Wok 30
30
Migam ma waŋo buban
1“Tim migam ma waŋo buban. 2Wobedi inci apar g'aboro i boro, inci apar g'aboro i laco, kodi inci piero aŋwen g'abic i ŋawirok; tunge mere i kisi sonda aŋwen jowobedi marom gine. 3Ium wiye, thenge aŋwen je, kodi tunge gi zahabu macil, aka ikethi miango ma zahabu thoko. 4Tim petin ario ma zahabu ma tiŋo aka iriw jo piny ma miango i thenge ario jowomaki asu ma tiŋo gine. 5Tim asu me wok kwoŋ mbawo kasia aka ium gi zahabu. 6Kethi migam me woko ma nanga ma liero ruwaŋ Kakan ma Cikirok. Kenyo a kabedo m'abino rom'iye kodin. 7Kisi odikin ka Aron bino cwinyo tala wowaŋ buban maŋwe kur mamit i iye. 8Go ripo timo ameno ka cwinyo talin othieno. Mic ma buban womedere ma k'owir i hongo je ma bino. 9Ikir'imiy i migam me buban ma kileŋ, cowirok awaŋa, kosa mic ma ŋano, aka ikir'ikonji vini moro je i iye. 10Dicel kisi oro Aron wotim'iye kwer ma lonyo migam to ketho i tunge mere remo mar'ogwaŋ ma cowirok. Gime iripo timo kisi oro i hongo ma bino je. Migam me ripo bedo maleŋ kicutho, m'omiyere ran, Rwoth.”
Pesa m'iculo ri Wema Maleŋ
11Rwoth owaco ri Musa ni, 12“K'ikwano welo Joisiraili, wac ri kisi nyatoro woculi welo ma kwo pere, ŋey thoyamo wokiri wobin kwoŋe k'ikwano jo. 13#Wok 38:25,26; Mat 17:24Kisi nyatoro m'okwan ripo culo pesa ma mitere aka wopima gi rapim m'ioro. Kisi nyatoro ripo culo paka mic ran. 14Kisi nyatoro m'okwan i kwanirok, meno kisi jacwo ma jaoro piero ario kosa kalo ripo culo mic pa Rwoth. 15Jaŋaŋo wokiri woculi maloyo, aka jacandi wokiri woculi manok, ka joculo mic pa Rwoth ri kwo pajo. 16Coki pesa me wok bongi Joisiraili aka ior ma kuro Wema Maleŋ. Pesa labedo cul ri kwo, aka abino poyo kikwonga jo.”
Kalaya ma ywel
17Rwoth owaco ri Musa ni, 18#Wok 38:8 “Tim kalaya gi pende ma ywel. Kethi i dier Wema Maleŋ gi migam aka ikonj'iye pi. 19Aron gi wote jolalwoko tiendi gin gi cingi gin 20kafodi jok'odonjo i wema kosa corok i migam miyo mic ma cemo manyinge. Ameno kilaneko jo. 21Joripo lwoko tiendi gin gi cingi gin ŋey jokiri jowotho. Me cik ma jo gi nyikway jo je joripo luwo cil gi cil.”
Mo ma wir
22 #
Wok 37:29
Rwoth owaco ri Musa ni, 23“Kwany gigipiny manitie gi kur loyo kilo aucel ma sandi manitie gi kur mamit ma yath m'ilwoŋo ni mira, kilo adek ma gim'onuŋere manitie gi kur mamit m'ilwoŋo ni cinamon, kilo adek ma midole manitie gi kur mamit, 24kilo aucel ma kasia (joje pima gi rapim m'ioro). Imedi lita aŋwen ma mo 25aka itimi mo ma wir maleŋ, m'oruw pa mo manitie gi kur. 26Or ma wiro Wema Maleŋ, Kakan ma Cikirok, 27meza gi gigipiny mere je, raŋaw tala gi gigipiny mere je, migam ma waŋo buban, 28migam ma waŋo mic, kanyacel gi gigipiny mere je, kodi kalaya gi pende. 29Imiyan gigipiny me i nger me, aka jobino bedo maleŋ kicutho, aka nyatoro kosa gimoro m'ogey jo bino miyo litho gi meni ma leŋo pajo. 30Kenyo wir Aron gi wote, aka ikwoŋ jo paka jocway ri Were i wi migam jowotiy ran. 31Waci ri Joisiraili ni, ‘Mo maleŋ woor i tic paran i hongo ma bino je. 32Kiripi konjo kwoŋ ji ma kisi ndelo, aka ikir'ior nger acel ma ruwo mo man ma cale gine. Leŋ, aka iripo tero paka gimaleŋ. 33Ŋat'otim mo ma cale gine kosa oor kwoŋ ŋata k'obedo jacway ri Were i wi migam k'okwanere paka acel kwoŋ ji paran kendo.’ ”
Buban
34Rwoth owaco ri Musa ni, “Kwany adec marom ma kisi gigipiny ma jonitie gi ŋwece kur me: Sitakite, onyca, galibanum, kodi buban macil 35Or ma timo buban, m'oruw paka mo manitie gi kur. Medi cumbi woloki macil kendo maleŋ. 36Odi adec mere wonuŋere, ter i Wema Maleŋ, aka ikiri ruwaŋ Kakan ma Cikirok. Ter buban me maleŋ kicutho. 37Ikir'ior nger acel ma timo buban man ma cale gine riwin wegi. Ter win paka gimaleŋ m'omiyan. 38Ka nyatoro otim buban ma cale gine ma oro paka mo manitie gi kur, go k'okwanere paka acel kwoŋ ji paran kendo.”
