Wok 28
28
Ruk pa jocway ri Were i wi migam
(Wok 39:1-7)
1“Lwoŋ omin in Aron gi wote, Nadab, Abihu, Eliazar, kodi Ithamar. Pok jo i dier Joisiraili ŋey jowotiy ran paka jocway ri Were i wi migam. 2Kwoy ri Aron ruk pa jocway ri Were i wi migam, ri dwoŋ kodi ŋono. 3Lwoŋ jotic je ma jondijo m'amiyo jo nyalo, aka iwaci rijo jowokwoy nangin pa Aron, ŋey womiyan go paka jacway ri Were i wi migam i tic paran. 4Waci rijo jowokwoy mugowa ma ketho giŋeyo mito pa Were, law pa jocway ri Were i wi migam, kanzu, sati m'olok maŋon, junga, kodi thol ma pier jo. Jowokwoy ruk me ri Aron gi wote ŋey jowotiy ran paka jocway ri Were i wi migam. 5Jotic ma jondijo jowoor yer rombo manyabululu, manyarangi ariŋo, kodi m'obokere, uzi ma rangi ma zahabu, kodi nanga mafoth.”
6“Jowokwoy law pa jocway ri Were i wi migam gi yer rombo manyabululu, manyarangi ariŋo, kodi m'obokere, uzi ma rangi ma zahabu, kodi nanga mafoth, aka wokwoy maŋon. 7Wobedi gi thondhe ario i goke m'omakere gi thenge m'inyalo tudo kanyacel. 8Wokwoy'iye thol gi gigipiny acel, ŋey jowobedi ma tim acel gi law pa jocway ri Were i wi migam. 9Kwany telin ario ma welo m'obokere obokere aka indik'iye nyingi wot Yakobo apar g'ario, 10cungo kwoŋ nywolirok pajo, aucel i tele acel, kodi aucel i tele man. 11Nwaŋ jandijo ma pac wondiki nyingi wot Yakobo aka ikethi i miango ma zahabu. 12Kethi jo i thol ma goki law pa jocway ri Were i wi migam jowocungi ri nonin apar g'ario ma Isiraili. I nger me Aron bino tiŋo nyingi jo i goke, ŋey An, Rwoth abino poyo ji paran noknok. 13Tim miango ma zahabu ario 14kodi lijegere ario wok kwoŋ zahabu macil m'otudi p'adasa, aka iriw jo i miango.”
Mugowa ma ketho giŋeyo mito pa Were
(Wok 39:8-21)
15“Tim ri jadwoŋ pa jocway ri Were i wi migam mugowa ma ketho giŋeyo mito pa Were. Wobedi ma tim acel kodi law pa jocway ri Were i wi migam aka gi kwoco acel. 16Wobedi gi thenge je ma jorom aka wodol dirio, boro mere wobedi inci abuŋwen, aka laco bende inci abuŋwen. 17Ican bol aŋwen ma telin ma welo. I bol marapena can tele m'obokere, tele manyarangi oliv, kodi tele manyarangi aremo. 18I bol mar'ario can tele manyaboke pendi, tele manyabululu, kodi diamondi. 19I bol mar'adek cani telin m'obokere nyamicungwa, tele m'oruwo rangi matar g'akwaro kodi tele manyarangi ariŋo. 20I bol mar'aŋwen can tele manyatongweno, tele m'obokere obokere, kodi tele manyaboke pendi. Can joje i miango ma zahabu. 21Kwoŋ kisi telin apar g'ario me wondik'iye nyingi acel kwoŋ wot Yakobo, wocungi ri nonin ma Isiraili. 22Ri mugowa ma ketho giŋeyo mito pa Were tim lijegerin wok kwoŋ zahabu macil, m'otudi p'adasa. 23Aka itimi petin ario gi zahabu t'itweyo jo i kisi sonda ma malo ma mugowa ma ketho giŋeyo mito pa Were, 24aka itwey adasin ario ma zahabu i petin ario. 25Tweyi gike ario ca mar'adasin i miangin ario, aka i nger me tweyi jo yunyime i thol ma goki law pa jocway ri Were i wi migam. 26Kenyo tim petin ario ma zahabu aka itwey i kisi sonda ma piny ma mugowa ma ketho giŋeyo mito pa Were i gike ma iye cegin gi law pa jocway ri Were i wi migam. 27Tim petin ario kendo ma zahabu aka itwey jo piny ma yunyim thol ario ma goki law pa jocway ri Were i wi migam cegin gi kama riwer'iye gine malo ma thol m'otudi. 28Tweyi petin ma mugowa ma ketho giŋeyo mito pa Were i petin ma law pa jocway ri Were i wi migam g'adasa manyabululu, ŋey mugowa ma ketho giŋeyo mito pa Were wobedi i wi thol aka wokiri wolwogere.”
