Matayo 21
21
Yezu enjila mu Yerusalemu ni shiriifwa
(Mrk 11.1-11; Luk 19.28-40; Yoh 12.12-19)
1Ne ni baaba nga bali ambi khukhwoola i Yerusalemu, beetsa i Betifage, khu lukiingi lwe Kimizeyituni. Yezu warumana babili khu baleekelwa beewe, 2nga abaloma ari, Ni mutsye mu shaalo shishibali ibweeni, khangu akho kane munyoole ipunda nga bakibowele ni nyana yayo. Mutsabule, mutsinderere. 3Ne umuundu yeesi n'abalomayo ilomo yoosi, mumuloma muri, “Umukasya niye utsikana, ni naye kane atsakaanise khangu akho.”
4Shino shakholekha khukhwolelesa shishakanikhibwa khubirira mu muŋoosi shiri,
5 #
Zek 9.9
“Boolela shiriimba sha Sayuuni muri,
‘Bona umuyiinga woowo etsa is'uli,
umuwolu lundi nga etsila khu sikilya
ni khu nyana ye sikilya.’ ”
6Baleekelwa baatsya, banyoola nga Yezu n'abalomela. 7Baryo bareera ipunda, ni nyana yayo, batsibiimbakho tsingubo tsaawe, naye Yezu wekhalakho. 8Lituuli lye babaandu bakali baala tsingubo khu ntsila, ne babaandi barema tsisakya khu bisaala, baala khu ntsila.#21.8 yino yabatsaka isaambo yeesi babaandu Bayudaaya bakaanilatsakamo umuundu uwe shiriifwa. 9#Zab 118.25,26Lituuli lye babaandu babaaba baraangiile, ni naabo babaaba bamuloondelekho, bayokesela angaaki bari: “Hosana#21.9 Hosana, shamanyisa shiri “N'ukhuwonese,” ne khufuurisa shiraambisibwa khumanyisa khuruuya Wele. isi Umwitsukhulu wa Daudi, ali ni khabi uyo uwitsila mu lisiina ly'Omukasya. Hosana, angaaki lukali.”
10Aryo Yezu ni enjila mu Yerusalemu, shiriimba shoosi shayeŋanisibwa, nga baloma bari, “Naanu uyu?”
11Kamatuuli ke babaandu belamo bari, “Oyu niye Umuŋoosi Yezu, uwama mu Nazareti mu Galilaaya.”
Yezu atsya mu Lisaayilo Likhulu
(Mrk 11.15-19; Luk 19.45-48; Yoh 2.13-22)
12Yezu wenjila mu Lisaayilo Likhulu lya Wele, watimisa warusa ibulafu ibo boosi babaaba bakulaanilamo. Wafumalikhaka tsimeetsa tsaabo babaaba bakulaanisa tsinusu, ni bitsoloŋo byaabo babakulisa kamawuusi. 13#Isay 56.7; Yer 7.11Yezu wabaloma ari, “Sharonebwa mu byaronebwa bikhosefu shiri, ‘Intsu yase kane ilaangibwatsake intsu iye khuloomba, ne inywe mwakikalusile khuuba lifuluma lye banuuli.’ ”
14Lwanyuma, babofu ni baleme beetsa is'ali mu Lisaayilo Likhulu, wabawonesa boosi. 15Ne basaayi bakhulu ni baleekeli be kamakaambila ka Musa bakhalala naabi ni babona bibiindu bye kamakaanga byeesi Yezu akhola, ni babaana nga bayokesela angaaki mu Lisaayilo Likhulu bari, “Hosana isi Umwitsukhulu wa Daudi.”
16 #
Zab 8.2
Kila bareeba Yezu bari, “Uwulila byeesi babaana bano baloma?”
Yezu wabelamo ari, “Ee, nawuliile. Ne simwasomatsakakho muri, ‘khukhwaama mu khanwa khe babaana ni baŋaalye, wayiŋoonaŋoonela lubuyi?’ ”
17Aryo Yezu wabalekha, warura mu shiriimba, watsya i Besaniya esi akonela shiilo isho.
Yezu awuuma kusaala ku Figi
(Mrk 11.12-14,20-24)
18Kumutikhinyi mu mamilimili, Yezu aba elayo mu shiriimba, intsala abe ilikho imulya. 19Aryo nga waboone kusaala ku Figi khu ndulo khwe ntsila, watsyakho, ne walekha khunyoolakho shishiindu shoosi ta, akhali kamasaafu konyene. Kila Yezu waloma kusaala ari, “Kusaalawe, s'ukane wanatsakekho bibyaano lundi ta.” Ni abweene awo, kusaala kwanialilawo.
