Wok 32
32
Rwath dhiaŋ ma zahabu
(Cik 9:6-29)
1 #
Tim 7:40
Munyo ji joneno ni Musa ogalo gi loro piny wok wi got, jocokere kanyacel bongi Aron, aka jowaco rigo ni, “Wakuya gim'otimere ri jal me Musa, m'otelo wan wok i Misir, ameno tim riwan were ma wotel wan.”
2Aron owaco rijo ni, “Luny win ywel ma zahabu ma mon mewin, wot win gi nyir mewin joruko aka wikel bongan.” 3Ameno ji je jolunyo milom ma zahabu aka jokelo bongi Aron. 4#1 Kerin 12:28; Tim 7:41Aron ojolo zahabu wok i cingi jo aka olenyo to cweyo cal pa rwath.
Ji jowaco ni, “Isiraili, me were mawan m'owodho wan wok Misir!”
5Munyo Aron oneno gime, ogeto migam ruwaŋ cal pa rwath aka owaco ni, “Dikin wabino camo kalima ri Rwoth.” 6#1 Kor 10:7Yawere odikin maŋic, jomiyo cowirok awaŋa, kodi cowirok ma siem aka jobedo piny cemo gi medho, to joay malo cako tuko.
7Rwoth owaco ri Musa ni, “Lori piny, kole ji perin, m'iwodho jo wok i lowo ma Misir jotimo reco aka jokweran. 8Jotieko weyo yo m'amiyo jo or ni jowoluwi, jocweyo rwath wok kwoŋ zahabu ma jolenyo aka jolamo to jomiyo cowirok. Jowaco ni me were pajo m'owodho jo wok i Misir. 9Aŋeyo nger ma jonitie gi wictek. 10Onyo riameno, weyan, ŋey keme paran oliel kwoŋ jo aka arey woko jo; t'abino lokin piny madwoŋ.”
11 #
Kwan 14:13-19
To Musa oywaki gi Rwoth Were pere to waco ni, “Rwoth, raŋo keme perin oliel kwoŋ ji perin, m'iwodho jo wok i piny Misir gi meni madwoŋ kodi cingin ma dimeni? 12Raŋo Jomisir jowowaci nike iwodho ji perin wok Misir gi atoŋa ma neko jo i gote kodi reyo jo kicutho? Wire kwoŋ keme perin aka Ikir'ikeli teko me kwoŋ ji perin. 13#Cak 22:16,17; 17:8Poyi ŋecin perin Abraham, Isaka kodi Yakobo, m'ikwoŋere miyo jo nyikway jo kweth paka micalin ma polo kodi miyo nyikway jo lowo m'iciko nike bino bedo lim pajo cil gi cil.” 14Ameno Rwoth owiro paro pere, aka k'okelo kwoŋ ji pere teko m'oyido opiro.
15Musa ogik piny ma got kareno otiŋo telin mapando ario m'ondiki i thenge je or. 16Were won am'oyido otimo to ndik'iye or.
17Munyo Yosia owinjo koko pa ji, owaco ri Musa ni, “Awinjo derino ma lweny i kambi.”
18To Musa odwoko ni, “Meno ki koko ma loyo, kosa ma kikengila, obedo ma wer.”
19Aka tekin Musa core cegin gi kambi to neno cal ma rwath kodi miel, nge pere oliel, aka obolo piny telin mapando wok i cinge to jotur i tiendi got. 20Aka okwanyo cal ma rwath m'oyido jocweyo, olenyo gi mac to rego m'onuŋere, aka oruwo gi pi to miyo ji madho. 21Aka Musa openjo Aron, “Aŋo ma ji me jotimo rin, ŋey imiyo jo timo reco ma kiwacere me?”
22Aron odwoko ni, “Ikir'imaki nge, iŋeyo nike ji me jomiyere timo reco. 23Kole jowaco ran ni, ‘Wakuya gim'otimere ri jal me Musa, m'owodho wan wok i Misir, ameno tim riwan were ma wotel wan.’ 24Aka awaco rijo, ‘Weyi ŋata nitie gi zahabu woluny.’ Ameno jomiyan, aka abolo i mac, to wok'iye rwath me.”
