Matayo 9
9
Yezu awonesa umusaani uwaba wakataala
(Mrk 2.1-12; Luk 5.17-26)
1Lwanyuma Yezu waniina mu likhoŋolo, wambukha inyaantsa, woola mu shiriimba she wawe. 2Ibweene iyo babaandu bamureerera umuundu uwaba nga wakataala, nga wakonele khu bulili bweewe. Ne Yezu n'abona khufukiilila khwe babaandu babaamureera, walomela umusaani uwaba wakataala ari, “Mwana wase, yikumisa kumwoyo kwoowo. Bibyonako byoowo byakhwiyakhiilwe.”
3Ne batweela khu baleekeli be kamakaambila ka Musa belomela bonyene bari, “Umusaani uyu afwotsola Wele.”
4Ne Yezu n'amanya bibyambaaso byaawe, wabareeba ari, “Lwashiina mwambaasa bibiindu biibi nga bino mu myoyo kyeenywe? 5Shishiindu shishaangu nisho shili; khuloma umusaani umuleme yuno ndi, ‘Bibyonako byoowo byakhwiyakhiilwe,’ namwe khuloma ndi, ‘Yinyukha ukyende?’ 6Ne nase kane imbokesanise indi Umwaana w'Omuundu ali ni bunyala khu shiibala khukhwiyakhila bibyonako.” Lwanyuma kila Yezu aloma umusaani uwaba wakataala ari, “Yinyukha usute lusaamba lwoowo, wileyo ingo woowo.” 7Aryo umusaani wenyukha, watsya ingo. 8Ne kamatuuli ke babaandu ni kabona shino, baarya naabi, nalundi babuyila Wele uwaha babaandu bunyala bubufwana buryo.
Yezu alaanga Matayo
(Mrk 2.13-17; Luk 5.27-32)
9Lwanyuma nga Yezu warulileyo, n'aba nga akyeenda atsya, wabona umusaani ulaangiwa Matayo nga wekhaale esi babusanisila kumusolo. Kila Yezu wamuloma ari, “Inondekho.” Matayo wenyukha wamuloondakho.
10 #
Luk 15.1,2 Lwanyumakho nga Yezu wekhaale mu ntsu ya Matayo, nga balya biilyo, babusanisi be kumusolo bakali busa, ni baboonaki babaandi beetsa bekhala baliila atweela ni Yezu, ni baleekelwa beewe. 11Ne Bafarisaayo balala ni baabona shino, bareeba baleekelwa ba Yezu bari, “Lwashiina umuleekeli weenywe ekhala waliila atweela ni babusanisi be kumusolo ni baboonaki babaandi?”
12Ne Yezu n'awulila aryo, wabelamo ari, “Babaandu babaali balamu si bali nibo babakana umukaangi ta, akhali balwaale bonyene. 13#Mat 12.7 Hos 6.6Ne ni mutsye mwiyike kamakhulu ke shisharonebwa shishiloma shiri, ‘Ise ingana shiisa, ne akhuba tsisaayilo ta.’ Ise shineetsa khulaanga bakhosefu ta, ne njeeba baboonaki.”
Shireebo khu bye khubuya intsala
(Mrk 2.18-22; Luk 5.33-39)
14Lwanyuma baleekelwa ba Yohana Umubatisa beetsa isi Yezu bamureeba bari, “Lwashiina ifwe ni Bafarisaayo khubuya intsala busheele, ne baleekelwa boowo si babuya baryo ta?”
15Naye Yezu wabelamo ari, “Shinyalikha bakyeni booyo ukhweele umukhasi khuuba mu mutaambo, nga ukhweele mweene uyo ashiiliwo ni nabo? Taawe! Ne bifukhu bilyoola byeesi uyo ukhweele aliibarusibwakho, ni nabo balibuya intsala.