29“Ameno ka Aron odonjo i Kabedo Maleŋ, go bino ruko mugowa ma ketho giŋeyo mito pa Were m'ondik'iye nyingi nonin ma Isiraili, ŋey An Rwoth, abino poyo ji paran noknok. 30Kethi Urim gi Thumim#28:30 Urim kodi Thumim Me gigipiny ario ma jocway ri Were i wi migam jooro ma ŋeyo mito pere, aka k'oŋeyere nger m'oyido ioro iye jo i mugowa ma ketho giŋeyo mito pa Were, ŋey Aron wotiŋo jo ka go bino i Kabedo Maleŋ. I hongo paka ameno go ripo ruko mugowa ma ketho giŋeyo mito pa Were, ŋey woŋeyo mito pa Were ri Joisiraili.”
Ruk pa jocway ri Were i wi migam man
(Wok 39:22-31)
31“Kanzu ma ruko piny ma law pa jocway ri Were i wi migam ripo wotim gi yer rombo manyabululu. 32Wobedi gi hoŋ i wiye, aka hoŋ no woridhi kodi gitweyo m'okwoy ŋey wokiri woyec. 33-34Thoko rinda mere gipi wokwoy cal ma pomo gi yer rombo manyabululu, manyarangi ariŋo, kodi m'obokere, m'oluwere g'olaŋere ma zahabu. 35Aron bino ruko kanzu me ka tiyo paka jacway ri Were i wi migam, ka bino ruwaŋan i Kabedo Maleŋ kosa ka eye, ywak p'olaŋ lawinjere, aka kilaneko go.”
36“Aka itimi sen gi zahabu macil aka indik'iye ni, ‘Leŋo ri Rwoth.’ 37Tweyi ruwaŋ junga gi thol manyabululu. 38Aron woruki i nyime, ŋey An Rwoth, abino jolo mic je ma Joisiraili jomiyan, makada nende ji jotimi raco ka jomiyan.”
39“Kwoy sati pa Aron kodi junga gi nanga mafoth, kodi thol bende m'okwoy maŋon.”
40“Kwoy ri wot Aron satere, thondhe, kodi jungin, ma miyo dwoŋ kodi ŋono. 41Ikethi nangin me kwoŋ omin in Aron gi wote. Kenyo ilami jo aka ikethi ran jo gicen t'iwiro jo gi mo ŋey jowotiy ran paka jocway ri Were i wi migam. 42Tim rijo palere gi nanga mafoth ma wok i pier jo tundo i bat jo, ŋey jokiri jowothangere. 43Aron gi wote joripo ruko noknok ka jodonjo i Wema Maleŋ kosa ka jocore i migam tiyo paka jocway ri Were i wi migam i Kabedo Maleŋ, ŋey wokiri woneki jo ro thangirok. Me cik ri Aron gi nyikwaye cil gi cil.”
Currently Selected:
Wok 28: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 28
28
Ruk pa jocway ri Were i wi migam
(Wok 39:1-7)
1“Lwoŋ omin in Aron gi wote, Nadab, Abihu, Eliazar, kodi Ithamar. Pok jo i dier Joisiraili ŋey jowotiy ran paka jocway ri Were i wi migam. 2Kwoy ri Aron ruk pa jocway ri Were i wi migam, ri dwoŋ kodi ŋono. 3Lwoŋ jotic je ma jondijo m'amiyo jo nyalo, aka iwaci rijo jowokwoy nangin pa Aron, ŋey womiyan go paka jacway ri Were i wi migam i tic paran. 4Waci rijo jowokwoy mugowa ma ketho giŋeyo mito pa Were, law pa jocway ri Were i wi migam, kanzu, sati m'olok maŋon, junga, kodi thol ma pier jo. Jowokwoy ruk me ri Aron gi wote ŋey jowotiy ran paka jocway ri Were i wi migam. 5Jotic ma jondijo jowoor yer rombo manyabululu, manyarangi ariŋo, kodi m'obokere, uzi ma rangi ma zahabu, kodi nanga mafoth.”
6“Jowokwoy law pa jocway ri Were i wi migam gi yer rombo manyabululu, manyarangi ariŋo, kodi m'obokere, uzi ma rangi ma zahabu, kodi nanga mafoth, aka wokwoy maŋon. 7Wobedi gi thondhe ario i goke m'omakere gi thenge m'inyalo tudo kanyacel. 8Wokwoy'iye thol gi gigipiny acel, ŋey jowobedi ma tim acel gi law pa jocway ri Were i wi migam. 9Kwany telin ario ma welo m'obokere obokere aka indik'iye nyingi wot Yakobo apar g'ario, 10cungo kwoŋ nywolirok pajo, aucel i tele acel, kodi aucel i tele man. 11Nwaŋ jandijo ma pac wondiki nyingi wot Yakobo aka ikethi i miango ma zahabu. 12Kethi jo i thol ma goki law pa jocway ri Were i wi migam jowocungi ri nonin apar g'ario ma Isiraili. I nger me Aron bino tiŋo nyingi jo i goke, ŋey An, Rwoth abino poyo ji paran noknok. 13Tim miango ma zahabu ario 14kodi lijegere ario wok kwoŋ zahabu macil m'otudi p'adasa, aka iriw jo i miango.”