Currently Selected:
Wok 30: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 30
30
Migam ma waŋo buban
1“Tim migam ma waŋo buban. 2Wobedi inci apar g'aboro i boro, inci apar g'aboro i laco, kodi inci piero aŋwen g'abic i ŋawirok; tunge mere i kisi sonda aŋwen jowobedi marom gine. 3Ium wiye, thenge aŋwen je, kodi tunge gi zahabu macil, aka ikethi miango ma zahabu thoko. 4Tim petin ario ma zahabu ma tiŋo aka iriw jo piny ma miango i thenge ario jowomaki asu ma tiŋo gine. 5Tim asu me wok kwoŋ mbawo kasia aka ium gi zahabu. 6Kethi migam me woko ma nanga ma liero ruwaŋ Kakan ma Cikirok. Kenyo a kabedo m'abino rom'iye kodin. 7Kisi odikin ka Aron bino cwinyo tala wowaŋ buban maŋwe kur mamit i iye. 8Go ripo timo ameno ka cwinyo talin othieno. Mic ma buban womedere ma k'owir i hongo je ma bino. 9Ikir'imiy i migam me buban ma kileŋ, cowirok awaŋa, kosa mic ma ŋano, aka ikir'ikonji vini moro je i iye. 10Dicel kisi oro Aron wotim'iye kwer ma lonyo migam to ketho i tunge mere remo mar'ogwaŋ ma cowirok. Gime iripo timo kisi oro i hongo ma bino je. Migam me ripo bedo maleŋ kicutho, m'omiyere ran, Rwoth.”
Pesa m'iculo ri Wema Maleŋ
11Rwoth owaco ri Musa ni, 12“K'ikwano welo Joisiraili, wac ri kisi nyatoro woculi welo ma kwo pere, ŋey thoyamo wokiri wobin kwoŋe k'ikwano jo. 13#Wok 38:25,26; Mat 17:24Kisi nyatoro m'okwan ripo culo pesa ma mitere aka wopima gi rapim m'ioro. Kisi nyatoro ripo culo paka mic ran. 14Kisi nyatoro m'okwan i kwanirok, meno kisi jacwo ma jaoro piero ario kosa kalo ripo culo mic pa Rwoth. 15Jaŋaŋo wokiri woculi maloyo, aka jacandi wokiri woculi manok, ka joculo mic pa Rwoth ri kwo pajo. 16Coki pesa me wok bongi Joisiraili aka ior ma kuro Wema Maleŋ. Pesa labedo cul ri kwo, aka abino poyo kikwonga jo.”
Kalaya ma ywel
17Rwoth owaco ri Musa ni, 18#Wok 38:8 “Tim kalaya gi pende ma ywel. Kethi i dier Wema Maleŋ gi migam aka ikonj'iye pi. 19Aron gi wote jolalwoko tiendi gin gi cingi gin 20kafodi jok'odonjo i wema kosa corok i migam miyo mic ma cemo manyinge. Ameno kilaneko jo. 21Joripo lwoko tiendi gin gi cingi gin ŋey jokiri jowotho. Me cik ma jo gi nyikway jo je joripo luwo cil gi cil.”
Mo ma wir
22 #
Wok 37:29
Rwoth owaco ri Musa ni, 23“Kwany gigipiny manitie gi kur loyo kilo aucel ma sandi manitie gi kur mamit ma yath m'ilwoŋo ni mira, kilo adek ma gim'onuŋere manitie gi kur mamit m'ilwoŋo ni cinamon, kilo adek ma midole manitie gi kur mamit, 24kilo aucel ma kasia (joje pima gi rapim m'ioro). Imedi lita aŋwen ma mo 25aka itimi mo ma wir maleŋ, m'oruw pa mo manitie gi kur. 26Or ma wiro Wema Maleŋ, Kakan ma Cikirok, 27meza gi gigipiny mere je, raŋaw tala gi gigipiny mere je, migam ma waŋo buban, 28migam ma waŋo mic, kanyacel gi gigipiny mere je, kodi kalaya gi pende. 29Imiyan gigipiny me i nger me, aka jobino bedo maleŋ kicutho, aka nyatoro kosa gimoro m'ogey jo bino miyo litho gi meni ma leŋo pajo. 30Kenyo wir Aron gi wote, aka ikwoŋ jo paka jocway ri Were i wi migam jowotiy ran. 31Waci ri Joisiraili ni, ‘Mo maleŋ woor i tic paran i hongo ma bino je. 32Kiripi konjo kwoŋ ji ma kisi ndelo, aka ikir'ior nger acel ma ruwo mo man ma cale gine. Leŋ, aka iripo tero paka gimaleŋ. 33Ŋat'otim mo ma cale gine kosa oor kwoŋ ŋata k'obedo jacway ri Were i wi migam k'okwanere paka acel kwoŋ ji paran kendo.’ ”
Buban
34Rwoth owaco ri Musa ni, “Kwany adec marom ma kisi gigipiny ma jonitie gi ŋwece kur me: Sitakite, onyca, galibanum, kodi buban macil 35Or ma timo buban, m'oruw paka mo manitie gi kur. Medi cumbi woloki macil kendo maleŋ. 36Odi adec mere wonuŋere, ter i Wema Maleŋ, aka ikiri ruwaŋ Kakan ma Cikirok. Ter buban me maleŋ kicutho. 37Ikir'ior nger acel ma timo buban man ma cale gine riwin wegi. Ter win paka gimaleŋ m'omiyan. 38Ka nyatoro otim buban ma cale gine ma oro paka mo manitie gi kur, go k'okwanere paka acel kwoŋ ji paran kendo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.