1 Mga Taga-Corinto 16
16
Ang Bulig para sa mga Tumoluo sa Jerusalem
1Karon#Rom. 15:25-26. nahanungod sang inyo ginsulat parti sa kwarta nga aton pagatipunon agod ibulig sa mga tumoluo sa Judea, amo ini ang akon mahambal. Dapat ninyo himuon man ang ginsugo ko sa mga iglesia sa Galacia. 2Sa tagsa ka nahauna nga adlaw sang simana, ang tagsa sa inyo dapat magpain sing kwarta suno sa iya kinitaan. Supton ninyo ini agod nga sa akon pag-abot dira, indi na kinahanglan nga magpanipon pa sang inyo amot. 3Kag sa pag-abot ko dira, ipadala ko sa Jerusalem ang mga tawo nga mapilian ninyo, sa pagdul-ong sang inyo mga dulot upod ang sulat nga nagapakilala sa ila. 4Kon kinahanglan gid man nga maglakat ako, ti, magaupod na lang sila sa akon.
Ang mga Plano ni Pablo
5Makadto#Bin. 19:21. ako dira sa inyo sa tapos ako makaagi sa Macedonia, kay nagaplano ako sa pag-agi didto. 6Ayhan magatener ako dira sa inyo sa bug-os nga tion sang tigtulognaw, kag dayon mabuligan ninyo ako sa pagpadayon sang akon pagpanglakaton kon diin naman ako magkadto. 7Kay indi ako luyag nga madali lang ang akon pagpakigkita sa inyo, kundi nagalaom ako nga makatener dira sa inyo sing malawig nga tion, kon itugot sang Ginoo.
8Pero#Lev. 23:15-21; Deut. 16:9-11.#Bin. 19:8-10. matener anay ako diri sa Efeso tubtob sa adlaw sang Pentecostes. 9May daku ako nga kahigayunan diri sa pagpangabudlay sing maayo kag mapuslanon bisan pa nga may madamo nga mga kasumpong.
10Kon#1 Cor. 4:17. mag-abot si Timoteo dira sa inyo, abiabiha gid ninyo sia, agod magpakig-upod sia sa inyo nga wala sing kahadlok, kay nagapangabudlay sia para sa Ginoo subong sang ginahimo ko man. 11Gani wala sing may magtamay sa iya, kundi dapat patigayunon ninyo nga magpadayon kag magmatawhay ang iya pagpanglakaton, agod makabalik sia sa akon, kay ginapaabot ko sia upod sa iban nga mga kautoran.
12Karon, nahanungod sa aton utod nga si Apolos, pirme ako nagapakitluoy sa iya nga magbisita sia sa inyo upod sa iban nga mga kautoran, pero wala pa gid sia malugpayan#16:12 wala pa gid sia malugpayan: ukonindi pa kabubot-on sang Ginoo. sa pagkadto dira sa inyo subong. Makadto lang sia dira ugaling kon may kahigayunan sia.
Katapusan nga mga Laygay
13Magbantay kamo, magmalig-on sa pagtuo, magpakaisog, kag magpakabakod. 14Himua nga may gugma ang tanan ninyo nga mga hilikuton.
15Kamo#1 Cor. 1:16. gid nakahibalo nga si Estefanas kag ang iya panimalay amo ang nahauna nga nangincristohanon sa Acaya kag naghalad sang ila kaugalingon sa pag-alagad sa mga tumoluo. Mga utod nagapangabay ako sa inyo, 16nga magsunod kamo sa ila kag sa bisan kay sin-o nga nagapangabudlay kag nagaalagad kaupod nila.
17Nagakalipay ako tungod sang pag-abot nanday Estefanas, ni Fortunato kag ni Acaico, kay bisan wala kamo, pero yari man sila. 18Ginlipay nila ako subong sang paglipay nila sa inyo. Ini nga sahi sang mga tawo dapat ninyo kilalahon.
19Ang#Bin. 18:2. mga iglesia sa probinsya sang Asia nagaabiabi sa inyo. Si Aquila kag si Priscila kag ang iglesia nga nagatipon sa ila balay nagaabiabi sa inyo sing mainit sa ngalan sang Ginoo. 20Ang tanan nga mga utod diri nagaabiabi sa inyo.
Mag-abiabihanay kamo subong mga mag-ulotod kay Cristo.
21Ako gid ang nagasulat sini: Mga pag-abiabi halin kay Pablo.
22Ang bisan sin-o nga wala nagahigugma sa Ginoo, kabay nga pakamalauton sia!
Marana tha! Kon sa aton pa, Ginoo namon, mag-abot ka!
23Kabay nga ang pagpakamaayo ni Ginoong Jesus manginyara sa inyo.
24Ang akon paghigugma manginyara sa inyo tanan nga nahiusa kay Cristo Jesus.
Currently Selected:
1 Mga Taga-Corinto 16: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