20Ne baleekelwa ni baabona shino beyaanga naabi nga baloma bari, “Kusaala ku figi kuno kunialile kuryeena khangu akho?”
21 #
Mat 17.20; 1 Kor 13.2 Yezu wabelamo ari, “Ilala ise imbaboolela inywe ndi, ni muba ni khufukiilila, mwalekha khwikanakana ta, munyala khukhola isho shishikholewele khu kusaala ku figi kuno kwe bibyaano, ni khulooselakho, munyala khuloma lukiingi luno muri, ‘Wamweene sutikha busa utsye, wituume mu nyaantsa,’ ni nasho shilikholebwa. 22Ni muba ni khufukiilila, muliweebwa shoosi shoosi sheesi mukana mu khuloomba khweenywe.”
Shireebo shishiwamba khu bunyala bwa Yezu
(Mrk 11.27-33; Luk 20.1-8)
23Yezu wenjila mu Lisaayilo Likhulu, ne n'aba nga aleekela, basaayi bakhulu ni basakhulu be babaandu beetsa is'ali, bamureeba bari, “Uli na bunyala shiina bubukhukholisa bibiindu bino? Naanu uwakhuwa bunyala buno?”
24Yezu wabelamo ari, “Nase kane imbareebe shireebo shitweela. Ne nga mwantsililemo, nase kane imbaboolele bunyala nga ni buli bubungolesa ise bibiindu bino. 25Khubatisibwa khwa Yohana Umubatisa khwama ena? Khwama mwikulu namwe khwama mu baandu?”
Bareebana bonyene na bonyene nga baloma bari, “Ni kane khulome khuri, khwama mwikulu, kane akhureebe ari, ‘Ne shiina kila mukhamufukiilila?’ 26Ne ni kane khulome khuri, khwama mu baandu, khurya lituuli lye babaandu, lwekhuba boosi bamanya bari, Yohana Umubatisa aba umuŋoosi.” 27Ni nashiryo belamo Yezu bari, “Sikhumanya ta.”
Yezu naye wabelamo ari, “Ni nase singene imbaboolele bunyala ni buli bubungolesa bibiindu bino ta.”
Lusimo lwe basooleli babili
28“Inywe mwambaasa murye? Abawo umusaani mutweela, uwaba ni babaana beewe basooleli babili. Watsya isi unyoowa wamuloma ari, ‘Mwana wase, tsya uraambe mu mukuunda kwe kimisabibu shaleelo.’ 29Umwaana yuno welamo ari, ‘Shinatsya ta.’ Ne lwanyuma webiiyisa mu mwoyo kweewe, watsya. 30Lwanyuma umusaali tsana watsya isi uwe khabili, wamulomela aryo, nga n'alomela uwanyoowa. Umusooleli yuno welamo ari, ‘Ee paapa.’ Ne walekha khuutsya khuraamba ta.”
31Kila Yezu abareeba ari, “Khu babili bano, naanu uwakhola sheesi paapa waabwe akana?”
Nabo belamo bari, “Uwanyoowa.”
Yezu wabaloma ari, “Ilala imbaboolela ndi, babusanisi be kumusolo, ni bamalaaya balikho babanyoowa inywe khukhwinjila mu Buyiinga bwa Wele. 32#Luk 3.12; 7.29,30Lwekhuba Yohana Umubatisa etsa isi muli khubokesa intsila ye bukwalaafu, ne inywe mwalekha khumufukiilila ta, ne babusanisi be kumusolo ni bamalaaya bamufukiilila. Ne akhaba nga mwabona muryo, simwakyelawo mwebiiyisa, mwamufukiilila ta.”
Lusimo lwe balimi mu mukuunda
(Mrk 12.1-12; Luk 20.9-19)
33 #
Isay 5.1,2 Yezu wababoolela lusimo lulundi ari: “Abawo umusaani mweene mukuunda, uwabyaalamo kumusabibu kweewe. Wakusirira lumako khukubotokhelela, wayabilamo lirokelo lye viini, wombekhamo kumunaala. Lwanyuma wapangisisa kumukuunda tsana isi balimi, aryo wamawo, watsya mu shiibala she aleeyi. 34Imbuka ye likyesa ni yoola, warumana babakaanisi beewe isi balimi, ari bamuwekho bibyaano byamwo.
