Wok 36
36
1“Bezalel, Oholiab, kodi jotic man ma Rwoth omiyo jo ndijo kodi niaŋ, ma joŋeyo nger ma timo kisi gima mitere ma geto Wema Maleŋ, jowotimi paka Rwoth owodho or.”
Ji jokelo mic kweth
2Musa olwoŋo Bezalel, Oholiab, kodi cwo man je ma Rwoth oyido omiyo jo nyalo aka m'oyido cuny gin ogudo jo, aka owaco rijo cako tic. 3Jojolo wok bongi Musa mic je ma Joisiraili oyido jokelo ma geto Wema Maleŋ. To Joisiraili jomedere kelo ri Musa mic kisi odikin. 4Kenyo cwo ma jondijo m'oyido jotimo tic jokidho 5aka jowaco ri Musa ni, “Ji jokelo gigipiny kweth maloyo ma mitere ma timo tic ma Rwoth owodho or ni wotim.”
6Ameno Musa owodho or i kambi gipi nike wongoye ŋata wokel gimoro man ri Wema Maleŋ, aka ji jok'okelo kendo. 7Kole gim'oyido otiek kelo oyido romo cowo tic kiri gidoŋ.
Geto Wema Maleŋ
8Cwo ma jondijo loyo kwoŋ cwo ma jotimo tic ama jogeto Wema Maleŋ. Jotimo wok kwoŋ adec apar ma nangin mafoth m'okwoy gi yer rombo manyabululu, manyarangi ariŋo, kodi m'obokere kodi cwec ma jobwombi gin. 9Kisi adec oyido rom, mita apar g'ario i boro kodi mita ario i laco. 10Jokwoyo abic kanyacel to jotimo ameno ri abic man bende. 11Joketho kondin ma nanga manyabululu i tok adec ma woko i kisi adec ario m'okwoy kanyacel. 12Joketho kondin piero abic i kisi adec m'okwoy kanyacel. 13Jotimo siragetere ma zahabu piero abic, ma riwo adec ario m'okwoy kanyacel.
14Jotimo giumo Wema wok kwoŋ adec apar g'acel ma nanga m'otimi gi yer diel. 15Jotimo ma jorom, mita apar g'adek i boro kodi mita ario i laco. 16Jokwoyo abic kanyacel kodi aucel man bende kanyacel. 17Joketho kondin piero abic i tok adec ma woko ma kisi adec m'okwoy kanyacel. 18Jotimo siragetere piero abic ma ywel ma riwo adec ario m'okwoy kanyacel ŋey jowobedi acel. 19Jotimo giumo ario man wok kwoŋ pien wod rombo gi pien diel.
20Jotimo miangin m'otire wok kwoŋ mbawo kasia ri Wema. 21Kisi miango oyido romo mita aŋwen i boro kodi inci piero ario g'abirio i laco, 22kodi akare ario, ŋey miangin wonyali riwo kanyacel. Miangin je oyido jonitie gi akare me. 23Jotimo miangin piero ario yuthenge ma yupiny 24kodi pende piero aŋwen ma feza m'orwaki i ŋangi jo, pende ario i ŋangi kisi miango ma mako akare ario. 25Jotimo miangin piero ario ri thenge ma yumalo ma Wema 26kodi pende piero aŋwen, ario i ŋangi kisi miango. 27Ri yucen ma Wema, yuwok ceŋ, jotimo miangin aucel 28kodi miangin ario ri kisi sonda. 29Miangin ma kisi sonda me oriw wok piny kiri i wiye. Miangin ma jotimo kisi sonda ario otim jo i nger me. 30Ameno oyido jonitie miangin aboro kodi pende apar g'aucel ma feza, ario i ŋangi kisi miango.
31Jotimo yen ariwa apar g'abic wok kwoŋ mbawo kasia, abic ri miangin ma thenge acel ma Wema, 32abic ri thenge man, kodi abic ri thenge ma yuwok ceŋ yucen. 33Yath ariwa ma diere mere, m'oketh adec miango, oyare wok i gike acel tundo i gike man. 34Joumo miangin gi zahabu aka jotweyo gi petin ma zahabu mako yen ariwa, ma bende oyido oum gi zahabu.
35Jotimo nanga ma liero gi nanga mafoth, m'okwoy manyabululu, manyarangi ariŋo, kodi yer rombo m'obokere aka jokwoyo gi cwec ma jobwombi gin. 36Jotimo gute aŋwen wok kwoŋ mbawo kasia ma mako nanga ma liero, joumo gi zahabu, aka jotweyo gi siragetere ma zahabu. Kenyo jotimo pende aŋwen ma feza mako gute. 37Ri dhiot ma Wema jotimo nanga ma liero gi nanga mafoth m'okwoy gi yer rombo manyabululu, manyarangi ariŋo kodi m'obokere aka jokwoyo maŋon gi piso. 38Ri nanga ma liero jotimo gute abic m'otwey gi siragetere, joumo wi gin kodi ludhe mere gi zahabu, aka jotimo pende abic ma ywel ri gute.
