Matayo 20
20
Lusimo lwe baraambi mu mukuunda kwe kimisabibu
1Yezu waboolela lusimo lulundi ari, “Buyiinga bwe mwikulu bufwananakho n'umuundu uwaba mweene mukuunda, uwarura kumutikhinyi, mu mamilimili, khuutsya khupangisa babaandu bamuraambile mu mukuunda kweewe kwe kimisabibu. 2Naye aryo n'amala khufukiilisana ni nabo khubasasula i Dinari ndweela iyaba kumukheemba kwe shifukhu, wabarumana mu mukuunda kweewe kwe kimisabibu. 3Ne n'arura lundi khu saawa iye khataru, wabona babaandu babaandi beemile awo mu khatale nga mbaawo sheesi bali khukhola ta. 4Nabo wabaloma ari, ‘Ni nanywe ni mutsye muraambe mu mukuunda kwase kwe kimisabibu, nase kane imbasasule shishakhila.’ 5Nabo baryo baatsya.
“Warura lundi khu saawa iye khasesaba, ni khu saawa iye shisheenda, wakhola shishiindu sheene nisho shitweela. 6Ne lundi ndi khu saawa iye liikhumi na ndweela, wanyoola babaandi nga beemile awo busa, nabo wabaloma ari, ‘Lwashiina inywe mwemile ano busa nga mbaawo sheesi mukhola shifukhu shoosi ta?’ 7Nabo bamwiilamo bari, ‘Lwekhuba mbaawo umuundu yeesi ukhupangisile ta.’
“Naye wabaloma ari, ‘Ni nanywe ni mutsye muraambe mu mukuunda kwase kwe kimisabibu.’ ”
8 #
Lev 19.13; Maka 24.15 “Buryo antsye ni bwoola angoloobe, umweene mukuunda tsana walomela umuraambisi weewe ari, ‘laanga baraambi ubasasule kumukheemba kwawe, nga unyoowela khu beetsile lwanyuma, umaliliseyo ni babanyoowele.’ 9Ne ibo babasimama khuraamba khu saawa iye liikhumi na ndweela ni beetsa, buli mutweela wafuna i Dinari iyaba kumukheemba kwe shifukhu. 10Ibo nabo babanyoowa khupangisibwa ni beetsa, bambaasa bari batsya khufuna khufuurisakho. Ne buli mutweela khu nibo wafuna i Dinari nyene ndweela. 11Ne ni baamala khufuna, beŋuluŋuunyila umweene mukuunda 12nga baloma bari, ‘Bano babeetsile lwanyuma baraambila isaawa ndweela yonyene, wabalekhaasa ni nafwe, khukhurekanile ni busiro bwe shifukhu shoosi kumuumu nga kukhwoosha?’
13“Ne naye welamo mutweela khu nibo ari, ‘Mulebe, ise nakhukhubirisa buubi ta. Shimufukiilisaane ni nase i dinari ndweela iye shifukhu? 14Bukula kumukheemba kwoowo utsye. Ise ngana khuuwa ukuundi yuno umumaliilisi nga iwe. 15Wambaasa ise siindi ni bunyala khukhola byeesi ingana ni tsinusu tsase? Namwe undola ise imoni imbi lwe buulayi bwase?’ ”
16 #
Mat 19.30; Mrk 10.31; Luk 13.30 Yezu wamalilisa ari, “Baryo bamalilisi baliiba babanyoowa, ni babanyoowa, baliiba bamalilisi.”
Yezu akanikha lundi khu bye khufwa khweewe
(Mrk 10.32-34; Luk 18.31-34)
17Lwanyuma Yezu n'aba nga aniina i Yerusalemu, wayila baleekelwa liikhumi na babili andulo, wabaloma ari, 18“Bona ari khuniina i Yerusalemu, ne Umwaana w'Omuundu balimuwaanayo isi basaayi bakhulu, n'isi baleekeli be kamakaambila ka Musa. Nabo balimukhalila kumusaango kwe khuufwa, 19nalundi bamuwaaneyo isi Banaambo#20.19 bano baaba Baroma babaaba bawula Yuda mu biseela ibyo. khumutyabila, bamukhupe, lundi atsaangililwe khu musalaba. Ne khu shifukhu she khataru, alilamusibwa khukhwaama mu bafu.”
Mayi uwe babaana babili aloomba Yezu
(Mrk 10.35-45)
20Lwanyuma maayi we babaana ba Zebedaayo weetsa isi Yezu ni babaana beewe, wafukhama asi nga alikho ni sheesi akana khumuloomba.
21Yezu wamureeba ari “Ukana shiina?”
Naye welamo Yezu ari, “Fukiilisa uri babaana baase bano boombi kane bekhale, mutweela khu mukhono kwoowo kumulayi n'ukuundi khu mukhono kwoowo kumunyeletsi mu Buyiinga bwoowo.”
22Yezu wabelamo ari, “Inywe si mumanya sheesi muloomba ta. Inywe munyala khuunywa khu shikhopo she butsiina sheesi ise intsya khunywakho?”
