nga sinuholan nga mga hangaway, upod ang madamo nga mga hangaway nga nagasakay sa kabayo gikan sa Asia. Nagkadto sila sa Judea, kag naglaom sila nga ila malutos ini paagi sa kusog sang mga hinganiban. 25Sa pagpalapit sang mga kaaway, si Macabeo kag ang iya mga tinawo nagpangamuyo sa Dios, ginbutangan nila sing yab-ok ang ila mga ulo kag nagtampi sang sako. 26Naghalapa sila sa atubangan sang altar kag nag-ampo sila sa Dios nga buligan sila kag ipakita nga sia amo ang kaaway sang ila mga kaaway, ang kasumpong sang ila mga kasumpong, suno sa ginasiling sing maathag sang Kasugoan.
27Matapos ang ila pagpangamuyo nag-aman sila sa pagpakig-away, nagpalayo sa siudad, kag nagdulog sang malapit na sila sa kaaway. 28Sang nagapamanagbanag na, ang duha ka grupo nagsugod sa pag-away. Ang isa nagasalig sa ila pagdaog indi lamang tungod sang ila kaisog kundi tungod sang ila pagpangamuyo sa Ginoo, pero ang kaaway nagasalig tungod sang ila kaisog. 29Sang nagalapuyot na ang inaway nakita sang mga kaaway ang lima ka labing dungganon nga mga tawo nga nagpakita sa kalangitan. Nagasakay sila sa mga kabayo nga may bulawan nga mga renda kag sila ang nagpangulo sa mga Judio. 30Ginlibutan nila si Macabeo kag ginlipnan sia sang ila nga taming, ginbantayan nila sia agod indi maano, samtang ila ginpaulanan sing mga baslay kag kilat ang mga kaaway tubtob nag-alaplaag sila kag nagsalangisag, kag ang mga Judio naghatokhatok sa ila. 31Ang nagkalamatay 20,500 ka mga soldado nga nagalakat kag 600 ka mga nagasakay sa kabayo.
32Si Timoteo mismo nakapalagyo sa isa ka pamakod nga nabantayan sing maayo nga gintawag Gezer, sa idalom sang pagmando ni Chaereas nga iya utod. 33Sa sulod sang apat ka adlaw si Macabeo kag ang iya mga tinawo nagsalakay nga may daku nga kasidla sa sini nga pamakod, 34samtang ang mga nagaapin sini nga nagasalig nga indi maano ang ila lugar nagpamahog kag nag-insulto sa ila kag sa ila Dios. 35Sang kaagahon sang ikalima nga adlaw, baynte ka pamatan-on sang mga hangaway ni Macabeo, nga tungod sang kainit sa mga pagpasipala, nagsalakay nga may kaisog paagi sa pagsaka sang pader, kag ila ginpamatay sa daku nga kaakig ang tanan nga ila nasugata. 36Ang iban nga nagsalakay man nag-agi sa likod sang mga nagaapin, ila ginsunog ang mga tore, kag nagdabok sa diin ila ginsunog nga buhi ining mga nagapasipala. Ang iban nagguba sang mga pwerta kag ila ginpasulod ang mga hangaway, kag sila ang nahauna sa pag-agaw sang banwa. 37Si Timoteo nagpanago sa isa ka bubon, pero ginpatay nila sia upod ang iya utod nga si Chaereas kag si Apolopanes.
38Sang matapos ini tanan, gindayaw sang mga Judio ang Ginoo paagi sa mga ambahanon kag sa mga pagpasalamat kay nagpakita sia sang daku nga kaayo sa Israel kag naghatag sa ila sing pagdaog.
