2 Macabeo 12
12
Ginpamatay ang mga Judio sang Jope
1Matapos mapat-od ini nga mga kasugtanan, si Lysias nagbalik sa hari samtang ang mga Judio nagbalik sa ila pagpanguma. 2Pero may iban nga mga manugdumala sa nagkalainlain nga mga lugar, nga amo sanday Timoteo kag Apolonio nga anak ni Heneo, sanday Heronimo kag Demopon, kag si Nicanor nga gobernador sang Cipre, nga indi magtugot sa mga Judio sa pagpangabuhi sa kalinong kag sa paghidait.
3Ang mga pumoluyo sa Jope naghimo sining masunod nga kalautan: ila gin-agda ang mga Judio nga nagaestar upod sa ila sa pagsakay sa mga sakayan nga ila na naaman, dala ang ila mga asawa kag mga kabataan. Wala gid sing namutikan nga tinutuyo sa pagpahamak sa ila. 4Ginbutohan ini sang mga pumoluyo, kag ginbaton ini sang mga Judio. Tungod sang ila mahidaiton nga pagkabuhi wala sila sing kabangdanan sa pagpangduhaduha sing malain, pero sang yara na sila sa tunga sang dagat, ginpanglumsan sila tanan, nga ang ila kadamuon indi magkubos sa 200.
5Sang pagkabati ni Judas sining mapintas nga ginhimo sa iya mga kasimanwa, nagmando sia sa iya mga tinawo. 6Matapos sia makapangamuyo sa Dios, ang matarong nga hukom, ginsalakay niya ang mga nagpatay sa iya mga kasimanwa. Sang gab-i iya ginsunog ang dulongkaan kag ang mga sakayan, kag ginpamatay ang tanan nga nagapalanago didto. 7Tungod kay nasirahan ang mga pwerta sang banwa naglakat sia kag nagplano nga magbalik liwat sa tuyo nga salakayon kag papason ang bug-os nga katilingban sang Jope.
8Pero sang iya pagkabati nga ang mga pumoluyo sang Jamnia may tuyo man sa pagpahamak sa mga Judio sa amo man nga paagi, 9ginsalakay niya sa kagab-ihon ang mga taga-Jamnia, kag ginsunog ang dulongkaan subong man ang mga sakayan. Ang ibwal sang kalayo makit-an pa sa Jerusalem, nga mga kwarentay singko ka kilometro ang kalayuon.
Ang mga Kadalag-an ni Judas sa Kadutaan sang Galaad
(1 Mac. 5:9-54)
10Sang makalumbos lang sila sa banwa sing mga isa ka kilometro kag tunga sa ila paggubat kay Timoteo, ginsalakay sila sang mga hangaway sang mga Arabo nga nagadamo sing 5,000 ka mga soldado nga nagalakat kag 500 ka mga soldado nga nagasakay sa kabayo. 11Natabo ang malapuyot nga inaway, kag tungod sang bulig sang Dios nagdaog ang mga tinawo ni Judas sa sina nga adlaw. Ang nalutos nga mga Arabo nga manlulugayaw nag-ampo kay Judas nga sila magpakig-abyan, nagsaad sila nga ila ihatag ang ila mga kasapatan kag sila handa magbulig sa iya. 12Tungod kay nahibaluan ni Judas nga mapuslan sila sa madamo nga mga bagay, nagpasugot sia sa pagpakighidait sa ila, kag sa tapos sila magkasugot ang mga Arabo nagbalik sa ila mga tolda.
13Ginsalakay man ni Judas ang isa ka mabakod nga banwa, nga nalikupan sing pader kag ginaestaran sing nagkalainlain nga rasa sang mga Hentil. Ginatawag ini nga Kaspin. 14Tungod sang ila daku nga pagsalig sa kusog sang ila mga pader kag sang ila nagakaigo nga pagkaon kag kinahanglanon, ang mga tawo nagpakita sang ila kaakig kay Judas kag sa iya mga tinawo, kag gin-updan nila ini sang mga insulto kag mga pagpasipala sa Dios. 15Pero si Judas kag ang iya mga tinawo nagpangamuyo sa Makagagahom nga Ginoo sang kalibutan nga bisan wala sing mga makina sa inaway ukon mga dalagku nga hinganiban naglutos sang Jerico sang panahon ni Josue. Dayon ginsalakay nila sing tudo ang ila mga pader. 16Naagaw nila ang siudad suno sa kabubot-on sang Dios. Indi gid masaysay ang ila pagpamatay nga ang malapit nga linaw nga nagalapad sing mga tunga sa kilometro nagabaha sang dugo.
