Matayo 17
17
Khumweekhamweekha khwa Yezu
(Mrk 9.2-13; Luk 9.28-36)
1Lwanyuma lwe bifukhu bisesaba, Yezu watsya ni Petero, Yakobo, ni wandaaye Yohana, baniina khu lukiingi luleeyi, nga bali bonyene. 2Ibweene iyo Yezu wakalusibwa shifwani sheewe nga bamubona. Mu moni mweewe mwamweekhamweekha nga inyaanga, ni bikwaaro byeewe byakhosa nga buwaanga. 3Ni mu saawa nyene iyo, Musa ni Eliya bababonekhela nga bakanikha ni Yezu.
4Petero waloma Yezu ari, “Umukasya, nga shilayi ifwe khuuba nga khuli ano. Noola wakanile, kane noombakhe ano bisari bitaru; shitweela shishoowo, shishiindi sha Musa, ni shishiindi sha Eliya.”
5 #
Rak 22.2; Zab 2.7; Isay 42.1; Mat 3.17; 12.18; Mrk 1.11; Luk 3.22
Maka 18.15
#
2 Pet 1.17,18 Ne n'aba nga ashikanikha aryo, namufweeli umweekhamweekha wabafusaasa, ni likono lyaama mu namufweeli nga liloma liri, “Uyu niye Umwaana wase, umukanwa naabi. Ni mumuwuliliise.”
6Baleekelwa ni bawulila likono ilyo, baakwa asi befumalikha, nga bariire naabi. 7Ne Yezu weetsa, wabawambakho, wabaloma ari, “Ni mwinyukhe, mukharya ta.” 8Baryo ni benyusa tsimoni tsaawe, balekha khubonakho umuundu ukuundi yeesi ta, akhali Yezu yenyene.
9Ne ni baaba nga beekha khukhwaama khu lukiingi, Yezu wabakhonyakilila ari, “Mukhaboolelakho umuundu yeesi khu khubonesebwa khuno ta, khukhwolesa Umwaana w'Omuundu nga walamusibwile khukhwaama mu bafu.”
10 #
Mal 4.5
Baleekelwa bamureeba bari, “Lwashiina baleekeli be kamakaambila ka Musa baloma bari, Eliya niye uwakhila khunyoowa khukhwiitsa?”
11 #
Sir 48.10
Yezu wabelamo ari, “Ilala Eliya niye ulinyoowa khukhwiitsa, aliŋoonaŋoona bibiindu byoosi. 12#Mat 11.14Ne mbaboolela ndi, Eliya wamala khaale khukhwiitsa, ne si bamwofwasa ta, bamukhola shoosi sheesi bakana. Aryo n'Umwaana w'Omuundu musaambo nyeneyo alitaambisibwila mu mikhono kyaawe.”
13Ulwo baleekelwa bamanya bari, aba akanikha isi bali bibiwaamba khu Yohana Umubatisa.
Yezu awonesa umusiinde uwaba ni kusaambwa kuubi
(Mrk 9.14-29; Luk 9.37-43)
14Nga boolele isi lituuli lye babaandu, umusaani mutweela weetsa isi Yezu, wafukhamila asi is'ali. 15Waloma ari, “Umukasya n'uwaambile umusiinde wase shiisa. Akwaka tsifubu, nalundi tsimutaambisa naabi. Tsifuunda ngali, tsimukwiisa mu mulilo, ni mu mbuka ikiindi lukanile mu meetsi. 16Imureerire isi baleekelwa boowo, ne balekha khunyala khumuwonesa ta.”
17Yezu welamo ari, “Inywe muli kumuboolo kukukhafukiilila ta, kukwaborokha, ise indyoolesa ena khuuba ni nanywe? Ise indyoolesa ena khubekhalilikha? Ni mumunderere ano.” 18Yezu wakhookhela shisaambwa shiibi, ni nasho shamururamo. Ni mu mbuka nyeneyo, umusiinde tsana wawonesebwa.
19Lwanyuma baleekelwa beetsa isi Yezu mu shimoonyo, bamureeba bari, “Umukasya, ne lwashiina ifwe sikhunyalile khuwoona shisaambwa isho ta?”
20 #
Mat 21.21; Mrk 11.23; 1 Kor 13.2 Naye Yezu wabelamo ari, “Lwekhuba khufukiilila khweenywe khukyeekhe. Ilala imbaboolela ndi, ni muba ni khufukiilila nga khulekhaana nga khamiitso kaladaali, munyala khuloma lukiingi luno muri, ‘Rura khukhwaama ano, utsye iyo, nio nalwo luliitsya.’ Imbaawo shishiilibabeela shihangafu ta.” 21Imbawo shishinyala shatimisa kumusimu kwe isaambo yino ta, khurusakho khuloomba ni khubuya intsala.
Yezu akanikha lundi khu bye khuufwa khweewe
(Mrk 9.30-32; Luk 9.43-45)
22Nga Yezu ni baleekelwa beewe boosi beetsile atweela i Galilaaya, Yezu wabalomela ari, “Umwaana w'Omuundu atsya khuwaanibwayo mu mikhono kye babaandu. 23Balimwiira, ne khu shifukhu she khataru, alilamusibwa khukhwaama mu bafu.” Ni baleekelwa kumutaambo kwabawamba.
Kumusolo kwe Lisaayilo Likhulu
24 #
Luky 30.13; 38.26 Lwanyuma nga Yezu ni baleekelwa beewe boolele i Kaperunaumu, babusanisi be kumusolo kwe Lisaayilo Likhulu beetsa isi Petero bamureeba bari, “Umuleekeli weenywe asasula kumusolo kwe Lisaayilo Likhulu?” 25Petero wabelamo ari, “Ee, naawa.”
Ne Petero n'ola mu ntsu nga ashiili khuloma ilomo yoosi ta, Yezu wamureeba ari, “Simoni, iwe wambaasa urye? Bayiinga be shiibala, kumusolo namwe busuulu babibusanisa khukhwaama khu banaanu? Khukhwaama khu baana baawe basiinde namwe khukhwaama khu bareende?”
26Petero welamo ari, “Khukhwaama khu bareende.”
Yezu wamuloma ari, “Isho shokesa shiri, babaana bali be lukoosi. 27Ne khulekha khubakhalasa ta, tsya khu nyaantsa, utuume kumulobo kwoowo mu meetsi, uwambise tsinyeeni. Ne iyo yeesi kane unyoowe khuwambisa, wasamise mu khanwa mwayo, kane unyoolemo lipeesa. Kane uliyile, ulibawe, khusasula kumusolo kwase ni kukwoowo.”
Currently Selected:
Matayo 17: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
