1 Mga Cronica 24
24
Ang Bulohaton sang mga Pari
1Amo ini ang mga grupo nga ginhalinan sang mga kaliwat ni Aaron. Si Aaron may apat ka mga anak nga amo sanday Nadab, Abiu, Eleazar, kag Itamar. 2Si#Lev. 10:1-2. Nadab kag si Abiu una nga napatay sa ila amay, kag wala sing mga kaliwat, gani ang ila mga utod nga lalaki nga sanday Eleazar kag Itamar nanginpari. 3Ginpartida ni Haring David ang mga kaliwat ni Aaron sa mga grupo, suno sa ila mga katungdanan. Ginbuligan sia sa sini nga bulohaton ni Sadoc nga kaliwat ni Eleazar, kag ni Ahimelek nga kaliwat ni Itamar. 4Ang#2 Sam. 6:11; 1 Cron. 13:14. mga kaliwat ni Eleazar ginpartida sa desi-sais ka grupo, samtang ang mga kaliwat ni Itamar ginpartida sa walo ka grupo. Amo ini ang ginhimo, tungod kay may madamo nga mga lalaki nga pangulo sang mga panimalay sa mga kaliwat ni Eleazar. 5Tungod kay may mga opisyales sang Templo kag espirituhanon nga mga pangulo sa mga kaliwat ni Eleazar kag ni Itamar, ang ila mga katungdanan ginhatag paagi sa pagabutgabot. 6Dayon ginlista sila ni Semaya nga anak ni Netanael, nga isa ka sekretaryo nga Levita. Ang hari, ang iya mga opisyales, ang pari nga si Sadoc, si Ahimelek nga anak ni Abiatar, kag ang mga pangulo sang mga panimalay sang mga pari kag mga Levita, mga saksi tanan. Ang mga kaliwat ni Eleazar kag ni Itamar nagbulosbulos sa pagabutgabot.
7-18Amo ini ang palaagisod sang baynte-kwatro ka grupo sang mga panimalay nga ginhatagan sang ila mga katungdanan paagi sa pagabutgabot: (1) Joiarib; (2) Jedaya; (3) Harim; (4) Seorim; (5) Malquias; (6) Mijamin; (7) Hakoz; (8) Abias; (9) Jesua; (10) Secania; (11) Eliasib; (12) Jaquim; (13) Hupa; (14) Jesebeab; (15) Bilga; (16) Imer; (17) Hezir; (18) Hapizez; (19) Petaya; (20) Hezequiel; (21) Jaquin; (22) Gamul; (23) Delaya; (24) Maazias.
19Ini nga mga tawo ginlista suno sa ila mga katungdanan sa pagkadto sa Templo sa paghimo sang ila mga bulohaton nga ginhatag ni Aaron, nga ila ginhalinan sa pagtuman sa mga sugo sang Ginoo nga Dios sang Israel.
Ang Lista sang mga Levita
20Amo ini ang iban nga mga pangulo sang mga panimalay nga kaliwat ni Levi:
Si Jehedias, isa ka kaliwat ni Amram paagi sa kay Subael;
21Si Isias, isa ka kaliwat ni Rehabias;
22Si Jahat, isa ka kaliwat ni Izar paagi kay Selomot;
23Ang mga kaliwat ni Hebron suno sa ila edad halin sa kamagulangan amo sanday Jerias, Amarias, Jahaziel, kag Jecameam;
24Si Samir, isa ka kaliwat ni Uziel paagi kay Mica;
25kag si Zacarias, isa ka kaliwat ni Uziel paagi kay Isias, utod nga lalaki ni Mica;
26Ang mga kaliwat ni Merari amo sanday Mali, Musi, kag Jaazias. 27Si Jaazias may tatlo ka mga anak nga amo sanday Soham, Zacur, kag Ibri. 28-29Si Mali may duha ka mga anak nga amo sanday Eleazar kag Kis. Si Eleazar wala sing mga anak nga lalaki, pero si Kis may isa ka anak nga si Jerameel. 30Si Musi may tatlo ka mga anak nga amo sanday Mali, Eder, kag Jerimot.
Amo ini sila ang mga panimalay sang mga Levita.
31Ang pangulo sang tagsa ka panimalay kag ang isa sang iya manghod nga lalaki naggabutgabot sa paghibalo sang ila mga bulohaton, subong sang ginhimo sang ila mga pariente, ang mga pari nga kaliwat ni Aaron. Sanday Haring David, Sadoc, Ahimelek, kag ang mga pangulo sang mga panimalay sang mga pari kag sang mga Levita amo ang mga saksi.
Currently Selected:
1 Mga Cronica 24: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
