2 Mga Hari 24
24
1Samtang#Jer. 25:1-38; Dan. 1:1-2. si Joaquim amo ang hari, si Haring Nabucodonosor sang Babilonia naggubat sang Juda, kag sa sulod sang tatlo ka tuig si Joaquim napilitan sa pagpaidalom sa iya gahom, kag sang ulihi nagbato sia. 2Ang Ginoo nagpadala sang mga hangaway sang Babilonia, Siria, Moab, kag Amon batok kay Joaquim sa paglaglag sa Juda, suno sa ginsiling sang Ginoo nga iya pagahimuon paagi sa iya mga alagad nga mga propeta. 3Natabo ini suno sa ginsugo sang Ginoo, agod nga matabog niya ang mga tawo sang Juda palayo sa iya atubang, tungod sang tanan nga sala nga ginhimo ni Haring Manases, 4kag ilabi na gid sang iya pagpamatay sang mga tawo nga wala sing sala. Tungod sini, ang Ginoo indi makapatawad kay Manases.
5Ang tanan nga ginhimo ni Joaquim nasulat sa Maragtas sang mga Hari sang Juda. 6Si Joaquim napatay kag ang iya anak nga si Joaquin nagbulos sa iya subong hari.
7Ang hari sang Ehipto kag ang iya hangaway wala na gid maggwa liwat sa Ehipto tungod kay ang hari sang Babilonia amo na karon ang naggahom sang tanan nga sakop nga iya sang Ehipto, halin sa Suba sang Eufrates tubtob sa naaminhan nga dulonan sang Ehipto.
Si Haring Joaquin sang Juda
(2 Cron. 36:9-10)
8Si Joaquin nanginhari sang Juda sang nagaedad sia sing desi-otso ka tuig, kag naggahom sia sa Jerusalem sa sulod sing tatlo ka bulan. Ang iya iloy amo si Nehusta, nga anak ni Elnatan, nga nagikan sa Jerusalem. 9Si Joaquin nagpakasala batok sa Ginoo, nga nagasunod sang ginhimo sang iya amay.
10Sa panahon sang iya paggahom ang mga hangaway sang Babilonia, nga ginapangulohan sang mga opisyales ni Haring Nabucodonosor, nagsalakay kag nagkibon sang Jerusalem. 11Sa panahon sang pagkibon, si Nabucodonosor mismo nagkadto sa Jerusalem, 12kag#Jer. 22:24-30; 24:1-10; 29:1-2. si Haring Joaquin, upod sang iya iloy, sang iya mga anak nga lalaki, sang iya mga opisyales, kag sang mga opisyales sa palasyo, nag-ampo sa mga taga-Babilonia. Si Nabucodonosor, sa iya ikawalo ka tuig nga paggahom nagdala kay Joaquin subong bihag. 13Kag gindala niya sa Babilonia ang tanan nga malahalon nga mga pagkabutang sa Templo kag sa palasyo. Suno sa ginsiling sang Ginoo, si Nabucodonosor nagpangdugmok sang tanan nga mga galamiton nga bulawan nga ginhimo ni Haring Solomon agod gamiton sa Templo. 14Si Nabucodonosor nagdala sang mga pumoluyo sang Jerusalem subong mga bihag, sang tanan nga mga prinsipe, kag sang tanan nga kinilala nga mga tawo, 10,000 sila tanan. Iya man gindala ang tanan nga sampaton nga mga manug-obra, lakip ang mga panday sa salsalon, kag ginbilin niya sa Juda ang pinakaimol lamang nga mga pumoluyo.
15Gindala#Ezeq. 17:12. ni Nabucodonosor si Joaquin sa Babilonia subong bihag, upod sa iya iloy, sa iya mga asawa, sa iya mga opisyales, kag sa kinilala nga mga pumoluyo sang Juda. 16Gindala ni Nabucodonosor sa Babilonia ang tanan nga mapuslanon nga mga tawo, 7,000 sila tanan, kag 1,000 ka sampaton nga mga manug-obra, lakip ang mga panday sa salsalon, tanan sila maayo sing lawas nga sarang makaentra sa pagkasoldado.
17Si#Jer. 37:1; Ezeq. 17:13. Matanias nga tiyo ni Joaquin ginhimo ni Nabucodonosor nga manginhari sang Juda kag ginbayluhan ang iya ngalan kay Sedequias.
Si Haring Sedequias sang Juda
(2 Cron. 36:11-12; Jer. 52:1-3a)
18Si#Jer. 27:1-22; 28:1-17. Sedequias nagaedad sing baynte uno ka tuig sang iya paghari sa Juda, kag naggahom sia sa Jerusalem sing onse ka tuig. Ang iya iloy amo si Hamutal nga anak ni Jeremias nga nagikan sa siudad sang Libna. 19Si Haring Sedequias nagpakasala batok sa Ginoo, subong sang ginhimo ni Haring Joaquim. 20Ang#Ezeq. 17:15. Ginoo naakig gid sa mga pumoluyo sang Jerusalem kag Juda kag gintabog niya sila palayo sa iya panulok.
Currently Selected:
2 Mga Hari 24: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
