Matayo 23
23
Yezu areewula baraangilisi b'ediini
(Mrk 12.38-39; Luk 11.43,46; 20.45-46)
1Lwanyuma Yezu wakanikha isi kamatuuli ke babaandu ni isi baleekelwa beewe, nga abaloma ari, 2“Baleekeli be kamakaambila ka Musa ni Bafarisaayo bayila bunyala bwa Musa. 3Ni nashiryo mwakhila khuwamba ni khukhola ibyo byoosi byeesi babaloma inywe khukhola. Ne mukhakhola nga nibo ni bakhola ta, lwekhuba nibo si bakhola byeesi baleekela ta. 4Nibo babowa bisutwa bisiro, babira khu mabeka ke babaandu babaandi, ne nibo babeene nga si bakana ni khukhwinyusa lulwala lwawe lwonyene khubayeetakho ta.
5 #
Mat 6.1
Maka 6.8
Bala 15.38
“Nibo byoosi byeesi bakhola, bakhola bari nio babaandu bababone. Babalaayisa tsisutilo tsaawe tse bibyaronebwa ni khuleyesa kamayeeye ke bikwaaro byaawe khukhwokesa bari barya Wele. 6Bakana naabi biifwo bye angaaki ali kamayiiya, ni bitsoloŋo bye shiriifwa mu ntsu tsye khukhwisaayilamo. 7Bakana naabi khusheesebwa mu butale, ni khukana naabi babaandu babalaange bari, umuleekeli.
8“Ne inywe bakhabalaangatsaka bari, umuleekeli ta, lwekhuba inywe muli n'Umukoosi mutweela, ne inywe mweesi muli be buulebe busa. 9Lundi inywe mukhalaanga umuundu yeesi mu shiibala muri, ‘Paapa’ ta, lwekhuba muli ni Paapa mutweela yenyene uli mwikulu. 10Namwe mukhalaangiwatsaka muri ‘Bakasya’ ta, lwekhuba muli n'Umukasya mutweela yenyene niye Kristu. 11#Mat 20.26,27; Mrk 9.35; 10.43,44; Luk 22.26Uyo ufuura bukhulu mus'iinywe, niye ukane abatsake umwakaanisi weenywe. 12#Luk 14.11; 18.14Lwekhuba buli mundu yeesi ukane eniinisatsake umweene, alikhisibwa asi, na buli mundu yeesi ukane eyikhisatsake asi umweene, aliniinisibwa angaaki.”
Yezu ekiitsa bubeeyi bwaabwe
(Mrk 12.40; Luk 11.39-42,44,52; 20.47)
13“Nga she kumutaambo isi inywe baleekeli be kamakaambila ka Musa, ni Bafarisaayo. Inywe babemunyakasa khu ngaaki, inywe mwikalilila babaandu babakana khukhwinjila mu Buyiinga bwe mwikulu ibulafu nga babona. Inywe mwabeene simwinjila ta, ate mukhingilila ibo babakhakakho khukhwinjila. 14Nga she kumutaambo inywe baleekeli be kamakaambila ka Musa ni Bafarisaayo, inywe babemunyakasa khu ngaaki. Munuula tsinusu tse banamulekhwa, ni khukhwiyokesana muri muloomba lukali. Nashiryo, mulikhaliwila kumusaango kukufuura burafu.
15“Nga she kumutaambo inywe baleekeli be kamakaambila ka Musa ni Bafarisaayo. Inywe babemunyakasa khu ngaaki. Mukyenda osi khu shiibala ni khukhwibotokhelela tsinyaantsa, lwe khukana khushuusa umuundu mutweela afukiilise mu diini yeenywe, ne nga wafukiiliile, mumwikyelisa khuuba umwaana we kumulilo kukukhasima ta, kimilundi kibili khufuurisa nga mwabeene ni muli.
