2 Macabeo 9
9
Ang Ginoo Nagsilot kay Antioco
(1 Mac. 6:1-7; 2 Mac. 1:11-17)
1Sa sinang mga tion, sang nagkahanabo ini tanan, si Antioco nagpalagyo nga nagasalasala halin sa pungsod sang Persia. 2Nagsulod sia sa siudad nga ginatawag Persepolis, nga may tuyo nga kawatan ang templo kag gamhan ang siudad, pero ang mga pumoluyo nagkuha dayon sang ila mga armas sa pag-apin sang ila kaugalingon. Tungod sini gintabog sang mga pumoluyo si Antioco kag napilitan sia magpalagyo nga puno sing kahuy-anan. 3Pag-abot niya sa Ecbatana, nakahibalo sia sang nadangatan sang mga hangaway ni Nicanor kag ni Timoteo. 4Napuno sia sing kaakig kag nanumpa sia nga pabayron niya ang mga Judio tungod sang kahuy-anan nga gintuga sang mga nagtabog sa iya. Sa iya paghunahuna sini, iya ginmanduan ang nagadala sang iya karwahi nga padalaganon ini nga wala sing untat-untat tubtob makaabot sila sa Jerusalem.
Pero ang paghukom sang langit nag-upod sa iya pagpanglakaton. Tungod sang iya kabugalon nagasiling sia, “Pag-abot ko sa Jerusalem, himuon ko ini nga tingob nga lulobngan sang mga Judio.” 5Pero ang Ginoo nga nakakita sang tanan, ang Dios sang Israel, naghalit sa iya sang isa ka indi mabulong kag indi mahibal-an nga balatian. Halos lang gani niya mamitlang ini nga mga tinaga sang binatyag niya ang indi mabulong nga sakit sang iya tiyan, kag ini nagpaantos sa iya sang indi matupongan nga kasakit. 6Kag bagay gid ini para sa iya tungod kay iya man ginhalitan kag ginpaantos ang mga tiyan sang iban. 7Pero bisan amo na ini ang iya nadangatan, wala gid magbalhin ang iya kahambog. Sa baylo nagdugang pa gid ang iya bugal, nagabalingaso ang iya nga kaakig batok sa mga Judio, kag naghana sia sa pagmando nga padasigon pa gid ang iya karwahi sang nahulog sia sa hinali sa iya karwahi. Ang kakusog sang pagtupa sang iya lawas nagbalibali sang tagsa ka tul-an sang iya kalawasan. 8Tungod sang iya nagapalanglapaw nga kahambog nagdumdom sia nga sarang niya mamanduan ang mga balod sa baybayon, nga sarang niya mahakwat ang mga kabukiran agod timbangon, apang karon nagahamyang sia sa duta, kag kinahanglan kargahon na lang sia nga ginayayungan. Isa ini ka pagpakita sa tanan sang kagamhanan sang Dios. 9Gin-uloran ang mga mata sining di-diosnon nga tawo, ang iya unod nagakadunot samtang iya ginaantos ang makasiligni nga kahapdi, kag ang kabaho sang pagmudmod sang iya kalawasan nagpasuka sang bug-os nga hangaway. 10Sa wala lang madugay naghunahuna sia sa paglambot sang kabituonan sang langit, karon wala sing bisan isa nga mangako sa pagyayong sa iya, kay ang baho indi gid maagwanta.
Si Antioco Naghimo sang Panaad sa Dios
(1 Mac. 6:8-17)
11Tungod sa natabo sa sina nga tinion kag sa tunga sang iya nagakamudmod nga kahimtangan, nagsugod sia sa pagdula sang iya nagapalanglapaw nga kahambog, kag nakamarasmas sia sang diosnon nga pagsilot, kay ginatublag sia sang kasakit sa tanan nga tion. 12Sia mismo indi makaagwanta sang iya baho, gani nakasiling sia, “Matarong gid nga itugyan ko ang akon kaugalingon sa Dios, wala sing tawo nga dapat maghandom nga mangintupong sa Dios.” 13Ining malaut nga tawo nagsugod sa pagsaad sa Ginoo, pero wala sia ginkaluoyi. Nagsiling sia 14nga ang Balaan nga Siudad nga gindalidali niya kadtuan agod sunogon kag himuon nga tingob nga lulobngan, kabigon nga hilway. 15Ang mga Judio nga iya ginkabig nga indi gani bagay ilubong nga iya ginbilang nga mga dunot nga bangkay nga angay ihaboy upod sang ila mga kabataan para sa mga kapispisan kag talunon nga mga kasapatan, karon iya pagahimuon nga manginkaangay sang mga pumoluyo sang Atena. 16Ang balaan nga Templo nga sang una iya ginpanguhaan sang mga pagkabutang, karon pagapunihan sang pinakamatahom nga mga dulot, iya ulian sing pila ka pilo ang balaan nga mga gamit, pagagastuhan niya gikan sa iya kaugalingon nga manggad ang tanan nga galastuhan para sa mga halad, 17kag labaw sa tanan mangin Judio sia, kag pagabisitahan niya ang tanan nga mga lugar nga ginaestaran sang mga tawo sa pagsugid sang gahom sang Dios.
