Zabuli 26
26
Kwayo pa ŋataber
1Awi Rwoth, wac ni abu banja,
kole atimo gim'otire,
aka aketho geno paran kwoŋin kicutho.
2Kaŋasa an aka iteman, Rwoth
tem cunyan gi paro paran.
3Mar perin makiwire telan,
aka awotho iy'adieri perin.
4Akiriwere gi ji ma bukony,
akinyek sawa gi jorendirok.
5Adaki cokirok pa jomarac,
aka akiriwere gi jokidakana.
6Rwoth, alwoko cingan ma nyutho ni abu banja,
aka aŋanjo kareno alamo thoko migam perin.
7Awero malo wer ma foyin,
t'awaco kwoŋ tim perin ma gir'aura.
8Awi Rwoth, amaro ot ma in ibed'iye,
kabedo madwoŋ perin nitie i iye.
9Ikir'ireyan woko gi joreco kanyacel,
bothi kwo paran kwoŋ rerok pa jonek.
10Ji ma jotimo raco kisi hongo
aka joyikere jolo nyew.
11To paka ri an, atimo gim'otire,
maki kodan wor aka ibothan!
12Acungo i yo m'otire,
i dier cokirok pa ji pere, alapako Rwoth.
Currently Selected:
Zabuli 26: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
