Matayo 8
8
Yezu awonesa umusaani uwe bikeenge
(Mrk 1.40-45; Luk 5.12-16)
1Yezu n'ekha khukhwaama khu lukiingi, kamatuuli makali ke babaandu kamuloondakho. 2Abawo umusaani uwaba walwala bulwaale bwe bikeenge.#8.2 Mu biseela ibyo, Bikeenge shamanyisatsaka bulwaale bwe lihaafu lwe kumubili bwoosi. Umweene yuno weetsa isi Yezu wafukhama asi, wamuloma ari, “Umukasya noola ukana, unyala khukhumpyeluusa.”
3Yezu wenyusa kumukhono kweewe wamuwambakho, nga aloma ari, “Ilala ise ingana; n'upyeluukhe.” Lubaluba umusaani wawonesebwa bikeenge. 4#Lev 14.1-32Lwanyuma Yezu wamuloma ari, “Bona uri s'uboolelakho umuundu yeesi ta, ne n'utsye w'omusaayi wiyokesane, uweyo shiwaanwa sheesi Musa alakila, shibe shishiŋaŋasa isi babaandu.”
Khufukiilila khw'omusilikhale umu Roma
(Luk 7.1-10)
5Yezu n'enjila mu Kaperunaumu, umusilikhale umukhulu Umu Roma wamwiitsayo, wamuloomba buyeeti nga aloma ari, 6“Musakhulu, umwakaanisi wase wakonele mu ntsu, wakataala, ali ni butsiina bukali.”
7Yezu wamwiilamo ari, “Kane niitse imuwonese.”
8Ne umusilikhale yuno wamuloma ari, “Umukasya, sishintsakhila iwe khukhwiitsa mu ntsu yase ta. Ne loma bulomi ilomo, n'umwakaanisi wase kane awone. 9#Baru 3.33-35Lwekhuba ise nase indi umuundu uli asi e bakhulu, ni nase indi ni basilikhale babaali asi ase. Ne ni noma mutweela ndi, ‘Tsya,’ naye atsya; n'ukuundi ndi, ‘Yiitsa,’ naye etsa. Ise inoma umukulwa wase ndi, ‘Khola shino,’ naye ashikhola.”
10Ne Yezu n'awulila isho, weyaanga naabi, waloma babaandu babamuloondelela ari, “Ilala imbaboolela ndi, ishiili khubonatsakakho umuundu uli ni khufukiilila nga khuno, ikhaba ni mu Isiraeli mwoosi ta. 11#Luk 13.29Lundi imbaboolela ndi, babaandu bakali baliitsa nga baama ibwamanyaanga n'ibukwa inyaanga, bekhale atweela ni Ibulayimu, ni Isaaka, ni Yakobo, khu mayiiya mu Buyiinga bwe mwikulu. 12#Mat 22.13; 25.30; Luk 13.28Ne ibo babaandibeele babeene be Buyiinga, balituumibwa ibulafu mu shilima she antsye, ibweeneyo ilibayo khulila ni khukhwilumaka kameeno.”
13Lwanyuma Yezu waloma umusilikhale umukhulu ari, “Tsya ingo, sheesi iwe ufukiililamo kane shikholikhe nga iwe n'ufukiilila.” N'umwakaanisi weewe wawonelawo mu saawa nyeneyo.
Yezu awonesa babaandu bakali
(Mrk 1.29-34; Luk 4.38-41)
14Ne Yezu n'enjila mu ntsu ya Petero, wabona maayi umumasaala uwa Petero nga wakonele mu bulili lwekhuba aba walwalile kamayima. 15Wamuwamba khu mukhono, ni kamayima kamururakho, wenyukha wawa Yezu she khulya.
16Ne antsye ni bwelabula, bamureerera babaandu bakali babaaba bataambisibwa ni kimisaambwa, naye aryo wawoona kimisaambwa ikyo nga araambisa shilomo, lundi nga awonesa boosi babaaba balwaale. 17#Isay 53.4Shino ashikhola khukhwoolelesa shishalomebwa n'umuŋoosi Yisaaya shiri, “Niye umweene ayila butsiina bweefwe, wasuta ni tsindwale tseefwe.”