Nabo bamwiilamo bari, “Ee khunyala.”
23Yezu wabaloma ari, “Ilala khu shikhopo shase she butsiina mulinywakho, ne bye khukhwikhala khu mukhono kwase kumulayi, namwe khu munyeletsi, shiili ise ukhukaba ta. Biifwo ibyo byaabo beesi Paapa wase amala khubiŋoonaŋoonela.”
24Ne baleekelwa babaramile liikhumi ni bawulila shino, bakhalalila babili bano, babaaba wandaaye ni wandaaye. 25#Luk 22.25,26Yezu wabalaanga boosi atweela is'ali, wabaloma ari, “Mwamanya muri bawuli be Banaambo babayila ni kamaani. Ni baraangilisi baawe be angaaki bababakho ni bunyala. 26#Mat 23.11; Mrk 9.35; Luk 22.26Ne mus'iinywe singene shibe shiryo ta. Akhali ndi buli mundu yeesi ukana khuuba umukhulu mwiinywe, akha khuuba umwakaanisi wenywe, 27ni nooyo ukana khuuba unyoowa mwiinywe akha khuuba umwakaanisi wenywe. 28Nga ni shili ndi Umwaana w'Omuundu s'etsa khukhwakaanisibwa ta, ne njeeba khukhwakaanisa, ni khuwanayo bulamu bweewe khuuba she khusikula lwe khuwonesa bakali.”
Yezu awonesa basaani babofu babili
(Mrk 10.46-52; Luk 18.35-43)
29Ne Yezu ni baleekelwa beewe ni baaba nga barura mu Yeriko, lituuli lye babaandu bakali lyamuloondakho. 30Ne abawo basaani babofu babili babaaba bekhaale khu ndulo khwe ntsila, ni bawulila bari Yezu alikho abirawo, balomela angaaki bari, “Umukasya, Mwitsukhulu wa Daudi, khuwaambile shiisa!”
31Ne lituuli lye babaandu lyabarafuyila, nga babaloma bari basile busa, ne babofu beloosela khulomela angaaki bari, “Umukasya, Mwitsukhulu wa Daudi, khuwaambile shiisa.”
32Kila Yezu weema, wabalaanga. Wabareeba ari, “Mukana ise imbakholele shiina?”
33Nabo bamwiilamo bari, “Umukasya, khukana tsimoni tseefwe tsibimbukhe.”
34Yezu wabawambila shiisa, watiila khu moni tsaawe. Lubaluba, banyalisa khubona, bamuloondelela.
Currently Selected:
Matayo 20: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 20
20
Lusimo lwe baraambi mu mukuunda kwe kimisabibu
1Yezu waboolela lusimo lulundi ari, “Buyiinga bwe mwikulu bufwananakho n'umuundu uwaba mweene mukuunda, uwarura kumutikhinyi, mu mamilimili, khuutsya khupangisa babaandu bamuraambile mu mukuunda kweewe kwe kimisabibu. 2Naye aryo n'amala khufukiilisana ni nabo khubasasula i Dinari ndweela iyaba kumukheemba kwe shifukhu, wabarumana mu mukuunda kweewe kwe kimisabibu. 3Ne n'arura lundi khu saawa iye khataru, wabona babaandu babaandi beemile awo mu khatale nga mbaawo sheesi bali khukhola ta. 4Nabo wabaloma ari, ‘Ni nanywe ni mutsye muraambe mu mukuunda kwase kwe kimisabibu, nase kane imbasasule shishakhila.’ 5Nabo baryo baatsya.
“Warura lundi khu saawa iye khasesaba, ni khu saawa iye shisheenda, wakhola shishiindu sheene nisho shitweela. 6Ne lundi ndi khu saawa iye liikhumi na ndweela, wanyoola babaandi nga beemile awo busa, nabo wabaloma ari, ‘Lwashiina inywe mwemile ano busa nga mbaawo sheesi mukhola shifukhu shoosi ta?’ 7Nabo bamwiilamo bari, ‘Lwekhuba mbaawo umuundu yeesi ukhupangisile ta.’
“Naye wabaloma ari, ‘Ni nanywe ni mutsye muraambe mu mukuunda kwase kwe kimisabibu.’ ”
8 #
Lev 19.13; Maka 24.15 “Buryo antsye ni bwoola angoloobe, umweene mukuunda tsana walomela umuraambisi weewe ari, ‘laanga baraambi ubasasule kumukheemba kwawe, nga unyoowela khu beetsile lwanyuma, umaliliseyo ni babanyoowele.’ 9Ne ibo babasimama khuraamba khu saawa iye liikhumi na ndweela ni beetsa, buli mutweela wafuna i Dinari iyaba kumukheemba kwe shifukhu. 10Ibo nabo babanyoowa khupangisibwa ni beetsa, bambaasa bari batsya khufuna khufuurisakho. Ne buli mutweela khu nibo wafuna i Dinari nyene ndweela. 11Ne ni baamala khufuna, beŋuluŋuunyila umweene mukuunda 12nga baloma bari, ‘Bano babeetsile lwanyuma baraambila isaawa ndweela yonyene, wabalekhaasa ni nafwe, khukhurekanile ni busiro bwe shifukhu shoosi kumuumu nga kukhwoosha?’
