1 Mga Hari 7
7
Ang Palasyo ni Solomon
1Si Solomon nagpatindog man sing palasyo para sa iya kaugalingon, kag nahuman niya ini sa sulod sang trese ka tuig. 2-3Ang Tilipunan nga ginatawag ang Kagulangan sang Libano#7:2-3 TILIPUNAN SANG KAGULANGAN SANG LIBANO: Daku nga tilipunan sa palasyo nga ginahiwatan sang mga seremonya. Ayhan gintawag ini sa sini nga ngalan tungod kay gingamitan ini sang kahoy nga sedro. 150 ka tapak ang kalabaon, setentay singko ka tapak ang kasangkaron, kag kwarentay singko ka tapak ang kataason. May tatlo#7:2-3 Ang isa ka dumaan nga pagbadbadtatlo; sa Hebreoapat. ini ka kubay nga mga haligi nga sedro, kinse sa tagsa ka kubay, nga may mga balayan nga kahoy nga sedro nga nagatungtong sa sini. Ang kisame kahoy nga sedro kag naglambot ini tubtob sa mga kwarto nga talaguan, kag ginatukod ini sang mga haligi. 4Sa tagsa ka kilid nga dingding may tatlo ka kubay nga mga bintana. 5Ang mga pwertahan kag ang mga bintana#7:5 Ang isa ka dumaan nga pagbadbadmga bintana; sa Hebreomga bakalan. may kwadrado nga mga hamba kag ang tatlo ka kubay nga mga bintana sa tagsa ka dingding nagaatubang sa pihak nga kubay.
6Ang Portico nga may mga Haligi setentay singko ka tapak ang kalabaon kag kwarentay singko ka tapak ang kasangkaron. May balkonahe ini nga may atop, kag ginatukod ini sang mga haligi.
7Ang Hulot sang Trono nga ginatawag man Hulot sang Hukmanan, sa diin si Solomon nagahukom sang mga kaso, may mga sedro nga tapi halin sa salog pakadto sa kisame.#7:7 Ang iban nga dumaan nga mga pagbadbadkisame; sa Hebreosalog.
8Ang#1 Hari 3:1. kaugalingon nga mga balay ni Solomon, sa isa ka pasiyuhan sa likod sang Hulot sang Hukmanan, ginhimo kaangay sang iban nga mga balay. Naghimo man sia sing amo nga sahi sang balay para sa iya asawa nga bata sang hari sang Ehipto.
9Ini tanan nga mga balay kag ang daku nga pasiyuhan halin sa mga sadsaran tubtob sa balisbisan, nahimo sa mga bato nga pinili nga gin-aman sa ginkuhaan sini, ginbasbasan suno sa takos, nga ang nagwa kag nasulod nga mga kilid sini ginkortihan sang mga lagari. 10Ang mga sadsaran nahimo sa dalagku nga mga bato nga gin-aman sa ginkuhaan sini, ang iban dose ka tapak ang kalabaon kag ang iban kinse ka tapak ang kalabaon. 11Sa ibabaw sini may iban man nga mga bato nga ginkortihan suno sa takos, kag kahoy nga sedro nga mga balayan. 12Ang pasiyuhan sang palasyo, ang nasulod nga pasiyuhan sang Templo, kag ang alagyan nga kwarto sang Templo may mga dingding nga may isa ka sampaw sang mga balayan nga sedro sa tagsa ka tatlo ka sampaw sang nakortihan nga mga bato.
Ang Bulohaton ni Huram
13Ginpatawag ni Haring Solomon ang isa ka tawo nga ginahingalanan kay Huram, isa ka tawo nga maayo mag-obra sang mga butang nga bronsi, nga nagaestar sa siudad sang Tiro. 14Ang iya amay, nga patay na, taga-Tiro, kag maayo man sia nga manug-obra sang mga butang nga bronsi, kag ang iya iloy nagikan sa tribo ni Neftali. Si Huram maalam kag sampaton nga manug-obra. Ginbaton niya ang pangagda ni Haring Solomon sa pagdumala sang tanan nga ulobrahon nga bronsi.
