Sirac 16
16
Ang Silot sa Dios alang sa mga Makasasala
1Dili angay tinguhaon ang usa ka dakong banay kon ang mga anak walay hinungdan. Ang mga anak nga walay pagtuo sa Dios dili angay nga ipasigarbo. 2Bisan unsa kadaghan ang imong mga anak, ayaw pagtan-aw kanila nga mapagarbohon gawas kon mahadlokon sila sa Ginoo. 3Ayaw paglaom pag-ayo sa ilang kaugmaon#16:3 kaugmaon: o gidaghanon. o pagpaabot nga mabuhi sila sa taas nga panahon. Ang usa ka anak nga magtuman sa kabubut-on sa Dios#16:3 nga magtuman…sa Dios: Sa Grego, mas maayo pa kay sa usa ka libo nga mga anak. mas maayo kay sa usa ka libo nga dili magtuman. Mas maayo pa nga mamatay ka nga wala gayoy anak kay sa magbaton ug mga anak nga walay pagtuo sa Dios.
4Ang katawhan sa usa ka siyudad mahimo nga modaghan tungod sa Kaalam sa usa ka tawo samtang ang tibuok nga tribo sa mga tawo nga walay pagtahod sa balaod mahanaw. 5Nakakita ako sa maong mga butang sa makadaghan ug ang akong nadungog mas grabi pa kay sa akong nakit-an. 6Ang kasuko sa Ginoo mosilaob batok sa usa ka pundok sa mga makasasala o sa usa ka masupilon nga nasod. 7Wala#Gen. 6:4; Klm. Sol. 14:6. niya pasayloa kadtong mga higante sa karaang panahon nga masaligon sa ilang kaugalingong kusog ug misukol kaniya. 8Gidumtan niya ang pagkamasupilon sa katawhan nga nagpuyo kauban ni Lot ug wala niya sila pasayloa. 9Wala siya maluoy niadtong nasora nga iyang gilaglag tungod sa mga sala niini 10o niadtong 600,000 ka tawo nga masupilon nga mibaktas latas sa kamingawan ug nagtigom aron sa pagsukol. 11Bisan kon may usa lamang ka tawo nga gahig ulo, milagro unta kadto kon nakalingkawas pa siya sa silot. Ang Ginoo maluluy-on apan mahimo usab siya nga masuko. Mahimo nga maghingapin siya diha sa iyang pagpasaylo o diha sa iyang kasuko. 12Ang iyang silot ingon kadako sa iyang kaluoy. Hukman niya ang mga tawo sumala sa ilang binuhatan. 13Walay makasasala nga makaikyas dala ang iyang kinawat. Ang Ginoo moganti sa pailob sa diosnon nga mga tawo. 14Ang tanang tawo nga matarong gantihan; ang tanan makadawat sa angay kaniya.#16:14 May mga sinulat nga nagdugang ug: 15 Gihimo sa Ginoo nga magmagahi ang hari sa Ehipto ug wala siya moila sa Ginoo aron sa ingon ang tanang katawhan makaila sa mga buhat sa Ginoo. 16 Gipakita niya ang iyang kaluoy ngadto sa tibuok kabuhatan ug gilain niya ang iyang kahayag gikan sa kangitngit pinaagi sa usa ka tunton.
17Ayaw gayod pag-ingon, “Motago ako layo sa Ginoo. Walay bisan kinsa didto sa itaas nga maghunahuna kanako. Unsaon man pagkamatngon nila kanako taliwala sa daghan nga mga tawo? Kay unsa ra man ako taliwala sa tibuok kabuhatan? 18Sa pag-abot sa Ginoo, ang tanan mokurog: ang kalibotan ug ang dakong katubigan ubos niini, ang kapanganoran ug ang mga langit ibabaw niini. 19Ang mga bukid molihok ug ang sukaranan sa kalibotan mokurog inigtan-aw niya niini. 20Ang Ginoo dili makahunahuna kanako. Walay magtagad unsa ang akong buhaton. 21Kon magpakasala ako ug sa tago magluib ako sa Ginoo, walay bisan kinsa nga mahibalo niini.#16:21 Sa Grego, Ang kasagaran sa iyang mga buhat dili makita sama sa kusog nga hangin. 22Kon magbuhat ako sa matarong, walay makasugilon sa Ginoo mahitungod niini. Human sa tanan, kinsa may buot nga maghulat kaniya? Hinay ra kaayo siya nga mobuhat niadtong iyang giingon nga iyang buhaton.” 23Kadto lamang gamay kaayog kabuot ug gigiyahan sa binuang maoy maghunahuna ug mga butang nga sama niini.
Ang Kaalam sa Dios diha sa Kabuhatan
24Anak, pamati ug matngoni ang akong mga pulong; makadawat ikaw ug kahibalo kon himoon mo kini. 25Tudloan ko ikaw sa hinan-ay nga paagi aron ikaw makabaton sa hustong kahibalo.
26Sa sinugdanan, sa dihang gihimo sa Ginoo ang kabuhatan,#16:26 Sa…kabuhatan: Sa Grego, Ang mga buhat sa Ginoo nailalom sa iyang paghukom sukad pa sa sinugdan.
siya naghatag ug luna sa matag usa ka butang.
27Gipahiluna niya ang tanan diha sa usa ka walay kataposan nga han-ay,
ug gibut-an niya nga magsubay nianang paagiha sa walay kinutoban.
Walay usa ka bahin sa mga kabuhatan nga gutomon,
ug walay usa ka bahin nga kapuyon o mohunong sa iyang buhat.
28Ang mga butang dili maghuot
ug dili gayod sila mosupak sa iyang pulong.
29Sa pagbuhat sa Ginoo niining tanan,
gitan-aw niya ang kalibotan
ug gipuno kini sa mga maayong butang.
30Gilukop kini niya sa tanang matang sa mga binuhat
nga may kamatayon ug mobalik ngadto sa abog.
Currently Selected:
Sirac 16: MBBCEB99
Highlight
Share
Compare
Copy
Want to have your highlights saved across all your devices? Sign up or sign in
Maayong Balita Biblia © Philippine Bible Society, 1999.