13“Ne naye welamo mutweela khu nibo ari, ‘Mulebe, ise nakhukhubirisa buubi ta. Shimufukiilisaane ni nase i dinari ndweela iye shifukhu? 14Bukula kumukheemba kwoowo utsye. Ise ngana khuuwa ukuundi yuno umumaliilisi nga iwe. 15Wambaasa ise siindi ni bunyala khukhola byeesi ingana ni tsinusu tsase? Namwe undola ise imoni imbi lwe buulayi bwase?’ ”
16 #
Mat 19.30; Mrk 10.31; Luk 13.30 Yezu wamalilisa ari, “Baryo bamalilisi baliiba babanyoowa, ni babanyoowa, baliiba bamalilisi.”
Yezu akanikha lundi khu bye khufwa khweewe
(Mrk 10.32-34; Luk 18.31-34)
17Lwanyuma Yezu n'aba nga aniina i Yerusalemu, wayila baleekelwa liikhumi na babili andulo, wabaloma ari, 18“Bona ari khuniina i Yerusalemu, ne Umwaana w'Omuundu balimuwaanayo isi basaayi bakhulu, n'isi baleekeli be kamakaambila ka Musa. Nabo balimukhalila kumusaango kwe khuufwa, 19nalundi bamuwaaneyo isi Banaambo#20.19 bano baaba Baroma babaaba bawula Yuda mu biseela ibyo. khumutyabila, bamukhupe, lundi atsaangililwe khu musalaba. Ne khu shifukhu she khataru, alilamusibwa khukhwaama mu bafu.”
Mayi uwe babaana babili aloomba Yezu
(Mrk 10.35-45)
20Lwanyuma maayi we babaana ba Zebedaayo weetsa isi Yezu ni babaana beewe, wafukhama asi nga alikho ni sheesi akana khumuloomba.
21Yezu wamureeba ari “Ukana shiina?”
Naye welamo Yezu ari, “Fukiilisa uri babaana baase bano boombi kane bekhale, mutweela khu mukhono kwoowo kumulayi n'ukuundi khu mukhono kwoowo kumunyeletsi mu Buyiinga bwoowo.”
22Yezu wabelamo ari, “Inywe si mumanya sheesi muloomba ta. Inywe munyala khuunywa khu shikhopo she butsiina sheesi ise intsya khunywakho?”
Nabo bamwiilamo bari, “Ee khunyala.”
23Yezu wabaloma ari, “Ilala khu shikhopo shase she butsiina mulinywakho, ne bye khukhwikhala khu mukhono kwase kumulayi, namwe khu munyeletsi, shiili ise ukhukaba ta. Biifwo ibyo byaabo beesi Paapa wase amala khubiŋoonaŋoonela.”
24Ne baleekelwa babaramile liikhumi ni bawulila shino, bakhalalila babili bano, babaaba wandaaye ni wandaaye. 25#Luk 22.25,26Yezu wabalaanga boosi atweela is'ali, wabaloma ari, “Mwamanya muri bawuli be Banaambo babayila ni kamaani. Ni baraangilisi baawe be angaaki bababakho ni bunyala. 26#Mat 23.11; Mrk 9.35; Luk 22.26Ne mus'iinywe singene shibe shiryo ta. Akhali ndi buli mundu yeesi ukana khuuba umukhulu mwiinywe, akha khuuba umwakaanisi wenywe, 27ni nooyo ukana khuuba unyoowa mwiinywe akha khuuba umwakaanisi wenywe. 28Nga ni shili ndi Umwaana w'Omuundu s'etsa khukhwakaanisibwa ta, ne njeeba khukhwakaanisa, ni khuwanayo bulamu bweewe khuuba she khusikula lwe khuwonesa bakali.”
Yezu awonesa basaani babofu babili
(Mrk 10.46-52; Luk 18.35-43)
29Ne Yezu ni baleekelwa beewe ni baaba nga barura mu Yeriko, lituuli lye babaandu bakali lyamuloondakho. 30Ne abawo basaani babofu babili babaaba bekhaale khu ndulo khwe ntsila, ni bawulila bari Yezu alikho abirawo, balomela angaaki bari, “Umukasya, Mwitsukhulu wa Daudi, khuwaambile shiisa!”
31Ne lituuli lye babaandu lyabarafuyila, nga babaloma bari basile busa, ne babofu beloosela khulomela angaaki bari, “Umukasya, Mwitsukhulu wa Daudi, khuwaambile shiisa.”
32Kila Yezu weema, wabalaanga. Wabareeba ari, “Mukana ise imbakholele shiina?”
33Nabo bamwiilamo bari, “Umukasya, khukana tsimoni tseefwe tsibimbukhe.”
34Yezu wabawambila shiisa, watiila khu moni tsaawe. Lubaluba, banyalisa khubona, bamuloondelela.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.