Gindaog ni Judas ang mga Hangaway ni Timoteo
(1 Mac. 5:37-44)
17Sang makalakat sila sang mga 145 ka kilometro nakaabot sila sa Karax, sa pungsod sang mga Judio nga ginatawag Tubiano. 18Wala nila makita si Timoteo sa sadtong lugar kay nakalakat na sia, kag wala sia sing may ginhimo luas sa pagbilin sang isa ka mabakod nga pamakod. 19Si Dositeo kag si Sosipater, duha sang mga heneral ni Judas Macabeo, nagsalakay kag naglutos sang mga hangaway ni Timoteo nga iya ginbilin sa pamakod nga nagadamo sing labaw sa 10,000 ka mga tawo. 20Ginparti ni Judas Macabeo ang iya mga hangaway sa pila ka grupo kag ginbutangan ini sing mga pangulo, kag dayon nagdalidali sia sa paglagas kay Timoteo nga ang iya mga hangaway nagadamo sing 120,000 ka mga soldado nga nagalakat kag 2,500 ka mga soldado nga nagasakay sa kabayo. 21Sang pagkahibalo ni Timoteo nga nagapadulong si Judas iya ginpapalagyo ang mga babayi kag ang mga kabataan upod ang ila mga dala sa lugar nga ginatawag Karnaim. Indi ini maagaw nga lugar tungod makitid ang alagyan pakadto didto. 22Sang makita nila ang nahauna nga grupo sang mga hangaway ni Judas, ang mga kaaway gindakop sang kahadlok. Nagsalangisag sila tungod sang ginpakita sang Dios nga nakakita sang tanan. Nagpalalagyo sila bisan diin lang nga ang ila man lang mga tinawo ang nagapilas sa ila kay nagabunggo sila sa mga espada sang kaupdanan nila. 23Ginlagas sila ni Judas sing may kaisog, ginpanglabo ang mga makasasala kag ginpatay ang 30,000 ka mga tawo. 24Si Timoteo mismo nadakpan ni Dositeo kag ni Sosipater kag sang ila mga tinawo. May kaabtik sia nga nagpakitluoy sa ila nga buy-an sia, tungod kay yara sa iya paggahom ang ila mga ginikanan kag mga kautoran kag ipapatay niya ini sila kon may malain nga matabo sa iya. 25Sang mapasalig niya sila nga kilalahon niya ang iya ginsaad kag ibalik ini nga mga tawo nga wala maano, ginbuy-an nila sia sa kabangdanan nga luwason niya ang ila mga kautoran.
Ang Iban pa nga mga Kadalag-an ni Judas
(1 Mac. 5:45-54)
26Dayon ginsalakay ni Judas ang siudad sang Karnaim kag ang templo sang diosa nga si Atargatis. Didto iya ginpamatay ang 25,000 ka mga tawo. 27Sang malutos niya ini nga mga kaaway ginsalakay niya ang Efron, isa ka banwa nga napamakuran sa diin nagaestar si Lysias kag ang mga tawo nga may nagkalainlain nga mga rasa. Ang nagpakig-away sa ila sa gwa sang mga pader makusog nga mga pamatan-on, samtang didto sa sulod nagahulat ang madamo nga dalagku nga mga hinganiban. 28Pero ang mga Judio nagpangayo sang bulig sa Ginoo nga makasarang sa pagrumpag sang pamakod sang mga kaaway paagi sa iya gahom. Gani naagaw nila ang siudad kag ginpamatay ang malapit sa 25,000 ka mga tawo didto sa sulod. 29Naghalin sila didto, kag nagtuyo sa pagsalakay sang Bet-san, mga 120 ka kilometro halin sa Jerusalem. 30Pero ang mga Judio didto nagpasalig kay Judas nga ang mga pumoluyo sang Bet-san nagtratar sing maayo sa ila kag tuman ka mabinuligon sa mga tion nga yara sila sa kapiot. 31Sia kag ang iya mga tinawo nagpasalamat sa ila kag nagsiling sa ila nga ipakita nila ang amo man nga pagpakig-abyan sa ila kaliwat sa palaabuton. Nag-abot sila sa Jerusalem sang madali na lang ang Piesta sang mga Tig-alani.