25Musa oneno ni Aron oweyo ji to jomiŋere wegi ruwaŋ jokwor pajo. 26Ameno Musa ocungo i waŋkac ma kambi to koko, “Kisi nyatoro manitie i thenge pa Rwoth biye ka!” Ameno Jolevi jocokere thoko go, 27aka Musa owaco rijo ni, “Rwoth Were pa Isiraili miyo kisi nyatoro or tweyo abor pere aka woluwi i kambi wok i waŋkac me tundo i meca gi neko wutmin, merin gi joger pere.” 28Wot Levi jotimo gima Musa owaco, aka joneko ji 3,000 i ndelo no. 29Musa owaco ri Jolevi ni, “Konon wimiyo kwo mewin ri Rwoth paka jocway ri Were i wi migam gi neko wot win, kodi wutmin win, riameno Rwoth omiyo win silwany.”
30Yawere Musa owaco ri ji ni, “Witimo reco ma kiwacere. T'abino kidho malo bongi Rwoth kendo akway go wocwaki reco mewin.” 31Kenyo Musa ogik bongi Rwoth aka owaco ni, “Ji me jotimo reco ma kiwacere. Jocweyo were wok kwoŋ zahabu to jolamo. 32#Zab 69:29; Meny 3:5Mondo cwaki reco pajo; to k'ik'ocwaki, onyo reyi woko nyingan i kitawo m'indik'iye.”
33To Rwoth odwoko Musa ni, “Joma jotimo reco am'alareyo woko nyingi jo wok i kitawo paran. 34Onyo kadhi itel ji i kabedo m'atieko waco rin. Poyi nike malaika paran bino telin, to hongo bino m'alamiyo ji me gir'acula ro reco pajo.”
35Ameno Rwoth odhiro two kwoŋ ji, rupiri oyido jomiyo Aron cweyo ri jo rwath ma zahabu.
Currently Selected:
Wok 32: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 32
32
Rwath dhiaŋ ma zahabu
(Cik 9:6-29)
1 #
Tim 7:40
Munyo ji joneno ni Musa ogalo gi loro piny wok wi got, jocokere kanyacel bongi Aron, aka jowaco rigo ni, “Wakuya gim'otimere ri jal me Musa, m'otelo wan wok i Misir, ameno tim riwan were ma wotel wan.”
2Aron owaco rijo ni, “Luny win ywel ma zahabu ma mon mewin, wot win gi nyir mewin joruko aka wikel bongan.” 3Ameno ji je jolunyo milom ma zahabu aka jokelo bongi Aron. 4#1 Kerin 12:28; Tim 7:41Aron ojolo zahabu wok i cingi jo aka olenyo to cweyo cal pa rwath.
Ji jowaco ni, “Isiraili, me were mawan m'owodho wan wok Misir!”
5Munyo Aron oneno gime, ogeto migam ruwaŋ cal pa rwath aka owaco ni, “Dikin wabino camo kalima ri Rwoth.” 6#1 Kor 10:7Yawere odikin maŋic, jomiyo cowirok awaŋa, kodi cowirok ma siem aka jobedo piny cemo gi medho, to joay malo cako tuko.
7Rwoth owaco ri Musa ni, “Lori piny, kole ji perin, m'iwodho jo wok i lowo ma Misir jotimo reco aka jokweran. 8Jotieko weyo yo m'amiyo jo or ni jowoluwi, jocweyo rwath wok kwoŋ zahabu ma jolenyo aka jolamo to jomiyo cowirok. Jowaco ni me were pajo m'owodho jo wok i Misir. 9Aŋeyo nger ma jonitie gi wictek. 10Onyo riameno, weyan, ŋey keme paran oliel kwoŋ jo aka arey woko jo; t'abino lokin piny madwoŋ.”