16“Mbaawo umuundu unabila shishaapa she ngubo imbyaakha khu ngubo ingore ta. Lwekhuba n'akhola aryo, isho shishinabiwilekho shiloosela khukhwinuula ingubo ingore tsana, ni kumwanya kubalaaha khufuuriisakho. 17Namwe mbaawo umuundu utsukha iviini inyana mu kungutsi tsingore ta. Lwekhuba n'akhola aryo, tsikungutsi tsonuukha, tsonekha ni iviini tsana yatsutsukha. Ne khurusakho, iviini inyana itsukhiwa mu kungutsi tsiimbya, nio byoombi byaliindiwa bulayi.”
Umukhaana wa Yayiro n'umukhasi uwatiila khu ngubo ya Yezu
(Mrk 5.21-43; Luk 8.40-56)
18Ne Yezu n'aba nga ashikanikha bino, abawo umuwuli mutweela Umuyudaaya, uweetsa isi Yezu, wafukhamila asi is'ali, wamuloma ari, “Umukhaana wase nio ama khuufwa ari, ne ni wiitse, umurekho kamakhono koowo nio alamukhe.” 19Aryo Yezu wenyukhilakho khaangukho, wamuloondakho, atweela ni baleekelwa beewe.
20Ne ni baaba nga batsya, umukhasi uwaba nga walwala khukhwibeena kamafuki khumala kimiiko liikhumi na kibili, wetsila imukoongo wa Yezu, watiila khu ndulo khwe ngubo ya Yezu. 21Lwekhuba elomela umweene mu mwoyo kweewe ari, “Ise ni kane indiile butiili khu ngubo yeewe, kane imbonesebwe.”
22Ne Yezu n'eshebukha inyuma, wabona umukhasi wamuloma ari, “Mukhaana wase, yikumisa kumwoyo kwoowo, lwe khufukiilila khwoowo wawonisibwile.” Khu saawa nyene iyo, umukhasi wawonesebwa.
23Ne Yezu n'ola mu ntsu y'omuwuli Yayiro tsana uyo, wabona babakhupa kimilele, ni lituuli lye babaandu nga bakhupa tsimuungu.#9.23 Abe Bayudaaya bapaangisa balili bababalilila baafu baawe. 24Yezu wabaloma ari, “Ni murure muno mweesi mutsye, umukhaana yuno wakhufwa ta, ne wakonele bukoni.” Baryo babaandu tsana bamutsekhelela busa. 25Ne lituuli lye babaandu ni lyamala khurusibwa ibulafu, Yezu wenjila mu ntsu mukari, wawamba umukhaana kumukhono, aryo umukhaana wenyukha. 26Ni bilomo bino byafuma naabi mu shaalo isho shoosi.
Yezu awonesa basaani babofu babili
27Aryo Yezu n'aarurayo iyo, nga n'abira atsya, basaani babofu babili bamuloondakho, nga bayokesela angaaki bari, “Iwe Umwitsukhulu wa Daudi#9.27 Bayudaaya beyikina bari Umuwonesi waabwe alyaama mu shikuuka sha Daudi, shikila Umuwonesi bamulaanga bari Umwitsukhulu wa Daudi. khuwaambile shiisa.”
28Aryo Yezu n'enjila mu ntsu, babofu tsana beetsa is'ali, naye wabareeba ari, “Inywe mufukiilila muri ise inyala khubawonesa?”
Nabo bamwiilamo bari, “Ee, Umukasya.”
29Lwanyuma Yezu watiila khu moni tsaawe, waloma ari, “Khashikholekhe isi muli nga khufukiilila khweenywe ni khuli.” 30Baryo tsimoni tsaawe tsabimbukha. Ne Yezu wabakhonyakilila naabi ari, “Ni mubone muri, simuboolelakho umuundu yeesi khu shiindu shino ta.” 31Ne nibo ni barurawo baatsya, basalanisa bilomo bibiwaamba khu Yezu mu shaalo isho shoosi.
