Agecin 3
3
Mic rieko ri soye
1Nyathi paran, wiyin wokiri wowil gi fonji paran,
to weyi adundo perin wokur or paran.
2Rupiri fonji paran lamiyin,
ikwo oro kweth to medin siem.
3Ikir'iyey mwolo g'adieri jowobudhin,
tweyi jo i ŋutin,
ndiki jo i pal cunyin.
4 #
Luk 2:52
Ka inotimi gime,
ilanwaŋo ŋono gi pak,
ruwaŋ Were gi ruwaŋ ji.
5Geni Rwoth gi cunyin je,
aka ikir'igoŋere kwoŋ gim'iparo nike iŋeyo.
6I kisi gimoro je m'itimo, yey go,
aka go latiro yo perin.
7 #
Rom 12:16
Ikir'ibedi mariek ruwaŋin,
lwor Rwoth, aka iwey timo gimarac.
8K'inotim ameno,
labedo kwo ri delkwoŋin
gi yath ri cokin perin.
9Miy Rwoth dwoŋ gi lim perin,
kodi olemo marapena ma ranyak perin je.
10K'inotim ameno,
dere perin lapoŋ gi cemo,
aka nywero perin lapoŋ gi vini.
11 #
Yob 5:17
#
Ebu 12:5-6
Nyathi paran, ikir'icay fonji pa Rwoth,
kosa ilocere ka go tirin.
12 #
Meny 3:19
Kole Rwoth tiro jono ma go omaro,
paka bajo tiro nyathi ma go nor gine.
Ŋaŋo mar'adieri
13Jakisangala a ŋata nwaŋo rieko,
gi ŋata nwaŋo niaŋ!
14Rupiri magowa pere loyo magowa ma feza,
aka gima go limo loyo zahabu.
15Rieko obedo gima diwelo loyo nyweny,
aka ongoye giman m'igomba m'inyalo kipima gine.
16Cingi rieko maracuc miyo kwo mabor,
aka cinge maracam bed'iye ŋaŋo gi dwoŋ.
17Dhoyin pere obedo ma kisangala,
aka yo pere je obedo siem.
18Rieko obedo yath ma kwo ri jono ma jogoŋere kwoŋe,
jono ma jomako matek jobedo gi kisangala.
Rieko pa Were i cwec
19Rwoth ocweyo piny gi rieko;
go ocako polo gi niaŋ.
20Gi ŋeyo pere lutho obare to ŋamere,
aka pondeponde thono thoyo.
Kapondo mar'adieri
21Nyathi paran, kuri rieko gi niaŋ,
ikir'iwey jowobudhi ŋeyo perin.
22Jolabedo kwo ri cunyin,
gi thiwino ri ŋutin.
23Nyaka ibino wotho i yo perin m'ongoye teko,
aka tiendin k'ocer.
24K'inoriere piny, ik'obedi gi lworo,
k'inonindi piny, nindo perin labedo mamit.
25Ikir'ibedi gi lworo ri dhier ma bino abwap,
kosa amien ma podho kwoŋ jokidakana.
26Kwoŋbedo Rwoth labedo meni perin,
to geŋo tiendin cer.
27Ikir'iwey m'ikitimo bero ri jono ma joyenyo,
k'inyalo timo ameno.
28Ikir'iwaci ri nyawotin ni, kadhi, inodwoki kendo,
alamiyin dikin, kareno inigi gino.
29Ikir'ican timo teko ri jager perin,
ma bedo cegin kodin munyo genin.
30Ikir'idhaw gi dhano ma nono,
m'ongoye teko m'otimo rin.
31Ikir'igomba jogwayo,
aka ikir'iyer tim pajo moro je.
32Kwoŋbedo joreco jobedo amien ri Rwoth,
to go nor gi jom'otire.
33Kwoŋ pa Rwoth nitie i ot pa jakidakana,
to go miyo kabedo pa ŋat'otire silwany.
34 #
Yak 4:6; 1 Pet 5:5 Ri jorendirok, go bende rendere,
to ri jomamwol, go nyutho wor.
35Jomariek jolalunjo dwoŋ,
to jomamiŋ jolimo wickwot.
Currently Selected:
Agecin 3: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.