Khuuba umulondeleli uwa Yezu
(Luk 9.57-62)
18Yezu n'abona kamatuuli ke babaandu nga kamwibotokhelela, walakila baleekelwa beewe ari bambukhe shanjelekha we inyaantsa. 19Lwanyuma umuleekeli we kamakaambila weetsa is'ali wamuloma ari, “Umuleekeli, kane ikhulondelelatsake buli osi esi kane wutsyatsake.”
20Yezu wamwiilamo ari, “Tsishipwe tsili ni kamalowo kaatso, ni binywiinywi bye mu ngaaki bili ni biiswi byabyo, ne Umwaana w'Omuundu s'ali ni esi anyala wara ni kumurwe kweewe ta.”
21 #
Tob 4.3,4 Umuleekelwa ukuundi wamuloma ari, “Umukasya, n'undekhe inyoowe intsye isiikhe paapa wase nio.”
22Yezu wamwiilamo ari, “Inondelele, ulekhe baafu basiikhe baafu baawe.”#8.22 Abe mu Bayudaaya, ilomo iye khusiikha baafu ili ikhulu naabi. Shikila Yezu aleekela ari khumulondelela niye shili shifuura byoosi.
Yezu asilisa ikhuungu
(Mrk 4.35-41; Luk 8.22-25)
23Lwanyuma Yezu waniina mwikhoŋolo, ni baleekelwa beewe bamuloondakho. 24Lubaluba abalukhawo ikhuungu iye kamaani yeetsa yawuutsa khu nyaantsa, ni kameetsi kaatirira naabi keenga khumila ni likhoŋolo. Ne Yezu aba ali mwiilo akona. 25Baleekelwa baatsya bamusisimusa nga baloma bari, “Umukasya, khuwonese, khwahela!”
26Yezu wabaloma ari, “Lwashiina muba ni khuurya khukali, inywe babaali ni khufukiilila khufwiiti?” Aryo wenyukha wakhookhela imbewo ni khutumbuukha khwe inyaantsa, aryo abawo khukwalaala khukali.
27Basaani tsana beyaanga busa nga baloma bari, “Musaani shiina yuno? Bona imbewo ni khutumbuukha khwe inyaantsa nabyo bimuwulila!”
Yezu awonesa basaani babili
(Mrk 5.1-20; Luk 8.26-39)
28Ne Yezu n'ola shanjelekha she inyaantsa mu shaalo she Bagerasene, basaani babili abe babataambisibwa ni kimisaambwa bamwakaanana, nga baama mu mafuluma keesi basiikhatsakamo baafu. Basaani bano babakho kimisaambwa kimibi nga bali barafu naabi, nga mbaawo n'umuundu ubirirakho mu ntsila iyo ta. 29Boombi balomela angaaki ni likono likali bari, “Iwe Umwaana uwa Wele, ukhufunisa ifwe shiina? Wetsile khukhuwa shitaambiso nga isaawa inyene ishiili khukhwoola ta?”
30Khukhwaama isi baaba, aleeyikho khakyeekhe, abawo likana lye tsimbiitsi tsingali nga tsaaya. 31Kimimakoombe kyekontselela Yezu kiri, “Noola ukhuwoona, ukhusindikha khutsye mu likana lye tsimbiitsi.”
32Naye Yezu wakilomela ari, “Tsya!” Nakyo kyarura mu basaani, kyafulumukha kyaweela mu mbiitsi, ni likana lyoosi lyarindimukha, lyaselengela ilumya, lyaweela mu nyaantsa, lyahelela mu meetsi. 33Babaayi be tsimbiitsi batitukha, baatsya mu shiriimba, baboola kamakhuuwa koosi, ni n'ebyo bibyakholekha khu basaani baabili, babaaba bataambisibwa ni kimisaambwa. 34Baryo babaandu boosi be mu shiriimba isho beetsa khukhwakaanana Yezu, ne ni bamubona, bamwikontselela bari arure mu shisiintsa shaawe.
