Matayo 22
22
Lusimo lwe kamayiiya ke bukhwaale
(Luk 14.15-24)
1Yezu wakanikha lundi ni nabo musimo, wabaloma ari, 2“Buyiinga bwe mwikulu bufwananisibwa n'umuyiinga uwaŋoonaŋoona kamayiiya ke bukhwaale bw'omwaana weewe umusiinde. 3Lwanyuma warumana babakaanisi beewe khuutsya khulaanga ibo babalaangiwa khu mayiiya ke bukhwaale, ne nibo balekha khukana khukhwiitsa ta. 4Lundi ndi warumana babakaanisi babaandi nga aloma ari, ‘Ni mutsye muboolele ibo babalaangiwa muri, ise naŋoonaŋoonele kamayiiya kaase, tsikhaafu tse kiminaawa tseriiwile. Bibiindu byoosi byaŋoonaŋoonewele. Ari ni mwiitse khu mayiiya ke bukhwaale.’ 5Ne nibo balekha khukhwinaanayo ta, baryo betsiilakila mu ntsila tsaawe tsitsiindi: mutweela watsya mu mukuunda kweewe, ukuundi watsya mu bye bukusi bweewe. 6Ne babaramile bawambaka babakaanisi ibo bababirisaka buubi, babeeraka. 7Umuyiinga yuno lirima lyamuwamba, warumana liiye lyeewe, wahesaka babeeri ibo, woosha ni shiriimba shaawe.
8“Lwanyuma waloma babakaanisi beewe ari, ‘Kamayiiya ke bukhwaale kamaŋoonaŋoone, ne ibo babalaangiwa si baakhila ta. 9Nashiryo, ni mutsye mu mikhoosi esi kyakananila, mulaange boosi beesi kane muboneyo, beetse khu mayiiya.’ 10Baryo babakaanisi baatsya mu mikhoosi, babuusanisa boosi beesi banyalisa khunyoolayo, baabi atweela ni baalayi, litiilo lye kamayiiya lyetsulamo bakyeni.
11“Ne umuyiinga ni enjila khubona bakyeni, wabonamo umusaani uwaba wakhukwaara ingubo iyaakhila kamayiiya ke bukhwaale ta. 12Kila amureeba ari, ‘Mulebe, winjiile uryeena ano nga s'uli ni shikwaro shishakhila kamayiiya ta?’ Ne umusaani wasila busa. 13#Mat 8.12; 25.30; Luk 13.28Lwanyuma umuyiinga waloma babakaanisi beewe ari, ‘Ni mumubowe kamakhono ni bikyele, mumutuume ibulafu mu shilima. Ibweene iyo iliiba khukhwantsuwa ni khukhwilumaka kameeno.’ 14#2 Esid 8.3Lwekhuba babalaangiwa bakali, ne barobolemo bakyeekhe.”
Shireebo shishiwaamba khu bye kumusolo
(Mrk 12.13-17; Luk 20.20-26)
15Lwanyumakho, Bafarisaayo baatsya bekutila atweela isaambo yeesi kane bawambilise Yezu mu bilomo. 16Baryo kila bamurumanila baleekelwa baawe atweela ni baloondeleli ba Herode, nga baloma bari, “Umuleekeli, ifwe khwamanya nga iwe uli umuundu uwa ŋali, lundi uleekela intsila ya Wele nga wimikha mu bwa ŋali ilala, lundi s'unikinisibwa ni babaandu ta, lwekhuba siwinaanayo khu mbonekha ye babaandu ta. 17Aso khuboolele, iwe wambaasa urye? Shilayi khuuwa kumusolo isi Kayisaali namwe ta?”
18Ne Yezu waba nga wamanyile buubi bwaabwe, wabaloma ari, “Inywe babeeyi, lwashiina muweentsa khukhukhakilisa ise? 19Ni muntsokese lipeesa lyeesi muweelamo kumusolo.” Baryo bamureerera idinari. 20Kila ndi wabareeba ari, “Shifwani shino, ni buronekho buno, bya naanu?”
21Nabo bamwiilamo bari, “Bya Kayisaali.”
Yezu naye wabelamo ari, “Aso, bya Kayisaali, ni mubiwe Kayisaali, ni isi Wele naye mumuwe bye bwa Wele bweewe.”
22Baryo boosi ni bawulila shino belaliila busa. Lwanyuma bamulekha, baatsya.
