SALMO 8
8
Ang Himaya sa Dios ug ang Bili sa Tawo
Ngadto sa Pangulong Musikero: sumala sa Gittith.#8 Ulohan GITTITH: Lisod sabton ang kahulogan; may kalabotan sa tuno. Salmo ni David.
1O Ginoo nga among Ginoo,
pagkahalangdon sa imong ngalan diha sa tibuok nga yuta!
Gibutang nimo ang imong himaya sa ibabaw sa kalangitan.
2 #
Mat. 21:16. Gikan sa baba sa mga gagmayng bata ug sa mga masuso
gipahimutang nimo ang kalig-on tungod sa mga nakigbatok kanimo
aron mapahilom nimo ang kaaway ug ang tigpanimalos.
3Sa diha nga magsud-ong ako sa imong kalangitan, sa buhat sa imong mga tudlo,
sa bulan ug sa mga bituon nga imong gipahiluna;
4 #
Job 7:17-18; Sal. 144:3; Heb. 2:6-8. unsa ba ang tawo nga ikaw matinagdanon man kaniya
ug ang anak sa tawo nga ikaw mag-atiman man kaniya?
5Kay gibuhat nimo siya nga ubos ug diyotay kay sa Dios#8:5 Dios: o mga dios o mga anghel: Sa Hebreo elohim.
ug gipurongpurongan nimo siya uban sa himaya ug dungog.
6 #
1 Cor. 15:27; Efe. 1:22; Heb. 2:8. Gihatagan nimo siya ug gahom sa pagdumala sa mga binuhat sa imong mga kamot;
ang tanan gibutang nimo ilalom sa iyang mga tiil,
7ang tanang mga karnero ug mga baka,
ug usab ang mga mananap sa kapatagan,
8ang mga langgam sa kalangitan ug ang mga isda sa dagat,
bisan unsa nga moagi sa mga agianan sa kadagatan.
9O Ginoo, nga among Ginoo,
pagkahalangdon sa imong ngalan diha sa tibuok nga yuta!
Currently Selected:
SALMO 8: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