16“Nga she kumutaambo isi inywe baraangilisi babaali babofu! Inywe muloma muri, ‘Umuundu yeesi n'akane etsubatsakile Lisaayilo Likhulu, mbaawo ilomo ta, ne uyo yeesi ukane etsubatsakile izaabu iye mwisaayilo likhulu, abowebwa ni shishitsubo sheewe.’ 17Inywe babofu basilu! Shiina shishifuura; izaabu namwe Lisaayilo Likhulu lilikyelisa izaabu khuuba ikhosefu? 18Nalundi muloma muri, ‘Umuundu yeesi ukane etsubatsake isi shisheeso, shiili lomo ta, ne uyo ukane etsubatsake isi shiwaanwa shishiili khu sheeso, abowebwa ni shishitsubo sheewe.’ 19Inywe basaani babofu! Shiina shishifuura bukhulu? Shiwaanwa namwe shisheeso shishikyelisa shiwaanwa khuuba shikhosefu? 20Ni nashiryo uyo yeesi ukane etsubatsake isi shisheeso, aba wetsubiile shisheeso sheene, ni n'ebyo byoosi bibishilikho. 21Ni nooyo ukane etsubatsakile Lisaayilo Likhulu, aba wetsubiile Lisaayilo Likhulu lyeene, ni nooyo ulimenyamo. 22#Isay 66.1; Mat 5.34Ni nooyo ukane etsubatsake isi likulu, aba wetsubiile shitsoloŋo sha Wele ni isi uyo ushikhalakho.
23 #
Lev 27.30
“Nga she kumutaambo isi inywe baleekeli be kamakaambila ka Musa ni Bafarisaayo! Inywe babemunyakasa khu ngaaki! Muwa shisiintsa shitweela she liikhumi khu biindu byeenywe bibiŋaayisa tsinyanyi nga butuungulu, ni bibintsaali, ne mwalekha khwinaanayo isi bibiindu bibifuura bukhulu bye kamakaambila, nga nibyo bwa ŋali, shiisa, bubwiyikinwa ni khufukiilila. Bino muli ni khubikhola, ne se shimanyisa shiri muli ni khutataya bibindi bibiramile ta. 24Inywe baraangilisi babofu, mukhakakho naabi khurusamo isame mu biliibwa byeenywe, ne mwamila iŋamya nga akhushimanya ta.
25“Nga she kumutaambo inywe baleekeli be kamakaambila ka Musa ni Bafarisaayo! Inywe babemunyakasa khu ngaaki! Musiinga khu ngaaki khwe shikhopo ni sowani, ne mukari mwayitsula bulyaanga, ni khukhwiiliisa mwabeene mwenyene! 26Iwe Umufarisaayo umubofu! Nyoowa usiinge mukari mwe shikhopo ni sowani, nio akile ni khu ngaaki nakhwo khube khumiliwu.
27 #
Bur 23.3
“Nga she kumutaambo inywe baleekeli be kamakaambila ka Musa ni Bafarisaayo! Inywe babemunyakasa khu ngaaki! Inywe muli nga tsiŋani tseesi bawakha luloongo luwanga, nga tsibonekha bulayi khu ngaaki, ne nga mukari tsetsuule kamakuumba ke baafu, ni bunyaalu bwoosi. 28Ni musaambo niyo ndweela, nanywe mubonekha mu baandu bulayi khu ngaaki, nga bakwalaafu, ne mukari mweenywe mwayitsula bubeeyi, ni bubwonaki bukali.
Yezu aruumbula bitaambiso bibikheetse muumoni
(Luk 11.47-51)
29“Nga she kumutaambo isi inywe baleekeli be kamakaambila ka Musa ni Bafarisaayo! Inywe babemunyakasa khu ngaaki! Inywe mwombekha tsiŋani tse baŋoosi, nalundi mwawakha mwamiliisa tsiŋani tse bakhosefu. 30Mwamala mwaloma muri, ‘Khuba nga khukhwabawo mu bifukhu bye bakuuka beefwe, khali sikhwetubaasa ni nabo mu khutsukha kamafuki ke baŋoosi ta.’ 31Muryo inywe mwekhaliile khaale kumusaango muri, inywe muli babaana baabo babeera baŋoosi. 32Aso, inywe ni mwiloosele mumalilise kumulimo kweesi bakuuka beenywe barakikha!
