Wok 34
34
Tele mapando mar'ario
(Cik 10:1-5)
1Rwoth owaco ri Musa ni, “Ŋadi telin mapando ario paka marapena, aka abino ndik'iye wac m'oyido nitie i marapena, m'ituro. 2Yikere dikin odikin, aka ibin malo wi got Sinai romo kodan i wiye. 3Wongoye ŋata wobin malo kodin, aka wongoye ŋata wonen iy'adec moro je ma got, aka wongoye rombo kosa dhok ma wokway i tiendi got.” 4Ameno Musa oŋado telin mapando ario paka marapena, aka yawere odikin maŋic otiŋo to tero malo wi got Sinai paka Rwoth oyido owodho or.
5Rwoth oloro piny i pondeponde, ocungo kenyo gi Musa, aka otuco nyinge maleŋ, Rwoth, Rwoth. 6#Wok 20:5,6; Kwan 14:18; Cik 5:9-10; 7:9-10Kenyo Rwoth oluwo ruwaŋ Musa aka olwoŋo, “An Rwoth, Abedo Were m'opoŋ gi wor kodi kisa, ma kimaki nge piyo aka nyutho mar makiwire kodi adieri. 7Akuro cikirok paran ri luse ganin t'acwako raco gi reco, t'akibino weyo m'akimiyo gir'acula nyithindho gi nyikwaye tundo i luse mar'adek gi mar'aŋwen ro reco pa jonywol pajo.”
8Musa okule piny i lowo piyo aka olamo Rwoth. 9Musa owaco ni, “Rwoth, k'adieri iwinjo kodan maber, akwayin ikadhi gi wan. Ji me wiy gin tek, to cwaki raco gi reco mawan, aka iyey wan paka ji perin.”
Rwoth cewo cikirok
(Cik 7:1-5; 16:1-17)
10Rwoth owaco ri Musa ni, “Onyo atimo cikirok gi Joisiraili. I waŋ jo abino timo gigipiny madongo nger mafodi akitimo kamoro je i piny i dier nonin je. Ji je jobino neno gigipiny madongo ma An Rwoth, anyalo timo, rupiri akidho timo gima kiwacere riwin. 11Luw win or m'amiyo win konon me. Neni, abino riemo woko Joamor, Jokanan, Johiti, Joperiz, Johivi, kodi Joyebus ruwaŋ win. 12Wikiri witim cikirok gi ji ma piny ma wicegin kidh'iye, rupiri me nyalo bedo riwan bwo ma tho. 13#Cik 16:21Kwanyowoko, tur win migam pajo, nyek win sirin pajo, aka witoŋ piny cal ma were madhako pajo Asera.”
14“Wikiri wilam were man, rupiri An Rwoth, ajanyeko. 15Wikiri witim cikirok gi ji ma piny no, rupiri ka jolamo werin pajo manyakafir, jobino lwoŋo win riwirok gi jo, aka karatem nyalo mako win camo cemo ma jomiyo werin pajo. 16Wot win jonyalo nywomo nyir jopath, ma jonyalo miyo jo ngoye g'adieri ran to jolamo werin pa jopath.”
17“Wikiri witim to wilamo werin ma nyweny.”
18 #
Wok 12:14-20; Jolevi 23:6-8; Kwan 28:16-25 “Kur win kalima ma mugat ma buthow. Paka amiyo win or, cami win mugat ma buthow ma ndelo abirio i dwe ma Abib, rupiri obedo dwe ma wiey'iye Misir.”
19 #
Wok 13:2
“Kisi okayo mewin kodi okayin pa le ma peco jobedo aparan. 20#Wok 13:13To wiripo nyewo okayin pa punde gi mic ma nyathi rombo ma wode. Ka wikinyewo, tur win ŋute. Nyew win okayin mewin.”
“Wongoye ŋata wobin ruwaŋan m'ongoye mic.”
21 #
Wok 20:9-10; 23:12; 31:15; 35:2; Jolevi 23:3; Cik 5:13-14 “Winitie gi ndelo aucel ma timo tic mewin, to wikiri witiy i ndelo mar'abirio, kada i ndir ma cwoyo gi ndir ma kec.”
22 #
Jolevi 23:15-21; Kwan 28:26-31; Jolevi 23:39-43 “Kur win kalima ma keco ka wicako keco cemo marapena ma ŋano mewin kodi kalima ma cwir ka oro rumo.”
