Matayo 13
13
Lusimo lw'omumiitsi
(Mrk 4.1-9; Luk 8.4-8)
1Khu shifukhu sheene isho, Yezu warura mu ntsu, watsya khu ndulo khwe inyaantsa wekhala asi#13.1 Baleekeli mu biseela ibyo bekhalatsaka asi nio baleekela babaandu. khuleekela kamatuuli ke babaandu. 2#Luk 5.1-3Ne kutuuli kwe babaandu bano ni kwamubuungililakho lukali, waniina mwikhoŋolo waliikhalamo, ne kamatuuli ke babaandu kemikha khu ndulo. 3Aryo Yezu wababoolela bibiindu bikali busa nga araambisa tsisimo, nga aloma ari: “Abawo umulimi mutweela uwarura khuutsya khumiitsa bumiitso bweewe. 4Ne n'aba nga amiitsa bumiitso, bulala bwakwa khu ntsila, ni binywiinywi byeetsa byabulya. 5Bumiitso bubuundi bwakwa khu lwanda akhali liiloba likali ta, lubaluba, bwarura, ne lwekhuba sibwaba ni liiloba lilimala ta, 6inyaanga ni yarura, bwaniaala. Lwekhuba sibwaba ni kimilandila kimileeyi ta, buryo bwooma. 7Bumiitso bubundi bwakwa mu mawa kakatsowa, karyo kasindakilila bibyarura tsana. 8Bumiitso bubundi bwakwa khu liiloba lilayi, bwatsowa, bwaana bibyaamo, bulala bwaanakho shitoondo shitweela, bubundi kamakhumi kasesaba, bubundi kamakhumi kataru.”
9Yezu wabaloma ari, “Uli ni kamaru ke khuwulila, n'awulile.”
Shitsiililwa she tsisimo
(Mrk 4.10-12; Luk 8.9-10)
10Lwanyuma baleekelwa beetsa isi Yezu, bamureeba bari, “Iwe shiina shikila ukanikha isi babaandu bano musimo?”
11Yezu naye wabelamo ari, “Inywe mwawebwele khumanya bimoonyo bye Buyiinga bwe mwikulu, ne si shili shiryo isi babaandu babaandi ta. 12#Mat 25.29; Mrk 4.25; Luk 8.18; 19.26Lwekhuba buli umuundu yeesi ulikho ni shishiindu, balimuloselakho, ni naye aliiba ni bikali. Ne buli mundu yeesi ukhalikho ni shishiindu shoosi ta, balimurusakho ni khafwiiti akho abe kheesi ali nakho. 13Shino nisho shishikila ise nakanikha musimo: nio khulola balole, ne balekhe khubona ta, khurekeeresa barekeerese, ne balekhe khubimanya ta. 14#Isay 6.9,10Ne buŋoosi bwa Yisaaya umuŋoosi, bwolele isi muli, nga niye n'aloma ari,
‘Babaandu bano khuwulila kane bawulile busa, ne si balibimanya ta.
Khulola kane balole busa, ne si balinyala khubyofwaasa ta.
15Lwekhuba kimyoyo kye babaandu bano kyasitowele,
ni kamaru kaawe kekalikhile,
nalundi bafunyikhilisile tsimoni tsaawe.
Sibanyala khubona ni tsimoni tsaawe ta,
namwe si banyala khuwulila ni kamaru kaawe ta,
nalundi si bamanya ni kimyoyo kyaawe ta.
Baba babanyalisile khukhola bino,
khali bashuukhile beetsa is'ise,
Wele waabwe
ni nase nandibawonesele.’
16 #
Luk 10.23,24 “Ne inywe nga Wele wabaweele ikhabi! Lwekhuba tsimoni tseenywe tsibona, ni kamaru keenywe kawulila. 17Lwekhuba ilala imbaboolela ndi, baŋoosi bakali busa, ni babaandu ba Wele bakwalaafu baakana naabi khubona bibiindu bino inywe byeesi mubona, ne si banyalisa khubibona ta. Nalundi baakana naabi khuwulila inywe byeesi muwulila, ne si baanyalisa khubiwulila ta.
