Zabuli 24
24
Kere madwoŋ
1 #
1 Kor 10:26
Piny gi kisi gima nitie i iye obedo apa Rwoth.
Piny gi ji ma jobedo i iye obedo apa Rwoth.
2Kole Rwoth ogeto piny i wi nam,
aka ogeto kinde mere i wi wakawaka madongo.
3Ŋa ma bino idho tendere pa Rwoth?
Ŋa ma bino cungo i ot pere maleŋ?
4 #
Mat 5:8
Ŋata cinge olony aka cunye cil,
ŋata kilam cal,
kosa kitim cikirok ma twodo.
5Ŋato bino nwaŋo silwany wok bongi Rwoth,
aka Were bino waco ni go bubanja.
6Meno a luse ji ma jorango go,
ma jobino ruwaŋ Were pa Yakobo.
7Yaw waŋkace,
yaw win thigin macene,
aka kere madwoŋ wodonji.
8Kere madwoŋ me a ŋa?
Obedo Rwoth, go tek aka jameni,
Rwoth, maloyo lweny.
9Yaw win waŋkace,
yaw win thigin macene,
ŋey kere madwoŋ wodonji.
10Kere madwoŋ me a ŋa?
Obedo Rwoth pa lwak jolweny,
go kere madwoŋ.
Currently Selected:
Zabuli 24: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