Currently Selected:
Matayo 8: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 8
8
Yezu awonesa umusaani uwe bikeenge
(Mrk 1.40-45; Luk 5.12-16)
1Yezu n'ekha khukhwaama khu lukiingi, kamatuuli makali ke babaandu kamuloondakho. 2Abawo umusaani uwaba walwala bulwaale bwe bikeenge.#8.2 Mu biseela ibyo, Bikeenge shamanyisatsaka bulwaale bwe lihaafu lwe kumubili bwoosi. Umweene yuno weetsa isi Yezu wafukhama asi, wamuloma ari, “Umukasya noola ukana, unyala khukhumpyeluusa.”
3Yezu wenyusa kumukhono kweewe wamuwambakho, nga aloma ari, “Ilala ise ingana; n'upyeluukhe.” Lubaluba umusaani wawonesebwa bikeenge. 4#Lev 14.1-32Lwanyuma Yezu wamuloma ari, “Bona uri s'uboolelakho umuundu yeesi ta, ne n'utsye w'omusaayi wiyokesane, uweyo shiwaanwa sheesi Musa alakila, shibe shishiŋaŋasa isi babaandu.”
Khufukiilila khw'omusilikhale umu Roma
(Luk 7.1-10)
5Yezu n'enjila mu Kaperunaumu, umusilikhale umukhulu Umu Roma wamwiitsayo, wamuloomba buyeeti nga aloma ari, 6“Musakhulu, umwakaanisi wase wakonele mu ntsu, wakataala, ali ni butsiina bukali.”
7Yezu wamwiilamo ari, “Kane niitse imuwonese.”
8Ne umusilikhale yuno wamuloma ari, “Umukasya, sishintsakhila iwe khukhwiitsa mu ntsu yase ta. Ne loma bulomi ilomo, n'umwakaanisi wase kane awone. 9#Baru 3.33-35Lwekhuba ise nase indi umuundu uli asi e bakhulu, ni nase indi ni basilikhale babaali asi ase. Ne ni noma mutweela ndi, ‘Tsya,’ naye atsya; n'ukuundi ndi, ‘Yiitsa,’ naye etsa. Ise inoma umukulwa wase ndi, ‘Khola shino,’ naye ashikhola.”
10Ne Yezu n'awulila isho, weyaanga naabi, waloma babaandu babamuloondelela ari, “Ilala imbaboolela ndi, ishiili khubonatsakakho umuundu uli ni khufukiilila nga khuno, ikhaba ni mu Isiraeli mwoosi ta. 11#Luk 13.29Lundi imbaboolela ndi, babaandu bakali baliitsa nga baama ibwamanyaanga n'ibukwa inyaanga, bekhale atweela ni Ibulayimu, ni Isaaka, ni Yakobo, khu mayiiya mu Buyiinga bwe mwikulu. 12#Mat 22.13; 25.30; Luk 13.28Ne ibo babaandibeele babeene be Buyiinga, balituumibwa ibulafu mu shilima she antsye, ibweeneyo ilibayo khulila ni khukhwilumaka kameeno.”
13Lwanyuma Yezu waloma umusilikhale umukhulu ari, “Tsya ingo, sheesi iwe ufukiililamo kane shikholikhe nga iwe n'ufukiilila.” N'umwakaanisi weewe wawonelawo mu saawa nyeneyo.
Yezu awonesa babaandu bakali
(Mrk 1.29-34; Luk 4.38-41)
14Ne Yezu n'enjila mu ntsu ya Petero, wabona maayi umumasaala uwa Petero nga wakonele mu bulili lwekhuba aba walwalile kamayima. 15Wamuwamba khu mukhono, ni kamayima kamururakho, wenyukha wawa Yezu she khulya.
16Ne antsye ni bwelabula, bamureerera babaandu bakali babaaba bataambisibwa ni kimisaambwa, naye aryo wawoona kimisaambwa ikyo nga araambisa shilomo, lundi nga awonesa boosi babaaba balwaale. 17#Isay 53.4Shino ashikhola khukhwoolelesa shishalomebwa n'umuŋoosi Yisaaya shiri, “Niye umweene ayila butsiina bweefwe, wasuta ni tsindwale tseefwe.”