Yezu asontsoola lusimo lw'omumiitsi
(Mrk 4.13-20; Luk 8.11-15)
18“Aso, ari ni murekeerese sheesi lusimo luno lw'omumiitsi lumanyisa. 19Bumiitso bubwakwa khu ntsila nibo babaandu babawulila shilomo she Buyiinga, ne balekha khushimanya ta. Umusiku wa Wele etsa wawutula isho shishimitsiwile mu myoyo kyaawe. 20Bumiitso bubwakwa khu lwanda nibo babaandu babawulila shilomo, bashifukiilila bulayi ni kumwikhoyo mu myoyo kyaawe. 21Ne lwekhuba si bali ni tsiindi taawe, shilomo sishiikha mu myoyo kyaawe mukari shamalakho imbuka ta. Ne bukosi namwe kumutaambo ni biitsa lwe shilomo, babaandu bano bakhasikhana khaangukho. 22Bumiitso bubwakwa akari mu mawa nibo babaandu babawulila shilomo, ne khukhwiyembelela khwe shiibala shino, ni khukhwiwotooma khwe buyiindifu, biryo bisindakilila shilomo byashihesa, shalekha khwanakho bibyaamo ta. 23Ne bumiitso bubwakwa khu liiloba lilayi nibo babaandu babawulila shilomo, bashimanya bulayi. Baryo ilala nibo baanakho bibyaamo, alala baanakho shitoondo shitweela, alala kamakhumi kasesaba, ni alala kamakhumi kataru.”
Lusimo lwe kumusiru
24Yezu wababoolela lusimo luluundi nga aloma ari, “Buyiinga bwe mwikulu bufwananisibwa n'umuundu uwamiitsa bumiitso bulayi mu mukuunda kweewe. 25Ne babaandu ni baaba nga bakonele mu shilo shitweela, umusiku weetsa wamiitsa bumiitso bwe kumusiru akari mu bilime bino watsya. 26Ne iŋaano yino ni yamala khurura, yaanakho bibyaamo, ni kumusiru kwa tsana kwabyoneka. 27Babakaanisi b'omweene mukuunda bamwiitsayo, bamuloma bari, ‘Musakhulu, iwe siwamiitsa bumiitso bulayi mu mukuunda kwoowo? Ne ari kumusiru kuno kwamile waheena?’ 28Naye umweene mukuunda wabaloma ari, ‘Umusiku niye uwakhola bino.’ Babakaanisi tsana bamureeba bari, ‘Ari ukana khutsye khukukhuulake?’ 29Naye wabelamo ari, ‘Taawe, lwekhuba ni kane mube nga mukhuulaka kumusiru, munyala mwakhuulilamo ni ŋaano nayo. 30Lekha byoosi bitsowele atweela khukhwoolesa khu mbuka iye khukyesa. Ni khu mbuka nyene iyo, indiloma babakyesa banyoowe bakhuulake kumusiru, bakubowake kimirwe, bakwoshe. Ne lwanyuma, imbalome babusanise iŋaano bakibuunge mu shiirara shase.’ ”
Lusimo lwe khamiitso Kaladaali
(Mrk 4.30-32; Luk 13.18-21)
31Yezu lundi ndi wababoolela lusimo, nga aloma ari: “Buyiinga bwe mwikulu bufwananisibwa ni khamiitso kaladaali,#13.31 Khano nikho khamiitso khakhafuurayo bufwiiti khu shiibala. kheesi umuundu abukula, wakhamiitsa mu mukuunda kweewe. 32Nakho ikhaba nga khali khafwiiti lukali khufuura bumiitso bubuundi bwoosi khu shiibala, ne ni khaatsowa, khekyelamo kusaala kuboofu khufuurisa kimisaala kikindi kyoosi. Khamiitso khano khamamwo kusaala khweesi binywiinywi bye mu ngaaki biitsa byombekhamo biiswi mu sakya tsakwo.”
Lusimo lwe kamamela
(Luk 13.20-21)
33Yezu wababoolela lusimo luluundi nga aloma ari: “Buyiinga bwe mwikulu bufwananisibwa ni kamamela keesi umukhasi abukula, wakatubaasa mu ndubi tsitaru tse buufu bwe ŋaano, khukhwoolesa buufu bubwakandiwa ni bwasiila.”