23“Didek kisi oro cwo mewin je joripo laman, Rwoth, Were pa Isiraili. 24K'atieko riemo woko nonin no ruwaŋ win t'ayawo kew mewin, ongoye ŋata latemo mako piny mewin i ndir ma kalima adek no.”
25 #
Wok 12:10
“Wikiri wimiy mugat m'otimi gi thow ka wimiyan cowirok mar'ogwaŋ. Wikiri wikan kiri yawere odikin adec moro je mar'ogwaŋ ma withumo i kalima ma Kadho.”
26 #
Cik 26:2; Cik 14:21 “Kisi oro keli win ranyak marapena ma ŋano i Ot pa Rwoth.”
“Wikiri witedi nyathi rombo kosa nyathi diel i cak pa min.”
27Rwoth owaco ri Musa ni, “Ndiki wac me piny, rupiri obedo i wiwaci me m'atimo cikirok kodin kodi Isiraili.” 28Musa obedo kenyo gi Rwoth ma ndelo piero aŋwen wor g'odieceŋ, ma kicem kosa madhi gimoro. Ondiko i telin wac ma cikirok; Or Apar.
Musa loro piny wok i Got Sinai
29 #
2 Kor 3:7-16
Munyo Musa oloro wok wi got Sinai munyo otiŋo Or Apar, waŋe oyido menyin rupiri go oyido owok luwo gi Rwoth, to Musa won oyido okuya. 30Aron gi ji je munyo joŋiyo Musa aka joneno waŋ go menyin, jolworo kidho cegin gi go. 31To Musa olwoŋo jo, aka Aron gi jotel pa ji jokidho bonge to Musa luwo gi jo. 32Aka rumacen Joisiraili je jobino cegin to Musa miyo jo cik je ma Rwoth oyido omiyo go wi got Sinai. 33Munyo Musa otieko luwo gi jo, oumo waŋe gi kitambala. 34Kisi ka Musa okidho i Wema ma Rwoth bed'iye luwo gi Rwoth, kwanyo woko kitambala. Ka go owok, oyido waco ri Joisiraili kisi gima Rwoth omiyo go or ni wowaci, 35aka oyido joneno nike waŋ Musa menyin. Kenyo go oyido dwoko kitambala cuka hongo ma go okidhi luwo gi Rwoth.
Currently Selected:
Wok 34: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 34
34
Tele mapando mar'ario
(Cik 10:1-5)
1Rwoth owaco ri Musa ni, “Ŋadi telin mapando ario paka marapena, aka abino ndik'iye wac m'oyido nitie i marapena, m'ituro. 2Yikere dikin odikin, aka ibin malo wi got Sinai romo kodan i wiye. 3Wongoye ŋata wobin malo kodin, aka wongoye ŋata wonen iy'adec moro je ma got, aka wongoye rombo kosa dhok ma wokway i tiendi got.” 4Ameno Musa oŋado telin mapando ario paka marapena, aka yawere odikin maŋic otiŋo to tero malo wi got Sinai paka Rwoth oyido owodho or.
5Rwoth oloro piny i pondeponde, ocungo kenyo gi Musa, aka otuco nyinge maleŋ, Rwoth, Rwoth. 6#Wok 20:5,6; Kwan 14:18; Cik 5:9-10; 7:9-10Kenyo Rwoth oluwo ruwaŋ Musa aka olwoŋo, “An Rwoth, Abedo Were m'opoŋ gi wor kodi kisa, ma kimaki nge piyo aka nyutho mar makiwire kodi adieri. 7Akuro cikirok paran ri luse ganin t'acwako raco gi reco, t'akibino weyo m'akimiyo gir'acula nyithindho gi nyikwaye tundo i luse mar'adek gi mar'aŋwen ro reco pa jonywol pajo.”
8Musa okule piny i lowo piyo aka olamo Rwoth. 9Musa owaco ni, “Rwoth, k'adieri iwinjo kodan maber, akwayin ikadhi gi wan. Ji me wiy gin tek, to cwaki raco gi reco mawan, aka iyey wan paka ji perin.”
Rwoth cewo cikirok
(Cik 7:1-5; 16:1-17)
10Rwoth owaco ri Musa ni, “Onyo atimo cikirok gi Joisiraili. I waŋ jo abino timo gigipiny madongo nger mafodi akitimo kamoro je i piny i dier nonin je. Ji je jobino neno gigipiny madongo ma An Rwoth, anyalo timo, rupiri akidho timo gima kiwacere riwin. 11Luw win or m'amiyo win konon me. Neni, abino riemo woko Joamor, Jokanan, Johiti, Joperiz, Johivi, kodi Joyebus ruwaŋ win. 12Wikiri witim cikirok gi ji ma piny ma wicegin kidh'iye, rupiri me nyalo bedo riwan bwo ma tho. 13#Cik 16:21Kwanyowoko, tur win migam pajo, nyek win sirin pajo, aka witoŋ piny cal ma were madhako pajo Asera.”
