1 Mga Cronica 9
9
Ang mga Tawo nga Nagbalik gikan sa Pagkabihag
1Ang tanan nga mga tawo sang Israel ginlista suno sa ila mga panimalay, kag nasulat ini sa Libro sang mga Hari sang Israel.
Ang mga tawo sang Juda gintapok sa Babilonia subong silot sang ila mga sala. 2Ang#Esd. 2:27; Neh. 7:73. nahauna nga mga nakabalik sa ila pagkabutang sa mga siudad nagalakip sang mga pari, mga Levita, mga tawo nga nagaobra sa Templo kag mga pumoluyo sang Israel. 3Ang mga tawo halin sa mga tribo nanday Juda, Benjamin, Efraim, kag Manases nag-estar sa Jerusalem.
4-6Ang 690 ka mga panimalay sang tribo ni Juda nag-estar sa Jerusalem.
Ang pangulo sang mga kaliwat sang anak ni Juda nga si Perez amo si Utai nga anak ni Amihud kag apo ni Omri. Ang iban niya nga mga katigulangan nagalakip kanday Imri kag Bani.
Ang pangulo sang mga kaliwat sang anak ni Juda nga si Sela amo si Asaya, nga amo ang pangulo sang iya panimalay.
Ang pangulo sang mga kaliwat sang anak ni Juda nga si Zera amo si Jeuel.
7-8Ang masunod nga mga katapo sang tribo ni Benjamin nag-estar sa Jerusalem:
si Sallu, anak ni Mesullam, nga anak ni Hodabias, ang anak ni Hasenua
si Ibnias, anak ni Jeroham
si Ela, anak ni Uzi kag apo ni Micri
si Mesullam, anak ni Sepatias, nga anak ni Reuel, ang anak ni Ibnias.
9May 956 ka mga panimalay sa sini nga tribo nga nagaestar didto. Ang tanan nga mga lalaki nga ginhingalanan, mga pangulo sang mga panimalay.
Ang mga Pari nga Nag-estar sa Jerusalem
10-12Ang masunod nga mga pari nag-estar sa Jerusalem:
Jedaya, Joiarib, kag Jaquin
si Azarias nga anak ni Helkias ang mataas nga pangulo sa Templo. Ang iya mga katigulangan nagalakip kanday Mesullam, Sadoc, Meraiot, kag Ahitub
si Adaya anak ni Jeroham, kag ang iya mga katigulangan nagalakip kanday Pasur kag Malquias
si Masai anak ni Adiel, kag ang iya mga katigulangan nagalakip kanday Jazera, Mesullam, Mesilemit, kag Imer.
13Ang bug-os nga kadamuon sang mga pari nga mga pangulo sang mga panimalay 1,760. Mga sampaton sila sa tanan nga obra sa Templo.
Ang mga Levita nga Nag-estar sa Jerusalem
14-16Ang masunod nga mga Levita nag-estar sa Jerusalem:
Semaya nga anak ni Hasub, kag ang iya mga katigulangan nagalakip kanday Azrikam kag Hasabias, sang kabarangayan ni Merari
Bacbacar, Heres, kag Galal
Matania nga anak ni Mica, kag ang iya mga katigulangan nagalakip kanday Zicri kag Asaf
Abdias nga anak ni Semaya, kag ang iya mga katigulangan nagalakip kanday Galal kag Jeduton
Berequias, anak ni Asa kag apo ni Elkana. Nag-estar sia sa banwa sang Netofa.
Ang mga Gwardya sang Templo nga Nag-estar sa Jerusalem
17Ang masunod nga mga gwardya sang Templo nag-estar sa Jerusalem: Sallum, Akub, Talmon, kag Ahiman. Si Sallum amo ang ila pangulo. 18Tubtob sa sadtong panahon ang mga katapo sang ila kabarangayan ginpahamtang sa nasidlangan nga alagyan pakadto sa Pwerta sang Hari.#9:18 PWERTA SANG HARI: Ang nasidlangan nga pwerta sang Templo nga ginaagyan sa masami sang hari sa iya pagsulod. Sang una didto sila nagabantay sa mga alagyan pakadto sa mga kampo sang mga Levita.
19Si Sallum, anak ni Kore kag apo ni Abiasaf, upod sa kasubong niya nga mga katapo sang kabarangayan ni Core, amo ang nagabantay sa alagyan pakadto sa kampo sang Ginoo, subong sang ginhimo sang ila mga katigulangan sang sila ang nagabantay sang Tolda sang presensya sang Ginoo. 20Si Fineas nga anak ni Eleazar amo ang nagdumala anay sa ila. Ang Ginoo kaupod niya!
21Si Zacarias nga anak ni Meselemias gwardya man sa alagyan pakadto sa Tolda sang presensya sang Ginoo.