35“Ne balimi bawamba babakaanisi beewe, mutweela bamukhupaka, ukuundi bamwiira, n'uwe khataru bamukhupa kamabaale. 36Lundi ndi warumanayo babakaanisi babaandi, babafuurakho babanyoowa. Ne nabo babakhola baryo nga babanyoowa. 37Lwanyuma wabarumanila umwaana weewe umweene, nga aloma ari, ‘Manya lukanile kane besemo umwaana wase shiriifwa.’
38“Ne balimi ni baabona umwaana w'omweene mukuunda, bekuta bonyene bari, ‘Mbo oyu niye umusikha, yiitsa khumwiire, khuyile busikha bweewe.’ 39Baryo bamuwamba, bamutuuma ibulafu we kumukuunda, bamwiira.”
40Ulwo Yezu wabareeba ari, “Nga umweene mukuunda wetsile, balimi ibo alibakhola aryeena?”
41Nabo bamwiilamo bari, “Babaandu baabi ibo, alibahesa, ni kumukuunda akupangise isi balimi babaandi, babaalimuwa bibyaano byeewe mu mbuka inyene iye likyesa.”
42 #
Zab 118.22,23 Aryo kila Yezu abaloma ari,
“Mwakhusomatsakakho bibyaronebwa bikhosefu bibiloma biri,
‘Libaale lyeesi babombekhi bekaana,
lyashuukha lyekyela khuuba kumurwe kwe musoonda.
Umukasya umweene niye uwakhola shino,
lundi shiyaangisa mu moni tseefwe.’
43“Nashiryo, imbaboolela ndi, Buyiinga bwa Wele bulibarusibwakho inywe buweebwe linaambo lilinyala lyaana bibyaano bilayi. 44Umuundu yeesi ukwa khu libaale lino alifuniakikhaka busa, ne uyo esi lilikwakho, lilimubulyungulaka busa.”
45Baryo basaayi bakhulu ni Bafarisaayo nga bawuliile tsisimo tsa Yezu tsino, bamanya bari aba alikhubaloma khu nibo. 46Baryo bakhakakho naabi khuweentsa imbuka bamuwambe, ne baarya kamatuuli lwekhuba babaandu bamwambaasa khuuba umuŋoosi.
Currently Selected:
Matayo 21: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 21
21
Yezu enjila mu Yerusalemu ni shiriifwa
(Mrk 11.1-11; Luk 19.28-40; Yoh 12.12-19)
1Ne ni baaba nga bali ambi khukhwoola i Yerusalemu, beetsa i Betifage, khu lukiingi lwe Kimizeyituni. Yezu warumana babili khu baleekelwa beewe, 2nga abaloma ari, Ni mutsye mu shaalo shishibali ibweeni, khangu akho kane munyoole ipunda nga bakibowele ni nyana yayo. Mutsabule, mutsinderere. 3Ne umuundu yeesi n'abalomayo ilomo yoosi, mumuloma muri, “Umukasya niye utsikana, ni naye kane atsakaanise khangu akho.”
4Shino shakholekha khukhwolelesa shishakanikhibwa khubirira mu muŋoosi shiri,
5 #
Zek 9.9
“Boolela shiriimba sha Sayuuni muri,
‘Bona umuyiinga woowo etsa is'uli,
umuwolu lundi nga etsila khu sikilya
ni khu nyana ye sikilya.’ ”
6Baleekelwa baatsya, banyoola nga Yezu n'abalomela. 7Baryo bareera ipunda, ni nyana yayo, batsibiimbakho tsingubo tsaawe, naye Yezu wekhalakho. 8Lituuli lye babaandu bakali baala tsingubo khu ntsila, ne babaandi barema tsisakya khu bisaala, baala khu ntsila.#21.8 yino yabatsaka isaambo yeesi babaandu Bayudaaya bakaanilatsakamo umuundu uwe shiriifwa. 9#Zab 118.25,26Lituuli lye babaandu babaaba baraangiile, ni naabo babaaba bamuloondelekho, bayokesela angaaki bari: “Hosana#21.9 Hosana, shamanyisa shiri “N'ukhuwonese,” ne khufuurisa shiraambisibwa khumanyisa khuruuya Wele. isi Umwitsukhulu wa Daudi, ali ni khabi uyo uwitsila mu lisiina ly'Omukasya. Hosana, angaaki lukali.”
10Aryo Yezu ni enjila mu Yerusalemu, shiriimba shoosi shayeŋanisibwa, nga baloma bari, “Naanu uyu?”