Ginlutos ni Judas si Gorgias
32Pagkatapos#Exo. 23:16. sang piesta nga ginatawag Pentecostes, gingubat nila si Gorgias, gobernador militar sang Idumea. 33Naggwa si Gorgias nga nagapangulo sang 3,000 ka mga soldado nga nagalakat lang kag 400 ka mga soldado nga nagasakay sa kabayo. 34Sa ila pag-inaway ang pila sang mga Judio nagkalamatay. 35Ang isa ka tawo nga ginatawag Dositeo, isa sang mga Tubianhon,#12:35 isa sang mga Tubianhon: Ang iban nga mga teksto may isa sang mga tinawo ni Basinor. isa ka makusog nga tawo nga nagasakay sa kabayo, nagdakop kay Gorgias. Gin-uyatan niya ini sa iya bayu, kag ginguyod niya nga may tuyo nga dakpon niya nga buhi ining malaut nga tawo pero isa sang mga soldado sang Traci nga nagasakay sa kabayo nagsalakay kay Dositeo kag ginlabo sia sa abaga, gani nakapalagyo si Gorgias sa Marisa.
36Sa pihak nga bahin, tungod kay si Esdras kag ang iya mga tinawo dugay na nga nagaaway kag ginakapoy na, si Judas nagpangamuyo sa Ginoo nga ipakita sa ila nga sia ila kaupod kag pangulo sa pag-away. 37Dayon, samtang ginasinggit niya ang mga pulong sa inaway kag ang iban nga mga ambahanon sa linggwahe sang iya mga katigulangan, iya ginpanglagas ang mga hangaway ni Gorgias.
Mga Pangamuyo para sa mga Nagkalamatay sa Inaway
38Dayon ginpangulohan ni Judas ang iya mga hangaway kag nagsaylo sa banwa sang Adulam, kag tungod kay nag-abot ang ikapito nga adlaw sang simana ila gintinluan ang ila kaugalingon suno sa kinabatasan, kag nagsaulog sang Adlaw nga Inugpahuway sa sadto nga lugar. 39Sang masunod nga adlaw nagkadto sila kay Judas tungod kay kinahanglanon na gid nga tipunon nila ang mga bangkay sang mga namatay sa inaway kag ilubong upod sa ila mga pariente sa lulobngan sang ila mga katigulangan. 40Pero#Deut. 7:25. sang ila masapwan sa tagsa ka patay, sa sulod sang ila panapton, ang mga anting-anting sang mga diosdios nga ginkuha sa Jamnia, nga ginadumilian sang Kasugoan para sa mga Judio, nanginmaathag sa tanan nga amo ini ang kabangdanan sang kamatayon sining mga tawo. 41Gani ang tanan nagdayaw sa ginhimo sang Ginoo, ang matarong nga hukom, nga nagabuyagyag sang tanan nga mga tinago. 42Nagpangamuyo sila kag nag-ampo nga mapatawad sing bug-os ang sala nga ila ginhimo. Dayon ang maisog nga si Judas naghambal sa mga tawo nga magpalayo sa tanan nga sala, tungod nakita gid nila ang bunga sang pagpakasala sadtong mga namatay. 43Pagkatapos sini nagtipon sia sang kwarta halin sa tagsatagsa nga nagalambot sa mga apat ka libra nga pilak. Iya ini ginpadala sa Jerusalem agod idulot ang isa ka halad tungod sang ila sala. Maayo kag dungganon gid ang iya ginhimo, tungod kay nagatuo sia sa pagkabanhaw sang mga patay. 44Kay kon wala sia nagatuo nga ang mga patay mabanhaw, wala sing pulos kag binuang ang magpangamuyo para sa mga patay. 45Pero tungod kay iya ginapanan-aw ang malipayon nga balos nga ginatigana para sa mga matinuohon tubtob sa katapusan, ang iya ginhimo balaan kag maayo. Gani amo ini ang kabangdanan nga gindulot niya ining halad para sa mga patay agod mahilway sila sa ila mga sala.
