Wok 33
33
Rwoth wodho or ri Joisiraili jowoeye i Got Sinai
1 #
Cak 12:7; Cak 26:3; Cak 28:13 Rwoth owaco ri Musa ni, “Eye i kabedo me, in gi ji m'iwodho wok i Misir, aka wikadhi i lowo m'aciko miyo Abraham, Isaka, Yakobo kodi nyikway jo. 2Aka abino oro malaika telo win, aka abino riemo woko Jokanan, Joamor, Johiti, Joperiz, Johivi, kodi Joyebus. 3Kadhi win malo i lowo ma mol gi cak kodi mo kic, to ak'okadhi gi win awon, rupiri wibedo ji ma wiy gin tek, aka anyalo neko win i yo.”
4Munyo ji jowinjo gime, jocako ywak aka ongoye ŋat'oruko thiwino kendo. 5Kole Rwoth oyido owaco ri Musa waco rijo ni, “Wibedo ji ma wiy gin tek. K'oyido akadho gi win kad'adec, oyido anyalo reyo win kicutho. Onyo luny win thiwino mewin, aka alaneno gir'atima gi win.” 6Ameno rumacen ma eye i got Sinai, Joisiraili jok'oruko thiwino kendo.
Wema Maleŋ
7Kisi ka Joisiraili oyido joketho kambi, Musa oyido tero Wema Maleŋ to ketho bor ye gi kambi. Oyido ilwoŋo ni Wema ma Rwoth bed'iye, aka kisi nyatoro ma mito luwo gi Rwoth oyido donj'iye. 8Kisi hongo ka Musa oyido kidho i Wema, ji je oyido jocungo i dhiot ma wema pajo aka joŋiyo Musa cuka donjo i Wema Maleŋ. 9Rumacen ma Musa donjo, siro pondeponde oyido loro to cungo i dhiot ma Wema, aka Rwoth oyido luwo gi Musa wok i pondeponde. 10Tekin ji joneno siro pondeponde i dhiot ma Wema, oyido jokule piny. 11Rwoth oyido luwo gi Musa awaŋ g'awaŋ, pa ŋata luwo gi mere pere. Kenyo Musa oyido gik i kambi, to ŋeca pere Yosuwa wod pa Nun oyido doŋ i Wema.
Rwoth ciko bedo gi ji pere
12Musa owaco ri Rwoth ni, “Neni, iwaco ran ni atel ji i lowo no, to fodi ikiwaco ran ŋat'ioran gine. Iwaco ni iŋeyan gi nyingan aka iwinjo kodan maber. 13Onyo riameno, akwayin, k'iwinjo kodan maber, wac ran can perin, ŋey amedere tiyo rin ŋey amedi kisangala in. Poyi bende nike itieko yero piny me paka ji perin.”
14Rwoth odwoko Musa ni, “Abino kadho kodin, aka abino miyin loyo.”
15Aka Musa owaco ni, “K'ikikadhi gi wan, ikir'imiy waeye wok i kabedo me. 16Rupiri oŋeyere nedi nike iwinjo maber gi ji perin kodi an k'ikikadho gi wan? Bedo perin gi wan bino poko wan kwoŋ ji man i piny.”
17Aka Rwoth odwoko Musa ni, “Abino timo paka ikwayo, rupiri inwaŋo wor ruwaŋan aka aŋeyin gi nyingin.”
18Kenyo Musa okwayo ni, “Akwayin, nyuthan dwoŋ perin.”
19 #
Rom 9:15
Rwoth odwoko ni, “Alamiyo dwoŋ paran luwo ruwaŋin, aka ruwaŋin abino tuco nyingan maleŋ. An abedo Rwoth, aka anyutho wor gi kisa ri jono m'ayero. 20T'ikinyal neno waŋan, rupiri ongoye ŋata nenan to doŋ makwo, 21neni, nitie kabedo kabutan m'inyalo cung'iye wi got. 22Aka ka dwoŋ paran luwo, abino kethin kam'oyawere i got t'aumin gi cingan cuka aluwo. 23Kenyo abino kwanyo cingan woko, aka ilaneno ŋeyan makiweno waŋan.”
