SALMO 7
7
Pag-ampo alang sa Hustisya
Shiggaion#7 Ulohan SHIGGAION: Lisod sabton ang kahulogan apan may kalabotan sa awit. ni David nga giawit niya ngadto sa Ginoo mahitungod kang Cus nga kaliwat ni Benjamin.
1O Ginoo nga akong Dios, diha kanimo midangop ako;
luwasa ako gikan sa tanan nga naggukod kanako ug ilikay ako,
2kay tingali unya ug sama sa liyon wataswatason nila ako,
guyoron ako nga walay si bisan kinsa nga makaluwas.
3O Ginoo nga akong Dios, kon gibuhat nako kini,
kon sa akong mga kamot adunay kasaypanan,
4kon ako nagbalos ug daotan kaniya nga anaa sa pakigdait uban kanako,
o giilogan nako ang akong kaaway bisan walay hinungdan,
5ipagukod ako sa akong kaaway ug paapsa kanako,
ug patumbi niya ngadto sa yuta ang akong kinabuhi,
ug ang akong kalag ipabutang diha sa abog. Selah
6Tindog, O Ginoo, diha sa imong kasuko,
barog batok sa kapungot sa akong mga kaaway;
pagmata, O akong Dios;#7:6 O akong Dios: o alang kanako. ikaw nga nagtudlo ug paghukom.
7Paalironga libot kanimo ang katilingban sa mga katawhan,
ug sa ibabaw niini lingkod sa trono#7:7 lingkod sa trono: o balik. sa kahitas-an
8Ang Ginoo naghukom sa mga katawhan;
hukmi ako, O Ginoo, sumala sa akong pagkamatarong
ug sumala sa kaligdong nga ania kanako.
9 #
Pin. 2:23. O laglaga ang kadaotan sa mga daotan,
apan patindoga ang matarong,
ikaw, ang Dios nga matarong, nagsusi sa mga hunahuna
ug sa mga kasingkasing.
10Ang akong taming anaa sa Dios,
nga nagluwas sa mga matarong sa kasingkasing.
11Ang Dios matarong nga maghuhukom
ug usa ka Dios nga may kaligutgot matag adlaw.
12Kon ang usa ka tawo#7:12 ang usa ka tawo…sa Dios: Sa Hebreo, siya…niya. dili magbasol, bairon sa Dios#7:12 ang usa ka tawo…sa Dios: Sa Hebreo, siya…niya. ang iyang espada;
gibawog niya ang iyang pana ug giandam kini;
13giandam niya ang iyang mga hinagiban sa kamatayon,
gihimo niya nga magsiga ang iyang mga udyong.
14Tan-awa, nagsamkon siya ug daotan,
ug nagsabak ug limbong, ug nagpahimugso ug bakak.
15Nagbuhat siya ug gahong ug nagkalot niini,
ug siya nahulog ngadto sa lungag nga iyang gibuhat.
16Ang iyang daotang buhat mobalik sa ibabaw sa iyang ulo,
ug ang iyang kabangis mahulog sa iyang alimpulo.
17Magpasalamat ako sa Ginoo sumala sa iyang pagkamatarong,
ug mag-awit ako ug pagdayeg sa ngalan sa Ginoo nga Labing Halangdon.#7:17 Labing Halangdon: Sa Hebreo, Elyon.
Currently Selected:
SALMO 7: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
