Matayo 7
7
Khuukhalila babaandi kumusaango
(Luk 6.37-38,41-42)
1“Mukhakhalila babaandu babaandi kumusaango ta, nio nanywe Wele alekhe khubakhalila ta. 2#Mrk 4.24Lwekhuba nanywe Wele alibakhalila kumusaango, musaambo nyene yeesi mukhalilamo babaandi. Ni shipimo sheesi muraambisa khupimilamo babaandi nanywe nisho sheesi Wele alibapimilamo.
3“Iwe lwashiina ubona khasosono khakhaali khu moni ya wandaayo, ne walekha khwambaasa khu kukyeenga kukuuli khu moni yoowo wamweene? 4Namwe unyala uryeena waloma wandaayo uri, ‘Khayo ikhurusemo khasosono khakhaali khu moni yoowo,’ ate nga iwe wamweene uli ni kukyeenga khu moni yoowo? 5Iwe umubeeyi, nyoowa urusemo kukyeenga kukuuli khu moni yoowo nio unyalise khubona bulayi khasosono khakhaali khu moni ya wandaayo.
6“Mukhawatsaka tsiimbwa shishiindu shikhosefu ta, nalundi mukhatuumila tsimbiitsi bibiindu byeenywe bye lisuno ta. Lwekhuba ni mukhola muryo, nitso tsibisambakilila busa mu bikyele byatso, lwanyuma tsashuukha tsabalumaka.
Loomba, uweentse, ukhoonyake
(Luk 11.9-13)
7 #
2 Esid 2.13
“Ni muloombe muliweebwa, muweentse mulinyoola, mukhonyake lulwiitsi lulibekuliwilawo. 8Lwekhuba buli uloomba afuna, uweentsa anyoola, ni nooyo ukhonyaka lulwiitsi lumukuliwilawo.
9“Namwe mundu shiina mwiinywe, umwaana weewe n'amuloomba biilyo unyala wamuwa libaale? 10Namwe nga wamuloombile inyeeni, unyala wamuwa indemu? 11Kale ni nanywe mumuuli babaandu baboonaki busa, mwamanya khuuwa babaana beenywe biwaanwa bilayi, Paapa weenywe uli mwikulu s'alifuura khuuwa biwaanwa bilayi isi ibo babamuloomba ta? 12#Tob 4.15; Luk 6.31Ni nashiryo mu buli shiindu shoosi, ni mubirise babaandu babaandi isaambo yeesi mukana nibo bababirisemo inywe. Lwekhuba shino nisho sheesi kamakaambila ka Musa ni khuleekela khwe baŋoosi bimanyisa.
Kumulyaango kumufundeefu
(Luk 13.24)
13 #
Sir 15.17
“Ni mwinjile nga mubirira mu mulyaango kumufundeefu. Lwekhuba kumulyaango kukuutsya mu khuhela kuli kumubalaayi, ni kumukhoosi kukuutsyayo kuli kumutsowe, ni naabo babakukyendelakho bali bakali. 14Ne kumulyaango kukuutsya mu bulamu kuli kumufundeefu, ni kumukhoosi kukuutsyayo kuli kumunyelele, ni naabo babakunyoola si bali bakali ta.
Kusaala ni bibyaamo byakwo
(Luk 6.43-44)
15“Ni mwiliinde baŋoosi be bubeeyi, babeetsila mu bikwaaro bye kamasheese isi muli ne nga mukari bali bitsuutse bye kumulyuulyu. 16#Sir 27.6Ne mulibamanyila khu byaamo byaawe. Lwekhuba babaandu si banyala babuta tsisabibu khu mawa ta, namwe si banyala babuta kimifiki khu mawa ta. 17Nasho shiryo, kusaala kulayi kwaanisakho bibyaamo bilayi, ni kusaala kuubi nakwo kwaanakho bibyaamo biibi. 18Kusaala kuulayi sikunyala kwanakho bibyaamo biibi ta, ni kusaala kuubi sikunyala kwanakho bibyaamo bilayi ta. 19#Mat 3.10; Luk 3.9Buli kusaala kwoosi kukukhaana bibyaamo bilayi, bakurema bakutuuma mu mulilo. 20#Mat 12.33Ni nashiryo, mulibamanyila khu byaamo byaawe.