Shitsiililwa she tsisimo tsa Yezu
(Mrk 4.33-34)
34Yezu araambisatsaka tsisimo nga n'aba akanikha isi kamatuuli ke babaandu. Mbaawo shishiindu shoosi sheesi abakanikhayo akhali khuraambisa tsisimo. 35#Zab 78.2Shino ashikhola aryo, khukhwoolelesa sheesi Wele alomela mu muŋoosi, nga aloma ari,
“Indiraambisa tsisimo nga inganikha isi babaandu,
indibaboolela bibiindu bibyaba byabisibwa khukhwamila ilala khu khubuumbibwa khwe shiibala.”
Yezu asontsoola lusimo lwe kumusiru
36Lwanyuma nga Yezu warurirewo isi lituuli lye babaandu lyaba, wenjila mu ntsu, baleekelwa beewe beetsa is'ali, bamuloma bari, “N'ukhusontsoole ifwe lusimo lwe kumusiru kukwaba mu mukuunda kwe ŋaano.”
37Yezu naye wabelamo ari, “Umuundu uwamiitsa imiitso indayi mu mukuunda niye Umwaana w'Omuundu. 38Ni kumukuunda nikwo shiibala shoosi, ni bumiitso bulayi nibo babaana be Buyiinga. Ni kumusiru nibo babaana b'omusiku wa Wele. 39N'umusiku uwamiitsa kumusiru kweene niye Sitaani. Likyesa nilyo intsakamo ye shiibala, ni babakyesa nibo bamalayika. 40Nga kumusiru ni kubusanisibwa, kwokhebwa ni kumulilo, ni nasho shiliiba shiryo nga intsakamo ye shiibala yoolile. 41Umwaana w'Omuundu alirumana bamalayika beewe khuutsya babusanise buli mundu yeesi abe ukhola bye bubwonaki bamukhuule, bamuruse mu Buyiinga bweewe. 42Ni babaandu bano babakhola biibi, balibatuuma mu sheeso she kumulilo, mu bweenemwo nimwo mumuliba khulila, ni khukhwilumaka kameeno lwe butsiina bukali. 43#2 Esid 7.97Ne babaandu ba Wele babakhola bye bukwalaafu bamwekhamwekhe nga inyaanga mu Buyiinga bwa Paapa waabwe. Inywe noola muli ni kamaru ke khuwulila ni muwulile.”
Lusimo lwe buyiindifu bubwabisibwa
44Yezu weloosela nga aloma ari: “Buyiinga bwe mwikulu bufwananisibwa ni she buyiindifu shishaba shabisibwa mu mukuunda. Ne umuundu mutweela n'ashinyoola, washibisa lundi. Ni lwe khukhwikhoya khukali, atsya wakulisa byoosi byeesi ali nabyo, lwanyuma wakobola wakula kumukuunda ukwo kwoosi.”
Lusimo lwe shishiindu shishabisibwa
45Yezu ndi lundi waloma ari: “Lundi Buyiinga bwe mwikulu bufwananisibwa n'umuundu umukulisi abe uweentsa shishiindu she lisuno shilayi naabi. 46Ne lwanyuma lwe khunyoola shitweela she lisuno isho, atsya wakulisa ibyo byoosi abe byeesi ali nabyo, wakobola wakula she lisuno shilayi isho.”
Lusimo lwe khatiimba khe khulobelamo tsinyeeni
47Yezu ndi waloma ari: “Lundi ndi Buyiinga bwe mwikulu bufwananisibwa ni khatiimba khe khulobelamo tsinyeeni kheesi batuuma mu nyaantsa. Nakho kharyo khawamba tsinyeeni tsa buli saambo yoosi. 48Khatiimba khano ni khetsula, balobi bakhakhweesa, bakharusa ibulafu khu ndulo khwe inyaantsa khu lwoomu. Baryo bekhala asi, baloondakamo tsindayi, batsira mu shiindu, ne tsitsiili tsiimbi batsituumaka. 49Ni nasho shiliiba shiryo, nga intsakamo ye shiibala yoolile. Bamalayika baliitsa bangalakemo babaandu babakhola biibi khubarusa mu baandu babakhola bye bukwalaafu. 50Baryo babakhola biibi ibo, babatuume mu sheeso she kumulilo. Mu sheeso iyo niyo iliiba khulila ni khukhwilumaka kameeno lwe butsiina bukali.”