Si Antioco Nagsulat sa mga Judio
18Sang mabatyagan ni Antioco nga wala gid maghaganhagan ang iya pag-antos, tungod kay ginsilutan sia sang Dios sang nagakaigo nga pamatbat, nadulaan sia sang paglaom para sa iya kaugalingon, kag nagsulat sia sa mga Judio. Ini nga sulat amo ang masunod nga nagapakitluoy sa sining mga pulong:
19“Sa labing dungganon nga mga Judio nga mga sakop ni Antioco, ila hari kag labing mataas nga pangulo, nagatamyaw ako sing tinagipusoon, kag nagapangamuyo para sa inyo ikaayong lawas kag kauswagan.
20“Kon kamo kag ang inyo mga kabataan maayo man kag nagapangabuhi suno sa inyo ginahandom, ti, nagakalipay ako. Subong nga ang akon paglaom yara sa Dios, 21ginadumdom ko nga may kalipay ang pagtahod kag kaayo nga inyo ginpakita sa akon.
“Sang akon pagbalik gikan sa pungsod sang Persia, nagmasakit ako sing grabe, kag nagpanghunahuna ako nga kinahanglanon gid maghimo sang plano para sa kaayuhan sang tanan. 22Indi tungod nga nadulaan ako sing paglaom sining akon kahimtangan, kay daku pa ang akon pagsalig nga magaayo ako sa sining balatian. 23Pero ginasunod ko ang batasan sang akon amay nga sa tagsa niya ka pagpanglakatan sa nasidlangan sang Eufrates subong hangaway, dayon niya hingalan sang magabulos sa iya. 24Ini iya ginabuhat agod nga kon may yara nga wala ginapaabot nga hitabo ukon balita nga makatublag, ang mga tawo makahibalo kon sin-o ang gintugyanan sang mga hilikuton sang pungsod kag sila magapabilin sa kalinong. 25Dugang pa sini, tungod kay nakahibalo ako nga ang mga prinsipe sa aton mga dulonan kag ang mga kaingod sang aton ginharian nagabantay lang sang nagakaigo nga kahigayunan kag nagahulat kon ano ang matabo, akon ginapili nga hari si Antioco nga akon anak. Makapila ko na sia ginbilin kag gintugyan sa inyo sang ako magkadto sa mga probinsya sa nasidlangan sang Eufrates. Ginalakip ko man ang kopya sang akon sulat sa iya. 26Gani dapat panumdomon ninyo ang nagliligad nga mga kaayuhan nga ginhatag ko sa inyo kag sa katilingban kag dapat man kamo magpadayon nga magpakita sang maayo nga kabubot-on sa akon kag sa akon anak. 27Nagasalig ako nga padayunon niya ang akon pagsulondan sing may maayo nga kabubot-on kag pagkamahinangpanon, kag manginmabinalak-on para sa inyo kaayuhan.”
28Gani ining manugpatay kag nagapakamalaut sa Dios, matapos niya maagyan ang tuman nga pag-antos nga iya ginpaantos sa iban nag-agi sining makaluluoy nga dinangatan, kag napatay sa malayo nga mga kabukiran nga wala sing may nagsapupo sa iya. 29Ang iya abyan nga si Felipe nagdala pabalik sang iya bangkay, kag tungod sa kahadlok sa anak ni Antioco, nagpalagyo sia sa Ehipto, kag didto nagdangop kay Haring Tolemeo Filometor sang Ehipto.