Ang Duha ka mga Haligi nga Bronsi
(2 Cron. 3:15-17)
15Si Huram naghimo sing duha ka mga haligi gikan sa tinunaw nga bronsi, ang tagsa ka haligi baynte siete ka tapak ang kataason kag desi-otso ka tapak ang kadakuon#7:15 Ang iban nga dumaan nga mga pagbadbadang tagsa…kadakuon; sa Hebreoang nahauna nga haligi baynte siete ka tapak ang kataason kag ang ikaduha nga haligi desi-otso ka tapak ang kadakuon. kag ginbutang ini sa pwertahan sang Templo. 16Naghimo man sia sing duha ka mga uloulo nga bronsi, nga ang tagsa ka uloulo pito kag tunga ka tapak ang kataason, nga inugbutang sa ibabaw sang mga haligi. 17Ang ibabaw sang tagsa ka haligi napunihan sang pinuna nga mga kadena, 18kag sang duha ka kubay nga mga granada nga bronsi.
19Ang mga uloulo daw pareho sang mga lirio ang ila korte, anom ka tapak ang kataason, 20kag nabutang ini sa matulotipulon nga bahin sa ibabaw sang puni nga kadena. May 200 ka mga granada, sa duha ka kubay, sa palibot sang tagsa ka#7:20 Ang isa ka dumaan nga pagbadbadtagsa ka; sa Hebreoikaduha nga. uloulo.
21Ginbutang ni Huram ining duha ka mga haligi nga mga bronsi sa atubangan sang pwertahan sang Templo: ang sa nabagatnan nga bahin ginhingalanan Jaquin,#7:21 JAQUIN: Ini nga ngalan pareho sang Hebreo nga pulong nga kon sayuron “nagapalig-on sia (Dios)”. kag ang sa naaminhan nga bahin ginhingalanan Boaz.#7:21 BOAZ: Ini nga ngalan pareho sang Hebreo nga pulong nga kon sayuron “paagi sa iya (Dios) kusog”. 22Ang mga uloulo nga bronsi nga ang ila korte daw sa lirio yara sa ibabaw sang mga haligi.
Gani ang gin-obra nga mga haligi natapos.
Ang Tangke nga Bronsi
(2 Cron. 4:2-5)
23Si Huram naghimo sing tangke nga bronsi nga daw kawa, pito ka tunga ka tapak ang kadalumon, kinse ka tapak ang kasangkaron, kag kwarentay singko ka tapak ang palibot. 24Sa bug-os nga palibot sang nagwa nga bibig sang tangke may duha ka kubay sang mga kulod nga bronsi nga gintunaw kag unay sa tangke. 25Ang tangke nagatungtong sa likod sang dose ka mga baka nga toro nga bronsi nga nagaatubang sa gwa, nga ang tatlo nagaatubang sa aminhan, ang tatlo nagaatubang sa katundan, ang tatlo nagaatubang sa bagatnan, kag ang tatlo nagaatubang sa sidlangan. 26Ang tangke nagadamol sing tatlo ka pulgada. Ang iya bibig kaangay sang bibig sang tasa nga nagaliad pa gwa kaangay sang mga bukad sang lirio. Ang tangke sarang makaunod sing 10,000 ka galon.