Currently Selected:
2 Macabeo 12: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
2 Macabeo 12
12
Ginpamatay ang mga Judio sang Jope
1Matapos mapat-od ini nga mga kasugtanan, si Lysias nagbalik sa hari samtang ang mga Judio nagbalik sa ila pagpanguma. 2Pero may iban nga mga manugdumala sa nagkalainlain nga mga lugar, nga amo sanday Timoteo kag Apolonio nga anak ni Heneo, sanday Heronimo kag Demopon, kag si Nicanor nga gobernador sang Cipre, nga indi magtugot sa mga Judio sa pagpangabuhi sa kalinong kag sa paghidait.
3Ang mga pumoluyo sa Jope naghimo sining masunod nga kalautan: ila gin-agda ang mga Judio nga nagaestar upod sa ila sa pagsakay sa mga sakayan nga ila na naaman, dala ang ila mga asawa kag mga kabataan. Wala gid sing namutikan nga tinutuyo sa pagpahamak sa ila. 4Ginbutohan ini sang mga pumoluyo, kag ginbaton ini sang mga Judio. Tungod sang ila mahidaiton nga pagkabuhi wala sila sing kabangdanan sa pagpangduhaduha sing malain, pero sang yara na sila sa tunga sang dagat, ginpanglumsan sila tanan, nga ang ila kadamuon indi magkubos sa 200.
5Sang pagkabati ni Judas sining mapintas nga ginhimo sa iya mga kasimanwa, nagmando sia sa iya mga tinawo. 6Matapos sia makapangamuyo sa Dios, ang matarong nga hukom, ginsalakay niya ang mga nagpatay sa iya mga kasimanwa. Sang gab-i iya ginsunog ang dulongkaan kag ang mga sakayan, kag ginpamatay ang tanan nga nagapalanago didto. 7Tungod kay nasirahan ang mga pwerta sang banwa naglakat sia kag nagplano nga magbalik liwat sa tuyo nga salakayon kag papason ang bug-os nga katilingban sang Jope.
8Pero sang iya pagkabati nga ang mga pumoluyo sang Jamnia may tuyo man sa pagpahamak sa mga Judio sa amo man nga paagi, 9ginsalakay niya sa kagab-ihon ang mga taga-Jamnia, kag ginsunog ang dulongkaan subong man ang mga sakayan. Ang ibwal sang kalayo makit-an pa sa Jerusalem, nga mga kwarentay singko ka kilometro ang kalayuon.
Ang mga Kadalag-an ni Judas sa Kadutaan sang Galaad
(1 Mac. 5:9-54)
10Sang makalumbos lang sila sa banwa sing mga isa ka kilometro kag tunga sa ila paggubat kay Timoteo, ginsalakay sila sang mga hangaway sang mga Arabo nga nagadamo sing 5,000 ka mga soldado nga nagalakat kag 500 ka mga soldado nga nagasakay sa kabayo. 11Natabo ang malapuyot nga inaway, kag tungod sang bulig sang Dios nagdaog ang mga tinawo ni Judas sa sina nga adlaw. Ang nalutos nga mga Arabo nga manlulugayaw nag-ampo kay Judas nga sila magpakig-abyan, nagsaad sila nga ila ihatag ang ila mga kasapatan kag sila handa magbulig sa iya. 12Tungod kay nahibaluan ni Judas nga mapuslan sila sa madamo nga mga bagay, nagpasugot sia sa pagpakighidait sa ila, kag sa tapos sila magkasugot ang mga Arabo nagbalik sa ila mga tolda.
13Ginsalakay man ni Judas ang isa ka mabakod nga banwa, nga nalikupan sing pader kag ginaestaran sing nagkalainlain nga rasa sang mga Hentil. Ginatawag ini nga Kaspin. 14Tungod sang ila daku nga pagsalig sa kusog sang ila mga pader kag sang ila nagakaigo nga pagkaon kag kinahanglanon, ang mga tawo nagpakita sang ila kaakig kay Judas kag sa iya mga tinawo, kag gin-updan nila ini sang mga insulto kag mga pagpasipala sa Dios. 15Pero si Judas kag ang iya mga tinawo nagpangamuyo sa Makagagahom nga Ginoo sang kalibutan nga bisan wala sing mga makina sa inaway ukon mga dalagku nga hinganiban naglutos sang Jerico sang panahon ni Josue. Dayon ginsalakay nila sing tudo ang ila mga pader. 16Naagaw nila ang siudad suno sa kabubot-on sang Dios. Indi gid masaysay ang ila pagpamatay nga ang malapit nga linaw nga nagalapad sing mga tunga sa kilometro nagabaha sang dugo.
