Matayo 18
18
Ŋatadwoŋ loyo wadi
(Mar 9:33-37; Luk 9:46-48)
1 #
Luk 22:24
I hongo no jofonjirok jobino bongi Yesu, to jopenjo go ni, “Ŋatadwoŋ loyo wadi je i Ker ma polo?” 2Yesu olwoŋo nyaka nyathi, to ketho go cungo i nyim jo, 3#Mar 10:15; Luk 18:17aka owaco ni, “Adieri awaco riwin ni, wik'odonji i Ker ma polo, kwanyo woko ka wiwire aka wilokere paka nyithindho. 4Ŋatadwoŋ loyo wadi je i Ker ma polo obedo ŋata bwonere paka nyathi me. 5Aka ŋata jolo nyaka nyathi ma nger me i nyingan, meno jolan.”
Karatem
(Mar 9:42-48; Luk 17:1-2)
6“Aka ŋat'omiy jomathindho ma joyeyan me timo reco, d'ober rigo k'otwey kidi madwoŋ i ŋute t'ibolo go i wakawaka maluth. 7Rac adieri ri piny nike nitie gigipiny ma miyo ji timo reco! Gigipiny ma cale ameno bino timere ndir je, to bino raco loyo ri ŋata miyo kiti gigipiny no timirok!”
8 #
Mat 5:30
“Ka cingin acel kosa tiendin miyin timo gimarac, toŋi woko ibol woko! Ber rin donjo i kwo ma bu cingin kosa tiendin loyo bedo gi cingin je kodi tiendin je t'ibolin i mac makitho. 9#Mat 5:29Aka ka waŋin miyin timo gimarac, goli ibol woko! Ber rin swa donjo i kwo gi nyaka waŋin acel loyo bedo gi waŋin ario je t'ibolin i mac makitho.”
Ageca kwoŋ rombo m'orwenyo
(Luk 15:3-7)
10 #
Luk 19:10
“Neni ni wikicay nyaka jomathindho me; kole awaco riwin, i polo koro jomalaika pajo jonitie ruwaŋ Baba man polo hongo je. 11[Kole Wod Dhano obino botho jom'orwenyo”].
12“Wiparo nedi? Aŋo ma dhano di tim ka go nitie gi rombo miya acel to acel kwoŋ jo rwenyo? Go kiwey piero abuŋwen g'abuŋwen jocemo wi tendere kenyo to kidho rango nyaka rombo acel m'orwenyo no? 13Aka k'onwaŋo rombo no, awaco riwin, go kole bedo gi kisangala madwoŋ ri rombo no loyo piero abuŋwen g'abuŋwen ma jok'orwenyo ca. 14I royo acel, Bawin manitie i polo bende kiyeny acel kwoŋ jomathindho me rwenyo.”
Omerin m'otimo rin marac
15 #
Luk 17:3
“K'omin in otimo rin marac, kidhi bonge inyuthi go reco pere. T'itimi ameno nyaliŋliŋ, nyaka i dier wijario. Ka go owinjin, meno itieko dwoko omin in bongin. 16#Cik 19:15To ka go okwer winjin, kwany ŋat'acel kosa ji man ario ikidhi gi jo, aka ŋey wac moro je woridho munyo j'ario kosa adek jothielo paka ondiki. 17To ka k'owinjo jo bende, ere tuci gimoro je ri kitipa pa jom'oyeyo. Aka ka go okwer winjo kiri kitipa pa jom'oyeyo bende, onyo ter go paka jakicar kosa jacoki misolo.”
Kwero gi yeyo
18 #
Mat 16:19; Yoh 20:23 “Adieri awaco riwin, gima winotwey i piny ka ibino tweyo i polo, aka gima winogony i piny ka ibino gonyo i polo.”
19“Aka awaco riwin kendo, ka j'ario kwoŋ win i piny ka joyere i gimoro ma jokway, Baba manitie i polo bino timo rijo gino. 20Ato kama j'ario kosa adek jocoker'iye i nyingan, meno anitie i dier jo kenyo.”
Ageca kwoŋ jatic ma k'oyeyo cwako nyawote
21 #
Luk 17:3-4
Gikenyo Petero obino bongi Yesu to penjo go ni, “Rwoth, k'omera timo ran marac, anocwaki go didi? Dibirio?” 22#Cak 4:24Yesu odwoko ni, “Be, ki dibirio, to dipiero abirio dibirio. 23Ato Ker ma polo cale kere m'ocano kidho penjo jotic pere jowotiti rigo kwoŋ lim pere ma jotic pere no jonigine. 24Go onwaŋo nyaka cako timo amanago t'ikelo acel kwoŋ jom'oyido jonigi banja pere ma muma pesa gana apar. 25To paka ŋato oyido ongoye gi nger ma culo banja no, rwoth pere owodho or nike wotana go, kodi cege kodi nyithindho pere kodi lim pere je, woculi banja no. 26Jatic no ogoyo conge piny i nyim kere, to kwayo go ni, ‘Diy cunyin kodan, abino culin gimoro je.’ 27Rwoth pere cunye oramo rigo, am'omiyo ocwako go banja no to weyo go kadho.”
28“To munyo jatic no oyido kadho, oromo gi jatic nyawote m'onwaŋo nigi banja pere ma muma pesa miya acel, go omako ŋato to cako deyo. Owaco ni, ‘Culan pesa paran m'ikopa!’ 29Jatic nyawote ogore piny to kwayo go ni, ‘Diy cunyin kodan, abino culin!’ 30To go k'oyeyo; kucel omiyo obol ŋato i twec cuka woculi banja no. 31Munyo jotic man joneno gime paka otimere, cuny gin oramo jo swa, to jokidho bongi rwoth pajo to jowaco rigo gimoro je m'otimere. 32Gikenyo rwoth olwoŋo jatic no to waco ni, ‘In i dhano marac! Acwakin banja m'onwaŋo initie gine bongan gipi rupiri iywakere ran; 33onyo in d'ikimako ye wor gi jatic nyawotin, paka atimo rin?’ 34Nge omako rwoth swa to bolo jatic no i katwec cuka bende ocul penzi kiri macowe.” 35Yesu ocowo wac ni, “Meno apaka Baba man polo bino timo riwin ka wikicwaki omin win, gi cuny win je.”
Currently Selected:
Matayo 18: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
