PINADAYAG 22
22
1 #
Ezek. 47:1; Zac. 14:8. Unya iyang gipakita kanako ang suba sa tubig sa kinabuhi nga tin-aw daw kristal, nagbuswak gikan sa Dios ug sa trono sa Nating Karnero, 2#Gen. 2:9. latas sa taliwala sa kadalanan sa siyudad. Sa matag daplin usab sa suba, diha ang kahoy sa kinabuhi nga may napulo ug duha ka matang sa mga bunga, namunga kini matag bulan, ug ang mga dahon sa kahoy tambal alang sa kanasoran. 3#Zac. 14:11. Ug didto wala nay bisan unsang tinunglo apan atua didto ang trono sa Dios ug sa Nating Karnero, ug ang iyang mga ulipon magsimba kaniya. 4Sila magsud-ong sa iyang nawong, ug ang iyang ngalan anha sa ilang mga agtang. 5#Isa. 60:19; Dan. 7:18. Ug didto wala nay gabii, ug sila dili na magkinahanglan ug kahayag sa suga o sa adlaw, kay ang Ginoong Dios man ang ilang kahayag, ug sila maghari hangtod sa kahangtoran.
Ang Pagbalik ni Jesus
6Ug siya miingon kanako, “Kining mga pulonga kasaligan ug matuod. Ug ang Ginoo, ang Dios sa mga espiritu sa mga propeta, mipadala sa iyang anghel aron ipakita ngadto sa iyang mga sulugoon ang mga butang nga mahitabo sa dili madugay. 7Ug tan-awa, moabot ako sa dili madugay.”
Bulahan ang magbantay sa mga pulong sa propesiya niining basahona.
8Ako, si Juan, ang nakadungog ug nakakita niining mga butanga. Sa diha nga ako nakadungog ug nakakita niini, mihapa ako sa pagsimba diha sa tiilan sa anghel nga mao ang nagpakita kanako niini. 9Apan siya miingon kanako, “Ayaw kana buhata! Ako usa lamang ka kauban nimo nga sulugoon ug sa imong kaigsoonan nga mga propeta, ug sa mga nagbantay sa mga pulong niining basahona. Maoy simbaha ang Dios.”
10Ug siya miingon kanako, “Ayaw ug silyohi ang mga pulong sa propesiya niining basahona, kay ang panahon duol na. 11#Dan. 12:10. Ang nagbuhat ug daotan pabuhata gihapon siya ug daotan ug ang hugaw papadayona gihapon sa pagkahugaw, ug ang matarong pabuhata gihapon ug matarong, ug ang balaan papadayona gihapon sa pagkabalaan.”
12 #
Isa. 40:10; 62:11;
Sal. 28:4; Isa. 40:10; Jer. 17:10. “Tan-awa, moabot ako sa dili madugay, magdala sa akong igbabalos, sa pagbayad ngadto sa matag usa sumala sa iyang binuhatan. 13#Pin. 1:8; Isa. 44:6; 48:12; Pin. 1:17; 2:8. Ako mao ang Alfa ug ang Omega, ang una ug ang ulahi, ang sinugdan ug ang kataposan.”
14 #
Gen. 2:9; 3:22. Bulahan sila nga maglaba sa ilang mga bisti#22:14 maglaba…bisti: sa ubang karaang sinulat, magtuman sa iyang kasugoan. aron makabaton sila sa katungod sa pagpahimulos sa kahoy sa kinabuhi, ug sa pagsulod sa siyudad agi sa mga ganghaan. 15Sa gawas anaa ang mga iro, ang mga salamangkiro, ang mga makihilawason, ang mga mamumuno, ang mga nagsimba ug mga diosdios, ug ang tanang nahigugma ug naghimo sa bakak.
16 #
Isa. 11:1, 10. “Ako, si Jesus, ang nagpadala kaninyo sa akong anghel uban niining pagpamatuod alang sa mga iglesia. Ako mao ang gamot ug ang kaliwat ni David, ang hayag nga bituon sa kabuntagon.”
17 #
Isa. 55:1. Ang Espiritu ug ang Pangasaw-onon nag-ingon, “Dali ngari.” Ug siya nga namati paingna, “Dali ngari.” Ug ang giuhaw paaria, ang may tinguha paimna nga walay bayad sa tubig sa kinabuhi.
18 #
Deut. 4:2; 12:32. Akong pasidan-an ang tanang mamati sa mga pulong sa propesiya niining basahona: kon adunay magdugang niini ug bisan unsa, kaniya idugang sa Dios ang mga katalagman nga gihisgotan niining basahona. 19Ug kon adunay magkuha ug mga pulong gikan sa mga pulong sa basahon niining propesiya, kuhaon sa Dios ang iyang bahin diha sa kahoy sa kinabuhi ug diha sa balaang siyudad nga gihisgotan niining basahona.
20Ang nagpamatuod mahitungod niining mga butanga nag-ingon, “Sa pagkatinuod, ako moabot gayod sa dili madugay.” Amen. Dali na, Ginoong Jesus!
21Ang grasya sa Ginoong Jesus mag-uban sa tanan.#22:21 sa tanan: Sa ubang karaang sinulat, sa tanang balaan, sa uban, sa mga balaan. Amen.#22:21 Amen: wala sa ubang sinulat.
Currently Selected:
PINADAYAG 22: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