Currently Selected:
Wok 36: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 36
36
1“Bezalel, Oholiab, kodi jotic man ma Rwoth omiyo jo ndijo kodi niaŋ, ma joŋeyo nger ma timo kisi gima mitere ma geto Wema Maleŋ, jowotimi paka Rwoth owodho or.”
Ji jokelo mic kweth
2Musa olwoŋo Bezalel, Oholiab, kodi cwo man je ma Rwoth oyido omiyo jo nyalo aka m'oyido cuny gin ogudo jo, aka owaco rijo cako tic. 3Jojolo wok bongi Musa mic je ma Joisiraili oyido jokelo ma geto Wema Maleŋ. To Joisiraili jomedere kelo ri Musa mic kisi odikin. 4Kenyo cwo ma jondijo m'oyido jotimo tic jokidho 5aka jowaco ri Musa ni, “Ji jokelo gigipiny kweth maloyo ma mitere ma timo tic ma Rwoth owodho or ni wotim.”
6Ameno Musa owodho or i kambi gipi nike wongoye ŋata wokel gimoro man ri Wema Maleŋ, aka ji jok'okelo kendo. 7Kole gim'oyido otiek kelo oyido romo cowo tic kiri gidoŋ.
Geto Wema Maleŋ
8Cwo ma jondijo loyo kwoŋ cwo ma jotimo tic ama jogeto Wema Maleŋ. Jotimo wok kwoŋ adec apar ma nangin mafoth m'okwoy gi yer rombo manyabululu, manyarangi ariŋo, kodi m'obokere kodi cwec ma jobwombi gin. 9Kisi adec oyido rom, mita apar g'ario i boro kodi mita ario i laco. 10Jokwoyo abic kanyacel to jotimo ameno ri abic man bende. 11Joketho kondin ma nanga manyabululu i tok adec ma woko i kisi adec ario m'okwoy kanyacel. 12Joketho kondin piero abic i kisi adec m'okwoy kanyacel. 13Jotimo siragetere ma zahabu piero abic, ma riwo adec ario m'okwoy kanyacel.
14Jotimo giumo Wema wok kwoŋ adec apar g'acel ma nanga m'otimi gi yer diel. 15Jotimo ma jorom, mita apar g'adek i boro kodi mita ario i laco. 16Jokwoyo abic kanyacel kodi aucel man bende kanyacel. 17Joketho kondin piero abic i tok adec ma woko ma kisi adec m'okwoy kanyacel. 18Jotimo siragetere piero abic ma ywel ma riwo adec ario m'okwoy kanyacel ŋey jowobedi acel. 19Jotimo giumo ario man wok kwoŋ pien wod rombo gi pien diel.
20Jotimo miangin m'otire wok kwoŋ mbawo kasia ri Wema. 21Kisi miango oyido romo mita aŋwen i boro kodi inci piero ario g'abirio i laco, 22kodi akare ario, ŋey miangin wonyali riwo kanyacel. Miangin je oyido jonitie gi akare me. 23Jotimo miangin piero ario yuthenge ma yupiny 24kodi pende piero aŋwen ma feza m'orwaki i ŋangi jo, pende ario i ŋangi kisi miango ma mako akare ario. 25Jotimo miangin piero ario ri thenge ma yumalo ma Wema 26kodi pende piero aŋwen, ario i ŋangi kisi miango. 27Ri yucen ma Wema, yuwok ceŋ, jotimo miangin aucel 28kodi miangin ario ri kisi sonda. 29Miangin ma kisi sonda me oriw wok piny kiri i wiye. Miangin ma jotimo kisi sonda ario otim jo i nger me. 30Ameno oyido jonitie miangin aboro kodi pende apar g'aucel ma feza, ario i ŋangi kisi miango.
31Jotimo yen ariwa apar g'abic wok kwoŋ mbawo kasia, abic ri miangin ma thenge acel ma Wema, 32abic ri thenge man, kodi abic ri thenge ma yuwok ceŋ yucen. 33Yath ariwa ma diere mere, m'oketh adec miango, oyare wok i gike acel tundo i gike man. 34Joumo miangin gi zahabu aka jotweyo gi petin ma zahabu mako yen ariwa, ma bende oyido oum gi zahabu.
35Jotimo nanga ma liero gi nanga mafoth, m'okwoy manyabululu, manyarangi ariŋo, kodi yer rombo m'obokere aka jokwoyo gi cwec ma jobwombi gin. 36Jotimo gute aŋwen wok kwoŋ mbawo kasia ma mako nanga ma liero, joumo gi zahabu, aka jotweyo gi siragetere ma zahabu. Kenyo jotimo pende aŋwen ma feza mako gute. 37Ri dhiot ma Wema jotimo nanga ma liero gi nanga mafoth m'okwoy gi yer rombo manyabululu, manyarangi ariŋo kodi m'obokere aka jokwoyo maŋon gi piso. 38Ri nanga ma liero jotimo gute abic m'otwey gi siragetere, joumo wi gin kodi ludhe mere gi zahabu, aka jotimo pende abic ma ywel ri gute.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.