11Kamatuuli ke babaandu belamo bari, “Oyu niye Umuŋoosi Yezu, uwama mu Nazareti mu Galilaaya.”
Yezu atsya mu Lisaayilo Likhulu
(Mrk 11.15-19; Luk 19.45-48; Yoh 2.13-22)
12Yezu wenjila mu Lisaayilo Likhulu lya Wele, watimisa warusa ibulafu ibo boosi babaaba bakulaanilamo. Wafumalikhaka tsimeetsa tsaabo babaaba bakulaanisa tsinusu, ni bitsoloŋo byaabo babakulisa kamawuusi. 13#Isay 56.7; Yer 7.11Yezu wabaloma ari, “Sharonebwa mu byaronebwa bikhosefu shiri, ‘Intsu yase kane ilaangibwatsake intsu iye khuloomba, ne inywe mwakikalusile khuuba lifuluma lye banuuli.’ ”
14Lwanyuma, babofu ni baleme beetsa is'ali mu Lisaayilo Likhulu, wabawonesa boosi. 15Ne basaayi bakhulu ni baleekeli be kamakaambila ka Musa bakhalala naabi ni babona bibiindu bye kamakaanga byeesi Yezu akhola, ni babaana nga bayokesela angaaki mu Lisaayilo Likhulu bari, “Hosana isi Umwitsukhulu wa Daudi.”
16 #
Zab 8.2
Kila bareeba Yezu bari, “Uwulila byeesi babaana bano baloma?”
Yezu wabelamo ari, “Ee, nawuliile. Ne simwasomatsakakho muri, ‘khukhwaama mu khanwa khe babaana ni baŋaalye, wayiŋoonaŋoonela lubuyi?’ ”
17Aryo Yezu wabalekha, warura mu shiriimba, watsya i Besaniya esi akonela shiilo isho.
Yezu awuuma kusaala ku Figi
(Mrk 11.12-14,20-24)
18Kumutikhinyi mu mamilimili, Yezu aba elayo mu shiriimba, intsala abe ilikho imulya. 19Aryo nga waboone kusaala ku Figi khu ndulo khwe ntsila, watsyakho, ne walekha khunyoolakho shishiindu shoosi ta, akhali kamasaafu konyene. Kila Yezu waloma kusaala ari, “Kusaalawe, s'ukane wanatsakekho bibyaano lundi ta.” Ni abweene awo, kusaala kwanialilawo.
20Ne baleekelwa ni baabona shino beyaanga naabi nga baloma bari, “Kusaala ku figi kuno kunialile kuryeena khangu akho?”
21 #
Mat 17.20; 1 Kor 13.2 Yezu wabelamo ari, “Ilala ise imbaboolela inywe ndi, ni muba ni khufukiilila, mwalekha khwikanakana ta, munyala khukhola isho shishikholewele khu kusaala ku figi kuno kwe bibyaano, ni khulooselakho, munyala khuloma lukiingi luno muri, ‘Wamweene sutikha busa utsye, wituume mu nyaantsa,’ ni nasho shilikholebwa. 22Ni muba ni khufukiilila, muliweebwa shoosi shoosi sheesi mukana mu khuloomba khweenywe.”
Shireebo shishiwamba khu bunyala bwa Yezu
(Mrk 11.27-33; Luk 20.1-8)
23Yezu wenjila mu Lisaayilo Likhulu, ne n'aba nga aleekela, basaayi bakhulu ni basakhulu be babaandu beetsa is'ali, bamureeba bari, “Uli na bunyala shiina bubukhukholisa bibiindu bino? Naanu uwakhuwa bunyala buno?”
24Yezu wabelamo ari, “Nase kane imbareebe shireebo shitweela. Ne nga mwantsililemo, nase kane imbaboolele bunyala nga ni buli bubungolesa ise bibiindu bino. 25Khubatisibwa khwa Yohana Umubatisa khwama ena? Khwama mwikulu namwe khwama mu baandu?”
Bareebana bonyene na bonyene nga baloma bari, “Ni kane khulome khuri, khwama mwikulu, kane akhureebe ari, ‘Ne shiina kila mukhamufukiilila?’ 26Ne ni kane khulome khuri, khwama mu baandu, khurya lituuli lye babaandu, lwekhuba boosi bamanya bari, Yohana Umubatisa aba umuŋoosi.” 27Ni nashiryo belamo Yezu bari, “Sikhumanya ta.”