Bye khuulamukha khukhwaama mu bafu
(Mrk 12.27-28; Luk 20.27-40)
23 #
Bur 23.8
Khu shifukhu sheene isho, Basadukaayo, nga nibo babaloma bari mbaawo khulamukha mu bafu ta, beetsa isi Yezu. Nabo beetsa khumureeba shireebo. 24#Maka 25.5Bamureeba bari, “Umuleekeli, ifwe Musa akhulomela ari, ‘Noola umusaani wafwiile busa nga akhusaala babaana ta, wandaaye akha khukhwiila khu namulekhwa, amusaalile babaana.’ 25Ari iweefwe iyo, yabayo be buulebe musaafu. Umukiboole wakhwa umukhasi, ne wafwa nga akhusaala lisaaye ta, walekhela wandaaye weewe umukhasi. 26Shishiindu sheene nisho shitweela shakholekha khuwe khabili, n'uwe khataru, khukhwoola khuwe kumusaafu. 27Lwanyuma lwa boosi khuufwa, umukhasi naye wafwa. 28Aso, nga yoolele ikhulamukha khwe baafu, umukhasi yuno aliiba mweene wa naanu, khu be buulebe bano musaafu? Lwekhuba boosi baaba ni naye nga umukhasi waabwe.”
29Yezu wabelamo ari, “Inywe muborokha lwekhuba si mumanya bibyaronebwa bikhosefu namwe kamaani ka Wele ta. 30#Makh 5.5Lwekhuba babaandu ni baba nga balamukha khukhwaama mu bafu, si bayila bakhasi, namwe si bakhwalikhisibwa ta, ne boosi baliiba nga bamalayika mwikulu. 31Ne ibyo bibiwaamba khu khulamukha khukhwaama mu bafu, simwasomatsakakho byeesi Wele abalomela ari, 32#Luky 3.6‘Ise ndi Wele wa Ibulayimu, Wele wa Isaaka, lundi Wele wa Yakobo?’ Niye s'ali Wele we baafu ta, ne ali Wele we balamu.”
33Lituuli lye babaandu ni bawulila baryo, beyaanga busa khuleekela khweewe.
Likaambila lilifuura bukhulu
(Mrk 12.28-34; Luk 10.25-28)
34Nabo Bafarisaayo ni bawulila bari Yezu wabunisile Basadukaayo, babusana atweela. 35Mutweela khu nibo uwaba umuleekeli we kamakaambila ka Musa, wakhaka Yezu nga amureeba shireebo, nga aloma ari: 36“Umuleekeli, likaambila shiina nilyo lilifuura bukhulu mu makaambila koosi?” 37#Maka 6.5Yezu wamwiilamo ari, “Kanatsaka Umukasya Wele woowo, ni kumwoyo kwoowo kwoosi, ni bulamu bwoowo bwoosi, ni kamakyesi koowo koosi. 38Lino nilyo likaambila linyoowa lilifuura bukhulu. 39#Lev 19.18Ni lye khabili lilifwananakho ni nalyo nilyo lino: kanatsaka umwesanwa woowo, nga iwe ni wikana wamweene. 40#Luk 10.25-28Mu makaambila kano koombi, nimwo mweesi kamakaambila koosi, ni khuleekela khwe baŋoosi bimile.”
Shireebo shishiwamba khu Kristu
(Mrk 12.35-37; Luk 20.41-44)
41Bafarisaayo ni baaba nga babusaane atweela, Yezu wabareeba shireebo ari, 42“Kristu, inywe mumwambaasakho murye? Niye Umwaana wa naanu?”
Nabo bamwiilamo bari, “Niye Umwitsukhulu wa Daudi.”
43Naye Yezu wabaloma lundi ari, “Ne lwashiina Daudi, nga Umwoyo Umukhosefu amuraangilila, amulaanga ari, ‘Umukasya?’ Lwekhuba niye amulomakho ari,
44 #
Zab 110.1
‘Umukasya aaloma Umukasya wase ari:
Yikhala ano khu mukhono kwase kumulayi,
khukhwolesa ise n'ikhaare basiku boowo asi we bikyele byoowo.’
45“Aso, noola Daudi amulaanga khuuba ‘Umukasya,’ anyala aryeena ndi khuuba umwitsukhulu weewe?”
46Ne mbaawo na mutweela yeesi uwanyala khumwiilamo ta, ni khukhwaama khu shifukhu isho, mbaawo n'umuundu na mutweela uwamutsaalatsaalila khumureebaka bireebo lundi ta.