Bikhale ni bishaakha
51Lwanyuma Yezu wareeba baleekelwa beewe ari, “Bilomo bino byoosi mwabimanyile bulayi?” Nabo bamwiilamo bari, “Ee, khwabimanyile.”
52Aryo kila abaloma ari, “Nashiryo buli muleekeli yeesi uwe kamakaambila ka Musa uleekebwela wekyela umuleekelwa mu Buyiinga bwe mwikulu, afwanana nga umuundu umweene intsu, wuutsya warusa khukhwaama mwibikhilo lyeewe bibiindu byoosi bishaakha ni bikhale byeene.”
Babaandu be Nazareti bekaana Yezu
(Mrk 6.1-6; Luk 4.16-30)
53Aryo Yezu n'amala khukanikha tsisimo tsino, warura mu shiifwo isho watsya. 54Ne nga wolele mu shiriimba she wawe, watsya warakikha khuleekelela mu ntsu iye khukhwisaayilamo, ni nabo boosi bababaamo beyaanga naabi. Lwekhuba baloma bari, “Oyu kamakyesi kano koosi akamisa waheena, ni kamaani kano ke khukhola bye kamakaanga bino? 55Umweene uyu s'ali niye umwaana w'omubeetsi we tsimbaawo? Maayi weewe s'ali niye Mariya, ni babandaaye beewe si bali nibo Yakobo, ni Yozefu, ni Simoni, ni Yuda? 56Ni bakooko beewe nabo si bamenya mu shiriimba shino? Kale oyuno amisa eena bibiindu bino byoosi?” 57#Yoh 4.44Baryo babaandu ibo boosi bamwikaana lw'ebyo byeesi aba nga akhola.
Ne Yezu wabelamo ari, “Umuŋoosi bamuwa shiriifwa buli andu andi osi, khurusakho ibo be mu shiriimba sheewe ni be mungo mweewe.” 58Ibweene iyo Yezu s'akholayo bye kamakaanga bikali ta, lwekhuba babaandu si babamo ni khufukiilila khwoosi ta.
Currently Selected:
Matayo 13: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 13
13
Lusimo lw'omumiitsi
(Mrk 4.1-9; Luk 8.4-8)
1Khu shifukhu sheene isho, Yezu warura mu ntsu, watsya khu ndulo khwe inyaantsa wekhala asi#13.1 Baleekeli mu biseela ibyo bekhalatsaka asi nio baleekela babaandu. khuleekela kamatuuli ke babaandu. 2#Luk 5.1-3Ne kutuuli kwe babaandu bano ni kwamubuungililakho lukali, waniina mwikhoŋolo waliikhalamo, ne kamatuuli ke babaandu kemikha khu ndulo. 3Aryo Yezu wababoolela bibiindu bikali busa nga araambisa tsisimo, nga aloma ari: “Abawo umulimi mutweela uwarura khuutsya khumiitsa bumiitso bweewe. 4Ne n'aba nga amiitsa bumiitso, bulala bwakwa khu ntsila, ni binywiinywi byeetsa byabulya. 5Bumiitso bubuundi bwakwa khu lwanda akhali liiloba likali ta, lubaluba, bwarura, ne lwekhuba sibwaba ni liiloba lilimala ta, 6inyaanga ni yarura, bwaniaala. Lwekhuba sibwaba ni kimilandila kimileeyi ta, buryo bwooma. 7Bumiitso bubundi bwakwa mu mawa kakatsowa, karyo kasindakilila bibyarura tsana. 8Bumiitso bubundi bwakwa khu liiloba lilayi, bwatsowa, bwaana bibyaamo, bulala bwaanakho shitoondo shitweela, bubundi kamakhumi kasesaba, bubundi kamakhumi kataru.”
9Yezu wabaloma ari, “Uli ni kamaru ke khuwulila, n'awulile.”
Shitsiililwa she tsisimo
(Mrk 4.10-12; Luk 8.9-10)
10Lwanyuma baleekelwa beetsa isi Yezu, bamureeba bari, “Iwe shiina shikila ukanikha isi babaandu bano musimo?”