Yezu naye wabelamo ari, “Ni nase singene imbaboolele bunyala ni buli bubungolesa bibiindu bino ta.”
Lusimo lwe basooleli babili
28“Inywe mwambaasa murye? Abawo umusaani mutweela, uwaba ni babaana beewe basooleli babili. Watsya isi unyoowa wamuloma ari, ‘Mwana wase, tsya uraambe mu mukuunda kwe kimisabibu shaleelo.’ 29Umwaana yuno welamo ari, ‘Shinatsya ta.’ Ne lwanyuma webiiyisa mu mwoyo kweewe, watsya. 30Lwanyuma umusaali tsana watsya isi uwe khabili, wamulomela aryo, nga n'alomela uwanyoowa. Umusooleli yuno welamo ari, ‘Ee paapa.’ Ne walekha khuutsya khuraamba ta.”
31Kila Yezu abareeba ari, “Khu babili bano, naanu uwakhola sheesi paapa waabwe akana?”
Nabo belamo bari, “Uwanyoowa.”
Yezu wabaloma ari, “Ilala imbaboolela ndi, babusanisi be kumusolo, ni bamalaaya balikho babanyoowa inywe khukhwinjila mu Buyiinga bwa Wele. 32#Luk 3.12; 7.29,30Lwekhuba Yohana Umubatisa etsa isi muli khubokesa intsila ye bukwalaafu, ne inywe mwalekha khumufukiilila ta, ne babusanisi be kumusolo ni bamalaaya bamufukiilila. Ne akhaba nga mwabona muryo, simwakyelawo mwebiiyisa, mwamufukiilila ta.”
Lusimo lwe balimi mu mukuunda
(Mrk 12.1-12; Luk 20.9-19)
33 #
Isay 5.1,2 Yezu wababoolela lusimo lulundi ari: “Abawo umusaani mweene mukuunda, uwabyaalamo kumusabibu kweewe. Wakusirira lumako khukubotokhelela, wayabilamo lirokelo lye viini, wombekhamo kumunaala. Lwanyuma wapangisisa kumukuunda tsana isi balimi, aryo wamawo, watsya mu shiibala she aleeyi. 34Imbuka ye likyesa ni yoola, warumana babakaanisi beewe isi balimi, ari bamuwekho bibyaano byamwo.
35“Ne balimi bawamba babakaanisi beewe, mutweela bamukhupaka, ukuundi bamwiira, n'uwe khataru bamukhupa kamabaale. 36Lundi ndi warumanayo babakaanisi babaandi, babafuurakho babanyoowa. Ne nabo babakhola baryo nga babanyoowa. 37Lwanyuma wabarumanila umwaana weewe umweene, nga aloma ari, ‘Manya lukanile kane besemo umwaana wase shiriifwa.’
38“Ne balimi ni baabona umwaana w'omweene mukuunda, bekuta bonyene bari, ‘Mbo oyu niye umusikha, yiitsa khumwiire, khuyile busikha bweewe.’ 39Baryo bamuwamba, bamutuuma ibulafu we kumukuunda, bamwiira.”
40Ulwo Yezu wabareeba ari, “Nga umweene mukuunda wetsile, balimi ibo alibakhola aryeena?”
41Nabo bamwiilamo bari, “Babaandu baabi ibo, alibahesa, ni kumukuunda akupangise isi balimi babaandi, babaalimuwa bibyaano byeewe mu mbuka inyene iye likyesa.”
42 #
Zab 118.22,23 Aryo kila Yezu abaloma ari,
“Mwakhusomatsakakho bibyaronebwa bikhosefu bibiloma biri,
‘Libaale lyeesi babombekhi bekaana,
lyashuukha lyekyela khuuba kumurwe kwe musoonda.
Umukasya umweene niye uwakhola shino,
lundi shiyaangisa mu moni tseefwe.’
43“Nashiryo, imbaboolela ndi, Buyiinga bwa Wele bulibarusibwakho inywe buweebwe linaambo lilinyala lyaana bibyaano bilayi. 44Umuundu yeesi ukwa khu libaale lino alifuniakikhaka busa, ne uyo esi lilikwakho, lilimubulyungulaka busa.”
45Baryo basaayi bakhulu ni Bafarisaayo nga bawuliile tsisimo tsa Yezu tsino, bamanya bari aba alikhubaloma khu nibo. 46Baryo bakhakakho naabi khuweentsa imbuka bamuwambe, ne baarya kamatuuli lwekhuba babaandu bamwambaasa khuuba umuŋoosi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.