Gindaog ni Judas ang mga Hangaway ni Timoteo
(1 Mac. 5:37-44)
17Sang makalakat sila sang mga 145 ka kilometro nakaabot sila sa Karax, sa pungsod sang mga Judio nga ginatawag Tubiano. 18Wala nila makita si Timoteo sa sadtong lugar kay nakalakat na sia, kag wala sia sing may ginhimo luas sa pagbilin sang isa ka mabakod nga pamakod. 19Si Dositeo kag si Sosipater, duha sang mga heneral ni Judas Macabeo, nagsalakay kag naglutos sang mga hangaway ni Timoteo nga iya ginbilin sa pamakod nga nagadamo sing labaw sa 10,000 ka mga tawo. 20Ginparti ni Judas Macabeo ang iya mga hangaway sa pila ka grupo kag ginbutangan ini sing mga pangulo, kag dayon nagdalidali sia sa paglagas kay Timoteo nga ang iya mga hangaway nagadamo sing 120,000 ka mga soldado nga nagalakat kag 2,500 ka mga soldado nga nagasakay sa kabayo. 21Sang pagkahibalo ni Timoteo nga nagapadulong si Judas iya ginpapalagyo ang mga babayi kag ang mga kabataan upod ang ila mga dala sa lugar nga ginatawag Karnaim. Indi ini maagaw nga lugar tungod makitid ang alagyan pakadto didto. 22Sang makita nila ang nahauna nga grupo sang mga hangaway ni Judas, ang mga kaaway gindakop sang kahadlok. Nagsalangisag sila tungod sang ginpakita sang Dios nga nakakita sang tanan. Nagpalalagyo sila bisan diin lang nga ang ila man lang mga tinawo ang nagapilas sa ila kay nagabunggo sila sa mga espada sang kaupdanan nila. 23Ginlagas sila ni Judas sing may kaisog, ginpanglabo ang mga makasasala kag ginpatay ang 30,000 ka mga tawo. 24Si Timoteo mismo nadakpan ni Dositeo kag ni Sosipater kag sang ila mga tinawo. May kaabtik sia nga nagpakitluoy sa ila nga buy-an sia, tungod kay yara sa iya paggahom ang ila mga ginikanan kag mga kautoran kag ipapatay niya ini sila kon may malain nga matabo sa iya. 25Sang mapasalig niya sila nga kilalahon niya ang iya ginsaad kag ibalik ini nga mga tawo nga wala maano, ginbuy-an nila sia sa kabangdanan nga luwason niya ang ila mga kautoran.
Ang Iban pa nga mga Kadalag-an ni Judas
(1 Mac. 5:45-54)
26Dayon ginsalakay ni Judas ang siudad sang Karnaim kag ang templo sang diosa nga si Atargatis. Didto iya ginpamatay ang 25,000 ka mga tawo. 27Sang malutos niya ini nga mga kaaway ginsalakay niya ang Efron, isa ka banwa nga napamakuran sa diin nagaestar si Lysias kag ang mga tawo nga may nagkalainlain nga mga rasa. Ang nagpakig-away sa ila sa gwa sang mga pader makusog nga mga pamatan-on, samtang didto sa sulod nagahulat ang madamo nga dalagku nga mga hinganiban. 28Pero ang mga Judio nagpangayo sang bulig sa Ginoo nga makasarang sa pagrumpag sang pamakod sang mga kaaway paagi sa iya gahom. Gani naagaw nila ang siudad kag ginpamatay ang malapit sa 25,000 ka mga tawo didto sa sulod. 29Naghalin sila didto, kag nagtuyo sa pagsalakay sang Bet-san, mga 120 ka kilometro halin sa Jerusalem. 30Pero ang mga Judio didto nagpasalig kay Judas nga ang mga pumoluyo sang Bet-san nagtratar sing maayo sa ila kag tuman ka mabinuligon sa mga tion nga yara sila sa kapiot. 31Sia kag ang iya mga tinawo nagpasalamat sa ila kag nagsiling sa ila nga ipakita nila ang amo man nga pagpakig-abyan sa ila kaliwat sa palaabuton. Nag-abot sila sa Jerusalem sang madali na lang ang Piesta sang mga Tig-alani.