Yezu awonesa umusaani abe uuli wawuma
32Baryo basaani bano ni baaba nga barura baatsya, babaandu babaandi bareera isi Yezu umusaani wawuma, uwaba ataambisibwa ni kimisaambwa. 33Ne shisaambwa shiibi shino ni shawoonebwa khurura, umusaaani uwaba wawuma warakikha khukanikha. Kamatuuli ke babaandu bababawo belaliila busa nga baloma bari, “Ifwe abe khwakhubonatsakakho shishiindu nga shino mu Isiraeli ta.”
34 #
Mat 10.25; 12.24; Mrk 3.22; Luk 11.15 Ne Bafarisaayo nibo baloma bari, “Oyu awoona kimisaambwa kimibi lwe bunyala bweesi aweebwa n'umukhulu wakyo.”
Yezu awambila babaandu shiisa
35 #
Mat 4.23; Mrk 1.39; Luk 4.44 Mu mbuka iyo, Yezu waba nga akyeenda abira mu biriimba byoosi, ni mu byaalo, nga aleekelela mu ntsu tsye khukhwisaayilamo, nga aboolela kamakhuuwa kamalayi ke Buyiinga bwe mwikulu, nalundi nga awonesa tsindwale tsoosi, ni khutaambisibwa khwa buli saambo. 36#Bala 27.17; 1 Bay 22.17; 2 Kim 18.16; Ezek 34.5; Mrk 6.34Aryo n'abona kamatuuli ke babaandu, wabawambila shiisa, lwekhuba baaba nga bataambisibwa lukali nga si balikho ni buyeeti bwoosi ta, baaba basalaniile busa nga kamasheese kakakhalikho n'umwaayi ta. 37#Luk 10.2Kila Yezu alomela baleekelwa beewe ari, “Bye khukyesa bili bikali, ne babakyesa nibo bakyeekhe. 38Aso, ni muloombe naabi isi Umukasya we bye khukyesa, arumane baraambi mwikyesa lyeewe.”
Currently Selected:
Matayo 9: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 9
9
Yezu awonesa umusaani uwaba wakataala
(Mrk 2.1-12; Luk 5.17-26)
1Lwanyuma Yezu waniina mu likhoŋolo, wambukha inyaantsa, woola mu shiriimba she wawe. 2Ibweene iyo babaandu bamureerera umuundu uwaba nga wakataala, nga wakonele khu bulili bweewe. Ne Yezu n'abona khufukiilila khwe babaandu babaamureera, walomela umusaani uwaba wakataala ari, “Mwana wase, yikumisa kumwoyo kwoowo. Bibyonako byoowo byakhwiyakhiilwe.”
3Ne batweela khu baleekeli be kamakaambila ka Musa belomela bonyene bari, “Umusaani uyu afwotsola Wele.”
4Ne Yezu n'amanya bibyambaaso byaawe, wabareeba ari, “Lwashiina mwambaasa bibiindu biibi nga bino mu myoyo kyeenywe? 5Shishiindu shishaangu nisho shili; khuloma umusaani umuleme yuno ndi, ‘Bibyonako byoowo byakhwiyakhiilwe,’ namwe khuloma ndi, ‘Yinyukha ukyende?’ 6Ne nase kane imbokesanise indi Umwaana w'Omuundu ali ni bunyala khu shiibala khukhwiyakhila bibyonako.” Lwanyuma kila Yezu aloma umusaani uwaba wakataala ari, “Yinyukha usute lusaamba lwoowo, wileyo ingo woowo.” 7Aryo umusaani wenyukha, watsya ingo. 8Ne kamatuuli ke babaandu ni kabona shino, baarya naabi, nalundi babuyila Wele uwaha babaandu bunyala bubufwana buryo.
Yezu alaanga Matayo
(Mrk 2.13-17; Luk 5.27-32)
9Lwanyuma nga Yezu warulileyo, n'aba nga akyeenda atsya, wabona umusaani ulaangiwa Matayo nga wekhaale esi babusanisila kumusolo. Kila Yezu wamuloma ari, “Inondekho.” Matayo wenyukha wamuloondakho.
