Wok 27
27
Migam
(Wok 38:1-7)
1“Wotim migam wok kwoŋ mbawo kasia. Wobedi mita 2.2 mabor, mita 2.2 malac, ŋawirok mere wobedi mita 1.3. 2Wotim tunge aŋwen i kisi sonda mere. Jowobedi tim acel gi migam, aka woum thoko gi ywel. 3Wotim degi ma jolo buru mere, mwiko, atewe, siragetere, kodi sapikere. Gigipiny me je wotim gi ywel. 4Wotim kicungwo ma ywel gi petin aŋwen ma ywel ma tiŋo i kisi sonda mere. 5Kethi kicungwo i ŋangi akor migam, ŋey wotundi adec malo ma migam. 6Wotim gute wok kwoŋ mbawo kasia, aka woum gi ywel. 7To iketho i petin ma kisi thengi migam k'otiŋ. 8Wotim migam gi mbawo aka wobedi m'oŋamere i can m'anyuthin wi got.”
Diedipo ma thoko Wema Maleŋ
(Wok 38:9-20)
9“Wotim diedipo ri Wema Maleŋ. Yupiny wobedi nanga ma liero ma boro mere mita piero aŋwen g'aŋwen, 10asu mere wobedi piero ario, kodi pende piero ario ma ywel, to siragetere kodi ludhe mere jowobedi ma feza. 11Wotim gimoro acel ri nanga ma liero yuthenge ma yumalo ma diedipo. 12Yuthenge ma yupodho ceŋ wobedi nanga ma umo ma mita piero ario g'ario, gi asu apar, kodi pende apar. 13Yuthenge ma yuwok ceŋ, kama nitie iye dhiot, wobedi nanga ma liero ma mita piero ario g'ario. 14-15I kisi thenge ma dhiot wobedi nanga ma liero ma mita 6.6 kodi asu adek gi pende adek. 16Ri waŋkac ma diedipo wobedi nanga ma liero m'otimi gi nanga mafoth, kodi yer rombo manyabululu, manyarangi ariŋo, kodi m'obokere ma boro mere mita abuŋwen, aka wokwoy maŋon. Wothiel kodi asu aŋwen i pende aŋwen. 17Asu je ma jothoko diedipo woriw gi ludhe ma feza, siragetere pajo jowobedi ma feza, aka pendi gin jowobedi ma ywel. 18Diedipo wobedi mita piero aŋwen g'aŋwen i boro, mita piero ario g'ario i laco, kodi mita 2.2 i ŋawirok. Nangin ma liero wotim gi nangin mafoth kodi pende ma ywel. 19Gigipiny je m'oor i Wema kodi loce ma Wema wotim gi ywel.”
Kuro tala
(Jolevi 24:1-4)
20“Miy Joisiraili cik ŋey jowokeli rin mo nanzi ri tala, ŋey wocwiny kisi othieno. 21Aron gi wote ama jowocwinyo tala i Wema Maleŋ woko ma nanga ma geŋo manitie ruwaŋ Kakan ma Cikirok. Kenyo ruwaŋan woliel wok othieno tundo odikin. Cik me Joisiraili gi nyikway jo jowokuri cil gi cil.”
Currently Selected:
Wok 27: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 27
27
Migam
(Wok 38:1-7)
1“Wotim migam wok kwoŋ mbawo kasia. Wobedi mita 2.2 mabor, mita 2.2 malac, ŋawirok mere wobedi mita 1.3. 2Wotim tunge aŋwen i kisi sonda mere. Jowobedi tim acel gi migam, aka woum thoko gi ywel. 3Wotim degi ma jolo buru mere, mwiko, atewe, siragetere, kodi sapikere. Gigipiny me je wotim gi ywel. 4Wotim kicungwo ma ywel gi petin aŋwen ma ywel ma tiŋo i kisi sonda mere. 5Kethi kicungwo i ŋangi akor migam, ŋey wotundi adec malo ma migam. 6Wotim gute wok kwoŋ mbawo kasia, aka woum gi ywel. 7To iketho i petin ma kisi thengi migam k'otiŋ. 8Wotim migam gi mbawo aka wobedi m'oŋamere i can m'anyuthin wi got.”
Diedipo ma thoko Wema Maleŋ
(Wok 38:9-20)
9“Wotim diedipo ri Wema Maleŋ. Yupiny wobedi nanga ma liero ma boro mere mita piero aŋwen g'aŋwen, 10asu mere wobedi piero ario, kodi pende piero ario ma ywel, to siragetere kodi ludhe mere jowobedi ma feza. 11Wotim gimoro acel ri nanga ma liero yuthenge ma yumalo ma diedipo. 12Yuthenge ma yupodho ceŋ wobedi nanga ma umo ma mita piero ario g'ario, gi asu apar, kodi pende apar. 13Yuthenge ma yuwok ceŋ, kama nitie iye dhiot, wobedi nanga ma liero ma mita piero ario g'ario. 14-15I kisi thenge ma dhiot wobedi nanga ma liero ma mita 6.6 kodi asu adek gi pende adek. 16Ri waŋkac ma diedipo wobedi nanga ma liero m'otimi gi nanga mafoth, kodi yer rombo manyabululu, manyarangi ariŋo, kodi m'obokere ma boro mere mita abuŋwen, aka wokwoy maŋon. Wothiel kodi asu aŋwen i pende aŋwen. 17Asu je ma jothoko diedipo woriw gi ludhe ma feza, siragetere pajo jowobedi ma feza, aka pendi gin jowobedi ma ywel. 18Diedipo wobedi mita piero aŋwen g'aŋwen i boro, mita piero ario g'ario i laco, kodi mita 2.2 i ŋawirok. Nangin ma liero wotim gi nangin mafoth kodi pende ma ywel. 19Gigipiny je m'oor i Wema kodi loce ma Wema wotim gi ywel.”
Kuro tala
(Jolevi 24:1-4)
20“Miy Joisiraili cik ŋey jowokeli rin mo nanzi ri tala, ŋey wocwiny kisi othieno. 21Aron gi wote ama jowocwinyo tala i Wema Maleŋ woko ma nanga ma geŋo manitie ruwaŋ Kakan ma Cikirok. Kenyo ruwaŋan woliel wok othieno tundo odikin. Cik me Joisiraili gi nyikway jo jowokuri cil gi cil.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.