Popular Bible Verses from 1 Timoteo 3

Share

Wala sing may makahimutig kon daw ano kadako ang sekrito sang aton pagtuluohan: Nagpakita sia sa dagway sang tawo, ginpahayag nga matarong sang Espiritu, kag nakit-an sang mga anghel. Ginwali sia sa mga kapungsoran, gintuohan sa bug-os nga kalibutan, kag gindala sia sa langit.

Kinahanglan nga ang pangulo sang iglesia isa ka tawo nga wala sing kasawayan, isa lang ang iya asawa, mahaganhaganon, makapugong sang iya kaugalingon kag but-anan, kinahanglan mabinatunon sia sa mga estranghero sa iya balay, sampaton sa pagpanudlo

kinahanglan makahibalo sia magdumala sing maayo sang iya panimalay, ginatuman kag ginatahod sia sang iya mga kabataan.

Ang manugbulig sa iglesia kinahanglan may isa lang ka asawa kag makahibalo magdumala sing maayo sang iya mga kabataan kag panimalay. Ang mga manugbulig sa iglesia nga nagaalagad sing maayo ginatahod sang mga tawo kag sarang sila makahambal nga wala sing kahadlok nahanungod sang ila pagtuo kay Cristo Jesus.