Sirac 17
17
1Unya#Gen. 1:26-28; 2:7. gibuhat sa Ginoo ang tawo gikan sa abog
ug gipabalik niya kini ngadto sa abog.
2Gihatagan niya ang katawhan ug usa ka kinabuhi nga may kinutoban
apan gihatagan usab niya sila ug gahom ibabaw sa tanan nga mga butang dinhi sa kalibotan.
3Gibuhat niya sila nga mahisama kaniya mismo
ug gihatagan sila sa iyang#17:3 iyang: Sa Grego, ilang. kaugalingon nga kusog.
4Gibuhat niya ang ubang mga binuhat nga mahadlok kanila;
gihatagan niya sila ug gahom diha sa tanan nga mga mananap ug mga langgam.#17:4 May mga sinulat nga nagdugang ug bersikulo 5: Ang Ginoo naghatag kanila ug lima ka pamatyag apan naghatag usab siya kanila ug ikaunom nga mao ang kaalam ug ikapito nga mao ang pagpangatarungan nga maoy gamiton nila sa paghatag ug kahulogan sa bisan unsa nga moabot kanila pinaagi sa pagpamatyag.
6Gihatagan niya sila sa ilang mga dila, sa ilang mga mata,
sa ilang dalunggan, sa ilang hunahuna ug sa ilang konsensya.
7Gipuno#Gen. 2:17. niya sila sa kahibalo ug panabot
ug gipakita niya kanila ang kalainan tali sa maayo ug sa daotan.
8Gihatagan niya sila sa iyang kaugalingong panabot
aron makakita sila sa kahalangdon sa iyang kabuhatan.#17:8 Ang ubang sinulat nagdugang ug bersikulo 9: Ug gitugotan niya sila sa pagbaton ug garbo hangtod sa kahangtoran mahitungod sa iyang kahibulongang mga buhat.
10Tungod niini magdayeg sila sa iyang balaan nga ngalan
ug magsangyaw sa kadako sa tanan nga iyang gibuhat.
11Gihimo niya nga makakab-ot sila sa kahibalo
ug gihatagan niya sila sa Balaod nga naghatag sa kinabuhi.
12Naghimo siyag usa ka walay kinutobang kasabotan tali kanila
ug iyang gipadayag ang iyang mga kasugoan ngadto kanila.
13Nakita nila ang kasanag sa iyang kahalangdon
ug nadungog nila ang himaya sa iyang tingog.
14Gipasidan-an niya sila batok sa pagkadili matarong
ug gitudloan ang tagsatagsa ka tawo unsaon pagtratar sa usag-usa.
Maghuhukom ang Dios
15Ang Ginoo kanunayng nahibalo unsa ang gibuhat sa mga tawo; walay paagi nga makatago gikan kaniya.#17:15 Ang ubang sinulat nagdugang sa bersikulo 16: Sukad sa ilang pagkabatan-on mahilig na sila sa pagkadaotan. Ang ilang kasingkasing daw bato ug daw dili sila makahimo niini ngadto sa usa ka tawhanong kasingkasing. Gibahinbahin niya ang mga nasod sa tibuok kalibotan. 17Gihatagan niya ang tagsatagsa ka nasod ug tawo nga maoy magmando kanila apan ang Israel mao ang kaugalingong katawhan sa Ginoo.#17:17 Ang ubang sinulat nagdugang ug bersikulo 18: Si Israel mao ang iyang unang anak. Gipanton niya siya hangtod sa pagdako niya. Gihatagan niya siyag kahayag sa iyang gugma ug wala niya siya pasagdi. 19Ang Ginoo nagbantay kanunay unsa ang gibuhat sa mga tawo; ang tanan nga ilang gibuhat alang kaniya ingon katin-aw sa adlaw. 20Wala matago kaniya ang ilang mga sala; nasayod siya niining tanan.#17:20 Ang ubang sinulat nagdugang ug bersikulo 21: Apan maluluy-on ang Ginoo ug nakaila sa iyang mga binuhat busa giluwas niya sila inay talikdan. 22Sa paghatag nato ngadto sa mga kabos, giisip kini sa Ginoo nga ingon ka bililhon sa usa ka mahalon nga singsing. Alang kaniya, ang pagkamaluluy-on ingon ka bililhon sa kinabuhi mismo. 23Unya hukman niya ang daotan ug silotan sila; madawat nila ang angay kanila. 24Apan kadtong maghinulsol tugotan sa Ginoo sa pagbalik ngadto kaniya. Naghatag siya kanunay ug kadasig kanila nga nawad-an sa paglaom.
Usa ka Tawag sa Paghinulsol
25Duol#Jer. 3:12. kamo sa Ginoo ug biyai ang inyong mga sala. Pag-ampo sa kinasingkasing nga motabang siya kaninyo sa pagkinabuhi halayo sa pagpakasala. 26Balik ngadto sa Labing Halangdon ug talikdi ang sala. Pagbaton ug mainiton nga pagdumot sa daotan. 27Sila#Sal. 6:5; Is. 38:18; Bar. 2:17-18. nga buhi makahatag ug pasalamat ngadto sa Ginoo. Apan makaawit ba ug pagdayeg ngadto sa Labing Halangdon ang bisan kinsa diha sa kalibotan sa mga patay? 28Ang usa ka tawo nga maayo ug buhi makaawit ug mga pagdayeg sa Ginoo apan ang patay ug wala na dinhi dili na makapasalamat sa Ginoo. 29Pagkadako sa maluluy-ong pasaylo sa Ginoo alang kanila nga mobalik ngadto kaniya! 30Apan dili kini mao ang kinaiya sa mga tawo ug walay usa kanato nga dili mamatay. 31Wala nay mas siga pa kay sa adlaw apan bisan ang kahayag sa adlaw mokisdom inig eklipse. Pagkasayon nga matabonan sa daotan ang hunahuna sa tawo! 32Ang Ginoo maoy magbubuot sa tanan nga mga bituon sa kapanganoran. Apan ang mga tawo? Sila mga abog ug agiw lamang.
Currently Selected:
Sirac 17: MBBCEB99
Highlight
Share
Compare
Copy
Want to have your highlights saved across all your devices? Sign up or sign in
Maayong Balita Biblia © Philippine Bible Society, 1999.