33 #
Mat 3.7; 12.34; Luk 3.7 “Inywe tsindemu! Lundi inywe babaana be tsindemu tse buutwa! Muliwona muryeena khuubakhalila kumusaango kwe kumulilo kukukhasima ta? 34Nashiryo ise indibarumanila baŋoosi ni basaani be kamakyesi, ni baleekeli. Batweela khu nibo mulibeera, mubatsaangilile khu misalaba, babaandi khu nibo mubakhupe tsimiimbo nga bali mu ntsu tseenywe tse khukhwisaayilamo, nga mubakubyeenga khukhwaama mu shiriimba shitweela khukhwoola mu shiindi. 35#Rak 4.8 2 Kim 24.20,21Ni shishamamo nisho shitaambiso she kamafuki ke bakhosefu kakatsutsukha khu shiibala, shishiliikwa khwiinywe, khukhwaama khu mafuki ka Abeli, khukhwolesa khu mafuki ka Zekariya, umwaana wa Berekiya, isi mwerira akari e Lisaayilo Likhulu ni shisheeso. 36Ilala imbaboolela ndi, shitaambiso isho shoosi shiliitsa khu baandu be kumuboolo kuno.”
Yezu akana naabi Yerusalemu
(Luk 13.34-35)
37“O Yerusalemu, Yerusalemu! Iwe uwiira baŋoosi, nalundi wakhupa kamabaale ibo babarumaniwa is'uli, tsifuunda tseenga tseesi nakanila khubusanisa babaandu boowo atweela nga ingokho ni busanisa bubwaana bwayo mu ndaha tsayo, ne iwe walekha khufukiilila ta! 38#Yer 22.5Ne bona intsu yoowo yalekhewele nga likubili busa. 39#Zab 118.26Ari ikhuboolela ndi, khukhwaama shaleelo, s'ukane umbonekho lundi ta, khukhwolesa ni muliloma muri, ‘Ali ni khabi uyo uwiitsila mu lisiina ly'Omukasya.’ ”
Currently Selected:
Matayo 23: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 23
23
Yezu areewula baraangilisi b'ediini
(Mrk 12.38-39; Luk 11.43,46; 20.45-46)
1Lwanyuma Yezu wakanikha isi kamatuuli ke babaandu ni isi baleekelwa beewe, nga abaloma ari, 2“Baleekeli be kamakaambila ka Musa ni Bafarisaayo bayila bunyala bwa Musa. 3Ni nashiryo mwakhila khuwamba ni khukhola ibyo byoosi byeesi babaloma inywe khukhola. Ne mukhakhola nga nibo ni bakhola ta, lwekhuba nibo si bakhola byeesi baleekela ta. 4Nibo babowa bisutwa bisiro, babira khu mabeka ke babaandu babaandi, ne nibo babeene nga si bakana ni khukhwinyusa lulwala lwawe lwonyene khubayeetakho ta.
5 #
Mat 6.1
Maka 6.8
Bala 15.38
“Nibo byoosi byeesi bakhola, bakhola bari nio babaandu bababone. Babalaayisa tsisutilo tsaawe tse bibyaronebwa ni khuleyesa kamayeeye ke bikwaaro byaawe khukhwokesa bari barya Wele. 6Bakana naabi biifwo bye angaaki ali kamayiiya, ni bitsoloŋo bye shiriifwa mu ntsu tsye khukhwisaayilamo. 7Bakana naabi khusheesebwa mu butale, ni khukana naabi babaandu babalaange bari, umuleekeli.
8“Ne inywe bakhabalaangatsaka bari, umuleekeli ta, lwekhuba inywe muli n'Umukoosi mutweela, ne inywe mweesi muli be buulebe busa. 9Lundi inywe mukhalaanga umuundu yeesi mu shiibala muri, ‘Paapa’ ta, lwekhuba muli ni Paapa mutweela yenyene uli mwikulu. 10Namwe mukhalaangiwatsaka muri ‘Bakasya’ ta, lwekhuba muli n'Umukasya mutweela yenyene niye Kristu. 11#Mat 20.26,27; Mrk 9.35; 10.43,44; Luk 22.26Uyo ufuura bukhulu mus'iinywe, niye ukane abatsake umwakaanisi weenywe. 12#Luk 14.11; 18.14Lwekhuba buli mundu yeesi ukane eniinisatsake umweene, alikhisibwa asi, na buli mundu yeesi ukane eyikhisatsake asi umweene, aliniinisibwa angaaki.”