Currently Selected:
Wok 33: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 33
33
Rwoth wodho or ri Joisiraili jowoeye i Got Sinai
1 #
Cak 12:7; Cak 26:3; Cak 28:13 Rwoth owaco ri Musa ni, “Eye i kabedo me, in gi ji m'iwodho wok i Misir, aka wikadhi i lowo m'aciko miyo Abraham, Isaka, Yakobo kodi nyikway jo. 2Aka abino oro malaika telo win, aka abino riemo woko Jokanan, Joamor, Johiti, Joperiz, Johivi, kodi Joyebus. 3Kadhi win malo i lowo ma mol gi cak kodi mo kic, to ak'okadhi gi win awon, rupiri wibedo ji ma wiy gin tek, aka anyalo neko win i yo.”
4Munyo ji jowinjo gime, jocako ywak aka ongoye ŋat'oruko thiwino kendo. 5Kole Rwoth oyido owaco ri Musa waco rijo ni, “Wibedo ji ma wiy gin tek. K'oyido akadho gi win kad'adec, oyido anyalo reyo win kicutho. Onyo luny win thiwino mewin, aka alaneno gir'atima gi win.” 6Ameno rumacen ma eye i got Sinai, Joisiraili jok'oruko thiwino kendo.
Wema Maleŋ
7Kisi ka Joisiraili oyido joketho kambi, Musa oyido tero Wema Maleŋ to ketho bor ye gi kambi. Oyido ilwoŋo ni Wema ma Rwoth bed'iye, aka kisi nyatoro ma mito luwo gi Rwoth oyido donj'iye. 8Kisi hongo ka Musa oyido kidho i Wema, ji je oyido jocungo i dhiot ma wema pajo aka joŋiyo Musa cuka donjo i Wema Maleŋ. 9Rumacen ma Musa donjo, siro pondeponde oyido loro to cungo i dhiot ma Wema, aka Rwoth oyido luwo gi Musa wok i pondeponde. 10Tekin ji joneno siro pondeponde i dhiot ma Wema, oyido jokule piny. 11Rwoth oyido luwo gi Musa awaŋ g'awaŋ, pa ŋata luwo gi mere pere. Kenyo Musa oyido gik i kambi, to ŋeca pere Yosuwa wod pa Nun oyido doŋ i Wema.
Rwoth ciko bedo gi ji pere
12Musa owaco ri Rwoth ni, “Neni, iwaco ran ni atel ji i lowo no, to fodi ikiwaco ran ŋat'ioran gine. Iwaco ni iŋeyan gi nyingan aka iwinjo kodan maber. 13Onyo riameno, akwayin, k'iwinjo kodan maber, wac ran can perin, ŋey amedere tiyo rin ŋey amedi kisangala in. Poyi bende nike itieko yero piny me paka ji perin.”
14Rwoth odwoko Musa ni, “Abino kadho kodin, aka abino miyin loyo.”
15Aka Musa owaco ni, “K'ikikadhi gi wan, ikir'imiy waeye wok i kabedo me. 16Rupiri oŋeyere nedi nike iwinjo maber gi ji perin kodi an k'ikikadho gi wan? Bedo perin gi wan bino poko wan kwoŋ ji man i piny.”
17Aka Rwoth odwoko Musa ni, “Abino timo paka ikwayo, rupiri inwaŋo wor ruwaŋan aka aŋeyin gi nyingin.”
18Kenyo Musa okwayo ni, “Akwayin, nyuthan dwoŋ perin.”
19 #
Rom 9:15
Rwoth odwoko ni, “Alamiyo dwoŋ paran luwo ruwaŋin, aka ruwaŋin abino tuco nyingan maleŋ. An abedo Rwoth, aka anyutho wor gi kisa ri jono m'ayero. 20T'ikinyal neno waŋan, rupiri ongoye ŋata nenan to doŋ makwo, 21neni, nitie kabedo kabutan m'inyalo cung'iye wi got. 22Aka ka dwoŋ paran luwo, abino kethin kam'oyawere i got t'aumin gi cingan cuka aluwo. 23Kenyo abino kwanyo cingan woko, aka ilaneno ŋeyan makiweno waŋan.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.