Currently Selected:
2 Macabeo 9: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
2 Macabeo 9
9
Ang Ginoo Nagsilot kay Antioco
(1 Mac. 6:1-7; 2 Mac. 1:11-17)
1Sa sinang mga tion, sang nagkahanabo ini tanan, si Antioco nagpalagyo nga nagasalasala halin sa pungsod sang Persia. 2Nagsulod sia sa siudad nga ginatawag Persepolis, nga may tuyo nga kawatan ang templo kag gamhan ang siudad, pero ang mga pumoluyo nagkuha dayon sang ila mga armas sa pag-apin sang ila kaugalingon. Tungod sini gintabog sang mga pumoluyo si Antioco kag napilitan sia magpalagyo nga puno sing kahuy-anan. 3Pag-abot niya sa Ecbatana, nakahibalo sia sang nadangatan sang mga hangaway ni Nicanor kag ni Timoteo. 4Napuno sia sing kaakig kag nanumpa sia nga pabayron niya ang mga Judio tungod sang kahuy-anan nga gintuga sang mga nagtabog sa iya. Sa iya paghunahuna sini, iya ginmanduan ang nagadala sang iya karwahi nga padalaganon ini nga wala sing untat-untat tubtob makaabot sila sa Jerusalem.
Pero ang paghukom sang langit nag-upod sa iya pagpanglakaton. Tungod sang iya kabugalon nagasiling sia, “Pag-abot ko sa Jerusalem, himuon ko ini nga tingob nga lulobngan sang mga Judio.” 5Pero ang Ginoo nga nakakita sang tanan, ang Dios sang Israel, naghalit sa iya sang isa ka indi mabulong kag indi mahibal-an nga balatian. Halos lang gani niya mamitlang ini nga mga tinaga sang binatyag niya ang indi mabulong nga sakit sang iya tiyan, kag ini nagpaantos sa iya sang indi matupongan nga kasakit. 6Kag bagay gid ini para sa iya tungod kay iya man ginhalitan kag ginpaantos ang mga tiyan sang iban. 7Pero bisan amo na ini ang iya nadangatan, wala gid magbalhin ang iya kahambog. Sa baylo nagdugang pa gid ang iya bugal, nagabalingaso ang iya nga kaakig batok sa mga Judio, kag naghana sia sa pagmando nga padasigon pa gid ang iya karwahi sang nahulog sia sa hinali sa iya karwahi. Ang kakusog sang pagtupa sang iya lawas nagbalibali sang tagsa ka tul-an sang iya kalawasan. 8Tungod sang iya nagapalanglapaw nga kahambog nagdumdom sia nga sarang niya mamanduan ang mga balod sa baybayon, nga sarang niya mahakwat ang mga kabukiran agod timbangon, apang karon nagahamyang sia sa duta, kag kinahanglan kargahon na lang sia nga ginayayungan. Isa ini ka pagpakita sa tanan sang kagamhanan sang Dios. 9Gin-uloran ang mga mata sining di-diosnon nga tawo, ang iya unod nagakadunot samtang iya ginaantos ang makasiligni nga kahapdi, kag ang kabaho sang pagmudmod sang iya kalawasan nagpasuka sang bug-os nga hangaway. 10Sa wala lang madugay naghunahuna sia sa paglambot sang kabituonan sang langit, karon wala sing bisan isa nga mangako sa pagyayong sa iya, kay ang baho indi gid maagwanta.
Si Antioco Naghimo sang Panaad sa Dios
(1 Mac. 6:8-17)
11Tungod sa natabo sa sina nga tinion kag sa tunga sang iya nagakamudmod nga kahimtangan, nagsugod sia sa pagdula sang iya nagapalanglapaw nga kahambog, kag nakamarasmas sia sang diosnon nga pagsilot, kay ginatublag sia sang kasakit sa tanan nga tion. 12Sia mismo indi makaagwanta sang iya baho, gani nakasiling sia, “Matarong gid nga itugyan ko ang akon kaugalingon sa Dios, wala sing tawo nga dapat maghandom nga mangintupong sa Dios.” 13Ining malaut nga tawo nagsugod sa pagsaad sa Ginoo, pero wala sia ginkaluoyi. Nagsiling sia 14nga ang Balaan nga Siudad nga gindalidali niya kadtuan agod sunogon kag himuon nga tingob nga lulobngan, kabigon nga hilway. 15Ang mga Judio nga iya ginkabig nga indi gani bagay ilubong nga iya ginbilang nga mga dunot nga bangkay nga angay ihaboy upod sang ila mga kabataan para sa mga kapispisan kag talunon nga mga kasapatan, karon iya pagahimuon nga manginkaangay sang mga pumoluyo sang Atena. 16Ang balaan nga Templo nga sang una iya ginpanguhaan sang mga pagkabutang, karon pagapunihan sang pinakamatahom nga mga dulot, iya ulian sing pila ka pilo ang balaan nga mga gamit, pagagastuhan niya gikan sa iya kaugalingon nga manggad ang tanan nga galastuhan para sa mga halad, 17kag labaw sa tanan mangin Judio sia, kag pagabisitahan niya ang tanan nga mga lugar nga ginaestaran sang mga tawo sa pagsugid sang gahom sang Dios.