Ise simbamanyatsakakho inywe ta
(Luk 13.25-27)
21“Sishili bari buli mundu uwunaanga ise ari, ‘Umukasya, Umukasya,’ alinjila mu Buyiinga bwe mwikulu ta; khurusakho ibo babakhola byeesi Paapa wase uli mwikulu akana. 22Bakali baliinomela ise khu shifukhu she khuukhalikho kimisaango bari, ‘Umukasya, Umukasya, ifwe sikhwakholaatsaka buŋoosi mu lisiina lyoowo, lundi ni mu lisiina lyoowo lyeene khwawoonatsaka kimisaambwa kimibi kimikali, ni khukhola bye kamakaanga bikali?’ 23#Zab 6.8Ni nase abweene awo indibaboolela lubuula ndi, ‘Ise simbamanyatsakakho inywe ta! Inywe muli babaandu babakhola bibyonako, ni murure isi indi mutsye!’
Umwombakhi umukyesi n'umusilu
(Luk 6.47-49)
24“Aso, buli mundu uwulila bilomo byase bino, wabikholelakho, imufwananisa nga umusaani umukyesi uwombekha intsu yeewe khu lwanda. 25Ifula ni yatsutsukha, kimikhulula kyeekha, ni mbewo yawuutsa naabi, byakhupa intsu iyo. Ne niyo yalekha khukwa ta, lwekhuba luwoongwa lwayo lwaba khu lwanda. 26Ne buli mutweela uwulila bilomo byase bino, ne walekha khubikholelakho nga ni biloma ta, imufwananisa nga umusaani umusilu uwombekha intsu yeewe khu muyekhe busa. 27Lwanyuma ifula ni yatsutsukha, kimikhulula kyeekha, imbewo yawuutsa naabi, byakhupa intsu iyo, nayo yaakwa, ni kumuwuulo kwayo kwaba kumuboofu naabi.”
Bunyala bwa Yezu
28 #
Mrk 1.22; Luk 4.32 Ulwo Yezu n'amala khukanikha bilomo bino, kamatuuli ke babaandu kelaliila busa lwe saambo yeesi aleekelamo, 29lwekhuba niye aleekela nga niye umweene bunyala, ne akhuba nga baleekeli baawe be kamakaambila ka Musa ta.
Currently Selected:
Matayo 7: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 7
7
Khuukhalila babaandi kumusaango
(Luk 6.37-38,41-42)
1“Mukhakhalila babaandu babaandi kumusaango ta, nio nanywe Wele alekhe khubakhalila ta. 2#Mrk 4.24Lwekhuba nanywe Wele alibakhalila kumusaango, musaambo nyene yeesi mukhalilamo babaandi. Ni shipimo sheesi muraambisa khupimilamo babaandi nanywe nisho sheesi Wele alibapimilamo.
3“Iwe lwashiina ubona khasosono khakhaali khu moni ya wandaayo, ne walekha khwambaasa khu kukyeenga kukuuli khu moni yoowo wamweene? 4Namwe unyala uryeena waloma wandaayo uri, ‘Khayo ikhurusemo khasosono khakhaali khu moni yoowo,’ ate nga iwe wamweene uli ni kukyeenga khu moni yoowo? 5Iwe umubeeyi, nyoowa urusemo kukyeenga kukuuli khu moni yoowo nio unyalise khubona bulayi khasosono khakhaali khu moni ya wandaayo.
6“Mukhawatsaka tsiimbwa shishiindu shikhosefu ta, nalundi mukhatuumila tsimbiitsi bibiindu byeenywe bye lisuno ta. Lwekhuba ni mukhola muryo, nitso tsibisambakilila busa mu bikyele byatso, lwanyuma tsashuukha tsabalumaka.
Loomba, uweentse, ukhoonyake
(Luk 11.9-13)
7 #
2 Esid 2.13
“Ni muloombe muliweebwa, muweentse mulinyoola, mukhonyake lulwiitsi lulibekuliwilawo. 8Lwekhuba buli uloomba afuna, uweentsa anyoola, ni nooyo ukhonyaka lulwiitsi lumukuliwilawo.
