Wok 29
29
Cik ma kwoŋo jocway ri Were i wi migam
(Jolevi 8:1-36)
1“Onyo me a gim'ila timo ri Aron kodi wote k'ikwoŋo jo tic ran paka jocway ri Were i wi migam. Kwany rwath dhiaŋ kodi wot rombo ario ma jok'oŋol. 2Or moko ŋano maber loyo, to ma buthow, aka itimi mugat gi mo, man m'ongoy'iye mo, kodi man ma cale bisikwit m'owir gi mo. 3Kethi jo iy'adita aka imiyan k'imiyo cowirok ma rwath dhiaŋ kodi wot rombo ario.”
4“Ikeli Aron gi wote i dhiot ma Wema ma romo, aka ilwoki jo gi pi. 5Kenyo ruk go gi ruk pa jocway ri Were i wi migam; sati, kanzu ma pendi law pa jocway ri Were i wi migam, law pa jocway ri Were i wi migam, mugowa ma ketho giŋeyo mito pa Were, kodi del. 6Kethi junga i wiye, aka ikethi sangaria maleŋ i wi junga. 7Kenyo kwany mo, ikonji i wiy go, aka iwir go.”
8“Keli wote aka ikethi satere kwoŋ jo, 9tweyi thondhe i pier jo, aka itwey jungin i wi gin. Ameno apaka ibino kwoŋo Aron gi wote. Jo gi nyikway jo jobino tiyo ran paka jocway ri Were i wi migam kicutho.”
10“Keli rwath ruwaŋ Wema Maleŋ aka iwaci ri Aron gi wote jowokethi cingi gin i wic mere. 11Thum kenyo ruwaŋ Rwoth, i dhiot ma Wema Maleŋ 12Kwany remo moro gi lwet cingin aka ikethi i tungi migam. Kenyo ikonji m'odoŋ i pendi migam. 13Ma luwo, kwany bor ma umo gigipiny ma iye, kodi adec ma cuny maber loyo, kodi roge ario gi bor ma kwoŋ jo aka iwaŋ i wi migam paka mic ran. 14To waŋ riŋo mere, pien, kodi gigipiny ma iye woko ma kambi. Me mic ma kwanyo woko reco pa jocway ri Were i wi migam.”
15“Kwany acel kwoŋ wot rombo aka iwaci ri Aron gi wote jowokethi cingi gin i wic mere. 16Thum, aka ikwany remo mere ikiri thoko migam, thenge aŋwen je. 17Iyaŋ mathindho thindho, lwoki gigipiny ma iye kodi bate, aka ikethi i wi wic mere kodi adec man. 18#Efeso 5:2; Filip 4:18Waŋ gipi i wi migam paka mic ma cemo manyinge. Kur ma mic me sangala an.”
19“Kwany wod rombo man ca, aka Aron gi wote jowokethi cingi gin i wic mere. 20Thum, aka ikwany remo moro ikethi i ithi Aron gi wote maracuc. Lwet cingi gin ma thwon maracuc, gi lwet tiendi gin ma thwon maracuc. Kiri remo m'odoŋ thoko migam. 21Kenyo ikwany remo moro wok kwoŋ ma migam, kodi mo, aka ikir'ikwoŋ Aron gi wote, kodi nangin pajo. Go, wote, gi nangin pajo bino miyirok ran.”
22“Iŋadi bor ma wod rombo, yiwe ma dibor, bor ma umo gigipiny ma iye, adec maber loyo ma cuny, roge ario, kodi bat mere maracuc. 23Wok kwoŋ mugat m'omiyan, kwany mugat acel m'otimi gi mo, acel ma k'otimi gi mo, kodi bisikwit acel. 24Kethi cemo no i cingi Aron gi wote aka iwaci rijo jowomiyan paka mic ma welo. 25Kenyo ikwany wok i cingi jo aka iwaŋ i wi cowirok awaŋa paka cowirok ma cemo ran. Kur ma mic me sangala an.”
26“Kwany aŋakin ma wod rombo aka imiyan paka mic ma welo. Adec me bino bedo aperin.”
27“K'ikwoŋo jacway ri Were i wi migam, aŋakin kodi bat wod rombo m'ioro ma kwoŋo womiyan paka mic ma welo aka wokethi gicen ri jacway ri Were i wi migam. 28Adece no labedo ri Aron gi wote paka gima Joisiraili joripo timo, kole obedo adec pa jocway ri Were i wi migam ma Joisiraili jomiyo wok kwoŋ cowirok pajo ma siem, obedo mic pajo ri Rwoth.”
29“Ruk pa Aron womiy wote joworuki ka go otho, joworuki k'ikwoŋo jo. 30Wod Aron m'olunji go paka jacway ri Were i wi migam aka ma donjo i Wema Maleŋ tiyo ran i Kabedo Maleŋ woruki ruk me ma ndelo abirio.”