11Yezu naye wabelamo ari, “Inywe mwawebwele khumanya bimoonyo bye Buyiinga bwe mwikulu, ne si shili shiryo isi babaandu babaandi ta. 12#Mat 25.29; Mrk 4.25; Luk 8.18; 19.26Lwekhuba buli umuundu yeesi ulikho ni shishiindu, balimuloselakho, ni naye aliiba ni bikali. Ne buli mundu yeesi ukhalikho ni shishiindu shoosi ta, balimurusakho ni khafwiiti akho abe kheesi ali nakho. 13Shino nisho shishikila ise nakanikha musimo: nio khulola balole, ne balekhe khubona ta, khurekeeresa barekeerese, ne balekhe khubimanya ta. 14#Isay 6.9,10Ne buŋoosi bwa Yisaaya umuŋoosi, bwolele isi muli, nga niye n'aloma ari,
‘Babaandu bano khuwulila kane bawulile busa, ne si balibimanya ta.
Khulola kane balole busa, ne si balinyala khubyofwaasa ta.
15Lwekhuba kimyoyo kye babaandu bano kyasitowele,
ni kamaru kaawe kekalikhile,
nalundi bafunyikhilisile tsimoni tsaawe.
Sibanyala khubona ni tsimoni tsaawe ta,
namwe si banyala khuwulila ni kamaru kaawe ta,
nalundi si bamanya ni kimyoyo kyaawe ta.
Baba babanyalisile khukhola bino,
khali bashuukhile beetsa is'ise,
Wele waabwe
ni nase nandibawonesele.’
16 #
Luk 10.23,24 “Ne inywe nga Wele wabaweele ikhabi! Lwekhuba tsimoni tseenywe tsibona, ni kamaru keenywe kawulila. 17Lwekhuba ilala imbaboolela ndi, baŋoosi bakali busa, ni babaandu ba Wele bakwalaafu baakana naabi khubona bibiindu bino inywe byeesi mubona, ne si banyalisa khubibona ta. Nalundi baakana naabi khuwulila inywe byeesi muwulila, ne si baanyalisa khubiwulila ta.
Yezu asontsoola lusimo lw'omumiitsi
(Mrk 4.13-20; Luk 8.11-15)
18“Aso, ari ni murekeerese sheesi lusimo luno lw'omumiitsi lumanyisa. 19Bumiitso bubwakwa khu ntsila nibo babaandu babawulila shilomo she Buyiinga, ne balekha khushimanya ta. Umusiku wa Wele etsa wawutula isho shishimitsiwile mu myoyo kyaawe. 20Bumiitso bubwakwa khu lwanda nibo babaandu babawulila shilomo, bashifukiilila bulayi ni kumwikhoyo mu myoyo kyaawe. 21Ne lwekhuba si bali ni tsiindi taawe, shilomo sishiikha mu myoyo kyaawe mukari shamalakho imbuka ta. Ne bukosi namwe kumutaambo ni biitsa lwe shilomo, babaandu bano bakhasikhana khaangukho. 22Bumiitso bubwakwa akari mu mawa nibo babaandu babawulila shilomo, ne khukhwiyembelela khwe shiibala shino, ni khukhwiwotooma khwe buyiindifu, biryo bisindakilila shilomo byashihesa, shalekha khwanakho bibyaamo ta. 23Ne bumiitso bubwakwa khu liiloba lilayi nibo babaandu babawulila shilomo, bashimanya bulayi. Baryo ilala nibo baanakho bibyaamo, alala baanakho shitoondo shitweela, alala kamakhumi kasesaba, ni alala kamakhumi kataru.”