Si Antioco Nagsulat sa mga Judio
18Sang mabatyagan ni Antioco nga wala gid maghaganhagan ang iya pag-antos, tungod kay ginsilutan sia sang Dios sang nagakaigo nga pamatbat, nadulaan sia sang paglaom para sa iya kaugalingon, kag nagsulat sia sa mga Judio. Ini nga sulat amo ang masunod nga nagapakitluoy sa sining mga pulong:
19“Sa labing dungganon nga mga Judio nga mga sakop ni Antioco, ila hari kag labing mataas nga pangulo, nagatamyaw ako sing tinagipusoon, kag nagapangamuyo para sa inyo ikaayong lawas kag kauswagan.
20“Kon kamo kag ang inyo mga kabataan maayo man kag nagapangabuhi suno sa inyo ginahandom, ti, nagakalipay ako. Subong nga ang akon paglaom yara sa Dios, 21ginadumdom ko nga may kalipay ang pagtahod kag kaayo nga inyo ginpakita sa akon.
“Sang akon pagbalik gikan sa pungsod sang Persia, nagmasakit ako sing grabe, kag nagpanghunahuna ako nga kinahanglanon gid maghimo sang plano para sa kaayuhan sang tanan. 22Indi tungod nga nadulaan ako sing paglaom sining akon kahimtangan, kay daku pa ang akon pagsalig nga magaayo ako sa sining balatian. 23Pero ginasunod ko ang batasan sang akon amay nga sa tagsa niya ka pagpanglakatan sa nasidlangan sang Eufrates subong hangaway, dayon niya hingalan sang magabulos sa iya. 24Ini iya ginabuhat agod nga kon may yara nga wala ginapaabot nga hitabo ukon balita nga makatublag, ang mga tawo makahibalo kon sin-o ang gintugyanan sang mga hilikuton sang pungsod kag sila magapabilin sa kalinong. 25Dugang pa sini, tungod kay nakahibalo ako nga ang mga prinsipe sa aton mga dulonan kag ang mga kaingod sang aton ginharian nagabantay lang sang nagakaigo nga kahigayunan kag nagahulat kon ano ang matabo, akon ginapili nga hari si Antioco nga akon anak. Makapila ko na sia ginbilin kag gintugyan sa inyo sang ako magkadto sa mga probinsya sa nasidlangan sang Eufrates. Ginalakip ko man ang kopya sang akon sulat sa iya. 26Gani dapat panumdomon ninyo ang nagliligad nga mga kaayuhan nga ginhatag ko sa inyo kag sa katilingban kag dapat man kamo magpadayon nga magpakita sang maayo nga kabubot-on sa akon kag sa akon anak. 27Nagasalig ako nga padayunon niya ang akon pagsulondan sing may maayo nga kabubot-on kag pagkamahinangpanon, kag manginmabinalak-on para sa inyo kaayuhan.”
28Gani ining manugpatay kag nagapakamalaut sa Dios, matapos niya maagyan ang tuman nga pag-antos nga iya ginpaantos sa iban nag-agi sining makaluluoy nga dinangatan, kag napatay sa malayo nga mga kabukiran nga wala sing may nagsapupo sa iya. 29Ang iya abyan nga si Felipe nagdala pabalik sang iya bangkay, kag tungod sa kahadlok sa anak ni Antioco, nagpalagyo sia sa Ehipto, kag didto nagdangop kay Haring Tolemeo Filometor sang Ehipto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012