Wok 31
31
Jotic ma timo Wema Maleŋ
1Rwoth owaco ri Musa ni, 2“Atieko yero Bezalel, wod pa Uri aka nyakwar Hur wok i nono pa Yuda, 3atieko poŋo go gi Cuny pa Were, atieko miyo go niaŋ, ndijo kodi nyalo ma kisi nger tic pac. 4Ndijo ma kidonya kodi timo jo gi zahabu, feza kodi ywel; 5ma ŋado telin ma ketho, ma payo mbawin kodi tic man je ma pac. 6Atieko bende yero Oholiab wod pa Ahisamak, wok i nono pa Dan, tiyo gi go. Atieko bende miyo nyalo madwoŋ ri jondijo man, ŋey jowonyal timo kisi gim'atieko wodho or ni wotim. 7Wema Maleŋ, Kakan ma Cikirok giumo, kodi gigipiny ma Wema je. 8Meza gi gigipiny mere je, raŋaw tala ma zahabu macil kodi gigipiny mere je, migam ma waŋo buban. 9Migam ma cowirok awaŋa gi gigipiny mere je, kalaya ma lwok gi pende, 10ruk maŋon ri Aron gi wote ma oro ka jotiyo ran paka jocway ri Were i wi migam. 11Mo ma wir kodi buban ma nigi kur mamit ri Kabedo maleŋ. I timo gigipiny me je, jowotimi paka atieko wodho or.”
Sabato, ndelo ma ywomirok
12Rwoth owaco ri Musa 13waco ri Joisiraili ni, “Kur win ndelo ma Sabato, ndelo ma ywomirok, rupiri obedo ranyuth i dier An kodi win ri kisi hongo ma bino, nyutho nike An, Rwoth atieko loko win ji paran. 14Wiripo kuro ndelo ma ywomirok, rupiri obedo ndelo maleŋ.”
“Ŋata kikur je, to tiyo i ndelo no woneki. 15#Wok 20:8-11; 23:12; 34:21; 35:2; Jolevi 23:3; Cik 5:12-14Winitie gi ndelo aucel ma timo tic mewin, to ndelo mar'abirio obedo ndelo ma cikirok ma ywomirok ri Rwoth. Ŋata timo tic moro je i ndelo no wonek. 16Joisiraili joripo kuro ndelo me paka cikirok. 17Obedo ranyuth makicutho i dier Joisiraili kodan, rupiri An Rwoth, acweyo polo gi piny i ndelo aucel, aka i ndelo mar'abirio atieko tic t'aywomere.”
18Munyo Rwoth otieko luwo gi Musa wi got Sinai, omiyo go telin mapando ario ma Were won ondik'iye or.
Currently Selected:
Wok 31: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 31
31
Jotic ma timo Wema Maleŋ
1Rwoth owaco ri Musa ni, 2“Atieko yero Bezalel, wod pa Uri aka nyakwar Hur wok i nono pa Yuda, 3atieko poŋo go gi Cuny pa Were, atieko miyo go niaŋ, ndijo kodi nyalo ma kisi nger tic pac. 4Ndijo ma kidonya kodi timo jo gi zahabu, feza kodi ywel; 5ma ŋado telin ma ketho, ma payo mbawin kodi tic man je ma pac. 6Atieko bende yero Oholiab wod pa Ahisamak, wok i nono pa Dan, tiyo gi go. Atieko bende miyo nyalo madwoŋ ri jondijo man, ŋey jowonyal timo kisi gim'atieko wodho or ni wotim. 7Wema Maleŋ, Kakan ma Cikirok giumo, kodi gigipiny ma Wema je. 8Meza gi gigipiny mere je, raŋaw tala ma zahabu macil kodi gigipiny mere je, migam ma waŋo buban. 9Migam ma cowirok awaŋa gi gigipiny mere je, kalaya ma lwok gi pende, 10ruk maŋon ri Aron gi wote ma oro ka jotiyo ran paka jocway ri Were i wi migam. 11Mo ma wir kodi buban ma nigi kur mamit ri Kabedo maleŋ. I timo gigipiny me je, jowotimi paka atieko wodho or.”
Sabato, ndelo ma ywomirok
12Rwoth owaco ri Musa 13waco ri Joisiraili ni, “Kur win ndelo ma Sabato, ndelo ma ywomirok, rupiri obedo ranyuth i dier An kodi win ri kisi hongo ma bino, nyutho nike An, Rwoth atieko loko win ji paran. 14Wiripo kuro ndelo ma ywomirok, rupiri obedo ndelo maleŋ.”
“Ŋata kikur je, to tiyo i ndelo no woneki. 15#Wok 20:8-11; 23:12; 34:21; 35:2; Jolevi 23:3; Cik 5:12-14Winitie gi ndelo aucel ma timo tic mewin, to ndelo mar'abirio obedo ndelo ma cikirok ma ywomirok ri Rwoth. Ŋata timo tic moro je i ndelo no wonek. 16Joisiraili joripo kuro ndelo me paka cikirok. 17Obedo ranyuth makicutho i dier Joisiraili kodan, rupiri An Rwoth, acweyo polo gi piny i ndelo aucel, aka i ndelo mar'abirio atieko tic t'aywomere.”
18Munyo Rwoth otieko luwo gi Musa wi got Sinai, omiyo go telin mapando ario ma Were won ondik'iye or.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.