9“Namwe mundu shiina mwiinywe, umwaana weewe n'amuloomba biilyo unyala wamuwa libaale? 10Namwe nga wamuloombile inyeeni, unyala wamuwa indemu? 11Kale ni nanywe mumuuli babaandu baboonaki busa, mwamanya khuuwa babaana beenywe biwaanwa bilayi, Paapa weenywe uli mwikulu s'alifuura khuuwa biwaanwa bilayi isi ibo babamuloomba ta? 12#Tob 4.15; Luk 6.31Ni nashiryo mu buli shiindu shoosi, ni mubirise babaandu babaandi isaambo yeesi mukana nibo bababirisemo inywe. Lwekhuba shino nisho sheesi kamakaambila ka Musa ni khuleekela khwe baŋoosi bimanyisa.
Kumulyaango kumufundeefu
(Luk 13.24)
13 #
Sir 15.17
“Ni mwinjile nga mubirira mu mulyaango kumufundeefu. Lwekhuba kumulyaango kukuutsya mu khuhela kuli kumubalaayi, ni kumukhoosi kukuutsyayo kuli kumutsowe, ni naabo babakukyendelakho bali bakali. 14Ne kumulyaango kukuutsya mu bulamu kuli kumufundeefu, ni kumukhoosi kukuutsyayo kuli kumunyelele, ni naabo babakunyoola si bali bakali ta.
Kusaala ni bibyaamo byakwo
(Luk 6.43-44)
15“Ni mwiliinde baŋoosi be bubeeyi, babeetsila mu bikwaaro bye kamasheese isi muli ne nga mukari bali bitsuutse bye kumulyuulyu. 16#Sir 27.6Ne mulibamanyila khu byaamo byaawe. Lwekhuba babaandu si banyala babuta tsisabibu khu mawa ta, namwe si banyala babuta kimifiki khu mawa ta. 17Nasho shiryo, kusaala kulayi kwaanisakho bibyaamo bilayi, ni kusaala kuubi nakwo kwaanakho bibyaamo biibi. 18Kusaala kuulayi sikunyala kwanakho bibyaamo biibi ta, ni kusaala kuubi sikunyala kwanakho bibyaamo bilayi ta. 19#Mat 3.10; Luk 3.9Buli kusaala kwoosi kukukhaana bibyaamo bilayi, bakurema bakutuuma mu mulilo. 20#Mat 12.33Ni nashiryo, mulibamanyila khu byaamo byaawe.
Ise simbamanyatsakakho inywe ta
(Luk 13.25-27)
21“Sishili bari buli mundu uwunaanga ise ari, ‘Umukasya, Umukasya,’ alinjila mu Buyiinga bwe mwikulu ta; khurusakho ibo babakhola byeesi Paapa wase uli mwikulu akana. 22Bakali baliinomela ise khu shifukhu she khuukhalikho kimisaango bari, ‘Umukasya, Umukasya, ifwe sikhwakholaatsaka buŋoosi mu lisiina lyoowo, lundi ni mu lisiina lyoowo lyeene khwawoonatsaka kimisaambwa kimibi kimikali, ni khukhola bye kamakaanga bikali?’ 23#Zab 6.8Ni nase abweene awo indibaboolela lubuula ndi, ‘Ise simbamanyatsakakho inywe ta! Inywe muli babaandu babakhola bibyonako, ni murure isi indi mutsye!’
Umwombakhi umukyesi n'umusilu
(Luk 6.47-49)
24“Aso, buli mundu uwulila bilomo byase bino, wabikholelakho, imufwananisa nga umusaani umukyesi uwombekha intsu yeewe khu lwanda. 25Ifula ni yatsutsukha, kimikhulula kyeekha, ni mbewo yawuutsa naabi, byakhupa intsu iyo. Ne niyo yalekha khukwa ta, lwekhuba luwoongwa lwayo lwaba khu lwanda. 26Ne buli mutweela uwulila bilomo byase bino, ne walekha khubikholelakho nga ni biloma ta, imufwananisa nga umusaani umusilu uwombekha intsu yeewe khu muyekhe busa. 27Lwanyuma ifula ni yatsutsukha, kimikhulula kyeekha, imbewo yawuutsa naabi, byakhupa intsu iyo, nayo yaakwa, ni kumuwuulo kwayo kwaba kumuboofu naabi.”
Bunyala bwa Yezu
28 #
Mrk 1.22; Luk 4.32 Ulwo Yezu n'amala khukanikha bilomo bino, kamatuuli ke babaandu kelaliila busa lwe saambo yeesi aleekelamo, 29lwekhuba niye aleekela nga niye umweene bunyala, ne akhuba nga baleekeli baawe be kamakaambila ka Musa ta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.