31“Kwany riŋo ma wod rombo m'oor ma kwoŋo Aron gi wote aka itedi i Kabedo Maleŋ. 32Jowocami i dhiot ma Wema Maleŋ gi mugat m'odoŋ iy'adita. 33Jowocami gi m'oor i kwer ma cwako i kwoŋo jo. Jocway ri Were i wi migam kende ama jowocami cemo me rupiri leŋ. 34Ka riŋo moro kosa mugat moro k'ocami tundo odikin, wowaŋ kiripi camo rupiri leŋ.”
35“Tim kwer ma kwoŋirok me ri Aron gi wote ma ndelo abirio paka amiyin or. 36Kisi ndelo iripo miyo thwon paka cowirok, ŋey reco wocwaki. Me bino lonyo migam. Kenyo iwir gi mo woloki maleŋ. 37Tim gime kisi ndelo ma ndelo abirio. Kenyo migam bino bedo maleŋ kicutho, aka nyatoro kosa gimoro je m'ogey bino limo litho gi meni ma leŋo mere.”#29:37 Bino limo litho gi meni ma leŋo mere I hongo no oyido nitie yeyo nike ji kosa gimoro nyalo limo litho gi geyo gimaleŋ
Mic ma kisi ndelo
(Kwan 28:1-8)
38“Kisi ndelo i hongo je, miy cowirok ma nyithindhi rombo ario ma wote ma jo oro acel i wi migam. 39Miy cowirok ma nyathi rombo ma wode acel odikin, aka acel othieno. 40Gi nyathi rombo ma wode marapena miy bende kilo acel ma moko ŋano m'oruw gi lita acel mangil. Konji lita acel ma vini paka mic. 41Miy cowirok ma nyathi rombo ma wode mar'ario gi gigipiny no bende paka odikin. Me mic ma cemo manyinge ran, Rwoth aka kur mere sangala an. 42I hongo je ma bino, mic awaŋa me iripo miyo ruwaŋan i dhiot ma Wema Maleŋ. Kenyo a kam'abino rom'iye gi ji paran t'aluwo gi jo. 43Kenyo abino romo gi Joisiraili, aka abino loko jo maleŋ gi dwoŋ paran. 44Abino loko Wema Maleŋ gi migam maleŋ, aka abino ketho gicen Aron gi wote tiyo ran paka jocway ri Were i wi migam. 45Abino bedo i dier ji paran Joisiraili, aka abino bedo Were pajo. 46Jobino ŋeyo ni Abedo Rwoth Were m'owodho jo wok i Misir ŋey abedi i dier jo. An abedo Rwoth Were pajo.”
Currently Selected:
Wok 29: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 29
29
Cik ma kwoŋo jocway ri Were i wi migam
(Jolevi 8:1-36)
1“Onyo me a gim'ila timo ri Aron kodi wote k'ikwoŋo jo tic ran paka jocway ri Were i wi migam. Kwany rwath dhiaŋ kodi wot rombo ario ma jok'oŋol. 2Or moko ŋano maber loyo, to ma buthow, aka itimi mugat gi mo, man m'ongoy'iye mo, kodi man ma cale bisikwit m'owir gi mo. 3Kethi jo iy'adita aka imiyan k'imiyo cowirok ma rwath dhiaŋ kodi wot rombo ario.”
4“Ikeli Aron gi wote i dhiot ma Wema ma romo, aka ilwoki jo gi pi. 5Kenyo ruk go gi ruk pa jocway ri Were i wi migam; sati, kanzu ma pendi law pa jocway ri Were i wi migam, law pa jocway ri Were i wi migam, mugowa ma ketho giŋeyo mito pa Were, kodi del. 6Kethi junga i wiye, aka ikethi sangaria maleŋ i wi junga. 7Kenyo kwany mo, ikonji i wiy go, aka iwir go.”
8“Keli wote aka ikethi satere kwoŋ jo, 9tweyi thondhe i pier jo, aka itwey jungin i wi gin. Ameno apaka ibino kwoŋo Aron gi wote. Jo gi nyikway jo jobino tiyo ran paka jocway ri Were i wi migam kicutho.”
10“Keli rwath ruwaŋ Wema Maleŋ aka iwaci ri Aron gi wote jowokethi cingi gin i wic mere. 11Thum kenyo ruwaŋ Rwoth, i dhiot ma Wema Maleŋ 12Kwany remo moro gi lwet cingin aka ikethi i tungi migam. Kenyo ikonji m'odoŋ i pendi migam. 13Ma luwo, kwany bor ma umo gigipiny ma iye, kodi adec ma cuny maber loyo, kodi roge ario gi bor ma kwoŋ jo aka iwaŋ i wi migam paka mic ran. 14To waŋ riŋo mere, pien, kodi gigipiny ma iye woko ma kambi. Me mic ma kwanyo woko reco pa jocway ri Were i wi migam.”