Lusimo lwe kumusiru
24Yezu wababoolela lusimo luluundi nga aloma ari, “Buyiinga bwe mwikulu bufwananisibwa n'umuundu uwamiitsa bumiitso bulayi mu mukuunda kweewe. 25Ne babaandu ni baaba nga bakonele mu shilo shitweela, umusiku weetsa wamiitsa bumiitso bwe kumusiru akari mu bilime bino watsya. 26Ne iŋaano yino ni yamala khurura, yaanakho bibyaamo, ni kumusiru kwa tsana kwabyoneka. 27Babakaanisi b'omweene mukuunda bamwiitsayo, bamuloma bari, ‘Musakhulu, iwe siwamiitsa bumiitso bulayi mu mukuunda kwoowo? Ne ari kumusiru kuno kwamile waheena?’ 28Naye umweene mukuunda wabaloma ari, ‘Umusiku niye uwakhola bino.’ Babakaanisi tsana bamureeba bari, ‘Ari ukana khutsye khukukhuulake?’ 29Naye wabelamo ari, ‘Taawe, lwekhuba ni kane mube nga mukhuulaka kumusiru, munyala mwakhuulilamo ni ŋaano nayo. 30Lekha byoosi bitsowele atweela khukhwoolesa khu mbuka iye khukyesa. Ni khu mbuka nyene iyo, indiloma babakyesa banyoowe bakhuulake kumusiru, bakubowake kimirwe, bakwoshe. Ne lwanyuma, imbalome babusanise iŋaano bakibuunge mu shiirara shase.’ ”
Lusimo lwe khamiitso Kaladaali
(Mrk 4.30-32; Luk 13.18-21)
31Yezu lundi ndi wababoolela lusimo, nga aloma ari: “Buyiinga bwe mwikulu bufwananisibwa ni khamiitso kaladaali,#13.31 Khano nikho khamiitso khakhafuurayo bufwiiti khu shiibala. kheesi umuundu abukula, wakhamiitsa mu mukuunda kweewe. 32Nakho ikhaba nga khali khafwiiti lukali khufuura bumiitso bubuundi bwoosi khu shiibala, ne ni khaatsowa, khekyelamo kusaala kuboofu khufuurisa kimisaala kikindi kyoosi. Khamiitso khano khamamwo kusaala khweesi binywiinywi bye mu ngaaki biitsa byombekhamo biiswi mu sakya tsakwo.”
Lusimo lwe kamamela
(Luk 13.20-21)
33Yezu wababoolela lusimo luluundi nga aloma ari: “Buyiinga bwe mwikulu bufwananisibwa ni kamamela keesi umukhasi abukula, wakatubaasa mu ndubi tsitaru tse buufu bwe ŋaano, khukhwoolesa buufu bubwakandiwa ni bwasiila.”
Shitsiililwa she tsisimo tsa Yezu
(Mrk 4.33-34)
34Yezu araambisatsaka tsisimo nga n'aba akanikha isi kamatuuli ke babaandu. Mbaawo shishiindu shoosi sheesi abakanikhayo akhali khuraambisa tsisimo. 35#Zab 78.2Shino ashikhola aryo, khukhwoolelesa sheesi Wele alomela mu muŋoosi, nga aloma ari,
“Indiraambisa tsisimo nga inganikha isi babaandu,
indibaboolela bibiindu bibyaba byabisibwa khukhwamila ilala khu khubuumbibwa khwe shiibala.”
Yezu asontsoola lusimo lwe kumusiru
36Lwanyuma nga Yezu warurirewo isi lituuli lye babaandu lyaba, wenjila mu ntsu, baleekelwa beewe beetsa is'ali, bamuloma bari, “N'ukhusontsoole ifwe lusimo lwe kumusiru kukwaba mu mukuunda kwe ŋaano.”
37Yezu naye wabelamo ari, “Umuundu uwamiitsa imiitso indayi mu mukuunda niye Umwaana w'Omuundu. 38Ni kumukuunda nikwo shiibala shoosi, ni bumiitso bulayi nibo babaana be Buyiinga. Ni kumusiru nibo babaana b'omusiku wa Wele. 39N'umusiku uwamiitsa kumusiru kweene niye Sitaani. Likyesa nilyo intsakamo ye shiibala, ni babakyesa nibo bamalayika. 40Nga kumusiru ni kubusanisibwa, kwokhebwa ni kumulilo, ni nasho shiliiba shiryo nga intsakamo ye shiibala yoolile. 41Umwaana w'Omuundu alirumana bamalayika beewe khuutsya babusanise buli mundu yeesi abe ukhola bye bubwonaki bamukhuule, bamuruse mu Buyiinga bweewe. 42Ni babaandu bano babakhola biibi, balibatuuma mu sheeso she kumulilo, mu bweenemwo nimwo mumuliba khulila, ni khukhwilumaka kameeno lwe butsiina bukali. 43#2 Esid 7.97Ne babaandu ba Wele babakhola bye bukwalaafu bamwekhamwekhe nga inyaanga mu Buyiinga bwa Paapa waabwe. Inywe noola muli ni kamaru ke khuwulila ni muwulile.”