Ginlutos ni Judas si Gorgias
32Pagkatapos#Exo. 23:16. sang piesta nga ginatawag Pentecostes, gingubat nila si Gorgias, gobernador militar sang Idumea. 33Naggwa si Gorgias nga nagapangulo sang 3,000 ka mga soldado nga nagalakat lang kag 400 ka mga soldado nga nagasakay sa kabayo. 34Sa ila pag-inaway ang pila sang mga Judio nagkalamatay. 35Ang isa ka tawo nga ginatawag Dositeo, isa sang mga Tubianhon,#12:35 isa sang mga Tubianhon: Ang iban nga mga teksto may isa sang mga tinawo ni Basinor. isa ka makusog nga tawo nga nagasakay sa kabayo, nagdakop kay Gorgias. Gin-uyatan niya ini sa iya bayu, kag ginguyod niya nga may tuyo nga dakpon niya nga buhi ining malaut nga tawo pero isa sang mga soldado sang Traci nga nagasakay sa kabayo nagsalakay kay Dositeo kag ginlabo sia sa abaga, gani nakapalagyo si Gorgias sa Marisa.
36Sa pihak nga bahin, tungod kay si Esdras kag ang iya mga tinawo dugay na nga nagaaway kag ginakapoy na, si Judas nagpangamuyo sa Ginoo nga ipakita sa ila nga sia ila kaupod kag pangulo sa pag-away. 37Dayon, samtang ginasinggit niya ang mga pulong sa inaway kag ang iban nga mga ambahanon sa linggwahe sang iya mga katigulangan, iya ginpanglagas ang mga hangaway ni Gorgias.
Mga Pangamuyo para sa mga Nagkalamatay sa Inaway
38Dayon ginpangulohan ni Judas ang iya mga hangaway kag nagsaylo sa banwa sang Adulam, kag tungod kay nag-abot ang ikapito nga adlaw sang simana ila gintinluan ang ila kaugalingon suno sa kinabatasan, kag nagsaulog sang Adlaw nga Inugpahuway sa sadto nga lugar. 39Sang masunod nga adlaw nagkadto sila kay Judas tungod kay kinahanglanon na gid nga tipunon nila ang mga bangkay sang mga namatay sa inaway kag ilubong upod sa ila mga pariente sa lulobngan sang ila mga katigulangan. 40Pero#Deut. 7:25. sang ila masapwan sa tagsa ka patay, sa sulod sang ila panapton, ang mga anting-anting sang mga diosdios nga ginkuha sa Jamnia, nga ginadumilian sang Kasugoan para sa mga Judio, nanginmaathag sa tanan nga amo ini ang kabangdanan sang kamatayon sining mga tawo. 41Gani ang tanan nagdayaw sa ginhimo sang Ginoo, ang matarong nga hukom, nga nagabuyagyag sang tanan nga mga tinago. 42Nagpangamuyo sila kag nag-ampo nga mapatawad sing bug-os ang sala nga ila ginhimo. Dayon ang maisog nga si Judas naghambal sa mga tawo nga magpalayo sa tanan nga sala, tungod nakita gid nila ang bunga sang pagpakasala sadtong mga namatay. 43Pagkatapos sini nagtipon sia sang kwarta halin sa tagsatagsa nga nagalambot sa mga apat ka libra nga pilak. Iya ini ginpadala sa Jerusalem agod idulot ang isa ka halad tungod sang ila sala. Maayo kag dungganon gid ang iya ginhimo, tungod kay nagatuo sia sa pagkabanhaw sang mga patay. 44Kay kon wala sia nagatuo nga ang mga patay mabanhaw, wala sing pulos kag binuang ang magpangamuyo para sa mga patay. 45Pero tungod kay iya ginapanan-aw ang malipayon nga balos nga ginatigana para sa mga matinuohon tubtob sa katapusan, ang iya ginhimo balaan kag maayo. Gani amo ini ang kabangdanan nga gindulot niya ining halad para sa mga patay agod mahilway sila sa ila mga sala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012