15“Kwany acel kwoŋ wot rombo aka iwaci ri Aron gi wote jowokethi cingi gin i wic mere. 16Thum, aka ikwany remo mere ikiri thoko migam, thenge aŋwen je. 17Iyaŋ mathindho thindho, lwoki gigipiny ma iye kodi bate, aka ikethi i wi wic mere kodi adec man. 18#Efeso 5:2; Filip 4:18Waŋ gipi i wi migam paka mic ma cemo manyinge. Kur ma mic me sangala an.”
19“Kwany wod rombo man ca, aka Aron gi wote jowokethi cingi gin i wic mere. 20Thum, aka ikwany remo moro ikethi i ithi Aron gi wote maracuc. Lwet cingi gin ma thwon maracuc, gi lwet tiendi gin ma thwon maracuc. Kiri remo m'odoŋ thoko migam. 21Kenyo ikwany remo moro wok kwoŋ ma migam, kodi mo, aka ikir'ikwoŋ Aron gi wote, kodi nangin pajo. Go, wote, gi nangin pajo bino miyirok ran.”
22“Iŋadi bor ma wod rombo, yiwe ma dibor, bor ma umo gigipiny ma iye, adec maber loyo ma cuny, roge ario, kodi bat mere maracuc. 23Wok kwoŋ mugat m'omiyan, kwany mugat acel m'otimi gi mo, acel ma k'otimi gi mo, kodi bisikwit acel. 24Kethi cemo no i cingi Aron gi wote aka iwaci rijo jowomiyan paka mic ma welo. 25Kenyo ikwany wok i cingi jo aka iwaŋ i wi cowirok awaŋa paka cowirok ma cemo ran. Kur ma mic me sangala an.”
26“Kwany aŋakin ma wod rombo aka imiyan paka mic ma welo. Adec me bino bedo aperin.”
27“K'ikwoŋo jacway ri Were i wi migam, aŋakin kodi bat wod rombo m'ioro ma kwoŋo womiyan paka mic ma welo aka wokethi gicen ri jacway ri Were i wi migam. 28Adece no labedo ri Aron gi wote paka gima Joisiraili joripo timo, kole obedo adec pa jocway ri Were i wi migam ma Joisiraili jomiyo wok kwoŋ cowirok pajo ma siem, obedo mic pajo ri Rwoth.”
29“Ruk pa Aron womiy wote joworuki ka go otho, joworuki k'ikwoŋo jo. 30Wod Aron m'olunji go paka jacway ri Were i wi migam aka ma donjo i Wema Maleŋ tiyo ran i Kabedo Maleŋ woruki ruk me ma ndelo abirio.”
31“Kwany riŋo ma wod rombo m'oor ma kwoŋo Aron gi wote aka itedi i Kabedo Maleŋ. 32Jowocami i dhiot ma Wema Maleŋ gi mugat m'odoŋ iy'adita. 33Jowocami gi m'oor i kwer ma cwako i kwoŋo jo. Jocway ri Were i wi migam kende ama jowocami cemo me rupiri leŋ. 34Ka riŋo moro kosa mugat moro k'ocami tundo odikin, wowaŋ kiripi camo rupiri leŋ.”
35“Tim kwer ma kwoŋirok me ri Aron gi wote ma ndelo abirio paka amiyin or. 36Kisi ndelo iripo miyo thwon paka cowirok, ŋey reco wocwaki. Me bino lonyo migam. Kenyo iwir gi mo woloki maleŋ. 37Tim gime kisi ndelo ma ndelo abirio. Kenyo migam bino bedo maleŋ kicutho, aka nyatoro kosa gimoro je m'ogey bino limo litho gi meni ma leŋo mere.”#29:37 Bino limo litho gi meni ma leŋo mere I hongo no oyido nitie yeyo nike ji kosa gimoro nyalo limo litho gi geyo gimaleŋ
Mic ma kisi ndelo
(Kwan 28:1-8)
38“Kisi ndelo i hongo je, miy cowirok ma nyithindhi rombo ario ma wote ma jo oro acel i wi migam. 39Miy cowirok ma nyathi rombo ma wode acel odikin, aka acel othieno. 40Gi nyathi rombo ma wode marapena miy bende kilo acel ma moko ŋano m'oruw gi lita acel mangil. Konji lita acel ma vini paka mic. 41Miy cowirok ma nyathi rombo ma wode mar'ario gi gigipiny no bende paka odikin. Me mic ma cemo manyinge ran, Rwoth aka kur mere sangala an. 42I hongo je ma bino, mic awaŋa me iripo miyo ruwaŋan i dhiot ma Wema Maleŋ. Kenyo a kam'abino rom'iye gi ji paran t'aluwo gi jo. 43Kenyo abino romo gi Joisiraili, aka abino loko jo maleŋ gi dwoŋ paran. 44Abino loko Wema Maleŋ gi migam maleŋ, aka abino ketho gicen Aron gi wote tiyo ran paka jocway ri Were i wi migam. 45Abino bedo i dier ji paran Joisiraili, aka abino bedo Were pajo. 46Jobino ŋeyo ni Abedo Rwoth Were m'owodho jo wok i Misir ŋey abedi i dier jo. An abedo Rwoth Were pajo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.