1 Timoteo 3
3
Ang Mga Pangulo sa Iglesia
1Matuod ini nga pulolungon: Kon ang isa ka tawo luyag mangin-isa ka pangulo sa iglesia, maayo nga hilikuton ang iya ginahandom. 2Kinahanglan#Tit. 1:6-9. nga ang pangulo sang iglesia isa ka tawo nga wala sing kasawayan, isa lang ang iya asawa,#3:2 isa lang ang iya asawa: ukonmakaisa lang magpangasawa. mahaganhaganon, makapugong sang iya kaugalingon kag but-anan, kinahanglan mabinatunon sia sa mga estranghero sa iya balay, sampaton sa pagpanudlo; 3kinahanglan indi palahubog ukon makiawayon, kundi nga malulo kag mahidaiton, kag indi maki-kwarta; 4kinahanglan makahibalo sia magdumala sing maayo sang iya panimalay, ginatuman kag ginatahod sia sang iya mga kabataan. 5Kay kon ang isa ka tawo indi gani makahibalo magdumala sang iya kaugalingon nga panimalay, paano karon ang pagdumala niya sang iglesia sang Dios? 6Dapat indi sia bag-o pa lang nakonbertir, kay basi magpabugal sia kag pagasilutan man sia subong sang Yawa. 7Kinahanglan ginatahod sia sang mga tawo nga indi katapo sang iglesia, agod nga indi sia mahuy-an kag mahulog sa siod sang Yawa.
Ang mga Manugbulig sa Iglesia
8Ang mga manugbulig sa iglesia kinahanglan maayo man sing pamatasan kag sinsero. Kinahanglan indi sila palainom sing bino kag indi dalok sa kwarta. 9Kinahanglan nagapadayon sila sing malig-on sa napahayag nga kamatuoran sang pagtuo, nga may matinlo nga konsensya. 10Kinahanglan tilawan anay sila, kag kon makapasar, mag-alagad na sila. 11Ang ila mga asawa#3:11 Ang ila mga asawa: ukonAng mga babayi nga manugbulig. kinahanglan may maayo man nga pamatasan kag wala nagakutsokutso. Kinahanglan maugdang sila kag masaligan sa tanan nga mga butang. 12Ang manugbulig sa iglesia kinahanglan may isa lang ka asawa#3:12 may isa lang ka asawa: ukonmakaisa lang magpangasawa. kag makahibalo magdumala sing maayo sang iya mga kabataan kag panimalay. 13Ang mga manugbulig sa iglesia nga nagaalagad sing maayo ginatahod sang mga tawo kag sarang sila makahambal nga wala sing kahadlok nahanungod sang ila pagtuo kay Cristo Jesus.
Ang Daku nga Sekrito
14Samtang ginasulat ko ini nga mga pagtudlo para sa imo, nagalaom ako nga makakadto dira sa imo sa labing madali kag makapakigkita sa imo. 15Pero kon maatrasar ako, ini nga sulat magapahibalo sa imo kon paano kita magginawi sa sulod sang panimalay sang Dios, nga amo ang iglesia sang Dios nga buhi, ang haligi kag sadsaran sang kamatuoran. 16Wala sing may makahimutig kon daw ano kadako ang sekrito sang aton pagtuluohan:
Nagpakita sia sa dagway sang tawo,
ginpahayag nga matarong
sang Espiritu,#3:16 sang Espiritu: ukonsa espirituhanon nga dagway. kag nakit-an sang mga anghel.
Ginwali sia sa mga kapungsoran,
gintuohan sa bug-os nga kalibutan, kag gindala sia sa langit.
Currently Selected:
1 Timoteo 3: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