Currently Selected:
Matayo 22: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 22
22
Lusimo lwe kamayiiya ke bukhwaale
(Luk 14.15-24)
1Yezu wakanikha lundi ni nabo musimo, wabaloma ari, 2“Buyiinga bwe mwikulu bufwananisibwa n'umuyiinga uwaŋoonaŋoona kamayiiya ke bukhwaale bw'omwaana weewe umusiinde. 3Lwanyuma warumana babakaanisi beewe khuutsya khulaanga ibo babalaangiwa khu mayiiya ke bukhwaale, ne nibo balekha khukana khukhwiitsa ta. 4Lundi ndi warumana babakaanisi babaandi nga aloma ari, ‘Ni mutsye muboolele ibo babalaangiwa muri, ise naŋoonaŋoonele kamayiiya kaase, tsikhaafu tse kiminaawa tseriiwile. Bibiindu byoosi byaŋoonaŋoonewele. Ari ni mwiitse khu mayiiya ke bukhwaale.’ 5Ne nibo balekha khukhwinaanayo ta, baryo betsiilakila mu ntsila tsaawe tsitsiindi: mutweela watsya mu mukuunda kweewe, ukuundi watsya mu bye bukusi bweewe. 6Ne babaramile bawambaka babakaanisi ibo bababirisaka buubi, babeeraka. 7Umuyiinga yuno lirima lyamuwamba, warumana liiye lyeewe, wahesaka babeeri ibo, woosha ni shiriimba shaawe.
8“Lwanyuma waloma babakaanisi beewe ari, ‘Kamayiiya ke bukhwaale kamaŋoonaŋoone, ne ibo babalaangiwa si baakhila ta. 9Nashiryo, ni mutsye mu mikhoosi esi kyakananila, mulaange boosi beesi kane muboneyo, beetse khu mayiiya.’ 10Baryo babakaanisi baatsya mu mikhoosi, babuusanisa boosi beesi banyalisa khunyoolayo, baabi atweela ni baalayi, litiilo lye kamayiiya lyetsulamo bakyeni.
11“Ne umuyiinga ni enjila khubona bakyeni, wabonamo umusaani uwaba wakhukwaara ingubo iyaakhila kamayiiya ke bukhwaale ta. 12Kila amureeba ari, ‘Mulebe, winjiile uryeena ano nga s'uli ni shikwaro shishakhila kamayiiya ta?’ Ne umusaani wasila busa. 13#Mat 8.12; 25.30; Luk 13.28Lwanyuma umuyiinga waloma babakaanisi beewe ari, ‘Ni mumubowe kamakhono ni bikyele, mumutuume ibulafu mu shilima. Ibweene iyo iliiba khukhwantsuwa ni khukhwilumaka kameeno.’ 14#2 Esid 8.3Lwekhuba babalaangiwa bakali, ne barobolemo bakyeekhe.”
Shireebo shishiwaamba khu bye kumusolo
(Mrk 12.13-17; Luk 20.20-26)
15Lwanyumakho, Bafarisaayo baatsya bekutila atweela isaambo yeesi kane bawambilise Yezu mu bilomo. 16Baryo kila bamurumanila baleekelwa baawe atweela ni baloondeleli ba Herode, nga baloma bari, “Umuleekeli, ifwe khwamanya nga iwe uli umuundu uwa ŋali, lundi uleekela intsila ya Wele nga wimikha mu bwa ŋali ilala, lundi s'unikinisibwa ni babaandu ta, lwekhuba siwinaanayo khu mbonekha ye babaandu ta. 17Aso khuboolele, iwe wambaasa urye? Shilayi khuuwa kumusolo isi Kayisaali namwe ta?”
18Ne Yezu waba nga wamanyile buubi bwaabwe, wabaloma ari, “Inywe babeeyi, lwashiina muweentsa khukhukhakilisa ise? 19Ni muntsokese lipeesa lyeesi muweelamo kumusolo.” Baryo bamureerera idinari. 20Kila ndi wabareeba ari, “Shifwani shino, ni buronekho buno, bya naanu?”
21Nabo bamwiilamo bari, “Bya Kayisaali.”
Yezu naye wabelamo ari, “Aso, bya Kayisaali, ni mubiwe Kayisaali, ni isi Wele naye mumuwe bye bwa Wele bweewe.”
22Baryo boosi ni bawulila shino belaliila busa. Lwanyuma bamulekha, baatsya.