10 #
Luk 15.1,2 Lwanyumakho nga Yezu wekhaale mu ntsu ya Matayo, nga balya biilyo, babusanisi be kumusolo bakali busa, ni baboonaki babaandi beetsa bekhala baliila atweela ni Yezu, ni baleekelwa beewe. 11Ne Bafarisaayo balala ni baabona shino, bareeba baleekelwa ba Yezu bari, “Lwashiina umuleekeli weenywe ekhala waliila atweela ni babusanisi be kumusolo ni baboonaki babaandi?”
12Ne Yezu n'awulila aryo, wabelamo ari, “Babaandu babaali balamu si bali nibo babakana umukaangi ta, akhali balwaale bonyene. 13#Mat 12.7 Hos 6.6Ne ni mutsye mwiyike kamakhulu ke shisharonebwa shishiloma shiri, ‘Ise ingana shiisa, ne akhuba tsisaayilo ta.’ Ise shineetsa khulaanga bakhosefu ta, ne njeeba baboonaki.”
Shireebo khu bye khubuya intsala
(Mrk 2.18-22; Luk 5.33-39)
14Lwanyuma baleekelwa ba Yohana Umubatisa beetsa isi Yezu bamureeba bari, “Lwashiina ifwe ni Bafarisaayo khubuya intsala busheele, ne baleekelwa boowo si babuya baryo ta?”
15Naye Yezu wabelamo ari, “Shinyalikha bakyeni booyo ukhweele umukhasi khuuba mu mutaambo, nga ukhweele mweene uyo ashiiliwo ni nabo? Taawe! Ne bifukhu bilyoola byeesi uyo ukhweele aliibarusibwakho, ni nabo balibuya intsala.
16“Mbaawo umuundu unabila shishaapa she ngubo imbyaakha khu ngubo ingore ta. Lwekhuba n'akhola aryo, isho shishinabiwilekho shiloosela khukhwinuula ingubo ingore tsana, ni kumwanya kubalaaha khufuuriisakho. 17Namwe mbaawo umuundu utsukha iviini inyana mu kungutsi tsingore ta. Lwekhuba n'akhola aryo, tsikungutsi tsonuukha, tsonekha ni iviini tsana yatsutsukha. Ne khurusakho, iviini inyana itsukhiwa mu kungutsi tsiimbya, nio byoombi byaliindiwa bulayi.”
Umukhaana wa Yayiro n'umukhasi uwatiila khu ngubo ya Yezu
(Mrk 5.21-43; Luk 8.40-56)
18Ne Yezu n'aba nga ashikanikha bino, abawo umuwuli mutweela Umuyudaaya, uweetsa isi Yezu, wafukhamila asi is'ali, wamuloma ari, “Umukhaana wase nio ama khuufwa ari, ne ni wiitse, umurekho kamakhono koowo nio alamukhe.” 19Aryo Yezu wenyukhilakho khaangukho, wamuloondakho, atweela ni baleekelwa beewe.
20Ne ni baaba nga batsya, umukhasi uwaba nga walwala khukhwibeena kamafuki khumala kimiiko liikhumi na kibili, wetsila imukoongo wa Yezu, watiila khu ndulo khwe ngubo ya Yezu. 21Lwekhuba elomela umweene mu mwoyo kweewe ari, “Ise ni kane indiile butiili khu ngubo yeewe, kane imbonesebwe.”
22Ne Yezu n'eshebukha inyuma, wabona umukhasi wamuloma ari, “Mukhaana wase, yikumisa kumwoyo kwoowo, lwe khufukiilila khwoowo wawonisibwile.” Khu saawa nyene iyo, umukhasi wawonesebwa.