14“Wikiri wilam were man, rupiri An Rwoth, ajanyeko. 15Wikiri witim cikirok gi ji ma piny no, rupiri ka jolamo werin pajo manyakafir, jobino lwoŋo win riwirok gi jo, aka karatem nyalo mako win camo cemo ma jomiyo werin pajo. 16Wot win jonyalo nywomo nyir jopath, ma jonyalo miyo jo ngoye g'adieri ran to jolamo werin pa jopath.”
17“Wikiri witim to wilamo werin ma nyweny.”
18 #
Wok 12:14-20; Jolevi 23:6-8; Kwan 28:16-25 “Kur win kalima ma mugat ma buthow. Paka amiyo win or, cami win mugat ma buthow ma ndelo abirio i dwe ma Abib, rupiri obedo dwe ma wiey'iye Misir.”
19 #
Wok 13:2
“Kisi okayo mewin kodi okayin pa le ma peco jobedo aparan. 20#Wok 13:13To wiripo nyewo okayin pa punde gi mic ma nyathi rombo ma wode. Ka wikinyewo, tur win ŋute. Nyew win okayin mewin.”
“Wongoye ŋata wobin ruwaŋan m'ongoye mic.”
21 #
Wok 20:9-10; 23:12; 31:15; 35:2; Jolevi 23:3; Cik 5:13-14 “Winitie gi ndelo aucel ma timo tic mewin, to wikiri witiy i ndelo mar'abirio, kada i ndir ma cwoyo gi ndir ma kec.”
22 #
Jolevi 23:15-21; Kwan 28:26-31; Jolevi 23:39-43 “Kur win kalima ma keco ka wicako keco cemo marapena ma ŋano mewin kodi kalima ma cwir ka oro rumo.”
23“Didek kisi oro cwo mewin je joripo laman, Rwoth, Were pa Isiraili. 24K'atieko riemo woko nonin no ruwaŋ win t'ayawo kew mewin, ongoye ŋata latemo mako piny mewin i ndir ma kalima adek no.”
25 #
Wok 12:10
“Wikiri wimiy mugat m'otimi gi thow ka wimiyan cowirok mar'ogwaŋ. Wikiri wikan kiri yawere odikin adec moro je mar'ogwaŋ ma withumo i kalima ma Kadho.”
26 #
Cik 26:2; Cik 14:21 “Kisi oro keli win ranyak marapena ma ŋano i Ot pa Rwoth.”
“Wikiri witedi nyathi rombo kosa nyathi diel i cak pa min.”
27Rwoth owaco ri Musa ni, “Ndiki wac me piny, rupiri obedo i wiwaci me m'atimo cikirok kodin kodi Isiraili.” 28Musa obedo kenyo gi Rwoth ma ndelo piero aŋwen wor g'odieceŋ, ma kicem kosa madhi gimoro. Ondiko i telin wac ma cikirok; Or Apar.
Musa loro piny wok i Got Sinai
29 #
2 Kor 3:7-16
Munyo Musa oloro wok wi got Sinai munyo otiŋo Or Apar, waŋe oyido menyin rupiri go oyido owok luwo gi Rwoth, to Musa won oyido okuya. 30Aron gi ji je munyo joŋiyo Musa aka joneno waŋ go menyin, jolworo kidho cegin gi go. 31To Musa olwoŋo jo, aka Aron gi jotel pa ji jokidho bonge to Musa luwo gi jo. 32Aka rumacen Joisiraili je jobino cegin to Musa miyo jo cik je ma Rwoth oyido omiyo go wi got Sinai. 33Munyo Musa otieko luwo gi jo, oumo waŋe gi kitambala. 34Kisi ka Musa okidho i Wema ma Rwoth bed'iye luwo gi Rwoth, kwanyo woko kitambala. Ka go owok, oyido waco ri Joisiraili kisi gima Rwoth omiyo go or ni wowaci, 35aka oyido joneno nike waŋ Musa menyin. Kenyo go oyido dwoko kitambala cuka hongo ma go okidhi luwo gi Rwoth.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.