11 #
Kwan 14:13-19
To Musa oywaki gi Rwoth Were pere to waco ni, “Rwoth, raŋo keme perin oliel kwoŋ ji perin, m'iwodho jo wok i piny Misir gi meni madwoŋ kodi cingin ma dimeni? 12Raŋo Jomisir jowowaci nike iwodho ji perin wok Misir gi atoŋa ma neko jo i gote kodi reyo jo kicutho? Wire kwoŋ keme perin aka Ikir'ikeli teko me kwoŋ ji perin. 13#Cak 22:16,17; 17:8Poyi ŋecin perin Abraham, Isaka kodi Yakobo, m'ikwoŋere miyo jo nyikway jo kweth paka micalin ma polo kodi miyo nyikway jo lowo m'iciko nike bino bedo lim pajo cil gi cil.” 14Ameno Rwoth owiro paro pere, aka k'okelo kwoŋ ji pere teko m'oyido opiro.
15Musa ogik piny ma got kareno otiŋo telin mapando ario m'ondiki i thenge je or. 16Were won am'oyido otimo to ndik'iye or.
17Munyo Yosia owinjo koko pa ji, owaco ri Musa ni, “Awinjo derino ma lweny i kambi.”
18To Musa odwoko ni, “Meno ki koko ma loyo, kosa ma kikengila, obedo ma wer.”
19Aka tekin Musa core cegin gi kambi to neno cal ma rwath kodi miel, nge pere oliel, aka obolo piny telin mapando wok i cinge to jotur i tiendi got. 20Aka okwanyo cal ma rwath m'oyido jocweyo, olenyo gi mac to rego m'onuŋere, aka oruwo gi pi to miyo ji madho. 21Aka Musa openjo Aron, “Aŋo ma ji me jotimo rin, ŋey imiyo jo timo reco ma kiwacere me?”
22Aron odwoko ni, “Ikir'imaki nge, iŋeyo nike ji me jomiyere timo reco. 23Kole jowaco ran ni, ‘Wakuya gim'otimere ri jal me Musa, m'owodho wan wok i Misir, ameno tim riwan were ma wotel wan.’ 24Aka awaco rijo, ‘Weyi ŋata nitie gi zahabu woluny.’ Ameno jomiyan, aka abolo i mac, to wok'iye rwath me.”
25Musa oneno ni Aron oweyo ji to jomiŋere wegi ruwaŋ jokwor pajo. 26Ameno Musa ocungo i waŋkac ma kambi to koko, “Kisi nyatoro manitie i thenge pa Rwoth biye ka!” Ameno Jolevi jocokere thoko go, 27aka Musa owaco rijo ni, “Rwoth Were pa Isiraili miyo kisi nyatoro or tweyo abor pere aka woluwi i kambi wok i waŋkac me tundo i meca gi neko wutmin, merin gi joger pere.” 28Wot Levi jotimo gima Musa owaco, aka joneko ji 3,000 i ndelo no. 29Musa owaco ri Jolevi ni, “Konon wimiyo kwo mewin ri Rwoth paka jocway ri Were i wi migam gi neko wot win, kodi wutmin win, riameno Rwoth omiyo win silwany.”
30Yawere Musa owaco ri ji ni, “Witimo reco ma kiwacere. T'abino kidho malo bongi Rwoth kendo akway go wocwaki reco mewin.” 31Kenyo Musa ogik bongi Rwoth aka owaco ni, “Ji me jotimo reco ma kiwacere. Jocweyo were wok kwoŋ zahabu to jolamo. 32#Zab 69:29; Meny 3:5Mondo cwaki reco pajo; to k'ik'ocwaki, onyo reyi woko nyingan i kitawo m'indik'iye.”
33To Rwoth odwoko Musa ni, “Joma jotimo reco am'alareyo woko nyingi jo wok i kitawo paran. 34Onyo kadhi itel ji i kabedo m'atieko waco rin. Poyi nike malaika paran bino telin, to hongo bino m'alamiyo ji me gir'acula ro reco pajo.”
35Ameno Rwoth odhiro two kwoŋ ji, rupiri oyido jomiyo Aron cweyo ri jo rwath ma zahabu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.