Joroma 3

1Onyo Joyuda joloyo joman i yo mene? Kosa kony aŋo manitie i thumirok? 2Nitie bero m'oromo ma bedo Jayuda. Kutho marapena, Were ogeno Joyuda to miyo jo mikwenda pere. 3Aŋo to, ka jomegi kwoŋ jo jobedo joma kigenere? Onyo ro gino, nyutho ni Were kigenere? 4#Zab 51:6K'ameno be! Weyi Were wobedi jar'adieri kada dhano je obedi jatwodo. Paka ondiki ni,

“Aka ŋey wonyuthere paka gim'iluwo otire,

aka iloy banja ka i pido kodin.”

5Onyo wanowaci nedi ka tim mawan ma k'otire konyo ma nyutho kamaler ni apa Were am'otire? Wawaci ni Were timo marac ka miyo wan gir'acula? (Meno onyo aluwo paka dhano.) 6K'ameno be! Ka Were k'otire nyalo nedi thumo banja ri piny?

7To ka komo paran konyo ma nyutho tiro pa Were to kelo rigo dwoŋ, raŋo ma fodi ithumo ran banja paŋini ajareco? 8To raŋo ma kiwaci ni, “Weyi watim reco ŋey bero wowok'iye?” Adieri jomegi jotieko kiri yetan munyo jocwoko dhokan ni awaco ameno won! Ibino thumo banja loyo jo paka ripo.

Ongoye dhano m'otire

9Onyo wa Joyuda wanitie maber i yo mene loyo Joman? Ongoye be! Atieko nyutho ni Joyuda kodi Jopath parom joje jonitie i meni pa gimarac, 10#Zab 14:1-3; 53:2-4paka ondiki ni,

“Ongoye dhano kad'acel m'otire,

ongoye ma kad'acel,

11ongoye moro ma niaŋ,

kosa ma rango Were.

12Ji je joeye woko bongi Were,

joje jotieko podho;

Ongoye ŋata timo gimaber,

ongoye kad'acel.

13 # Zab 5:10; Zab 140:4 Dhok jo cale kaliel m'othangere;

Jooro lew jo ma twodo,

aka wac ma cal kwir ama wok i dhok jo;

14 # Zab 10:7 Dhok jo opoŋ'iye kwoŋ makec kodi duro.

15 # Isa 59:7-8 Joyot gi kidho neko ji.

16Joweyo gunda kodi rem kama jokidh'iye je.

17Fodi jok'oŋeyo yo ma siem,

18 # Zab 36:2 odoko fodi jok'ofonjere lworo Were.”

19Onyo pama watieko ŋeyo ni gimoro je ma Cik waco, mako kwoŋ joma fodi joluwo Cik, ŋey wogeŋ woko rendirok pa dhano, aka Were wonyali thumo banja ri piny gipi. 20#Zab 143:2; Gal 2:16Kole ongoye dhano m'ibino kwano rigo tiro ruwaŋ Were ro nyaka timo gima Cik yenyo, rupiri Cik miyo dhano nyaka ŋeyo nike gimanyo obedo reco won kende.

Paka Were ketho ji i tiro gine

21To pama royo ma Were ketho gine ji i tiro gi go otieko nyuthere, aka kimaki kwoŋ cik. Cik kodi ndiko pa jotuci wac Were je joridho gima mako kwoŋ royo no. 22#Gal 2:16Were ketho ji i tiro kwoŋ yeyo pajo i Yesu Kristo ayino. Were timo gime ri ji je ma joyeyo Kristo, rupiri pokirok ongoye. 23Paka ji je jotieko timo reco aka jonitie bor gi dwoŋ pa Were, 24pama onyo ikwanyo woko banja kwoŋ ji je ro mic ma nema pa Were kareno igonyo jo woko kwoŋ reco i Kristo Yesu 25ma Were oketho paka cowirok, ŋey gi tho pere go wolokere royo ma cwako reco pa ji cungo kwoŋ yeyo pa dhano. Were otimo ameno ma nyutho tiro pere, rupiri i ndir m'okadho, go odiyo cunye to weyo ma k'okwano reco pa ji; 26to i ndir ma pama go kaŋasa reco pa ji, ma nyutho paka go won otire, aka go ama kwanyo woko banja kwoŋ ŋata nitie gi yeyo i Yesu.

27Onyo aŋo ma wanyalo yumirok gine? Kole ongoye! I royo mene? I royo ma kuro Cik? Be, i royo ma bedo gi yeyo ayino. 28At'onyo wacowo wac ni Were kwanyo woko banja kwoŋ dhano cungo kwoŋ yeyo, makiweno kwoŋ timo gima Cik mito. 29Kosa Were obedo Were pa Joyuda kende? Go k'obedo Were pa Jopath bende? Kole go obedo Were pa Jopath bende. 30#Cik 6:4; Gal 3:20Were nitie acel, aka go bino kwanyo woko banja kwoŋ Joyuda cungo kwoŋ yeyo pajo, aka bende bino kwanyo woko banja kwoŋ Jopath ro yeyo bende acel no won. 31Onyo nyutho ni wabol woko Cik ro yeyo me? K'ameno be; kucel, waridhi Cik bende.

Currently Selected:

Joroma 3: DHOCDC

Highlight

Copy

Compare