23Ne Yezu n'ola mu ntsu y'omuwuli Yayiro tsana uyo, wabona babakhupa kimilele, ni lituuli lye babaandu nga bakhupa tsimuungu.#9.23 Abe Bayudaaya bapaangisa balili bababalilila baafu baawe. 24Yezu wabaloma ari, “Ni murure muno mweesi mutsye, umukhaana yuno wakhufwa ta, ne wakonele bukoni.” Baryo babaandu tsana bamutsekhelela busa. 25Ne lituuli lye babaandu ni lyamala khurusibwa ibulafu, Yezu wenjila mu ntsu mukari, wawamba umukhaana kumukhono, aryo umukhaana wenyukha. 26Ni bilomo bino byafuma naabi mu shaalo isho shoosi.
Yezu awonesa basaani babofu babili
27Aryo Yezu n'aarurayo iyo, nga n'abira atsya, basaani babofu babili bamuloondakho, nga bayokesela angaaki bari, “Iwe Umwitsukhulu wa Daudi#9.27 Bayudaaya beyikina bari Umuwonesi waabwe alyaama mu shikuuka sha Daudi, shikila Umuwonesi bamulaanga bari Umwitsukhulu wa Daudi. khuwaambile shiisa.”
28Aryo Yezu n'enjila mu ntsu, babofu tsana beetsa is'ali, naye wabareeba ari, “Inywe mufukiilila muri ise inyala khubawonesa?”
Nabo bamwiilamo bari, “Ee, Umukasya.”
29Lwanyuma Yezu watiila khu moni tsaawe, waloma ari, “Khashikholekhe isi muli nga khufukiilila khweenywe ni khuli.” 30Baryo tsimoni tsaawe tsabimbukha. Ne Yezu wabakhonyakilila naabi ari, “Ni mubone muri, simuboolelakho umuundu yeesi khu shiindu shino ta.” 31Ne nibo ni barurawo baatsya, basalanisa bilomo bibiwaamba khu Yezu mu shaalo isho shoosi.
Yezu awonesa umusaani abe uuli wawuma
32Baryo basaani bano ni baaba nga barura baatsya, babaandu babaandi bareera isi Yezu umusaani wawuma, uwaba ataambisibwa ni kimisaambwa. 33Ne shisaambwa shiibi shino ni shawoonebwa khurura, umusaaani uwaba wawuma warakikha khukanikha. Kamatuuli ke babaandu bababawo belaliila busa nga baloma bari, “Ifwe abe khwakhubonatsakakho shishiindu nga shino mu Isiraeli ta.”
34 #
Mat 10.25; 12.24; Mrk 3.22; Luk 11.15 Ne Bafarisaayo nibo baloma bari, “Oyu awoona kimisaambwa kimibi lwe bunyala bweesi aweebwa n'umukhulu wakyo.”
Yezu awambila babaandu shiisa
35 #
Mat 4.23; Mrk 1.39; Luk 4.44 Mu mbuka iyo, Yezu waba nga akyeenda abira mu biriimba byoosi, ni mu byaalo, nga aleekelela mu ntsu tsye khukhwisaayilamo, nga aboolela kamakhuuwa kamalayi ke Buyiinga bwe mwikulu, nalundi nga awonesa tsindwale tsoosi, ni khutaambisibwa khwa buli saambo. 36#Bala 27.17; 1 Bay 22.17; 2 Kim 18.16; Ezek 34.5; Mrk 6.34Aryo n'abona kamatuuli ke babaandu, wabawambila shiisa, lwekhuba baaba nga bataambisibwa lukali nga si balikho ni buyeeti bwoosi ta, baaba basalaniile busa nga kamasheese kakakhalikho n'umwaayi ta. 37#Luk 10.2Kila Yezu alomela baleekelwa beewe ari, “Bye khukyesa bili bikali, ne babakyesa nibo bakyeekhe. 38Aso, ni muloombe naabi isi Umukasya we bye khukyesa, arumane baraambi mwikyesa lyeewe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.