Currently Selected:
2 Macabeo 10: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
2 Macabeo 10
10
Liwat nga Ginhalad ang Templo
(1 Mac. 4:36-61)
1Paagi sa pagtuytoy sang Ginoo, si Judas Macabeo kag ang iya mga kaupdanan, nag-agaw sang Templo kag sang siudad. 2Ginpangguba nila ang mga altar nga ginpatindog sang mga dumoluong sa mga balaligyaan, subong man ang ila balaan nga mga kudal. 3Gintinluan nila ang santuaryo kag nagpatindog sang isa ka altar, dayon paagi sa mga bato nagbag-id sila sang kalayo nga ila gingamit sa pagdulot sang nahauna nga halad sa sulod sang duha ka tuig. Nagsunog sila sang insyenso, ginsindihan nila ang mga suga kag ginpahamtang ang balaan nga mga tinapay. 4Sang matapos nila mahimo ini naghalapa sila sa duta kag nagpangamuyo sa Ginoo nga indi na gid sila pagpaagumon sining sari sang kalalat-an. Pero kon makasala gid man sila, nag-ampo sila nga magmamag-an lang kuntani ang pagtudlo sa ila, kag indi sila pag-itugyan sa sining mga tawo nga mapintas kag wala nagatuo sa Dios. 5Ining adlaw sang pagtinlo sang Templo nagtuon sa amo man nga adlaw nga ang Templo gindagtaan sang mga dumoluong, sa ika-25 sang amo man nga bulan sang Kisleb. 6Nagsinadya kag nagkinalipay sila sa sulod sang walo ka adlaw, subong sang ila ginahimo sa Piesta sang mga Palasilungan. Ginadumdom nila nga sang nagligad nga malip-ot nga panahon sa Piesta sang mga Palasilungan nagaestar sila sa mga kabukiran kag sa mga kweba kaangay sang talunon nga mga sapat. 7Dayon, samtang nagadala sila sang mga sanga, mga palungpong kag mga palma, naghalad sila sang mga ambahanon sang pagpasalamat sa iya nga amo ang nagpatinlo sang Templo kag amo ang nagdala sining kasadya. 8Nagmando man sila nga ginpakamaayo sang tanan paagi sa isa ka piniliay, nga ang bug-os nga pungsod sang mga Judio magsaulog sang amo man nga mga adlaw sa tagsa ka tuig.
Si Tolemeo Macron Naghikog
9Amo ini ang mga nagkalatabo sang pagkapatay ni Antioco nga ginatawag Epifanes. 10Ang#1 Mac. 6:17. aton tinutuyo karon amo ang pagpahibalo sang maragtas natungod kay Antioco Eupator, anak sadtong tawo nga di-diosnon kag isugid sing malip-ot ang mga kalautan nga bunga sang mga inaway. 11Sang iya paghari, ginhimo niya nga pangulo nga tulogyanan sang gubyerno si Lysias kag pinakamataas nga manugdumala sang Coeli-siria kag sang Fenicia. 12Karon si Tolemeo nga ginatawag Macron, ang nahauna nga gobernador nga nagpakita sang katarungan sa mga Judio, naghimo sang iya masarangan sa paggahom sa ila sing mahidaiton agod mabayran ang mga kalainan nga iya ginhimo sang una. 13Matapos sia ginpakalain kay Eupator sang Mga Abyan sang Hari, ginkabig sia nga traidor bangod sang iya pagpatumbaya sang Cipre nga gintugyan sa iya ni Filometor, kag tungod sang iya pagsaylo kay Antioco Epifanes. Sang makita niya nga wala na sia sing kadungganan sa iya palangakuan, naghikog sia paagi sa pag-inom sang hilo.
Ginlutos ni Judas Macabeo ang mga Taga-Idumea
(1 Mac. 5:1-8)
14Karon si Gorgias amo ang nanginmanugdumala sang mga hangaway sa sina nga mga lugar. May mga sinuholan sia nga mga soldado kag nagpadayon sa pagpakig-away sa mga Judio. 15Sa amo man nga tion ang mga taga-Idumea nga amo ang nagagahom sang importante nga mga pamakod nagpabudlay sa mga Judio, ginbaton nila ang mga kriminal gikan sa Jerusalem kag nagatinguha sila sa pagpakig-away. 16Matapos sila magpangamuyo sa Dios kag mag-ampo nga buligan sila, si Macabeo kag ang iya mga tinawo nagsalakay sang mga pamakod sa Idumea. 17Mabaskog ang ila pagsalakay gani naagaw nila ang labing maayo nga mga lugar, kag nalutos nila ang tanan nga nagpakig-away sa pader. Ginpamatay nila ang tanan nga nahulog sa ila mga kamot, nga indi magkubos sa 20,000.