Bye khuulamukha khukhwaama mu bafu
(Mrk 12.27-28; Luk 20.27-40)
23 #
Bur 23.8
Khu shifukhu sheene isho, Basadukaayo, nga nibo babaloma bari mbaawo khulamukha mu bafu ta, beetsa isi Yezu. Nabo beetsa khumureeba shireebo. 24#Maka 25.5Bamureeba bari, “Umuleekeli, ifwe Musa akhulomela ari, ‘Noola umusaani wafwiile busa nga akhusaala babaana ta, wandaaye akha khukhwiila khu namulekhwa, amusaalile babaana.’ 25Ari iweefwe iyo, yabayo be buulebe musaafu. Umukiboole wakhwa umukhasi, ne wafwa nga akhusaala lisaaye ta, walekhela wandaaye weewe umukhasi. 26Shishiindu sheene nisho shitweela shakholekha khuwe khabili, n'uwe khataru, khukhwoola khuwe kumusaafu. 27Lwanyuma lwa boosi khuufwa, umukhasi naye wafwa. 28Aso, nga yoolele ikhulamukha khwe baafu, umukhasi yuno aliiba mweene wa naanu, khu be buulebe bano musaafu? Lwekhuba boosi baaba ni naye nga umukhasi waabwe.”
29Yezu wabelamo ari, “Inywe muborokha lwekhuba si mumanya bibyaronebwa bikhosefu namwe kamaani ka Wele ta. 30#Makh 5.5Lwekhuba babaandu ni baba nga balamukha khukhwaama mu bafu, si bayila bakhasi, namwe si bakhwalikhisibwa ta, ne boosi baliiba nga bamalayika mwikulu. 31Ne ibyo bibiwaamba khu khulamukha khukhwaama mu bafu, simwasomatsakakho byeesi Wele abalomela ari, 32#Luky 3.6‘Ise ndi Wele wa Ibulayimu, Wele wa Isaaka, lundi Wele wa Yakobo?’ Niye s'ali Wele we baafu ta, ne ali Wele we balamu.”
33Lituuli lye babaandu ni bawulila baryo, beyaanga busa khuleekela khweewe.
Likaambila lilifuura bukhulu
(Mrk 12.28-34; Luk 10.25-28)
34Nabo Bafarisaayo ni bawulila bari Yezu wabunisile Basadukaayo, babusana atweela. 35Mutweela khu nibo uwaba umuleekeli we kamakaambila ka Musa, wakhaka Yezu nga amureeba shireebo, nga aloma ari: 36“Umuleekeli, likaambila shiina nilyo lilifuura bukhulu mu makaambila koosi?” 37#Maka 6.5Yezu wamwiilamo ari, “Kanatsaka Umukasya Wele woowo, ni kumwoyo kwoowo kwoosi, ni bulamu bwoowo bwoosi, ni kamakyesi koowo koosi. 38Lino nilyo likaambila linyoowa lilifuura bukhulu. 39#Lev 19.18Ni lye khabili lilifwananakho ni nalyo nilyo lino: kanatsaka umwesanwa woowo, nga iwe ni wikana wamweene. 40#Luk 10.25-28Mu makaambila kano koombi, nimwo mweesi kamakaambila koosi, ni khuleekela khwe baŋoosi bimile.”
Shireebo shishiwamba khu Kristu
(Mrk 12.35-37; Luk 20.41-44)
41Bafarisaayo ni baaba nga babusaane atweela, Yezu wabareeba shireebo ari, 42“Kristu, inywe mumwambaasakho murye? Niye Umwaana wa naanu?”
Nabo bamwiilamo bari, “Niye Umwitsukhulu wa Daudi.”
43Naye Yezu wabaloma lundi ari, “Ne lwashiina Daudi, nga Umwoyo Umukhosefu amuraangilila, amulaanga ari, ‘Umukasya?’ Lwekhuba niye amulomakho ari,
44 #
Zab 110.1
‘Umukasya aaloma Umukasya wase ari:
Yikhala ano khu mukhono kwase kumulayi,
khukhwolesa ise n'ikhaare basiku boowo asi we bikyele byoowo.’
45“Aso, noola Daudi amulaanga khuuba ‘Umukasya,’ anyala aryeena ndi khuuba umwitsukhulu weewe?”
46Ne mbaawo na mutweela yeesi uwanyala khumwiilamo ta, ni khukhwaama khu shifukhu isho, mbaawo n'umuundu na mutweela uwamutsaalatsaalila khumureebaka bireebo lundi ta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.