22Tanan sila, 212 ka mga lalaki ang ginpili subong mga gwardya para sa mga alagyan kag mga pwerta. Ginlista sila suno sa mga kabarangayan nga ila gin-estaran. Si Haring David kag si Samuel nga propeta amo ang naghatag sa ila mga katigulangan sini nga mga katungdanan. 23Sila kag ang ila mga kaliwat nagpadayon sa pagbantay sang mga pwerta sang Templo. 24May pwerta nga nagaatubang sa sidlangan, sa nakatundan, sa aminhan, kag sa bagatnan, kag ang kada pwerta may pangulo nga gwardya. 25Ini nga mga gwardya ginabuligan sang ila mga pariente nga nagaestar sa kabarangayan, kag nagabulosbulos sa pagbantay sa sulod sang pito ka adlaw ang kada-isa. 26Ang apat ka pangulo nga mga gwardya, mga Levita, kag sila ang may mataas nga katungdanan. Sila man ang gintugyanan sang mga kwarto sa Templo kag sang mga pagkabutang nga natago didto. 27Nag-estar sila malapit sa Templo, kag katungdanan nila ang pagbantay sini kag ang pag-abri sang mga pwerta kada aga.
Ang Iban nga mga Levita
28Ang iban nga mga Levita gintugyanan sang mga galamiton nga ginagamit sa pagsimba. Ginaisip nila ini kon pagwaon, kag ginaisip nila ini liwat sa tapos nga magamit ini. 29Ang iban gintugyanan sang balaan nga mga gamit, kag sang harina, bino, lana sang olivo, insyenso, kag mga pahamot. 30Pero ang katungdanan sa pagsimbog sing mga pahamot iya sang mga pari.
31Ang isa ka Levita nga ginhingalanan kay Matitias, ang kamagulangan nga anak ni Sallum, sa kabarangayan ni Core, amo ang gintugyanan sa paghimo sang mga halad nga naluto sa horno.#9:31 MGA HALAD NGA NALUTO SA HORNO: Manipis nga tinapay nga nahimo sa harina kag lana sang olivo nga ginluto kag ginhalad subong nga mga dulot sa Dios (tan-awa ang Lev. 2:4-6). 32Ang mga katapo sang kabarangayan ni Kohat amo ang gintugyanan sa paghimo sang balaan nga tinapay#9:32 BALAAN NGA TINAPAY: Dose ka panid nga tinapay nga ginbutang sa lamisa sa Templo sa tagsa ka Adlaw nga Inugpahuway subong isa ka dulot sa Dios (tan-awa ang Lev. 24:5-9). para sa Templo sa tagsa ka Adlaw nga Inugpahuway.
33Ang iban nga mga panimalay sang mga Levita amo ang gintugyanan sang musika sa Templo. Ang mga pangulo sini nga mga panimalay nag-estar sa iban nga mga balay sa Templo, kag wala na sila sing iban pa nga obra, tungod kay handa sila sa ila katungdanan sa adlaw kag gab-i.
34Ang mga lalaki nga ginhingadlan na, mga pangulo sang mga panimalay sang mga Levita, suno sa mga katigulangan nga ila ginhalinan. Sila amo ang mga pangulo nga nag-estar sa Jerusalem.
Ang mga Katigulangan kag mga Kaliwat ni Haring Saul
(1 Cron. 8:29-38)
35Si Jeiel nagpasad sang siudad sang Gabaon kag nag-estar didto. Ang iya asawa amo si Maaca, 36kag ang iya kamagulangan nga anak amo si Abdon. Ang iban niya nga mga anak amo sanday Zur, Kis, Baal, Ner, Nadab, 37Gedor, Ahio, Zacarias, kag Miclot, 38ang amay ni Simeam. Ang ila mga kaliwat nag-estar sa Jerusalem malapit sa iban nga mga panimalay sang ila kabarangayan.
39Si Ner amo ang amay ni Kis, kag si Kis amo ang amay ni Saul. Si Saul may apat ka mga anak nga amo sanday Jonatan, Malkisua, Abinadab, kag Esbaal.#9:39 ESBAAL: Tan-awa ang 8:33. 40Si Jonatan amo ang amay ni Meribaal,#9:40 MERIBAAL: Tan-awa ang 8:34. kag si Meribaal amo ang amay ni Mica. 41Si Mica may apat ka mga anak nga amo sanday Piton, Melec, Tarea, kag Acaz.#9:41 Acaz: (Tan-awa ang 1 Cron. 8:35); sa Hebreo wala ini nga ngalan. 42Si Acaz amo ang amay ni Jara, kag si Jara may tatlo ka mga anak nga amo sanday Alemet, Azmavet, kag Zimri. Si Zimri amo ang amay ni Moza, 43kag si Moza amay ni Binea, si Binea amay ni Refaya, si Refaya amay ni Elasa, kag si Elasa amay ni Azel.
44Si Azel may anom ka mga anak nga amo sanday Azrikam, Bokeru, Ismael, Searias, Obadias, kag Hanan.
Currently Selected:
1 Mga Cronica 9: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