18May mga 9,000 nga nagpalanago sa duha ka pinakamabaskog nga mga pamakod dala ang tanan nila nga kinahanglanon sa pagbato sa isa ka pagsalakay. 19Gani ginbilin ni Macabeo si Simon kag si Jose, upod si Zaqueo kag ang iya mga hangaway, nga tuman kadamo sa pagsalakay. Sia iya nagkadto sa iban nga mga lugar nga nagakinahanglan sa iya. 20Pero maibugon sa kwarta ang iban nga mga tinawo ni Simon, gani ginhamhaman sila sang mga tawo nga yara sa mga pamakod. Matapos sila makabaton sing 140 ka libra nga pilak, ginpapalagyo nila ang iban. 21Sang makahibalo si Macabeo sang natabo ginpatawag niya ang mga pangulo sang hangaway kag ginsumbong niya ang mga nakasala tungod sang ila pagbaligya sang ila mga utod paagi sa ila pagpapalagyo sa mga tawo nga nagapakig-away batok sa ila. 22Matapos mapatay sila bilang mga traidor, sa gilayon nagpadayon sia sa pag-agaw sang duha ka mga pamakod. 23Nagmadinalag-on sia sa iya pagsalakay, kag sa sining duha ka mga pamakod iya ginpatay ang sobra sa 20,000 ka mga tawo.
Ginlutos ni Judas si Timoteo
24Si Timoteo nga sadtong una ginlutos sang mga Judio, karon nagtipon sang madamo nga sinuholan nga mga hangaway, upod ang madamo nga mga hangaway nga nagasakay sa kabayo gikan sa Asia. Nagkadto sila sa Judea, kag naglaom sila nga ila malutos ini paagi sa kusog sang mga hinganiban. 25Sa pagpalapit sang mga kaaway, si Macabeo kag ang iya mga tinawo nagpangamuyo sa Dios, ginbutangan nila sing yab-ok ang ila mga ulo kag nagtampi sang sako. 26Naghalapa sila sa atubangan sang altar kag nag-ampo sila sa Dios nga buligan sila kag ipakita nga sia amo ang kaaway sang ila mga kaaway, ang kasumpong sang ila mga kasumpong, suno sa ginasiling sing maathag sang Kasugoan.
27Matapos ang ila pagpangamuyo nag-aman sila sa pagpakig-away, nagpalayo sa siudad, kag nagdulog sang malapit na sila sa kaaway. 28Sang nagapamanagbanag na, ang duha ka grupo nagsugod sa pag-away. Ang isa nagasalig sa ila pagdaog indi lamang tungod sang ila kaisog kundi tungod sang ila pagpangamuyo sa Ginoo, pero ang kaaway nagasalig tungod sang ila kaisog. 29Sang nagalapuyot na ang inaway nakita sang mga kaaway ang lima ka labing dungganon nga mga tawo nga nagpakita sa kalangitan. Nagasakay sila sa mga kabayo nga may bulawan nga mga renda kag sila ang nagpangulo sa mga Judio. 30Ginlibutan nila si Macabeo kag ginlipnan sia sang ila nga taming, ginbantayan nila sia agod indi maano, samtang ila ginpaulanan sing mga baslay kag kilat ang mga kaaway tubtob nag-alaplaag sila kag nagsalangisag, kag ang mga Judio naghatokhatok sa ila. 31Ang nagkalamatay 20,500 ka mga soldado nga nagalakat kag 600 ka mga nagasakay sa kabayo.
32Si Timoteo mismo nakapalagyo sa isa ka pamakod nga nabantayan sing maayo nga gintawag Gezer, sa idalom sang pagmando ni Chaereas nga iya utod. 33Sa sulod sang apat ka adlaw si Macabeo kag ang iya mga tinawo nagsalakay nga may daku nga kasidla sa sini nga pamakod, 34samtang ang mga nagaapin sini nga nagasalig nga indi maano ang ila lugar nagpamahog kag nag-insulto sa ila kag sa ila Dios. 35Sang kaagahon sang ikalima nga adlaw, baynte ka pamatan-on sang mga hangaway ni Macabeo, nga tungod sang kainit sa mga pagpasipala, nagsalakay nga may kaisog paagi sa pagsaka sang pader, kag ila ginpamatay sa daku nga kaakig ang tanan nga ila nasugata. 36Ang iban nga nagsalakay man nag-agi sa likod sang mga nagaapin, ila ginsunog ang mga tore, kag nagdabok sa diin ila ginsunog nga buhi ining mga nagapasipala. Ang iban nagguba sang mga pwerta kag ila ginpasulod ang mga hangaway, kag sila ang nahauna sa pag-agaw sang banwa. 37Si Timoteo nagpanago sa isa ka bubon, pero ginpatay nila sia upod ang iya utod nga si Chaereas kag si Apolopanes.
38Sang matapos ini tanan, gindayaw sang mga Judio ang Ginoo paagi sa mga ambahanon kag sa mga pagpasalamat kay nagpakita sia sang daku nga kaayo sa Israel kag naghatag sa ila sing pagdaog.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012