Jolevi 10
10
Reco pa Nadab kodi Abihu
1Wot Aron, Nadab kodi Abihu, kisi dhano okwanyo wer to cwiny'iye mac, jomed'iye buban, to jomiyo mac ma kileŋ ruwaŋ Rwoth, m'oyido k'omiy jo or timo. 2Mac owok ruwaŋ Rwoth, aka owaŋo woko jo, to jotho ruwaŋ Rwoth. 3Musa owaco ri Aron ni, “Me a gima Rwoth owaco:
‘Luwo kwoŋ jono ma jocore bongan,
alanyutho leŋo paran,
aka ruwaŋ ji je,
alalimo dwoŋ.’ ”
Aka Aron oliŋaliŋa.
4Musa olwoŋo Misael kodi Elizafan, wot Uziel, ner Aron, aka owaco rijo ni, “Core win cegin, witiŋ wade mewin wok i Kabedo Maleŋ witer jo woko ma kambi.” 5Jocore cegin, aka jotiŋo jo gi satere pajo to jotero jo woko ma kambi paka Musa omiyo or.
6Musa owaco ri Aron kodi wote, Eliazar kodi Ithamar ni, “Wikiri wiyaw wiy win, kosa wiyec nangin mewin, kosa wilatho, aka keme labino kwoŋ ji. To weyi wade mewin, ot gibe ma Isiraili, jowoywak waŋ ma Rwoth ocwinyo. 7Wikiri wieye i dhiot ma Wema ma romo, kosa wilatho. Kole mo pa Rwoth nitie kwoŋ win.” Jotimo paka Musa owaco.
8Rwoth oluwo gi Aron ka waco ni: 9Ikiripi madho medho makec, in kosa wotin, ka widonjo i Wema ma romo, kosa wilatho. Me labedo cik riwin cil gi cil i luse mewin je; 10ŋey wikethi pokirok i dier leŋo kodi gima kisi ndelo, i dier koco kodi lonyo. 11Iripo fonjo Joisiraili cik je ma Rwoth oluwo gi cingi Musa.
12 #
Jolevi 6:7-11
Musa owaco ri Aron kodi wote, Eliazar kodi Ithamar ni, “Kwany win mic ma cemo manyinge m'odoŋ wok i mic pa Rwoth m'owaŋ gi mac, aka wicam ma buthow kabuti migam; kole obedo maleŋ swa. 13Wilacamo i Kabedo Maleŋ, kwoŋbedo obedo adec perin kodi wotin, wok i mic m'owaŋ ri Rwoth; kole omiyan or. 14Aka thundho kodi eme maracuc wilacamo i kabedo m'olony, in, kodi wotin kodi nyikin, kole obedo adec mewin m'omiy win wok i cowirok ma mic ma siem wok bongi Joisiraili. 15Eme maracuc kodi thundho jolakelo gi mic ma bor, ri mic m'itiŋo malo ruwaŋ Rwoth, aka labedo aperin, kodi nyithindho perin, jobedo adec ma wiripo limo cil gi cil, paka Rwoth otieko miyo or.”
16Musa odwaro diel ma mic ma cwako reco gi kinen, aka neni, oyido owaŋ. Musa omako nge gi Eliazar kodi Ithamar, wot Aron m'oyido fodi jokwo, aka owaco ni: 17#Jolevi 6:17-19Raŋo wikicamo mic ma cwako reco i Kabedo Maleŋ, kole obedo maleŋ swa, aka omiy win tiŋo reco pa lwak ji, timo cowirok ma cwako reco rijo ruwaŋ Rwoth? 18Neni, remo mere k'okeli i Kabedo Maleŋ, wiripo camo adieri i Kabedo Maleŋ, paka amiyo or. 19Aron owaco ri Musa ni, “Neni, konon me jomiyo mic pajo ma cwako reco kodi mic awaŋa pajo ruwaŋ Rwoth, aka nger gime opodho kwoŋan; to k'anocami mic ma cwako reco konon me, obedi gimaber ruwaŋ Rwoth?” 20Aka munyo Musa owinjo gime, oneno maber ruwaŋe.
Currently Selected:
Jolevi 10: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
