Wok 35
35
Cik ma Sabato
1Musa olwoŋo kweth pa Joisiraili je aka owaco rijo ni, “Me a gima Rwoth omiyo win cik timo. 2#Wok 20:8-11; 23:12; 31:15; 34:21; Jolevi 23:3; Cik 5:12-14Winitie gi ndelo aucel ma timo tic, to ndelo mar'abirio leŋ, ndelo ma cikirok ma ywomirok m'omiyan Rwoth. Nyatoro m'otimi tic moro je i ndelo no woneki. 3Wikiri wicwiny kada mac i pecin mewin i ndelo ma sabato.”
Mic ma Wema Maleŋ
4Musa owaco ri Joisiraili ni, “Me a gima Rwoth owodho or ni witim. 5Keli win ri Rwoth mic. Kisi ŋata nitie gi cunye m'amiyo, weyi wokel mic ri Rwoth ma zahabu, feza, kosa ywel, 6nanga mafoth, yer rombo manyabululu, manyarangi ariŋo, kodi m'obokere, nanga m'otimi gi yer diel. 7Yer wod rombo m'owir gi rangi m'obokere, pien diegi kodi mbawo kasia, 8mo ma talin, gigipiny ma jonitie gi kur ri mo ma wir kodi ri buban maŋwe mamit. 9Telin m'obokere obokere kodi telin ma ketho law pa jadwoŋ pa jocway ri Were i wi migam kodi i mugowa ma ketho giŋeyo mito pa Were.”
Gigipiny ma jondijo jolatimo ri Wema Maleŋ
10“Aka weyi cwo ma jondijo je kwoŋ win jowobin jowotimi kisi gima Rwoth owodho or ni wotim. 11Wema, giumo mere kodi giumo ma woko, siragetere mere gi miangin mere, yen ariwa, asu mere kodi pende je. 12Kakan ma Cikirok, gute mere, giumo mere kodi nanga ma geŋo. 13Meza, gi gute mere, gigipiny mere je kodi mugat m'imiyo Were. 14Raŋaw tala ri lero kodi gigipiny mere, talin kodi mo pajo. 15Migam ma waŋo buban gi gute mere mo ma wiro, buban maŋwe kur mamit, kodi nanga ma geŋo dhiot ma Wema. 16Migam ma waŋo mic, kodi kicungwo mere, gute mere, gigipiny mere, kalaya ma lwok kodi pende je. 17Nangin ma liero ri diedipo, gute kodi pende mere, nanga ma liero ri waŋkac ma diedipo, 18loci ma Wema kodi ma diedipo gi thondhe mere. 19Ruk m'okwoy maŋon ma jocway ri Were i wi migam joripo ruko ka jotiyo i Kabedo Maleŋ, ruk maleŋ ri Aron jacway ri Were i wi migam kodi ri wote.”
Ji jokelo mic pajo
20Kenyo Joisiraili joeye bongi Musa. 21Kisi nyatoro ma cunye ogudo okelo ri Rwoth mic ma timo Wema Maleŋ. Jokelo kisi gim'oyido mitere aora i lamo kodi ma kwoyo ruk pa jocway ri Were i wi migam. 22Ameno jobino cwo gi mon je, aka jokelo gigipiny ma cale kikweso, milomin, petin, thiwino, pogin kodi gigipiny m'otimi gi zahabu kweth aka jomiyo ri Rwoth. 23Kisi nyatoro m'oyido nitie gi nanga mafoth, yer rombo manyabululu, manyarangi ariŋo, kodi m'obokere, nanga m'otimi gi yer diel, pien wod rombo m'owir gi rangi m'obokere, kosa pien diel okelo. 24Kisi nyatoro m'oyido nyalo okelo mic ma feza kosa ywel ri Rwoth, aka jono m'oyido jonitie gi mbawo kasia aora moro je jokelo. 25Mon je ma jondijo ma kwoco acingi, jokelo uzi nangin mafoth kodi uzi manyabululu, manyarangi ariŋo, kodi yer rombo m'obokere, ma jokwoyo. 26Bende jotimo uzi ma yer diel. 27Jotel jokelo telin m'obokere obokere, kodi telin ma ketho i law pa jocway ri Were i wi migam kodi i mugowa ma ketho giŋeyo mito pa Were, 28gigipiny maŋwe kur gi mo ri talin, mo ma wiro, kodi buban maŋwe kur. 29Joisiraili je ma cuny gin oywayo jo jokelo gimoro je ri tic ma Rwoth oyido omiyo Musa or timo.
Jotic ma timo Wema Maleŋ
30Musa owaco ri Joisiraili ni, “Neni, Rwoth oyero Bezalel wod pa Uri, aka nyakwar Nun wok i nono pa Benyamin. 31Were opoŋo go gi Cuny pa Were aka omiyo go ndijo, nyalo kodi niaŋ ri kisi tic ma pac, 32ma kidonya kodi timo jo gi zahabu, feza, kodi ywel, 33ma ŋado telin ma ketho, ma payo mbawin kodi tic man je ma pac. 34Rwoth bende omiyo go Oholiab wod pa Ahisamak wok i nono pa Dan, nyalo ma fonjo ji man bende ndijo pajo. 35Rwoth omiyo jo ndijo ma kisi nger tic ma timere gi jopac, jokwoco, kodi ji ma jokedo nangin mafoth, manyabululu, manyarangi ariŋo, kodi yer rombo m'obokere, kodi nangin man. Jonigi nyalo ma timo kisi nger tic aka jondijo ma kidonya.”