Yezu ekiitsa bubeeyi bwaabwe
(Mrk 12.40; Luk 11.39-42,44,52; 20.47)
13“Nga she kumutaambo isi inywe baleekeli be kamakaambila ka Musa, ni Bafarisaayo. Inywe babemunyakasa khu ngaaki, inywe mwikalilila babaandu babakana khukhwinjila mu Buyiinga bwe mwikulu ibulafu nga babona. Inywe mwabeene simwinjila ta, ate mukhingilila ibo babakhakakho khukhwinjila. 14Nga she kumutaambo inywe baleekeli be kamakaambila ka Musa ni Bafarisaayo, inywe babemunyakasa khu ngaaki. Munuula tsinusu tse banamulekhwa, ni khukhwiyokesana muri muloomba lukali. Nashiryo, mulikhaliwila kumusaango kukufuura burafu.
15“Nga she kumutaambo inywe baleekeli be kamakaambila ka Musa ni Bafarisaayo. Inywe babemunyakasa khu ngaaki. Mukyenda osi khu shiibala ni khukhwibotokhelela tsinyaantsa, lwe khukana khushuusa umuundu mutweela afukiilise mu diini yeenywe, ne nga wafukiiliile, mumwikyelisa khuuba umwaana we kumulilo kukukhasima ta, kimilundi kibili khufuurisa nga mwabeene ni muli.
16“Nga she kumutaambo isi inywe baraangilisi babaali babofu! Inywe muloma muri, ‘Umuundu yeesi n'akane etsubatsakile Lisaayilo Likhulu, mbaawo ilomo ta, ne uyo yeesi ukane etsubatsakile izaabu iye mwisaayilo likhulu, abowebwa ni shishitsubo sheewe.’ 17Inywe babofu basilu! Shiina shishifuura; izaabu namwe Lisaayilo Likhulu lilikyelisa izaabu khuuba ikhosefu? 18Nalundi muloma muri, ‘Umuundu yeesi ukane etsubatsake isi shisheeso, shiili lomo ta, ne uyo ukane etsubatsake isi shiwaanwa shishiili khu sheeso, abowebwa ni shishitsubo sheewe.’ 19Inywe basaani babofu! Shiina shishifuura bukhulu? Shiwaanwa namwe shisheeso shishikyelisa shiwaanwa khuuba shikhosefu? 20Ni nashiryo uyo yeesi ukane etsubatsake isi shisheeso, aba wetsubiile shisheeso sheene, ni n'ebyo byoosi bibishilikho. 21Ni nooyo ukane etsubatsakile Lisaayilo Likhulu, aba wetsubiile Lisaayilo Likhulu lyeene, ni nooyo ulimenyamo. 22#Isay 66.1; Mat 5.34Ni nooyo ukane etsubatsake isi likulu, aba wetsubiile shitsoloŋo sha Wele ni isi uyo ushikhalakho.
23 #
Lev 27.30
“Nga she kumutaambo isi inywe baleekeli be kamakaambila ka Musa ni Bafarisaayo! Inywe babemunyakasa khu ngaaki! Muwa shisiintsa shitweela she liikhumi khu biindu byeenywe bibiŋaayisa tsinyanyi nga butuungulu, ni bibintsaali, ne mwalekha khwinaanayo isi bibiindu bibifuura bukhulu bye kamakaambila, nga nibyo bwa ŋali, shiisa, bubwiyikinwa ni khufukiilila. Bino muli ni khubikhola, ne se shimanyisa shiri muli ni khutataya bibindi bibiramile ta. 24Inywe baraangilisi babofu, mukhakakho naabi khurusamo isame mu biliibwa byeenywe, ne mwamila iŋamya nga akhushimanya ta.