Khuuba umulondeleli uwa Yezu
(Luk 9.57-62)
18Yezu n'abona kamatuuli ke babaandu nga kamwibotokhelela, walakila baleekelwa beewe ari bambukhe shanjelekha we inyaantsa. 19Lwanyuma umuleekeli we kamakaambila weetsa is'ali wamuloma ari, “Umuleekeli, kane ikhulondelelatsake buli osi esi kane wutsyatsake.”
20Yezu wamwiilamo ari, “Tsishipwe tsili ni kamalowo kaatso, ni binywiinywi bye mu ngaaki bili ni biiswi byabyo, ne Umwaana w'Omuundu s'ali ni esi anyala wara ni kumurwe kweewe ta.”
21 #
Tob 4.3,4 Umuleekelwa ukuundi wamuloma ari, “Umukasya, n'undekhe inyoowe intsye isiikhe paapa wase nio.”
22Yezu wamwiilamo ari, “Inondelele, ulekhe baafu basiikhe baafu baawe.”#8.22 Abe mu Bayudaaya, ilomo iye khusiikha baafu ili ikhulu naabi. Shikila Yezu aleekela ari khumulondelela niye shili shifuura byoosi.
Yezu asilisa ikhuungu
(Mrk 4.35-41; Luk 8.22-25)
23Lwanyuma Yezu waniina mwikhoŋolo, ni baleekelwa beewe bamuloondakho. 24Lubaluba abalukhawo ikhuungu iye kamaani yeetsa yawuutsa khu nyaantsa, ni kameetsi kaatirira naabi keenga khumila ni likhoŋolo. Ne Yezu aba ali mwiilo akona. 25Baleekelwa baatsya bamusisimusa nga baloma bari, “Umukasya, khuwonese, khwahela!”
26Yezu wabaloma ari, “Lwashiina muba ni khuurya khukali, inywe babaali ni khufukiilila khufwiiti?” Aryo wenyukha wakhookhela imbewo ni khutumbuukha khwe inyaantsa, aryo abawo khukwalaala khukali.
27Basaani tsana beyaanga busa nga baloma bari, “Musaani shiina yuno? Bona imbewo ni khutumbuukha khwe inyaantsa nabyo bimuwulila!”
Yezu awonesa basaani babili
(Mrk 5.1-20; Luk 8.26-39)
28Ne Yezu n'ola shanjelekha she inyaantsa mu shaalo she Bagerasene, basaani babili abe babataambisibwa ni kimisaambwa bamwakaanana, nga baama mu mafuluma keesi basiikhatsakamo baafu. Basaani bano babakho kimisaambwa kimibi nga bali barafu naabi, nga mbaawo n'umuundu ubirirakho mu ntsila iyo ta. 29Boombi balomela angaaki ni likono likali bari, “Iwe Umwaana uwa Wele, ukhufunisa ifwe shiina? Wetsile khukhuwa shitaambiso nga isaawa inyene ishiili khukhwoola ta?”
30Khukhwaama isi baaba, aleeyikho khakyeekhe, abawo likana lye tsimbiitsi tsingali nga tsaaya. 31Kimimakoombe kyekontselela Yezu kiri, “Noola ukhuwoona, ukhusindikha khutsye mu likana lye tsimbiitsi.”
32Naye Yezu wakilomela ari, “Tsya!” Nakyo kyarura mu basaani, kyafulumukha kyaweela mu mbiitsi, ni likana lyoosi lyarindimukha, lyaselengela ilumya, lyaweela mu nyaantsa, lyahelela mu meetsi. 33Babaayi be tsimbiitsi batitukha, baatsya mu shiriimba, baboola kamakhuuwa koosi, ni n'ebyo bibyakholekha khu basaani baabili, babaaba bataambisibwa ni kimisaambwa. 34Baryo babaandu boosi be mu shiriimba isho beetsa khukhwakaanana Yezu, ne ni bamubona, bamwikontselela bari arure mu shisiintsa shaawe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.