Kwan 17
17
Luth pa Aron ma woth
1Rwoth oluwo gi Musa ka waco ni: 2Luw gi Joisiraili aka ikwany ludhe apar g'ario kwoŋ jo, acel ri kisi jatel ma nono, kwoŋ jotel je ma udi pa kwarere pajo. Ndiki nyingi kisi jacwo i luth pere, 3aka indiki nyingi Aron i luth pa Jolevi. Bino bedo luth acel ri kisi jatel ma nono. 4Ikethi jo i Wema ma romo ruwaŋ sanduku ma cikirok kam'arom'iye kodi win kenyo. 5Luth pa ŋat'anoyer bino kitula; ameno abino ketho i gike kigeŋisa pa Joisiraili ma kisi hongo joketho kwoŋin. 6Musa oluwo gi Joisiraili; to jotel pajo je jomiyo go ludhe, acel ri kisi jatel, cungo kwoŋ udi pa kwarere pajo, ludhe apar g'ario; aka luth pa Aron oyido nitie i dier jo. 7Ameno to Musa ketho ludhe no i kayindi ruwaŋ Sanduku ma Cikirok pa Rwoth.
8Yawere mere, munyo Musa okidho i Wema, luth pa Aron ri nono pa Jolevi oyido otula. Oketho boke, olikalika, to nyak nyandere m'ocek. 9Kenyo Musa owodho woko ludhe je ruwaŋ Rwoth ri Joisiraili je; joneno, to kisi jatel kwanyo luth pere. 10Rwoth owaco ri Musa ni, “Kethi luth pa Aron ruwaŋ Sanduku ma Cikirok, wokan paka ranyuth ri Joisiraili ma jogwenyirok, ni jowowey kiŋunyaŋunya kodan, ka k'obedo ameno jolatho.” 11Musa otimo ameno; otimo paka Rwoth oyido otieko miyo go or.
12Joisiraili jowaco ri Musa ni, “Watho woko ka warumo, warwenyo, wajoje warwenyo! 13Kisi dhano m'ocore cegin gi tabenakulo pa Rwoth latho. Wajoje walarere woko!”
Currently Selected:
Kwan 17: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