25“Nga she kumutaambo inywe baleekeli be kamakaambila ka Musa ni Bafarisaayo! Inywe babemunyakasa khu ngaaki! Musiinga khu ngaaki khwe shikhopo ni sowani, ne mukari mwayitsula bulyaanga, ni khukhwiiliisa mwabeene mwenyene! 26Iwe Umufarisaayo umubofu! Nyoowa usiinge mukari mwe shikhopo ni sowani, nio akile ni khu ngaaki nakhwo khube khumiliwu.
27 #
Bur 23.3
“Nga she kumutaambo inywe baleekeli be kamakaambila ka Musa ni Bafarisaayo! Inywe babemunyakasa khu ngaaki! Inywe muli nga tsiŋani tseesi bawakha luloongo luwanga, nga tsibonekha bulayi khu ngaaki, ne nga mukari tsetsuule kamakuumba ke baafu, ni bunyaalu bwoosi. 28Ni musaambo niyo ndweela, nanywe mubonekha mu baandu bulayi khu ngaaki, nga bakwalaafu, ne mukari mweenywe mwayitsula bubeeyi, ni bubwonaki bukali.
Yezu aruumbula bitaambiso bibikheetse muumoni
(Luk 11.47-51)
29“Nga she kumutaambo isi inywe baleekeli be kamakaambila ka Musa ni Bafarisaayo! Inywe babemunyakasa khu ngaaki! Inywe mwombekha tsiŋani tse baŋoosi, nalundi mwawakha mwamiliisa tsiŋani tse bakhosefu. 30Mwamala mwaloma muri, ‘Khuba nga khukhwabawo mu bifukhu bye bakuuka beefwe, khali sikhwetubaasa ni nabo mu khutsukha kamafuki ke baŋoosi ta.’ 31Muryo inywe mwekhaliile khaale kumusaango muri, inywe muli babaana baabo babeera baŋoosi. 32Aso, inywe ni mwiloosele mumalilise kumulimo kweesi bakuuka beenywe barakikha!
33 #
Mat 3.7; 12.34; Luk 3.7 “Inywe tsindemu! Lundi inywe babaana be tsindemu tse buutwa! Muliwona muryeena khuubakhalila kumusaango kwe kumulilo kukukhasima ta? 34Nashiryo ise indibarumanila baŋoosi ni basaani be kamakyesi, ni baleekeli. Batweela khu nibo mulibeera, mubatsaangilile khu misalaba, babaandi khu nibo mubakhupe tsimiimbo nga bali mu ntsu tseenywe tse khukhwisaayilamo, nga mubakubyeenga khukhwaama mu shiriimba shitweela khukhwoola mu shiindi. 35#Rak 4.8 2 Kim 24.20,21Ni shishamamo nisho shitaambiso she kamafuki ke bakhosefu kakatsutsukha khu shiibala, shishiliikwa khwiinywe, khukhwaama khu mafuki ka Abeli, khukhwolesa khu mafuki ka Zekariya, umwaana wa Berekiya, isi mwerira akari e Lisaayilo Likhulu ni shisheeso. 36Ilala imbaboolela ndi, shitaambiso isho shoosi shiliitsa khu baandu be kumuboolo kuno.”
Yezu akana naabi Yerusalemu
(Luk 13.34-35)
37“O Yerusalemu, Yerusalemu! Iwe uwiira baŋoosi, nalundi wakhupa kamabaale ibo babarumaniwa is'uli, tsifuunda tseenga tseesi nakanila khubusanisa babaandu boowo atweela nga ingokho ni busanisa bubwaana bwayo mu ndaha tsayo, ne iwe walekha khufukiilila ta! 38#Yer 22.5Ne bona intsu yoowo yalekhewele nga likubili busa. 39#Zab 118.26Ari ikhuboolela ndi, khukhwaama shaleelo, s'ukane umbonekho lundi ta, khukhwolesa ni muliloma muri, ‘Ali ni khabi uyo uwiitsila mu lisiina ly'Omukasya.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.