Currently Selected:
Wok 35: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 35
35
Cik ma Sabato
1Musa olwoŋo kweth pa Joisiraili je aka owaco rijo ni, “Me a gima Rwoth omiyo win cik timo. 2#Wok 20:8-11; 23:12; 31:15; 34:21; Jolevi 23:3; Cik 5:12-14Winitie gi ndelo aucel ma timo tic, to ndelo mar'abirio leŋ, ndelo ma cikirok ma ywomirok m'omiyan Rwoth. Nyatoro m'otimi tic moro je i ndelo no woneki. 3Wikiri wicwiny kada mac i pecin mewin i ndelo ma sabato.”
Mic ma Wema Maleŋ
4Musa owaco ri Joisiraili ni, “Me a gima Rwoth owodho or ni witim. 5Keli win ri Rwoth mic. Kisi ŋata nitie gi cunye m'amiyo, weyi wokel mic ri Rwoth ma zahabu, feza, kosa ywel, 6nanga mafoth, yer rombo manyabululu, manyarangi ariŋo, kodi m'obokere, nanga m'otimi gi yer diel. 7Yer wod rombo m'owir gi rangi m'obokere, pien diegi kodi mbawo kasia, 8mo ma talin, gigipiny ma jonitie gi kur ri mo ma wir kodi ri buban maŋwe mamit. 9Telin m'obokere obokere kodi telin ma ketho law pa jadwoŋ pa jocway ri Were i wi migam kodi i mugowa ma ketho giŋeyo mito pa Were.”
Gigipiny ma jondijo jolatimo ri Wema Maleŋ
10“Aka weyi cwo ma jondijo je kwoŋ win jowobin jowotimi kisi gima Rwoth owodho or ni wotim. 11Wema, giumo mere kodi giumo ma woko, siragetere mere gi miangin mere, yen ariwa, asu mere kodi pende je. 12Kakan ma Cikirok, gute mere, giumo mere kodi nanga ma geŋo. 13Meza, gi gute mere, gigipiny mere je kodi mugat m'imiyo Were. 14Raŋaw tala ri lero kodi gigipiny mere, talin kodi mo pajo. 15Migam ma waŋo buban gi gute mere mo ma wiro, buban maŋwe kur mamit, kodi nanga ma geŋo dhiot ma Wema. 16Migam ma waŋo mic, kodi kicungwo mere, gute mere, gigipiny mere, kalaya ma lwok kodi pende je. 17Nangin ma liero ri diedipo, gute kodi pende mere, nanga ma liero ri waŋkac ma diedipo, 18loci ma Wema kodi ma diedipo gi thondhe mere. 19Ruk m'okwoy maŋon ma jocway ri Were i wi migam joripo ruko ka jotiyo i Kabedo Maleŋ, ruk maleŋ ri Aron jacway ri Were i wi migam kodi ri wote.”
Ji jokelo mic pajo
20Kenyo Joisiraili joeye bongi Musa. 21Kisi nyatoro ma cunye ogudo okelo ri Rwoth mic ma timo Wema Maleŋ. Jokelo kisi gim'oyido mitere aora i lamo kodi ma kwoyo ruk pa jocway ri Were i wi migam. 22Ameno jobino cwo gi mon je, aka jokelo gigipiny ma cale kikweso, milomin, petin, thiwino, pogin kodi gigipiny m'otimi gi zahabu kweth aka jomiyo ri Rwoth. 23Kisi nyatoro m'oyido nitie gi nanga mafoth, yer rombo manyabululu, manyarangi ariŋo, kodi m'obokere, nanga m'otimi gi yer diel, pien wod rombo m'owir gi rangi m'obokere, kosa pien diel okelo. 24Kisi nyatoro m'oyido nyalo okelo mic ma feza kosa ywel ri Rwoth, aka jono m'oyido jonitie gi mbawo kasia aora moro je jokelo. 25Mon je ma jondijo ma kwoco acingi, jokelo uzi nangin mafoth kodi uzi manyabululu, manyarangi ariŋo, kodi yer rombo m'obokere, ma jokwoyo. 26Bende jotimo uzi ma yer diel. 27Jotel jokelo telin m'obokere obokere, kodi telin ma ketho i law pa jocway ri Were i wi migam kodi i mugowa ma ketho giŋeyo mito pa Were, 28gigipiny maŋwe kur gi mo ri talin, mo ma wiro, kodi buban maŋwe kur. 29Joisiraili je ma cuny gin oywayo jo jokelo gimoro je ri tic ma Rwoth oyido omiyo Musa or timo.
Jotic ma timo Wema Maleŋ
30Musa owaco ri Joisiraili ni, “Neni, Rwoth oyero Bezalel wod pa Uri, aka nyakwar Nun wok i nono pa Benyamin. 31Were opoŋo go gi Cuny pa Were aka omiyo go ndijo, nyalo kodi niaŋ ri kisi tic ma pac, 32ma kidonya kodi timo jo gi zahabu, feza, kodi ywel, 33ma ŋado telin ma ketho, ma payo mbawin kodi tic man je ma pac. 34Rwoth bende omiyo go Oholiab wod pa Ahisamak wok i nono pa Dan, nyalo ma fonjo ji man bende ndijo pajo. 35Rwoth omiyo jo ndijo ma kisi nger tic ma timere gi jopac, jokwoco, kodi ji ma jokedo nangin mafoth, manyabululu, manyarangi ariŋo, kodi yer rombo m'obokere, kodi nangin man. Jonigi nyalo ma timo kisi nger tic aka jondijo ma kidonya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.