Lusimo lwe buyiindifu bubwabisibwa
44Yezu weloosela nga aloma ari: “Buyiinga bwe mwikulu bufwananisibwa ni she buyiindifu shishaba shabisibwa mu mukuunda. Ne umuundu mutweela n'ashinyoola, washibisa lundi. Ni lwe khukhwikhoya khukali, atsya wakulisa byoosi byeesi ali nabyo, lwanyuma wakobola wakula kumukuunda ukwo kwoosi.”
Lusimo lwe shishiindu shishabisibwa
45Yezu ndi lundi waloma ari: “Lundi Buyiinga bwe mwikulu bufwananisibwa n'umuundu umukulisi abe uweentsa shishiindu she lisuno shilayi naabi. 46Ne lwanyuma lwe khunyoola shitweela she lisuno isho, atsya wakulisa ibyo byoosi abe byeesi ali nabyo, wakobola wakula she lisuno shilayi isho.”
Lusimo lwe khatiimba khe khulobelamo tsinyeeni
47Yezu ndi waloma ari: “Lundi ndi Buyiinga bwe mwikulu bufwananisibwa ni khatiimba khe khulobelamo tsinyeeni kheesi batuuma mu nyaantsa. Nakho kharyo khawamba tsinyeeni tsa buli saambo yoosi. 48Khatiimba khano ni khetsula, balobi bakhakhweesa, bakharusa ibulafu khu ndulo khwe inyaantsa khu lwoomu. Baryo bekhala asi, baloondakamo tsindayi, batsira mu shiindu, ne tsitsiili tsiimbi batsituumaka. 49Ni nasho shiliiba shiryo, nga intsakamo ye shiibala yoolile. Bamalayika baliitsa bangalakemo babaandu babakhola biibi khubarusa mu baandu babakhola bye bukwalaafu. 50Baryo babakhola biibi ibo, babatuume mu sheeso she kumulilo. Mu sheeso iyo niyo iliiba khulila ni khukhwilumaka kameeno lwe butsiina bukali.”
Bikhale ni bishaakha
51Lwanyuma Yezu wareeba baleekelwa beewe ari, “Bilomo bino byoosi mwabimanyile bulayi?” Nabo bamwiilamo bari, “Ee, khwabimanyile.”
52Aryo kila abaloma ari, “Nashiryo buli muleekeli yeesi uwe kamakaambila ka Musa uleekebwela wekyela umuleekelwa mu Buyiinga bwe mwikulu, afwanana nga umuundu umweene intsu, wuutsya warusa khukhwaama mwibikhilo lyeewe bibiindu byoosi bishaakha ni bikhale byeene.”
Babaandu be Nazareti bekaana Yezu
(Mrk 6.1-6; Luk 4.16-30)
53Aryo Yezu n'amala khukanikha tsisimo tsino, warura mu shiifwo isho watsya. 54Ne nga wolele mu shiriimba she wawe, watsya warakikha khuleekelela mu ntsu iye khukhwisaayilamo, ni nabo boosi bababaamo beyaanga naabi. Lwekhuba baloma bari, “Oyu kamakyesi kano koosi akamisa waheena, ni kamaani kano ke khukhola bye kamakaanga bino? 55Umweene uyu s'ali niye umwaana w'omubeetsi we tsimbaawo? Maayi weewe s'ali niye Mariya, ni babandaaye beewe si bali nibo Yakobo, ni Yozefu, ni Simoni, ni Yuda? 56Ni bakooko beewe nabo si bamenya mu shiriimba shino? Kale oyuno amisa eena bibiindu bino byoosi?” 57#Yoh 4.44Baryo babaandu ibo boosi bamwikaana lw'ebyo byeesi aba nga akhola.
Ne Yezu wabelamo ari, “Umuŋoosi bamuwa shiriifwa buli andu andi osi, khurusakho ibo be mu shiriimba sheewe ni be mungo mweewe.” 58Ibweene iyo Yezu s'akholayo bye kamakaanga bikali ta, lwekhuba babaandu si babamo ni khufukiilila khwoosi ta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.