Ang mga Karo nga Bronsi
27Si Huram naghimo man sing napulo ka mga karo nga bronsi. Ang tagsa ka karo anom ka tapak ang kalabaon, anom ka tapak ang kasangkaron kag apat kag tunga ka tapak ang kataason. 28Nahimo ini sa kwadrado nga mga tapi kag may mga balayan. 29Ang mga tapi may mga larawan sang mga leon, mga baka nga toro, kag mga kerubin. Sa mga balayan, sa ibabaw kag sa idalom sang mga leon kag mga baka nga toro may kulokorona nga dekorasyon. 30Ang tagsa ka karo may apat ka mga kariton nga bronsi kag ehe nga bronsi. Sa apat ka mga pamusod may apat ka mga tiil nga may kulokorona nga mga dekorasyon kag ini nagatukod sang labador. 31May matipulon nga balayan sa ibabaw para sa labador. Ini nga balayan nagalabaw halin sa ibabaw sang karo sing desi-otso ka pulgada paibabaw kag pito ka pulgada pa idalom kag may mga dekorasyon ini sa palibot nga gindibuho. 32Ang kataason sang mga kariton baynte singko ka pulgada. Ginbutang ini sa idalom sang mga tapi, kag ang mga ehe unay sa karo. 33Ang mga kariton pareho sang mga kariton sang karwahi: ang ila mga ehe, mga tubo, mga radyos, kag mga yanta nahimo tanan sa bronsi. 34May apat ka mga tukod sa idalom sang apat ka mga pamusod sang tagsa ka karo, nga unay sa karo. 35Sa ibabaw sang tagsa ka karo may nagalibot nga sanipa nga siyam ka pulgada, ang iya sini mga tukod kag mga tapi unay sa karo. 36Ang mga tukod kag mga tapi may dibuho sang mga larawan sang mga kerubin, mga leon, mga kahoy nga palma, bisan diin nga may lugar para sa sini, kag may kulokorona nga mga dekorasyon sa palibot sini. 37Gani amo ini ang paghimo sang mga karo, pareho tanan ang ila kadakuon kag korte.
38Si#Exo. 30:17-21. Huram naghimo man sing napulo ka mga labador, isa para sa tagsa ka karo. Ang tagsa ka labador anom ka tapak ang kadakuon, kag sarang masudlan sing 200 ka galon. 39Ginbutang niya ang lima ka mga karo sa nabagatnan nga kilid sang Templo, kag ang lima sa naaminhan nga kilid; ang tangke ginbutang niya sa nabagatnan—nasidlangan nga pamusod.
Ang Kabilogan nga Listahan sang mga Gamit sa Templo
(2 Cron. 4:11–5:1)
40-45Si Huram naghimo man sing mga kolon, mga pala, kag mga yahong. Natapos niya ang tanan niya nga bulohaton para kay Haring Solomon para sa Templo sang Ginoo. Amo ini ang iya nahimo:
Ang duha ka mga haligi
Ang duha ka mga uloulo nga daw mga yahong sa ibabaw sang mga haligi
Ang puni nga pinuna nga mga kadena sa tagsa ka uloulo
Ang 400 ka mga granada nga bronsi, sa duha ka kubay sang tag-100 sa palibot sang dibuho sa tagsa ka uloulo
Ang napulo ka mga karo
Ang napulo ka mga labador
Ang tangke
Ang dose ka mga baka nga toro nga ginatungtongan sang tangke
Ang mga kolon, mga pala, kag mga yahong
Ini tanan nga mga gamit sa Templo, nga ginhimo ni Huram para kay Haring Solomon, pinahining nga bronsi. 46Ginpahimo ini tanan sang hari sa pondedor nga yara sa gintung-an sang Sucot kag Saretan sa Kapatagan sang Jordan. 47Wala ginpatimbang ni Solomon ini nga mga gamit tungod kay tama gid sini kadamo nga ang ila kabug-aton indi na mahibal-an.
48Si#Exo. 30:1-3; Exo. 25:23-30. Solomon nagpahimo man sing mga gamit nga bulawan para sa Templo: ang altar, ang lamisa para sa balaan nga tinapay nga ginadulot sa Dios, 49ang#Exo. 25:31-40. napulo ka mga kandelirohan nga nagatindog sa atubangan sang Labing Balaan nga Duog, lima sa nabagatnan nga bahin kag lima sa naaminhan nga bahin; ang mga bulak, mga suga, kag mga kimpit; 50ang mga kupa, mga inugpatay sang suga, mga yahong, mga pinggan para sa insyenso, kag ang mga balagahan; kag ang mga bisagra para sa mga pwertahan sang Labing Balaan nga Duog kag sang nagwa nga mga pwertahan sang Templo. Ini tanan nga mga gamit nahimo sa bulawan.
51Sang#2 Sam. 8:11; 1 Cron. 18:11. matapos ni Haring Solomon ang tanan nga bulohaton sa Templo, ginbutang niya sa mga talaguan sa Templo ang tanan nga mga butang nga ginhalad sa Ginoo sang iya amay nga si David—ang pilak, bulawan, kag ang iban nga mga galamiton.
Currently Selected:
1 Mga Hari 7: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