Mugowa ma ketho giŋeyo mito pa Were
(Wok 39:8-21)
15“Tim ri jadwoŋ pa jocway ri Were i wi migam mugowa ma ketho giŋeyo mito pa Were. Wobedi ma tim acel kodi law pa jocway ri Were i wi migam aka gi kwoco acel. 16Wobedi gi thenge je ma jorom aka wodol dirio, boro mere wobedi inci abuŋwen, aka laco bende inci abuŋwen. 17Ican bol aŋwen ma telin ma welo. I bol marapena can tele m'obokere, tele manyarangi oliv, kodi tele manyarangi aremo. 18I bol mar'ario can tele manyaboke pendi, tele manyabululu, kodi diamondi. 19I bol mar'adek cani telin m'obokere nyamicungwa, tele m'oruwo rangi matar g'akwaro kodi tele manyarangi ariŋo. 20I bol mar'aŋwen can tele manyatongweno, tele m'obokere obokere, kodi tele manyaboke pendi. Can joje i miango ma zahabu. 21Kwoŋ kisi telin apar g'ario me wondik'iye nyingi acel kwoŋ wot Yakobo, wocungi ri nonin ma Isiraili. 22Ri mugowa ma ketho giŋeyo mito pa Were tim lijegerin wok kwoŋ zahabu macil, m'otudi p'adasa. 23Aka itimi petin ario gi zahabu t'itweyo jo i kisi sonda ma malo ma mugowa ma ketho giŋeyo mito pa Were, 24aka itwey adasin ario ma zahabu i petin ario. 25Tweyi gike ario ca mar'adasin i miangin ario, aka i nger me tweyi jo yunyime i thol ma goki law pa jocway ri Were i wi migam. 26Kenyo tim petin ario ma zahabu aka itwey i kisi sonda ma piny ma mugowa ma ketho giŋeyo mito pa Were i gike ma iye cegin gi law pa jocway ri Were i wi migam. 27Tim petin ario kendo ma zahabu aka itwey jo piny ma yunyim thol ario ma goki law pa jocway ri Were i wi migam cegin gi kama riwer'iye gine malo ma thol m'otudi. 28Tweyi petin ma mugowa ma ketho giŋeyo mito pa Were i petin ma law pa jocway ri Were i wi migam g'adasa manyabululu, ŋey mugowa ma ketho giŋeyo mito pa Were wobedi i wi thol aka wokiri wolwogere.”
29“Ameno ka Aron odonjo i Kabedo Maleŋ, go bino ruko mugowa ma ketho giŋeyo mito pa Were m'ondik'iye nyingi nonin ma Isiraili, ŋey An Rwoth, abino poyo ji paran noknok. 30Kethi Urim gi Thumim#28:30 Urim kodi Thumim Me gigipiny ario ma jocway ri Were i wi migam jooro ma ŋeyo mito pere, aka k'oŋeyere nger m'oyido ioro iye jo i mugowa ma ketho giŋeyo mito pa Were, ŋey Aron wotiŋo jo ka go bino i Kabedo Maleŋ. I hongo paka ameno go ripo ruko mugowa ma ketho giŋeyo mito pa Were, ŋey woŋeyo mito pa Were ri Joisiraili.”
Ruk pa jocway ri Were i wi migam man
(Wok 39:22-31)
31“Kanzu ma ruko piny ma law pa jocway ri Were i wi migam ripo wotim gi yer rombo manyabululu. 32Wobedi gi hoŋ i wiye, aka hoŋ no woridhi kodi gitweyo m'okwoy ŋey wokiri woyec. 33-34Thoko rinda mere gipi wokwoy cal ma pomo gi yer rombo manyabululu, manyarangi ariŋo, kodi m'obokere, m'oluwere g'olaŋere ma zahabu. 35Aron bino ruko kanzu me ka tiyo paka jacway ri Were i wi migam, ka bino ruwaŋan i Kabedo Maleŋ kosa ka eye, ywak p'olaŋ lawinjere, aka kilaneko go.”
36“Aka itimi sen gi zahabu macil aka indik'iye ni, ‘Leŋo ri Rwoth.’ 37Tweyi ruwaŋ junga gi thol manyabululu. 38Aron woruki i nyime, ŋey An Rwoth, abino jolo mic je ma Joisiraili jomiyan, makada nende ji jotimi raco ka jomiyan.”
39“Kwoy sati pa Aron kodi junga gi nanga mafoth, kodi thol bende m'okwoy maŋon.”
40“Kwoy ri wot Aron satere, thondhe, kodi jungin, ma miyo dwoŋ kodi ŋono. 41Ikethi nangin me kwoŋ omin in Aron gi wote. Kenyo ilami jo aka ikethi ran jo gicen t'iwiro jo gi mo ŋey jowotiy ran paka jocway ri Were i wi migam. 42Tim rijo palere gi nanga mafoth ma wok i pier jo tundo i bat jo, ŋey jokiri jowothangere. 43Aron gi wote joripo ruko noknok ka jodonjo i Wema Maleŋ kosa ka jocore i migam tiyo paka jocway ri Were i wi migam i Kabedo Maleŋ, ŋey wokiri woneki jo ro thangirok. Me cik ri Aron gi nyikwaye cil gi cil.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.